小皇府 (惠安苑) (Closed)

茶餐廳嘅格局，高級酒樓嘅水準，材料新鮮，即叫即製，食到拍爛手掌，好味又抵食。晚上嘆點心我都係第一次，感覺新奇。蟹皇滑燒賣可揀兩粒或四粒，方便人少可享用多幾款。熱辣辣，鮮香。帶子魔鬼魚餃魔鬼魚造型非常搞鬼。帶子餡料足，口感豐富。XO醬蒸鳳爪鳳爪有嚼口，如XO醬味道再特顯一點會更好味。咸水角久違的一個點心。皮薄餡靚。手撕雞春卷春卷炸得脆脆，沒有油膩感。有雞絲，蔬菜絲，滿口餡料，真材實料。沙參肉竹老火湯鮮，甜，夠火喉，夠滋潤。燒拼三味燒鵝，义燒，白切雞不用一百元，大大碟。燒鵝肉質鮮嫩多汁。义燒肥瘦適中，蜜汁惹味。柚子西米焗布甸不過甜最啱我。微微的柚子味，好香。友人讚不絕口。

今日去鰂魚涌飲茶，平日有$40 早晨套餐食，仲要唔使+1真係好抵！叫咗個叉燒腸，皮蛋瘦肉粥，再配流沙豬仔包同上湯小籠包兩件！叉燒腸的叉燒半肥瘦，好好食餡料算好多皮薄，不錯！皮蛋瘦肉粥，足底好綿，皮蛋同瘦肉份量都好多，係清腸胃之選！流沙豬仔包外型是小豬的樣子，粉紅色的是小女打卡之選！餡料都是爆餡，心心眼！另外仲叫咗鳳爪排骨飯$48，即叫即整的煲仔飯，排骨好入味 少少肥肉！淋上醬油 飯都可以食多碗！仲叫左個小皇府鮮蝦餃，餡料最多的，入面有成3/4隻蝦，彈牙有口感！果然是招牌之選！水滾茶靚，食個點心，同友人閒談一番 開心！

放假最喜歡做老人家活動，悠閑嘆茶食件點心，今日黎到屋村下面嘅小皇府，慢慢嘆一盅兩件，呢到全日唔收加一，又有早晨套餐，非常抵食。我同朋友叫左2個早晨套餐，另外再叫幾款點心。皮蛋瘦肉粥早晨套餐之一，絕對足料，瘦肉皮蛋非常多，而且粥底好綿，比好多大集團更優勝蜜汁叉燒腸腸粉即叫即整，用半肥瘦叉燒，腸粉皮薄餡料足，推介雪山菠蘿叉燒包必叫之選，叉燒包真係有菠蘿，雖然有少許冷卻左，但無影響口感！鵪鶉蛋燒賣舊式酒樓先有得叫，難得有一定要點，燒賣混入磾牙蝦肉&豬肉，再加上滑溜鵪鶉蛋，絕對有驚喜。總結：2個人食唔到好多，有點可惜，款款足料仲好味，價錢大約二百幾蚊已經食到超飽。

放假最好飲早茶，今日試咗間新酒樓响鰂魚涌，叫小皇府，對正港島東中心。茶錢唔貴，每人只係$9。兩個人又想食多啲嘢，所以蝦餃燒賣都可以叫兩隻一籠，咁就非常好啦。蝦餃裡的鮮蝦十分爽口，但少了筍絲感覺差一點。燒賣就餡料充足，好吃。XO醬蒸鳳爪味道新奇，但如果能夠在炆焾一點會更好。薑蔥牛柏葉炆得入味，但仍然有應有的口感，不錯。小王府叉燒腸粉屬於招牌菜，因為這裏的叉燒是特別推介，而且餡料非常充足，每口的叉燒份量非常多，抵食。瑤柱煎蘿蔔糕，蘿蔔切得很大粒，每啖都有蘿蔔，而海味蝦米都落得充足，煎得亦香脆。另外一個招牌菜是雪山菠蘿叉燒包，包裡面居然真是有一粒菠蘿肉，感覺神奇🤣另外的帶子魔鬼魚餃，餡料有帶子及蝦膠，造型就像魔鬼魚，都很好食。而白灼時蔬就十分大碟，食了很多肉之後食蔬菜可以中和一下。整體感覺不錯，餐廳光猛，有大玻璃感覺開揚，侍應服務殷勤👍

