大壹燒鵝 (MOSTown Street新港城中心大街(3期))

Open Now

Now Closed

明白而家生意艱難，特別係餐廳；但係做生意始終要有原則規矩。講真大壹燒鵝嘅食物做得唔錯，份量亦好足夠。但係今次我要講嘅，係佢外賣使用發泡膠盒。從相片睇到，佢煮完嘅餸溫度好高，喺個發泡膠盒度哪咗一撻！呢樣嘢我一年前已經同佢講，叫佢改用一啲好啲嘅外賣餐盒。但係佢話因為成本好貴，佢啲客唔鍾意。不過咁樣唔係一個理由，佢隔離嘅海記 & 村里村外都用緊一啲質素好好嘅外賣餐盒。所以話成本貴啲客人唔鍾意唔係一個合理嘅理由。當然有人話你可以自己帶你嘅外賣餐盒，但係如果我係放工去買嘅我點會有個盒係身上帶着呢。我覺得做餐廳除咗自己要賺錢之外，你亦都係需要為客人嘅體驗&感受去諗。如果你只係為咗自己嘅利益，咁係欺騙顧客！再者，呢間餐廳生意一啲都唔差，佢嘅燒鵝係做得好食，一早都會賣晒。佢亦都擴展到有三間分店，馬鞍山呢間係第一間。生意做到可以擴展的確唔錯，不過我亦都係因為對外賣餐盒呢個原因一年冇去過；但係前晚去發現佢原來都仍然係一直咁樣嘅態度，所以我都係決定以後都唔會再幫襯。

大壹燒鵝拔絲咕嚕肉叉燒飯燒鵝飯價錢💲: $98/ $52/ $58好味程度😋: 4.2/5服務🍴: 3.7/5環境🗾: 3.5/5性價比🥢: 4.2/5回頭率😚: 4/5-馬鞍山被喻為美食沙漠，但上一次入去發覺其實都好多小店💛 呢間燒味茶餐廳聽聞好多馬鞍山人都好鍾意，燒味仲會賣晒添！難得入到去想支持下小店就啱晒🥳-✅✅拔絲咕嚕肉。有新鮮菠蘿+蕎頭+洋蔥做配菜，會用新鮮菠蘿同蕎頭已經加左分，令成個味道更酸酸甜甜😝 咕嚕肉炸得好脆，外層粉漿唔會太厚，食落仍然感受到啖啖肉😚 炸得好鬆化，令人想一舊接一舊。最重要的醬做得好好，夾起真係拉到絲，比平時的更黏同杰，包裹住每一舊肉。味道甜酸適中，絕對比好多酒樓的更出色🥰-✅叉燒飯。難得食到有燒過的味道的叉燒🤩 同埋面頭真係有蜜汁的感覺！燶邊+7瘦:3肥比例的叉燒係我最愛😍 叉燒肉質好腍，瘦肉的位置都唔會好柴！飯底淋上小小豉油，粒粒分明👏🏻 最怕一patpat的軟飯…-🆗燒鵝飯。反而覺得燒鵝冇咁出色🤨 雖然個皮都係好光澤有油水的感覺，不過肉質唔覺得好嫩🧐 正正常常咁。不過好好彩當日有鵝胸的位置，特別多肉😆-呢間絕對係馬鞍山居民的飯堂，小炒燒味都唔錯。如

【大壹燒鵝。小炒先係精髓】在美食沙漠既馬鞍山，要搵一間食品唔錯既食店，真係有難度。呢間大壹燒鵝，個個黎親都係食燒鵝，其實...我好肯定大家忽略左呢度既小炒都好正，尤其係魚類既小菜，絕對係價廉物美，cp 值爆燈‼️🤓👍🏻💛.食店位於馬路旁，唔難搵。因為無得拎籌等位，只可排隊等位，但絕對值得花時間等位。.❇️蒜蓉開邊蒸蝦大大隻鮮蝦，一碟8隻，配大量蒜蓉，大量粉絲塾底。蝦肉厚身又大隻，開埋邊，容易食❗️粉絲塾底就吸晒精華(吸晒油定精華😂)，粉絲先係亮點❗️.❇️馬鞍山小炒皇配料超多，又入味‼️蝦乾 /芋頭絲 / 腰果 / 炸魚仔 / XO醬，爽脆香口，味道好棒，推介🙌🏻.❇️酸菜魚因有朋友唔太食得辣，所以特意叫少辣。魚片係用上龍躉魚(厚切)❗️仲要唔係得幾件，店方真係好慷慨❗️底層有酸菜/ 芽菜/ 支竹/ 薯粉，如果兩個人，淨叫呢碟都夠食，唔好睇少個份量。.❇️大壹炒飯飯粒乾身，又入味，仲要混入燒鵝粒，成個飯都帶有燒鵝油香味，又係另一必點之選‼️..大壹燒鵝既魚類小菜，係用上班腩，以晚餐一百蚊左右既價食班腩，真係cp 值超高‼️(午餐時段更抵食，60-70蚊就可點餐叫班腩)不私藏，絕對要share ‼️...🏠 大壹

