霸王山莊 (Closed)

本來等緊板前壽司..不過因為無迴轉位就過來食宵夜點知換來的係失望、失望、失望同埋失望..加左價..理應食品質素相對提高，點知不加反減..大不如前，我唸我唔會再來了..好歹都食左好多次，但因為呢個原因就反映左一間餐廳幾無誠意..通漲都唔係藉口，食物質素就通縮左..先係嗌左個小籠包、春卷同埋擔擔麵(幼滑)，可惜無我最鍾意的醉轉彎小籠包：味通OK可以維持到..依然熱辣辣同多汁，可惜裡面的肉鬆散左，食落口感差左..春卷：差左好多！！！春卷皮厚左同埋好重粉味，裡面的涵好似食緊一堆蔥咁..無眼睇，食到我同女友都勁推俾大家食..擔擔麵：極差！！來到的時候已經凍左..碗面熱但食落d麵已經凍左..滑就滑但實在好硬好硬！！之前幾次食都好好食同埋軟熟，點解會咁樣？好失望！現場非常冷清..可能係加左價緣故，可能係食物質素緣故..之前來食宵夜一定要排晒隊的(中途有小插曲..有個女侍應掛住拎個headphone來傾計..將裝滿熱水的壺好唔小心咁放落檯面..成檯水由壺口湧出來..當時都幾嬲，後尾佢識趣抹返張檯先算數)總結..唔會再來，我情願去返食板前了..(雖然風格不同)

為食日子: 5月10日~ 下午7時半為食人數: 4隻為食價目: 約$540為食餐單: 冰糖小元蹄 $108賽螃蟹 $60脆皮素鴨 $48片皮鴨 $188兩食 配醬爆鴨件小籠包(4只) $28(九)菜花前餅(4件) $28另加每位茶 $5餐前小食 $10因為是母親節前夕, 預早兩星期前預約, 但只有7點可預約, 仲必須要8點半前離坐, 條件可刻到講明要人齊先可入座, 誰知入座時人數不夠照入, 其他客人人數不足一半都照入, 唔通係防止有人預早霸位?? 服務員親切細心, 提示可以選擇人齊先起菜, 仲特別推介片皮鴨兩食, 點了菜後勁快到, 小元蹄收108蚊 比「上樓」100蚊的大元蹄差, 賽螃蟹細碟, 脆皮素鴨十分脆口, 但少餡, 片皮鴨兩食最慘, 鴨皮太肥膩, 小籠包只可以4只為一籠, 不過選6只,10只等, (九)菜花非常薄, 與同等價值的小籠包相對下, 小籠包稍勝. 整體比「上樓」同樣菜式值錢貴左, 細碟左, 不見比「上樓」美味! 冇下次啦~順帶一提, 店內只有電梯上, 樓梯落, 如用lift 要去後門用同大廈的住宅舊lift, 對老人家來講十分不方便!

一年一度的母親節又點少得飲茶同食飯呢? 一般的上海菜已經不能夠滿足媽咪, 就帶她試試黃金蝦打開餐牌, 有2個母親節套餐, 但喺唔太吸引, 所以散叫:1. 雙味拼盤 (千層峰及醉轉彎)千層峰喺豬耳, 醮點醋, 淡淡脆脆, 十分可口醉轉彎 (鷄翼) 配花雕, 花雕雖然是新酒, 但酒香滿口, 出呼意料之外2. 元貝炒飯: 非常普通, 飯粒爽口但用料不足, 只是微溫, 不吃也罷風3. 霸王小籠飽: 水準之作, 湯汁濃而不膩, 必食之選4. 黃金蝦: 水準之作, 流沙咸旦黃鋪滿大蝦球, 必食之選5. 樟茶鴨 (例): 茶薰味香香的, 薰過後鴨肉還保留少少肉汁, 皮骨酥脆, 必食之選6. 砂鍋雲吞鷄 (例): 鷄肉一般, 有4粒雲吞, 湯底夠糊口, 但吹鷄味7. 金華火腿浸津白: 金華火腿切得薄薄的, 不會死咸, 易入口, 跟甜甜的津白很搭配8. 生煎飽: 熱辣辣上枱, 飽是乾身的, 鮮肉餡咬落有肉料, 可以一試9. 黃金芝麻球: 外面是炒香的白芝麻, 內裏是芝麻湯圓, 糯米煙韌, 黑芝麻香甜, 必食之選散叫俾套餐抵食呢 !!! 服務: 人流頗多, 訂位的時候已講明8時半要交枱, 落單後10分鐘就

食過晚飯同宵夜時段...dinner 就貴少少...宵夜就好d..同埋份量少d 可以揀多d 款..我超中意佢ge 紅油抄手重點係d 醬油...甜甜地辣辣地..幾好味小籠包更加唔洗講~ 多汁~~ 正!!!夫妻肺片以為真係炒牛雜之類...原來係牛筋+牛腩搞碎後再雪成長方形...再切片...口感...有點噁心...相當失望呢...炒腸粉...咸左少少...但都ok ge...

