湕承 · 台式便當

Open Now

Now Closed

每次經過海富中心，總會看到一間台式便當餐廳，每逢lunch time，餐廳門外都會出現小人龍等候外賣，這天我專登避過人潮高峰的午飯時間，2點後到餐廳買便當。這天Today Soecial 有3款，跟餐包小食或飲品，點烏冬的更可以免費追加，價錢都只是HK$68。我和同事分別點了兩個便當share吃。第一款是半筋腩烏冬配冰胎菊桂圓蜜，另一款是香辣爆炒牛肉。白米飯(小辣)配熱黑糖紅棗。半筋腩烏冬相比坊間一般台式半筋腩，這個湯底沒有任何藥材味，只有重重的牛香及香菜味，味道鮮甜，濃而不膩，幾乎完全吃不到重味精感；半筋腩口感適中，不會過硬，而且嫩滑多汁，非常JUICY，牛筋入口軟淋中又帶點煙韌，膠質感重，感覺就是越吃越養顏，加上QQ的烏冬，我和同事都讚口不絕~冰胎菊桂園物蜜這杯飲品帶有一股獨特的清新香味，味道清甜，除了有菊花香，還有桂圓的甜香，口感順喉，明目滋潤。香辣爆炒牛肉。白米飯(小辣)推介! 牛肉炒得非常夠鑊氣，味道帶點微辣，而牛肉肉質嫩滑入味，加上份量足，佐飯一流~熱黑糖紅棗黑糖紅棗茶非常適合這個天氣飲用，味道香甜，帶有濃濃棗香，喝後整個人都變得暖和。

久唔久我就會幫襯呢間小店，貪佢食物質素高。今日午餐就點咗麻辣雞窩、紫菜豆腐湯，最鍾意用whatsapp落單，又快又方便，預早講低取餐時間，差唔多一去到就可以有得攞，但今日因為工作上有事行唔開，最後比預期時間遲咗成個幾鐘先去取餐，老闆娘非常細心，不但幫我翻熱食物，仲送多個菜比我慰勞我遲開飯，間鋪頭除咗食物好食之外，入面既人都充滿人情味，真係好抵讚。一定會繼續幫襯！

最近在家工作多了 一回公司忙得不可開交一直在工作没有餓的感覺時間已經直奔到下午茶的時間在海富中心二期的有間台式外賣二點過後就是TEA TIME了 46 可以自選四款餸最後我選了卥蛋 烤花枝丸 香菇肉燥 豬軟骨配麻醬伴烏冬要點讚的絕對是豬軟骨炆得入口溶化而且入味 應該是淆了很久 香菇肉燥 配麻醬伴烏冬 應該算是我的失誤吧肉燥味濃完蓋過了麻醬的香味就是完全的肉燥伴烏冬 46的下午茶未必是很便宜但相比起本身一個餸已經50快60的時候心裡上覺得下午茶的價錢也不太過另外很想讚賞他們把今天的所有收入都拿去幫有需要的人這舉動真的很令人感動

抵讚嘅餐廳，我係唔介意讚多次呢間自攜外賣，午餐下午茶都試過，佢新開早餐見返工都路經，今日又黎捧下場。美式重量$43配熱拿鐵咖啡一打開個盒，真係超級重量級最終係食唔晒嘅。黎讚一讚塊雞排先，有鹽燒同照燒，我揀左鹽燒，真係燒到一滴油都冇，返到office仲有少少脆添我order時講明炒熟蛋，佢可以炒到隻蛋熟晒但仲係滑架！最有heart係隻蛋仲有裝飾。一日之始食個咁靚嘅早餐，心情都好起來另外要讚下塊焦糖牛油多士，好特別，第一次食，好似法式燉蛋咁咁大篇幅讚一個早餐，因為食到嘅唔止係美食，仲有誠意