馬鞍山飯堂。平時1人燒味飯，2人下午茶；尋日儲齊3人 終於可以一試佢嘅小菜拔絲咕嚕肉：夾起真係拔絲架喎！好食，如果將酸蕎頭換埋做菠蘿就好了，菠蘿永遠都要爭食🥲銅盤焗蜆：侍應埋檯服務，在你面前剪開錫紙，香氣撲鼻啫啫通菜煲：又係有vip服務，即席落鑊，渣一聲。好睇又好食，蝦乾係精粹，食到喉嚨痛都底。咸檸七：無影相，但食完濃味嘢，飲返杯咸檸七，係圓滿的一餐呢度嘅食物一直保持水準，係我地時常幫襯嘅原因。不過希望店方可以改善水杯嘅清潔，其他餐具都算乾淨，但水杯常常都有一層油喺度，有啲得人驚。

開咁耐幫襯咁耐, 食物都冇乜投訴, 焗豬, 咕嚕肉, 燒味都好食~服務其實整體都oK, 不過有害群之馬, 話說早幾日去食完比錢, 隱約聽到有把男人聲粗獷地o係度"喂!"左幾聲, 完全冇留意, 之後收銀小姐問我係咪漏低左野, 我望一望頭先張枱, 原來個男人係喂緊我......其實漏左野可以同客人問聲係咪漏左野, 唔使粗聲粗氣喂人o既呢個哥哥仔不嬲都係走有性格路線, 冇乜服務態度, 可能王親國戚啦

住係葵涌嘅我竟然將呢間食肆當飯堂？無錯！我有一日心癢癢坐巴士係馬鞍山落車搵嘢食，見到呢間排晒隊，梗係唔執輸，排隊啦。如果大家想食，要早點去排隊。坐低就叫左燒鵝飯，叉燒飯，銅盤焗蜆，咕嚕肉，炒通菜。燒鵝我覺得未到最好食，但叉燒竟然喜出望外，一入口好香甜嘅蜜糖味，叉燒又淋又好食，啲焦焦地嘅位好好食呀！一碗唔夠食。啲蜆好鮮味，又夠份量。黑胡椒提鮮。就憑個叉燒飯，我已經俾佢收服咗。咕嚕肉，好好食，脆得嚟啲汁酸甜度剛剛好。通菜夠鑊氣，好好食。

講起燒味，大家多數都係斬料返屋企食㗎喇🏠 但係見到網上唔少人都討論緊，馬鞍山大壹燒鵝嘅燒味唔錯，而且一日到刻都有人排隊等位。今次我哋經過見到人少少就決定入去試吓佢，叫做＂大壹燒鵝＂，我哋當然試佢嘅燒鵝飯有幾好食啦🍖！見到外皮色澤幾靚，夾上手已經感覺到燒鵝皮唔會淋擗擗，仲幾趣幾香口咁，味道方面都好入味，美中不足嘅係燒鵝肉略為薄身，食完有啲意猶未盡。😋另外雙拼飯方面，叉燒肥瘦適中，外皮脆口啲會仲好，燒腩仔方面唔會太肥食到一口油，份量亦都見到唔會因為雙拼就偷工減料，都值得推介，下次想搵間食燒味飯嘅茶餐廳就可以嚟試吓帶大壹燒鵝啦喇！喜愛程度： 🍖🍖🍖🍖

呢間已經黎過好多次 次次黎都係兩個人兩個人叫2碟小菜2個燒鵝飯就好飽對上一次黎係一家5人黎 沒有訂位 沒有預定燒鵝 最後等鵝等左1-2小時先上1隻好差 可能因為急d皮硬又肥 成家人氣氛好差 畢竟都係生日飯 大家都是開心的 小菜OK 我地叫左一隻鵝 一盤酸菜魚 拔絲咕嚕肉 欖菜四季豆 椒鹽九肚魚 錫紙焗蜆酸菜魚一般 鵝唔好食 其他都好好味依家打算同奶奶果邊一行6人黎食生日飯 一定唔可以錯的 所以一早黎訂位 留1隻燒鵝為了燒鵝而來大家d胃口好細 食好少 尋日我地終於完滿 食左一餐好味既飯局我地叫菜 同之前一樣一隻鵝 拔絲咕嚕肉 欖菜四季豆 椒鹽九肚魚 兩碟蒜蓉菜心 錫紙焗蜆5星滿分 1星有待改進招牌一隻燒鵝 (5星)終於去番第一次食既水準 好入味 皮脆 真係好好味 唔肥 唔油膩 清曬 拔絲咕嚕肉 (5星)好好味 冇肥膏 好脆 酸甜適中 入面有「橋頭」同埋無花果 好高級既煮法欖菜四季豆 (5星)一如既往都係炸完先炒 味道好好 四季豆一定要炸過先好味 好乾身 唔油椒鹽九肚魚 (2星)今日既水準差d 可能係呢排貨源唔好唔太好味 好細條好碎蒜蓉菜心 (5星)真係菜心 0老0根 好嫩 顏色好靚好好

