霸王山莊

Open Now

Now Closed

習慣在星期六和家人外出用膳,今日特登去左尖沙咀靠東的漆咸道。今天係打風後的第三日,傍晚又開始落雨,坐巴士到達,直接揀了上海菜的霸王山莊。外觀裝修企理,今日六點零就到達,餐廳地面及樓上都有用餐區。雖然是晚市啱啱開始的時間,但樓下四人坐位已滿,大約有十張枱左右,我哋只好上樓上雅座,樓上也只有八張枱,仲有十人大圓枱。我們選了四座位卡座,座位闊落、乾淨。我們是第一枱上樓上的(自行上了樓上),熱情及儘責的待噟,隨即跟了上嚟,為我哋加位及開茶。打開餐牌,先揀了一個二人餐-,再揀了主餐牌的心機手工菜式-榶醋松子桂魚。套餐先嚟一份開胃涼拌-撈汁繡球菌(鮮雪耳),味道中和又不失開胃小菜之名, 跟住上了兩碗瑤柱海皇羹,份量大,夠四人飲,味道不過不失。滬式濃醬燜桶蠔,味道濃郁,蠔都比較大隻、肥美,啖啖肉,好野味。北京烤鴨,金黃色外皮,熱辣辣餅皮,也很有水準。小籠包皮薄餡鮮而不膩。帶子蛋白炒飯,飯底比較濕,不太粒粒分明,但味道也不錯。最期待既就係自選的榶醋松子桂魚,全部人都好期待,立體桂花魚加上色彩繽紛榶醋松子,已經令我哋好興奮,首先大家都先試試榶醋松子,味道好好,不太酸、不太甜,味到恰到好,再試試魚肉,薄薄

工作日中午時段人流頗多，點了抵食套餐，是紅燒肉面，加三式涼菜。對女生來說份量太大，味道過淡，肉太多，不合個人口味，但面條是傳統上海面，感覺比較正宗。三式涼菜味道很好，是青瓜、茄子、排骨，青瓜特別青爽。總體勝在價錢合理，加上服務費只需要$53.5，比很多快餐店便宜。環境比較舒適，還送上茶，有時間都可以坐耐啲慢慢嘆茶。

間嘢好似冇冷氣咁 勁熱勁焗🥵🥵其實全部都好普通 而且都幾貴係見有信用卡優惠先至可接受啲片皮鴨皮多過肉👎🏻不過臭豆腐都可以一試！但夏天食飯好似冇冷氣咁真係搞唔掂冇下次！！

服务很差。员工不友好。面条没有味道。我要求加酱油和辣椒油，员工等了三十分钟都没给我。我的食物都凉了。非常糟糕。不会再来了。非常糟糕。我再也不会来了。一星级服务。

每每路經這間位於尖沙咀安年大廈的老店霸王山莊，總不禁會心一笑。多年來，這家老店憑藉著師傅們扎實的功夫和對傳統上海菜的堅持，成為了本地饕客的首選之地。首先點上一盤經典的**北京烤鴨**,皮薄脆爽,肉質鮮嫩多汁,保留了鴨肉本來的淋漓誘人。作為這家老店的招牌菜式之一,它無疑展現了廚師們對於烹飪工藝的精準掌握。接下來的**話梅豬手**更是令人難忘。酥脆的皮層下蘊含著軟嫩的肉質,融合了獨特的梅子香氣,讓人一口接一口停不下來。這道菜既保留了傳統的烹飪技藝,又賦予了嶄新的口感和風味,實在是一絕。最後是令人難忘的**炸香滑豆腐**。外層酥脆,內裡嫩滑如泥,配以特製的醬汁,不僅提升了豆腐本身的鮮香,更添上了一抹迷人的色彩。這道菜式簡單卻不簡單,充分展現了老店的用心與功力。總的來說,霸王山莊作為一家擁有20多年歷史的老字號,始終堅持著傳統粵菜的精髓,並在此基礎上融入了新穎的元素,為食客呈現出獨特的味蕾體驗。無論是慕名而來的饕客,還是偶然路過的食家,在這裡都能找到屬於自己的味道記憶。

