王子冰室 (Closed)

一位一張紙巾都比唔起真係不配做飲食業想抹下餐具都要收4蚊包紙我寧願你個餐加4蚊無咁肉酸啦！食飯刀叉匙羹筷子紙巾呢啲必要你唔好餐具都收錢？啲野食已經無心欣賞無下次

我平日喜歡會試試不同餐廳的早餐 今日見這王子冰室有豬骨濃湯出前一丁我就想試試拿到外賣食之前幻想是不是有點特別的豬骨湯底一試大穫 清水一樣的湯底 配著出前一丁的麵我想平日這間鋪的早餐也沒這樣離譜的我再仔細一看 原來有包出前一丁的調味粉在要我自己拆開落調味料我心諗 知道自己係屋企煮個麵算 不過五蚊現在我給了五十蚊食的麵還要自己下調味料我心想自己是不是犯賤 要送錢給別人使總之我今生今世是永遠都不會再去這間王子冰室的！絕對！

【黃大仙區】【王子冰室】返工之前喺鑽石山食啲嘢，咁啱又可以同道歉哥食嘢兼交收，所以就搵啲交通方便啲嘅地方。咁呢間王子冰室我就見到佢好耐架喇，每一次由鑽石山站經啟鑽苑行去新蒲崗都會經過，但係因為次次都想行入啲食所以冇食佢。我就想簡簡單單食啲嘢，但裡面裝修懶懷舊咁其實都算有誠意。而我揀咗個窗口位係可以睇晒來往新蒲崗嘅行人，方便搵出道歉哥。坐低叫咗個 $43 嘅特餐，主食一款，係「香煎豬扒湯公仔麵」，味道正常，發揮到正常水準。配菜佢係有「牛角包」同「火腿奄烈」，有牛角包唔錯，正常已經係好食。而火腿奄烈亦不過不失，生熟度合理，唔會煎得太老。嘢飲我揀咗「熱奶茶」，水準當然及唔上同區嘅金寶，但係已經係可以接受嘅水平，唔錯嘅。道歉哥就食健康蕃茄濃湯系列呢啲我一般都唔會揀嘅嘢，本身佢個「蕃茄濃湯雞扒麵」跟嘢飲就四十蚊，加三蚊要「凍奶茶」少甜少冰就變 $43。佢就話呢兩樣嘢都唔錯，都係正常地食得晒嘅嘢。兩條友夾埋 $86，唔差啦下話。。。（地址：新蒲崗大有街3號萬迪廣場地下D舖）#1amfoodie #foodie #hkfoodie #thatfoodiething #hkfood #food #in

經過新蒲崗發現咗一間不錯的𣲙室，入面既裝修幾懷舊。餐廳兩邊牆身有兩幅以舊式大劇院為主題嘅畫。一邊牆身為全院滿座既戲院；另一邊牆身是麗宫大劇院。滑蛋蝦仁叉燒炒河：食物份量同材料都足夠，叉燒大大片，肉質唔鞋，蝦仁算幾大粒，爽口嘅，配料仲蘑菇、芽菜、滑蛋，仲有兩條菜心。王子炒飯賣相吸引，飯底加咗瑞士汁，入面既配料都幾多，有叉燒粒、午餐肉粒、火腿粒仲有翠肉瓜粒，味道唔錯。套餐仲有老火湯送添，食完捧住個肚走，正呀。

地點方便，喺大街轉角位隔離有兩間釣蝦場，由於早咗到，所以諗住食少少先上去。夜晚大約7:30左右到達，仍有大量位置，感覺仲好似有啲冷清添可能係工廠區嘅原因。膽粗粗都入去諗住是但食少少🤏 因為一個人，所以淨係叫咗佢個海南雞飯餐 ！ 竟然有驚喜，滑捋捋 ，入味 ，啲飯都係雞油飯 ，跟餐仲有蓮藕豬骨湯同蠔油生菜。 當然加左$+10 轉雞髀。。*太肚餓，唔記得影相已經食咗一大半，敬請大家見諒🤣*我諗如果下次行開呢頭，要食茶記我都會揀呢間。

係附近工廠大廈做野，唔想行太遠，近近地黎呢間餐廳食。入邊啲設計復古，座位敞寬。叫咗一個懷舊茶餐 加 冰檸茶 $55 瑞士雞中翼湯米 + 火腿炒滑蛋+厚牛油方包瑞士雞中翼滷到入味，超好味！！呢一間嘅 冰檸茶偏不甜，如果愛喝甜一點可以自己加糖。

5級評分好味😋😋😋回頭 🤩🤩🤩性價比 💯💯💯💯早餐有特餐揀，揀咗個豬扒公仔麵，轉左奶油豬，奶油豬係整得幾出色外面整得好脆好好味，奶茶茶底幾夠味，不過公仔面就正常，冇特別驚喜嘅感覺。

奶茶走甜是酸的，茶餐白麵包雖軟但牛油變質的，濃蕃茄湯是甜的。茶餐其實普普通通便可以了，來到茶餐廳也不會要求很高，但所有飲品食物也完全難飲難食就實在不能接受。永不再來。

在附近工廈工作，不想走太遠，近近的來到這間店。很特別的店舖設計，也許是店內老闆的心願，我要全店滿座！晚市食小菜。西檸雞，味道送飯很不錯，很香甜，很開胃，份量也足夠。雞件不算太硬。粟米魚塊不過食到中段感覺有少少酸酸的，即時停筷，希望沒事吧。但汁很juicy.咕嚕肉很入味，碟碟賣相都好靚，很開胃，可以再來。晚市，小菜送白飯，加一杯熱飲。