係附近運動完，想吃燒味，好像燒鵝瀨粉。想到這裡有停車場，燒味也很有水準。兩個人晚上七點到，要等位，不過好快，兩分鐘就入座。座位比較逼，茶餐廳基本都係咁。佢地嘅員工好醒目，做嘢快手，有禮貌。我點左燒鵝油雞雙拼配米粉，朋友就叉燒燒鵝飯。燒味好有水準，好好食。我喜歡配米粉。肯定要再黎！

和家人經常幫襯這間吃小菜，很有水準！蜜桃黑醋肉 $98上枱熱辣辣，這個有驚喜酥炸過的豬肉掛上黑醋汁甜甜酸酸很好吃重點是啖啖肉沒甚麼骨頭和肥豬肉，感覺超抵食。薑蔥斑頭腩煲 $108上枱時煲仔也是冒煙的，斑頭腩份量不少，薑蔥很香，味道剛好。雲耳百合蜜豆炒鮮准山 $88每個配料加起來有很清新的感覺准山和蜜豆爽脆，整體不會很多調味，中和濃味的餸菜。豉油雞半隻 $98這裏的燒味也不錯，豉油雞很滑完全不乾身。

中秋同屋企人做節，搵咗間近近哋食小菜嘅餐廳，都有酒樓嗌小菜嘅氣氛。個名就叫大壹燒鵝，個個人覺得成餐飯最唔特別嘅就係燒鵝，冇咩肉之餘同埋都多肥膏。最估唔到嘅係拔絲咕嚕肉，平時喺餐廳食嗰啲都係麵粉多，但呢一間嘅係啖啖肉，抵讚！椒鹽九肚魚同銅盤焗蜆都唔錯，分量都ok，係食小菜嘅好地方，但燒鵝真係冇咩特別。

日落時間去外賣晚飯既送，未食過，最穩陣直接叫個燒鵝下裝，百幾蚊。見師傅斬下偷返幾舊放落個碗，應該係for堂食用。返去開條la仔等佢唔焗淋，放幾個鐘，晚飯時間開吃。一隻完整既燒鵝比，4大舊，加埋其余有12,3舊咁上下，好多都切唔開瀨住，師傅仔後生功力未夠，仲冇去走d肺呀內臟。。味道調教得唔錯，唔死咸有香甜味，一定好過同區燒臘檔，皮唔算好香脆可能都放左幾個鐘。燒鵝皮下冇左層脂肪，可以話健康，睇個人偏好，大鵝肥鵝通常都有食落就香口d。肉質唔木口感好，新鮮野最低標淮係要咁。總括來講味道4分，未去到嘩好正既程度啦，刀功和去走d內臟應該要improve既，比d專業精神。去返之前果間燒鴨仲抵食一半價錢都有4星味道。

平時啲朋友做完運動都約埋一齊食下午茶，今日就嚟左依到，聽佢哋講依到出名燒鵝瀨，但係我就偏偏要食燒腩仔配瀨粉。送到嚟燒腩仔同瀨粉分開上，咁就唔會搞到燒腩仔層皮俾啲湯整到淋晒。食落脆卜卜果然冇叫錯

星期六早晨時間明明就唔係好忙，又沒人排隊，由點餐到上餐，再收銀，個個都極悔氣，上餐又唔同人講係咩，問佢又唔理人一係就極串話上餐會講，有講就唔會問啦。。。。服務態度極差，唔會再去第二次

單憑從餐廳外面睇菜單價錢比一般茶餐廳尚算貴的，但每逢假日晚飯都排長龍，所以今天來試一次銅盤焗蜆份量有一斤多，即叫即焗熱辣辣，蒜蓉份量夠，用的蜆種類係花甲，肉質鮮甜比起沙白及沙蜆更好味xo醬蒜蓉蒸勝瓜，每件有吋半厚，女仕門及小孩食要分两啖咬，xo醬唔太辣椒鹽九肚魚，夠脆口但每條魚偏向細條肉唔夠厚，份量有十多條，但有幾條偏細的食落口感覺只有脆漿粉冇左魚肉燒鵝湯米粉，性價比唔算高，肉質算林同好有香料味道，但價錢賣58蚊