二零二零年一月三日 早上九點本來要往統一中心 中途經過行人天橋想買份早餐醫下個肚先見到有間小店 竟然有賣類似All day breakfast 既早餐兩隻蛋 兩塊煙肉 一塊雞扒 一條香腸 一份沙律 一塊多士 仲要加埋杯嘢飲 係 $43雞蛋🥚非常好食 店員仲好細心問我幾成熟 而家好多舖頭粗制濫造 唔係咁多人做到特色多士 有肉鬆同芝士舖面芝士熱辣辣 真係唔錯其他 腸仔雞扒 同 煙肉 同係唔錯既至緊要夠熱個外賣盒🥡都係環保紙製造♻️都係$43咋 好過食基因改造食物唯一美中不足嘅係店舖位置大家要俾心機搵搵同埋 要俾啲時間等等因為係即叫即整 總唔係預先整好架

雖然已經係常客，但真的不忘要讚一讚呢間小店。金鐘返工，特別係PP呢邊，午餐嘅選擇唔多，仲要好貴，所以多數出去唞下氣，順便買外賣返嚟，又唔洗同人迫。我班同事一星期起碼幫襯呢間台式便當兩、三次，點解咁食法都唔悶，因為佢每日都會有Today Special 算幾有心思我order左呢個紅燒牛肉牛筋湯燉烏冬$65平時佢嘅紅燒牛肉已經好出色，牛肉炆得夠林，亦好入味。今次呢款加埋牛筋，真係不得了個牛筋嘅感覺係充滿着骨膠原，好好味，我揀左牛肉濃湯配讚岐烏冬，唔使講個湯真係好match啲牛肉，好味到想encore同事就點左阿嬤雞翼湯燉讚岐烏冬$65今日呢款新嘅紅棗豬骨湯，配菜有新鮮淮山同木耳，食得出有紅棗味同薑味，秋冬感覺都幾補加埋佢自家特有阿嬤雞，真係冇得輸！

金鐘雖然有好多美食，但係對於我哋喺度返工嘅打工仔，其實可以選擇並唔多，因為太貴。相宜一點就已經要食頹飯或集團野。所以今日再一次令我行遠啲嘅，係海富中心呢間外賣店。如果唔係遠，真係日日食都唔厭黑麻油雞翅湯燉烏冬$58個人來講，食嘢好睇賣相，午餐食個靚飯，心情已經好似差咗電咁最重要係我每一次食佢，發現佢每個餐都有唔同嘅presentation, 每次打開都有驚喜。咁有質素嘅黑麻油雞翅湯燉讚岐烏冬卻收咁樣嘅價錢，難怪逢親午市都排長龍。不過好在可以電話預訂，喺預約號嘅時間去到，已經有得攞。抵讚

打工仔，食飯時間真係好緊要！得一個鐘，梗係避開最多人嘅時候。今日1:40諗住叫午餐，老闆娘勁Nice話提早俾我叫下午茶，早成20分鐘下午茶自選四款配讚岐烏冬/米線/飯，有好多選擇，老闆娘就推介豬軟骨同阿嬤雞翼，不過今日想食清清地，就揀咗多啲蔬菜。四選可揀餸或飲品，非常flexible西蘭花/雙色蘿蔔/烤台式腸配黑麻醬拌烏冬加埋熱桂花蜜，先$44。喺金鐘呢個食嘢咁貴，又選擇咁小嘅地方，簡直係城市驚喜

前一排聽同事講海富中心開咗一間好有heart嘅台灣外賣店，礙於太遠，一直都冇機會去。早兩日終於的起心肝行過去。🚶‍♀️🚶‍♀️原來每日都有Today Special，好可惜排到我嘅時候，已經買晒！不過冇所謂，反正我都未食過。$46本身冇咩期望，返到公司打開個餐盒，忍唔住嘩左一聲！😱😱唔怪之得門口咁多人排隊！👍台式烤香腸，真係有兩條燒烤痕，有幾認真喎，不過一開始左食，就停唔到口，連close up都唔記得影😅就算拎到返灣仔，個讚岐烏冬都係咁彈牙🍜。Btw，如果有得送外賣就perfect。