因為附近都唔算太多選擇？就決定try try佢！點知。。真係唔好味😐🟧馬來咖哩雜扒 配薯菜 $72？鍾意呢個夠多料！😛有豬排、雞扒、煙肉、豬肉腸、煎蛋🍳鍾意佢咖哩入面仲有啲脆皮薯仔🥔～唔好既地方來了！🥴豬扒大塊但好硬、咖哩異常地甜、薯條都好硬（感覺到係攤好耐既口感）煎蛋都幾迷你😂🟧海南雞飯 雞正常啦～但佢個飯係有點難食🥴🥴飯點會難食？佢啲飯似擺喺電飯煲好耐，嗰啲蒸氣聚集成水珠💦又滴返落啲飯到 搞到飯有啲濕😵‍💫同佢唔係油飯，似係薑黃粉多啲 顏色好似好重，但味道非常淡 加埋飯有啲水水地口感真係唔多好味……..見佢樓面都好似得一兩個人 應該幾辛苦😥雖然呢方面好體諒 但味道方面真係減哂啲分。。

黎左呢區工作2年了， 除左入職果陣黎王子食左一次， 冇咩特別， 之後都冇黎， 上個星期同事話想黎試下， 今次既體驗， 真的一試難忙。點了乾炒牛河$55問題1: 餐具極污糟盛戴牛河既碟， 白色碟邊上充滿住 "油污"， 同埋粘著半粒 "米", 感覺好似未洗過， 好似上手食完， 隻碟冇洗過就再上菜。。。。問題2: 成個牛肉已燒焦炭化我從未試過外出食到咁既質素， 價錢又唔平， 成碟粉望落已經過度炒， 好多黑色焦， 主角 "牛肉" 一面是燒焦"黑色"的， 食落口是"苦"的。因為驚加料， 所以都冇要求換， 對呢間野好失望。結果：食完， 當天晚上即刻 "喉嚨痛和生飛滋", 痛到瞓唔到覺。 好唔舒服，之後仲開始作感冒， 唔知同d 餐具污糟有冇關係。利申：平時都好小病。。。。 去到而家差唔多一星期， 都未康復。。。如果想測試下自已既免疫力， 絕對可以黎呢間餐廳試下。。。。

星期日早上，個待應自己把通粉送錯枱，個客又用食過的匙攪完之後，話個待應送錯枱，同個待應講話無食過，個待應竟然就咁就直接把碗通粉再送到正確的客枱上，待應咁樣做的確非常之嘔心。個待應就算個客話無食，見住個客不停噴口水落碗通粉到，同隻匙羹仲滴住水，現在又是疫情期間，個待應都應該自己換一份新鮮的通粉俾過個正確的客，這樣是保障食客，又保障間舖的正確做法。再者，啲待應又非常之無禮貌，叫佢拿杯水由點餐到個餐送到枱都未有，我以後都唔會再幫襯。

食到一肚火...我今日食佢份牛扒，食到縮味，但我趕時間要走，所以叫佢直接cancall 左個餐算。點知個侍應西口西面話：“咁杯奶茶呢？無問題架喎，我收你正價啦。”我覺得有啲驚訝，我心諗你唔好意思都無聲，仲諗住點回本， 真係完全當冇事發生。我唔係話畀唔起，而開餐廳要賺錢係應該。但麻煩畀D同理心出嚟。佢咁做真係完全無視食客嘅心情同不滿。我直接同佢地講“： 而家唔係我欠你呀， 對唔住都冇句，仲收我錢，我以都唔會泥，你賺少少丫。”最後我都照單畀錢，佢正價收返飲品錢唔係話唔岩，但呢種，無視他人感受嘅態度，令我決定唔會再泥，同埋寫呢篇文。（Sorry for 1999)

呢間餐廳9唔9都會黎幫襯，貪佢裝修懷舊，又門口睇到車，但服務就不嬲都mama地，但今日就真係正式俾佢激死，本人叫兩個外賣，由於門口有警察抄牌，所以叫完俾完錢就係出面等，等一輪後入去問仲有幾耐，佢答我點知，又唔係佢做廚房，我就答，我夠知你唔係啦，咁你可以問廚房架，跟住佢再話唔知，我話你地咁嘅態度以後唔幫襯，竟然另一待應回答，咪唔好幫襯囉，真係一肚火，所以我都決定以後唔幫襯，反正又係係好食過人，只係貪佢方便姐

就咁睇外表似乎係普普通通嘅茶記，但係睇餐牌就發現佢嘅餐點都有幾多種類，今次我同朋友就叫咗芝士汁煎雞扒撈意粉同埋雜菌蒜蓉汁吉列魚柳意粉。首先吉列魚柳煎得非常好，外皮脆得嚟唔會太過硬，亦都唔會皮肉分離，或者好大浸雪藏/炸粉味，抵讚！雞扒亦都煎得香口，保留到雞肉嘅肉汁，又唔會太過燶。芝士汁同埋蒜蓉汁味道都啱啱好，唔會太鹹。意粉以下午茶餐來講份量唔算少，如果當lunch咁食都夠飽。飲品方面我哋叫咗凍奶茶少甜，所以算係茶味比較重，唔會死甜，very good👍🏻另外餐廳都有啲特別嘅裝修，等餐嘅時候，影吓相、欣賞下都唔錯喔