(19/4/08)橫風橫雨,差唔多四點才食「晏」。與老公order左一個餐:乾貝肉粒炒黑金剛麵+豆漿。黑金剛麵,類似黑麥米線,炒又唔係炒,只係淋左一大堆瑤柱肥肉碎獻o係面,感覺很求其。小籠包,皮薄,湯汁多;鮮茄煎餃,水煎不油膩。我們發覺味道係ok,不過這裡的「肉」碎係鞋、韌o既。京都皮蛋豆腐,仲求其,豆腐切成小粒,皮蛋極少,撈一撈頗咸的京都醬,與台式做法/味道差很遠。茶芥$6,極酸前菜$10

星期三加班之後去左食, o個時做緊宵夜時段, 我地兩個人叫左5樣野食雞湯灼時菜: 都唔知呢間野知唔知道咩係時菜囉, 全部菜又老又黃, 而且根本唔係雞湯口水雞: 一共11件小雞塊, 但包括左雞奕尖x 2, 雞頸x 4, 肥雞皮連手指尾咁大既肉x 2排骨湯面: 排骨無味, 而且似放左好耐咁只有小籠包同雞絲粉皮好一d建議d人去呢間野食淨係好叫小籠包食

幾年前食過一次都唔錯, 今日再食叫左個午市套餐, 騎呢山箘豬頸肉黑金剛麵配小籠包仲有豆漿, 小籠包同以前一樣皮簿多汁, 騎呢山箘豬頸肉個味都可以啦…..真係好似個名咁好騎呢至於d麵口感似紅薯爽爽地, 價錢就貴小小啦不過環境同服務都ok

星期六一行7人黎呢度食晚飯, 好彩事先訂左位, 如果唔係有排等. 總共叫左:1) 三色拼盤(醉雞,千層峰,五香金錢牛展) ~ 醉雞夠酒味,千層峰同牛展夠爽, 好食.2) 蔥花海蜇頭~ 好爽, 好食.3) 冰糖小圓蹄~ 圓蹄夠稔, 唔肥, 好食.4) 炸菜肉配义子燒餅~ 炸菜肉就咁食都好味, 不過燒餅就乾d硬d.5) 京蔥爆牛肉~ d汁夠晒味, 好食.6) 黑醋排骨~ d汁又係好好味, 排骨唔太肥, 好好味.7) 松子桂花魚~ d汁酸酸甜甜, d魚炸左又夠香, 好好味.8) 黃金蝦~ 必食之作, d蝦好爽, 又夠咸蛋王味, 所以好好味.9) 冬菇小棠菜~ d菇夠稔, 菜都幾新鮮, 幾好.10) 小籠飽~ 皮夠薄, d汁唔錯, 幾好.11) 草莓桂花糕&蜜桃桂花糕~ 好清新, 夠晒桂花味, 好好味.12) 椰汁糕~ 夠椰汁味, 好食.13) 南瓜西米露~ 好香南瓜味, 好食.整體好好味, 可以去多幾次.

必吃推介: 黃金蝦其他地方既黃金蝦係連殼上, 這裏既蝦係拆殼, 蛋黃味完全滲透蝦中, 蝦肉大件且彈牙, 回味無窮啊! 隔一排就要去吃了!

今晚情人節,去左食兩個人,叫左3個送+小籠包+蘿蔔餅+兩個燉湯+白飯首先講下d送,有賽旁蟹,茶葉鴨,紅柿牛展.大家真係唔好叫賽旁蟹,因為我從來未食過一個賽旁蟹係出水出成禁,可以話係水浸蛋白,而且冇咩蟹肉,得幾粒,只可以話係一個炒蛋白,0分之作跟住個茶葉鴨,起初眼見好乾禁,但係食落一流,講你都唔信.d皮有水準地脆,加上夾入附上既包,好味,只不過係不夠鹹,不過佢地都有附上一盤華鹽,呢味都有8/10分跟住係紅柿牛展,呢個係用保上,但係個保係唔熱既,唯一可惜既地方.呢味係我特別推介,因為牛展唔銀,做得好好,唔會食完成牙都係肉,個味都ok,有番茄既搭配算係另一特式,都有8/10分小籠包係上海野必食既野,今次都唔例外,呢間做得唔錯,有水準,皮唔會太厚,外面都望到入面既肉汁,你唔小心禁點醋既話,係會有爆既可能,肉唔會太多,只會到有肉味即可,有9/10分蘿蔔餅呢,我都未見過,今次食時都ok,有著很多既蘿蔔,外面有脆皮包住炸,好食,8/10分