於今星期六，我提前與屋企人慶祝父親節，選擇了尖沙咀的霸王山莊，這是一家擁有20年歷史的老店。這裡保留著傳統的味道，而且環境寬敞，非常適合一家人聚餐。我們坐在樓下的一個圓台，這樣我們可以更舒適地享受晚餐時光。我們點了許多野食，其中包括北京烤鴨、醉雞、小籠包、炸豆腐、話梅豬手等等，難得到屋企人食飯～～北京烤鴨是必點的經典菜式，外皮酥脆，內部肉質鮮嫩，帶著淡淡的甜味。醉雞也相當出色，肉質嫩滑多汁，並有微醺的香氣。小籠包是我的最愛，皮薄餡多，一口咬下去味道十足。炸豆腐外酥內軟，口感極佳，而話梅豬手則是咸甜適中，豬手酥軟多汁，令人回味無窮。在霸王山莊的晚餐中，我們品嚐了各種美食，每一道菜都味道鮮美。不論是傳統的口味還是用心的烹飪，對這家餐廳留下了深刻的印象。味道真的不錯而且價錢適中！

好耐冇出過去尖沙咀，今日工作關係喺附近做嘢，自己一個人食啊，唔知食乜好！最後決定嚟咗呢度食午飯，嚟到呢度環境冇變，一些老員工仍在，實在難得。最後點選咗一個雪菜肉絲湯麵，招牌小籠包，雪菜肉絲湯麵，味道清清地幾好，唔會過鹹，招牌小籠包十年如一日，皮夠薄，湯汁夠，依然係20年前嘅味道。食晏期間，見到好多外國遊客幫襯，但睇落去以韓國遊客佔多，大部份遊客都食北京烤鴨，見到我都想食，不過今次得我一個人，所以食唔到，唯有下次帶埋屋企人嚟食。

平時食完都唔會有咩食評但今次真係好難食又貴26／4 14人食中午 2圍人叫左2個6人餐散叫左2個炒飯 生煎包 小籠包等餐內有魚湯 係街市到聞到既魚檔味道 加左胡椒粉都無用其他餸都係好重油但無味道2個炒飯有顏色但都係無味道 同用油炒散個白飯無分別生煎包 個包底同包身一夾就分離 入面好乾高力豆沙係 炸既豆沙包 好厚皮但又係好淡最埋2個套餐7折下 埋單係6700總括而言 如果追求 餸菜油膩 但味道清淡的可以去光顧但我就一定冇下次唯一可以讚既係 個服務都算好但食肆得服務好但食物質素唔得既 都係無用嫁

今日同朋友行街,行左幾個鐘,對腳就黎斷咁濟,於是朋友話要食好D補返D體力,所以就去左霸王山莊哩間野我只係N年前食過一次今次既野食主要係朋友發辦~霸王小籠包好食!!皮薄餡靚,湯包入面有肉汁~上海炒年糕同平時食開個D差唔多~北京填鴨哩個等左一陣先到,黎到好香,忍唔住立即食啦好好食阿!份量都多,兩個人食剛剛好(可能因為我地大食)~高力豆沙上枱時熱辣辣,好好食,又唔會好甜為今餐飯劃上完美句號

今日約左成班朋友系尖沙咀食中菜，叫左好多款美食，水準平平均均喇北京填鴨二百幾蚊唔算好貴，五個人share 每人都包左三、四次，份量過關味道正常發揮喇，個皮算脆，隻鴨唔會太肥羊肉餃子羊肉味唔太出，同普通餃子無咁分別上海炒年糕炒年榚有獲氣，黑鼓油炒落上色靚味道甜甜地好好味，口感QQ好好味沙窩雲吞雞雲吞夠薄皮，蝦肉同豬肉半肥瘦，幾好食個湯真系用原隻雞淆成，湯頭甜甜唔系味精味嫩雞煨麵雞粒有略老，個忌廉湯式麵夠醇