今天工作非常忙碌，只想享受一個簡單的晚餐，使我可放下緊張的工作，這間小皇府晚上也可以點點心吃，就選一這間了。足料燉湯是豬肺菜乾湯，在這個秋燥的天氣下，喝一口湯是人感覺很滋潤。原隻鮑魚燒賣，真是有成隻鮑魚給你，這個鮑魚煮汁煮的感覺軟滑可口，而且濃烈。瑤柱素翅灌湯餃，雖然說是素翅但真的有翅的感覺，湯頭比較甜美。油鴨肶臘味飯，真是分量充足，很久沒有吃油鴨肶了，平時吃的比較鹹，但這個是嫩滑得來香的。蒜蓉炒勝瓜，蒜蓉香味十足更勝瓜非常配合。燒味拼盤改要燒鵝髀，叉燒半肥瘦嫩滑得來帶點甜味而且肉汁豐富，燒腩仔皮脆肉香，燒鵝髀 肥美十足、入口後在口腔內油花四濺。味道: 可以一試環境: 尚可衛生: 整潔服務: 尚可價錢: 超值

今日下晝近近哋去咗太古惠安苑嘅小皇府嘆一盅兩件。人唔多，服務又好，坐得好舒服。🍴潮蓮燒鵝 例牌$72 原隻燒鵝髀, 望到都想食，皮脆肉嫩，燒味出色。🍴白灼時蔬$36娃娃菜幾新鮮清甜。🍴原隻鮑魚燒賣 $46/粒 點了兩粒，原隻鮑魚都幾大隻，燒賣大大粒。 🍴燉湯$35今日係菜乾豬肺湯 ，幾潤喉。🍴小皇府鮮蝦餃$22 幾大隻，皮薄餡靚。🍴香芒布甸$24 食埋甜品滿足曬，都幾大杯。👍兩點後嘅下午茶仲有全單8折非常抵。

大學朋友在太古上班，今晚等他一起吃個晚飯，看到二人套餐都幾便宜，就進來這間中菜餐廳。【蟲草菇燉湯】中式的湯水真的很滋潤又好喝，有粟子、蟲草菇和瘦肉，味道不會太濃，而且沒有味精，所以喝完不口渴。【鮮果咕嚕肉】咕嚕肉外皮鬆脆，中間的豬肉又幾鬆軟，口感出色，是比較好吃的質地。醬汁酸甜適中，因為肉質是最重要的，這道菜整體感覺提升！【海鮮雜菜煲】面頭鋪了蝦乾、魚肉和瑤柱，端上來還熱呼呼的翻滾著，湯底鮮甜清淡，加上鮮菇味道強烈，粉絲索滿湯汁味。【蟹皇滑燒賣】整舊燒賣都是蝦肉，很足料！【柚子焗西米布甸】作飯後甜品一流，中間還真的夾著柚子果肉。我個人覺得小菜比點心出色，而且在太古一帶算是便宜。

小皇府在華蘭路開業都有一段時間，雖然在家附近，但還沒光顧過。華蘭路沒有英皇道那邊人多口雜，旺中帶靜，路傍一列食肆，有中有西，任君選擇。區內食肆一般午市比較繁忙，晚市較為閒適。小皇府位於路傍列中，一排落地玻璃，光線充足，景觀開揚。店內佈置簡潔，地方寬敞，環境舒適。小皇府有多款特色點心、腸粉、煲仔飯、醒胃小食、明爐燒味、晚市小菜套餐等供應。早市、下午茶點心更有8折優惠。揍晚飯時間過來，可以吃小菜，還可以嚐點心，實行一石二鳥。原隻鮑魚燒賣果然賣相夠貴氣，大粒燒賣頂頭放了一隻嬌小鮑魚，造型精美。迷你鮑魚味鮮，軟腍又帶點煙韌，燒賣以鮮肉和鮮蝦炮製，蝦肉爽口彈牙，鮑魚和燒賣果然是完美配搭。鴛鴦雞翼外皮金黃香脆，鴛雞翼中間塞滿粘香糯米，鴦雞翼中間則釀了芝士和冬菇粒，外型飽滿，口感豐富。再來紅燒乳鴿，件頭算大，外表脹卜卜又富光澤，肉汁豐富，鴿肉嫩滑，吃時蘸少許淮鹽，更加惹味。小菜西蘭花炒龍躉球，厚身龍躉大大塊，肉滑味鮮，配翠綠新鮮西蘭花，挺好味。貴妃雞飯，雞肉幼滑配香軟飯粒，好味又飽肚。飯後甜品薑汁千層糕，深淺相間褐色薑汁千層糕，賣相不錯。蒸得既香且甜，軟滑煙韌，而且薑汁充沛，薑味濃郁。柚子焗西米布甸