在金鐘一帶返工， lunchtime餐廳的選擇真係唔多，好多時都會苦惱到底食咩好，因為間間都食到厭。最近在海富中心專賣外賣的幾間餐廳側，開了一間台式外賣便當，經過幾次也沒有幫襯，最近抱住一試無妨的心態，試了第一碗湯烏冬。揀了慢煮豬軟骨烏冬，心諗豬軟骨點煮都唔會太差。返到公司，一打開飯合蓋就聞到一陣好濃的豬骨湯味道，豬軟骨用慢煮方法慢慢淆，肉質又諗又鬆嫩，湯底好濃味，白蘿蔔及甘筍都煮到好入味，而且湯底加了酸菜，食落口特別開胃。份量對女仔來講啱啱好，男仔就可能少咗啲，$52一碗我覺得幾合理。

雖然係台式便當，其實幾新派。買嘅主打唔係台灣面，反而用爽口彈牙嘅讚崎烏冬有冇諗過自攜餐盒，打開會係咁？豬軟骨湯燉烏冬$52差d卡通我就以為係日本媽媽整嘅便當今日做promotion 仲有杯熱飲跟埋，係胎菊蜜，清下熱氣慳返唔駛去鴻福堂買支野飲。要讚一讚啲豬軟骨真係燜得好林，軟骨部份已經變成啫喱狀，食落覺得好有骨膠原不過午市真係幾多人，好彩佢可以whatsapp 預早order, 去到可以即刻拎咁貼心嘅服務真係要比Btw，佢10月開始仲有埋米線同米粉選擇，咁就更flexible !

海富來來去去果幾間，點解對呢間台式便當情有獨鍾？因為每次打開飯盒，都會有視覺嘅享受。一個餐講緊$5x 仲要包埋杯手工花蜜！金鐘返工去邊度搵？🥰最吸引，呢度主打買讚岐烏冬，啲烏冬非常彈牙，湯底係用牛肉煮成，非常濃厚😋佢另外有個蘿蔔湯底，每日用12斤蘿蔔煲成，我每次連湯都飲埋😋難怪佢午餐大排長龍！不過老闆娘好明白我地打工仔食飯時間嘅寶貴，可以電話預訂，去到即刻有得攞！最近某app 有promotion 減$15，老闆娘仲好好叫我地用可以平d。咁有heart嘅小店，抵我成日幫襯佢。

前排行過都想試下㗎喇不過小妹我就唔太like烏冬 所以成日諗過度過但見鋪面就覺得佢地係良心小店即係果種呢你明唔明呀一睇就覺得好有heart果啲呢呢～果種呢好啦咁就試下幾有heart啦！叫咗個香辣牛肉濃湯烏冬好多人等㗎不過又幾快手個包裝都跟埋一套淺藍色本身以為冇野飲 原來會跟杯茶仔第一啖啜入口 嗯唔係好濃味喎但食多兩啖啲牛仔味就出翻嚟喇烏冬正常 唔需要特別提值得一讚嘅係啲餸！有兩大舊牛展 肉同筋同肥膏分佈極均勻口感超正易咬到不得了～牛味又勁重再嚟係蘿蔔！！勁鮮甜💕💕💕完全係用靚蘿蔔🤪🤪🤪平時我當呢啲二打六嚟㗎咋都唔期望啲咩點知今次成碗野最好食就係蘿蔔 題外話 支匙羹細到食甜品咁款打開笑咗係咪想提我要斯文啲細啖啲慢慢食呀我係唔會㗎😚呀仲有杯野飲應該係花茶嚟嘅 不過有加糖甜甜地唔知點解我覺得好似藥水🤪🤪唔加糖可能會好啲所以總括嚟講呢有兩樣嘢可以扔第一樣就係個匙羹第二樣就係杯茶完。