這家餐廳實在讓我感到非常失望。特別是他們的豬柳扒擔擔麵，簡直難以下嚥。不僅肉質老硬，口感也相當差，讓人難以接受。更令人失望的是，他們的服務態度也只能用「一般」來形容。服務人員缺乏熱情和專業態度，讓整個用餐體驗更加沉悶無趣。雖然食物的口味還算可以，但是普通得無法令人印象深刻。考慮到這家餐廳的價格，我必須說這裡的價格實在過高。食物的品質和份量都無法與其價格相稱，讓人感到非常不值得。總括來說，這家餐廳並不是一個值得光顧的地方。食物的品質差，服務態度普通，而且價格過高。我建議大家尋找其他更好的選擇，以確保用餐時能夠享受到美味的食物和良好的服務。這家餐廳的茶位費用實在令人難以接受。他們明顯地專門針對遊客設計了高昂的茶位價格。這種行為讓人感到被欺騙，完全不合理。如果你只是想喝杯茶，這裡絕對不是一個明智的選擇。建議大家慎重考慮，以免掉進這種明顯為了牟利而設計的陷阱中。

平時係尖沙咀行街經過，一直都未有機會試，今次終於食到～一入黎已經好好招呼，個位又坐得好闊落！黎到呢到，點可以唔食小籠包。佢粒粒都好飽滿，皮又薄，仲有好清好鮮味既湯汁！之黎食左菜肉雲吞，皮都係好薄，不過雲竹吞就爽口好多， 但都一樣好好食！之後食既係金沙蝦球。一定要讚下啲蝦好大隻好爽口。鹹蛋黃醬就又多又香，包滿每隻蝦，好惹味！不過呢個就多啲人share會好啲！最後就一定係片皮鴨。呢到既片皮鴨都係即燒，所以都要等得一陣，但黎到真係皮脆肉滑，又熱辣辣，絕對值得等多一陣！最後食埋高力豆沙做甜品， 真係好滿足！

片皮鴨一鴨兩食，來到真係得塊皮而且塊皮勁多肥膏，之後食椒鹽鴨，啲肉柴到好似食紙皮咁。大佬呀！你收我五百幾蚊比啲咁嘅野我食，諗住同佢哋反影下希望可以做好啲，點知佢哋仲死口吾認，冇下次。

<霸王山莊>>好耐冇食過小籠包啦, 心血來潮就去左霸王山莊幾年前食過都OK, 睇下佢而家有冇變到先🤣🤣見冷盤咁多款 樣樣都想試的關係就揀左個🧩🧩5色拼盤-估唔到個份量都唔細有醉雞翼(淡淡的花雕味)燻魚(都唔係好多骨, 唔錯)糖醋小排骨(甜甜酸酸好醒胃)海蜇頭(爽但唔夠蔥油味)四寶烤麩(非常入味, 份量十足)🥯🥯小籠包皮薄餡靚, 都好多肉汁記住要襯熱食, 但小心辣到嘴😋😋🥯🥯煎鍋貼一隻個SIZE都唔算細同埋個底都夠脆入面都係有肉汁🦀🦀賽螃蟹味道有D淡, 食到有蛋殼有D減分🥲🫛🫛乾煸四季豆好惹味, 有鑊氣呢個值得一試😍😍😍🍡🍡酒釀桂花小丸子小丸子好煙韌☺️☺️酒釀同桂花味都好出😍😍但就甜左少少P.S. 下次可以叫多D朋友食, 咁就可以食多D唔同既野食見都幾多人食片皮鴨, 下次都試下先☺️☺️地點:📍尖沙咀漆咸道南67-71號安年大廈地舖#美食 #上海菜 #尖沙咀美食 #hkfoodie #hkfoodlover #hkfoodblogger #hkfood #dinner #真心正 #香港美食 #小食 #sweet #hkig #igfoodblogger #ig #foo

霸王山莊呢間食北京烤鴨出名嘅餐廳今日就同屋企人嚟食晚餐皮薄餡靚嘅小籠包，食落去仲係熱辣辣濃郁嘅湯汁配埋啲肉，口感好正！！北京烤鴨半隻 $238食過好多間嘅烤鴨 呢間係數一數二出色嘅 因為佢嘅鴨唔會好肥 食落鴨皮係脆 配埋其他配料 一流！ 雪城高力豆沙＄58外型好特別細細隻白雪雪外脆內軟，豆沙份量剛剛好，清甜無負擔，飯後甜點嚟講唔錯清炒大閘蟹粉配叉子燒餅 ($188)大閘蟹拆埋肉 實在太幸福啦蟹肉蟹膏蟹粉 每一啖都好夾！好正！