早幾個禮拜O黎食晚市,好正~第一次O黎食,伯母捉住經理(or主管)O黎問,佢俾O左好多見議俾我O地,亦好有耐性,我O地叫菜叫O左個幾兩個字,佢一直O地唔耐煩都無,結果叫O左:小籠包,"九"菜餅,醉鷄,片皮鴨兩食,蒜蓉油密菜。小籠包見到入到O的汁有幾多,醉鷄酒味香濃,食到我有O的醉,鴨片得夠薄又唔會太細塊,O的醬又大碟唔驚唔夠~結果食唔晒,實在太飽啦~~今行三個人食O左五百蚊~

友人不知怎的特別喜歡到霸王山莊下午茶，於是一個月總會陪他光顧幾次。下午茶的食物選擇頗多，不收茶芥，只是我覺得這個價錢可以到別的地方食更多好吃的。點評一下幾樣食物：川味牛筋黑金剛$13以這個價錢來說的確很不錯，牛筋腍滑入味，黑金剛有煙靱有咬口，值得一試。蘿蔔絲酥餅　$10/3件這個得看你的彩數如何，我吃過幾次都沒有下面所說的饀少不熱的問題，外層酥化，內裡的蘿蔔絲餡也很多，上面的芝麻起到畫龍點睛之效，但我和友人今天吃的那一碟，有兩個是不熱的，外皮像炸一團粉的樣子，內裡少餡不熱，完全失水準之作，但慶幸有一件是合格的，所以說，這是很看你的彩數紅油抄手$14/5隻只得一團肉....不試也罷!雞絲粉皮$13雞絲無味，只靠一大"pat"花生醬調味，似食緊花生醬多Ｄ！

之前都食過幾次，行過同朋友試左幾樣野，今次介紹３樣：酸辣湯，香酥鴨，小籠包：酸辣湯，湯料足，辣味適中，但如鍾意嗜辣既人可以向侍應提出加辣要求。香酥鴨，非常香口，配以軟綿綿的包皮及灑一點點附加的香鹽更美味，口感豐富，軟綿綿的包皮包著脆口的香酥鴨，入口軟綿中帶香脆，美味，但脆皮漿略慊厚了一點小籠包，皮薄、而且湯汁豐富，不錯之選，但個人覺得湯汁味道若能清啖一點會更美味。油份頗多，所以食既時候感到很油，侍應的服務同環境幾好，清潔，但茶介好貴，，算是中規中矩之選。

我去過呢度幾次，只有一次食午餐時覺得ｄ食物唔掂，而冕飯小菜都真係幾唔錯．而且呢度ｄ侍應態度一般都唔差，有個上左年紀做傳菜的更加係非常有禮又細心，會在上菜前問一問：＜請問係唔係叫左乜乜乜？＞咁，又會同你講多謝晒，我又唔覺真係好似其他人咁講差到咁離譜喎．可能係我好彩啦．．．．推介食品：小籠包，金華火腿浸津白（好清新）呢排見到佢有個ｐｉｎ皮鴨推出，有機會會試試．．．

第二次幫襯呢間野,由於今次好夜收工,唔想又食麥當勞,所以就試下佢的宵夜囉,點左小籠包,蘿蔔絲蘇餅,豆沙鍋餅,酸辣湯,唔知咩炒麵.佢上左個蘿蔔絲蘇餅先,我未見過一樣野炸完都仲係白色,個皮厚到好得人驚,餡就得少少,好似食粉咁...最慘係唔熱架!!第二樣就係我最愛的豆沙鍋餅~ 一樣囉,炸完仲係白色,個皮好厚,餡就得少少...好失望...終於都等到小籠包,諗住係例牌野,點知...唔熱,只有微暖,d餡不知所謂,冇豬肉,得肥肉......到酸辣湯,唔酸唔辣,咸的,而個炒麵就更加咸,真係食唔落囉~ 就連我老公呢d全冇要求既人都話唔會再幫襯!!到埋單,茶都要$10一位,味菜又$10,已經$30,又有加一,食呢幾樣野已經要$140!!!!好搵笨!!!!早知食麥當勞,因為我到最後都係買左個麥當勞餐返屋企食.