風平浪靜掛了8號風, 突如其來有日颱風假, 入夜後落波, 正好同家人外出食飯。爸爸一向喜歡食一盅兩件, 難得今日一家人有空閒時間, 就一齊嘆個晚市茶聚。鰂魚涌小皇府, 供應點心、燒味、中式小炒, 晚市茶位$9/位, 全日免加一, 價錢合理。因為颱風關係, 當晚存貨不多, 沒有供應燒味, 還好點心款式多, 足夠我地一家食餐飽。食一盅兩件, 蝦餃、燒賣都不可缺少。【小皇府鮮蝦餃】HK$42賣相脹卜卜, 晶瑩剔透, 皮薄足料, 塞滿鮮甜爽口蝦肉, 非常推介!! 【帶子魔鬼魚餃】HK$38餃狀呈魔鬼魚形, 同樣皮薄, 入面都是鮮甜爽口蝦肉, 但唔太食到有帶子, 反而口感同味道如同蝦餃一樣。【蟹皇滑燒賣】HK$40充滿豬肉香, 豬肉質地唔鞋口, 不過所謂蟹皇就只有面層點驟果一點, 所以食唔出蟹皇既甘香, 但對比其他店既燒賣, 確實呢度味道取勝!【XO醬蒸鳳爪】HK$28鳳爪入味夠林, 很有XO醬豉汁味【鵪鶉蛋燒賣】HK$33鵪鶉蛋連同蛋黃都是軟滑, 燒賣中有唔少鮮甜爽口蝦肉, 口感同味道都很讚~【鮮竹牛肉球】HK$30外表好似有D乾身, 但咬落去中心位還是keep到原本既肉汁, 濃郁牛肉香, 不

今晚特別肚餓，行過見到一間有點心又有小菜的小皇府正合心意，兩個人先吃了招牌叉燒，燒得好，有焦香、有光澤，幾嫩，味濃，送飯一流。點心就吃了帶子魔鬼餃，有兩隻眼睛樣子似魚，皮薄，味道似蝦餃；瑤柱素翅灌湯餃湯甜料足。小菜方面點了經濟抵食的晚市孖寶：金蒜茄子蒸龍躉頭＋艇皇湯浸菜苗，份量唔少，$198兩個餸，的確唔貴。龍躉肉厚，伴以茄子及菜心。點了陳村粉蒸排骨，陳村粉份量唔少，足夠無需點飯，排骨鬆軟好食，有軟骨、有少許肥，唔差。本來想吃餐牌說是必點的雪山菠蘿叉燒包，但早已沽清，轉點薑汁千層糕，薑味亦很夠。環境光猛舒適，服務到位出菜時間合理，不惜為放工食完飯返屋企的理想選擇之一。

去開港島做野，約左朋友食晚飯，上網搵到呢間小皇府都幾多好評，好耐無食中菜，今晚一於試試。 晚市小菜套餐設2/4/6人套餐，可以選指定小菜，另設燒味拼盤、足料燉湯及白飯，性價比頗高。 XO醬雲耳勝瓜蝦球勝瓜營養價值比節瓜為高，雲耳爽脆、蝦球彈牙有嚼勁，加入鹹香鮮美XO醬，提升味道層次。 薑蔥霸王雞 (半隻)雞件嫩滑，醃得夠入味，以薑蔥、豉油等簡單調味，滲入每件雞肉，香口又惹味。 西蘭花炒龍躉球生炒碧綠西蘭花夠爽身，龍躉片新鮮爽滑魚味濃。 鴛鴦雞翼分別釀上糯米飯及芝士蘑菇，好惹味。 足料燉湯健脾養陰，啖啖清甜。

舊同事搬咗去鰂魚涌惠安苑，今日攪聚會慶祝入伙，晚餐就在樓下小皇府用餐，因疫情下我們要分枱坐，餐廳裝修雅致，座位舒適。小皇府主打自家巧手精製的點心及廣東燒味；由傳統到創新，各款美食煎炒煮炸蒸燉燒一應俱全。潮蓮燒鵝四份一隻：燒鵝燒至其皮脆而且富有光澤，賣相吸引，肉質嫩滑入味、香脆多汁。配酸梅醬可提升味道！紅燒乳鴿：即叫即炸，乳鴿皮脆、肉滑、骨嫩、多汁。小皇府蜜汁叉燒：美味的蜜汁叉燒肉，甜絲絲的，甘香又不膩，肉質軟硬適中。淨瀬粉：瀨粉入口爽滑，配燒味食一流。小皇府鮮蝦餃：點心即叫即蒸，蝦餃餡料飽滿，皮薄而軟程半透明，純蝦肉蝦餃爽口彈牙，餃內還有少量汁液。蟹黃滑燒賣：有些點心可以叫一半份量，方便客人多嘗一些款式，港點必吃扎實鮮香的蟹黃蒸燒賣，蟹黃香氣不算濃，但滑口，內有鮮蝦口感扎實彈牙！XO醬蒸鳳爪：豉汁鳳爪食得多，今次試試用XO醬蒸。將炸過的鳳爪用XO醬蒸，味道鮮中帶辣，濃濃的醬汁包住每隻鳳爪，十分好惹味！鵪鶉蛋燒賣：懷舊點心之一，入口充滿蛋香，十分美味！瑤柱蒸蘿蔔糕：中國人的傳統食品，用鮮甜的瑤柱蒸好蘿蔔糕，再煎至兩邊微蕉，鮮味又香口，配埋辣椒醬更美味。迷你珍珠雞：味道比較普通，餡料有一些

小皇府係一間街坊中菜館，沒有連鎖茶樓的名氣，但食物質素卻不差，而且價錢亦大眾化。間唔中都會同屋企人嚟幫襯。其中有幾道菜我覺得非常唔錯。金蒜茄子蒸龍躉球🐟鋪上蒜蓉及茄子與蒸龍躉味道十分搭配~ 龍躉真係不槐是海中之王者，肉質爽滑彈牙，做法簡單， 味道鮮甜而且又保留魚的鮮味。黄金沙律蝦🦐黃金蝦炸得脆卜卜，再配沙律醬，真係食唔停口。紅燒乳鴿🔥依到嘅乳鴿體積唔算大，但係上枱時已經聞到肉香，外皮香脆而不滴油，入口更是肉香四溢，任何部位肌肉均嫩滑多汁，可見火候控制得宜，非常有水準😋

過幾日就係中秋節喇！去咗aeon買啲水果應下節行完aeon就係時候食嘢好耐都無飲茶食點心啦，所以就決定去飲茶超級肚餓一坐底要即刻叫個飯黎食先！北菇滑雞煲仔飯雖然呢個煲仔飯無飯焦，有點失望但係啲雞好滑喎相信一定係新鮮雞件，因為好有雞味雞油亦滲左落啲飯度，好香叻叻豬流沙包每次去飲茶都必點既流沙包！呢個流沙包實在太可愛啦，唔捨得咬落去奶黃餡料好香，唔會好甜！不過略嫌太細個兩三啖就已足經食完，唔多夠喉！泡椒鳳爪鳳爪夠淋，不過泡椒味唔夠入味！有啲遜色⋯⋯紅油抽手呢個好有驚喜餃子皮夠薄，肉餡唔會太多，份量岩岩好所以食落唔會好膩，而且一啲肥肉都無，我最怕食到有肥豬肉雖然辣味唔突出，但勝在蒜味好香，再加埋醬油，味道好突出手撕雞春卷新鮮炸起，脆卜卜中間有手撕雞、木耳絲，蘿蔔絲，一齊食好有口感黃金沙律蝦呢個炸衣有啲厚，而且蝦隻無咩口感食落好淋，有啲失色！薑汁千層糕口感好軟糯，不過卻欠缺薑味！只係得好淡既薑味咋⋯⋯埋單發現原來仲有八折優惠超抵呀！