木屋 (Closed)

星期六同我男朋友去左呢度食LUNCH, 都有幾多SET LUNCH簡, 咁我地2個就叫左個"壽司定食" + "三文魚炒飯定食" + 好似叫咩"金龍卷" 其實就係炸蝦卷, 2個SET LUNCH都好大份, 個壽司定食有成十件壽司~不過有4件係加州卷!!而個三文魚炒飯都好好食, 好大碟, 炒得好香, 我地2個人都食唔哂!!仲有個炸蝦卷, 真係好好味, 個炸蝦好重蝦味, 又脆, 一食落口, 真係回味無窮!!!埋單2個人加埋都係14X, 我覺得值囉~仲真係好食!!同埋最緊要係乾淨!!^^

其實其本上無咩事都唔會黎呢頭,今次係送嘢 俾朋友, 要送去佢屋企附近俾他, 順便朋友話未食飯好肚餓, 就帯 佐我來呢度.佢話呢度D 拉麵好正,想食拉麵時都會來,我覺得呢度D 拉麵的確好食,不過如果要我特登黎食就唔會喇!! 太遠了!!海老天婦羅, 呢間的天婦羅好得﹐蝦非常新鮮﹐炸的麵粉亦落得剛好﹐不過稍微油膩了一點。

星期日,我同D fd去到大圍搵朋友,之後個fd帶我們去左間叫木屋日本料理食lunch.我們叫左一份壽司定食, 牛肉烏冬鍋,仲有個garlic蜆肉抄意粉,D garlic 真係幾得意，好特別,仲有好香!!D魚生刺身同壽司都好新鮮!!!le個價錢真係物超所值!!!仲有幾位侍應主動加茶,值得一讚.但係鋪頭就細間左D!!但係我一定會再le幫親ga!!

係我個朋友生日,佢想食日本野, 又唔可以太遠, 所以就選擇左黎木屋食飯啦.以前都食過E 間野, 覺得E 間野的裝修都幾舒服, 係三五知己食飯的好地方！至於食物方面都Ok : 魚生刺身、壽司都好新鮮，至於熟食方面, 都覺得好好味,仲食左d 燒物, 沙律, 甜品就冇食, 因為太飽啦. 總括來講, 呢度食得過既, 不過D　款式可以加多D, 咁就可以滿足到貪心既我啦

上星期同朋友共兩人去左哩間木屋度食晚飯, 我地叫左個鰻魚飯, 牛肉拉面, 帶子刺身, 及二杯買一送一的夏日特飲. 個鰻飯實在係普通到自己都可以做出來, 只有飯加兩塊約2-3吋長的鰻魚, 加少少鰻魚汁. 質素同自己煲飯加超市既鰻魚分別不大. 另外, 牛肉拉面就更是不在話下, 求其一間非日式食店都可以比它好, 我心諗... 大家樂既拉面... 一定回好少少, 牛肉.. 吉野家一定好得多.再者... 就是帶子刺身, 表面上是六粒, 但係... 一粒一開2 or 3, 真係又細又薄, 要$36!!! 最令人嘔心既.. 就係那個特飲, 那裡沒有水bar, 只係... 一個waitress 在雪櫃搵d野左撈又撈, 水, 汽水, 啫哩, 雜果等, 覺得有少少不合衞生.哩一餐一共食左$154, 實在係不值, 去隔離舖食叉燒重好.我以後一定唔會再去.

尋日第一次去食,叫o左set lunch ~ 豬軟骨拉麵.味道麻麻無驚喜,好普通,仲要等15mins 先有得食,無o羊興趣再去

　　呢間舖仔正正係大圍火車站斜對面，非常近我娘家，耐唔耐都會幫襯一次，最好都係散叫，份量比較多而且又唔貴！上星期，食左炸蝦天婦羅，三文魚刺身，鹽燒三文魚腩，帆立貝紙火鍋．．．味道算中上，不得不提佢個蟹肉蟹籽沙律，係我既首選，味道好清新又開胃，好食過其他日本料理店嫁！　　可惜舖位真係太細，如果食野要食埋環境既老友一定唔合口味，記得有一次，一行四人去食晚飯，佢地都話好味，不過有d迫囉！　　如果keep到水準，一定有回頭客喎！因為大圍有水準既日式舖頭根本唔多！　

木屋唔係樣樣野都好食有d間直係below average推介：豬軟骨拉麵／蟹子蟹肉炒飯千祈唔好食：牛肉飯價錢方面雖然個個set lunch都幾貴但其實抵抵地因為份量好大嗌一個飯一定可以食飽兩個人又有沙津／味噌湯

今天2人來lunch,跟網友介紹,放棄set lunch,叫:1)豆腐沙律-有幾件豆腐(幾滑),多生菜,小小粟米粒,車厘茄,木魚絲-個sauce好特別,是似d麻醬同白醋的混合體,出奇地好味wor-都算大碟2)清酒煮蜆紙火鍋-正如之前網友張相,d蜆幾大隻,d肉都大,剛熟的色澤仲有d似北寄貝添(即橙紅),鮮甜度可以,清酒底都幾酒味-其實應是煮熟後再放在紙火鍋燒咁啦3)蟹子蟹肉炒飯-上檯時幾香,有d蟹子放在飯面頂作點綴-味道不錯,而且好大碟-因剛剛抱恙完,不敢食到咁盡,所以無試到雪芭-服務中規中矩

和朋友一齊去食飯, 我們點了鐵板和牛, 幾特別, 自己煎, 自己喜歡幾熟就煎幾熟, 其他嘢 食都好正, 好似炸雞軟骨碎, 好香好脆, 鹽燒三文魚腩好滑, D魚生好新鮮，鰻魚壽司D 鰻魚好大條好長.至於service都OK 啦，會主動加茶, 待應有笑容！

之前好想上來寫食評,宜家終於得閒了!木屋係我同女友經常去的日本食店,毎次食完我地都好開心離開!^_^這間食店無論係食物質素,定係服務質素都係優質的!1月尾的時侯第1次在這裡吃到清酒煮蜆,味道鮮甜,那個紙火煱更是一絕,壽司和刺身也非常新鮮,唯一唯陷係食唔到赤貝壽司,因為四處都缺貨!2月中,我同女友的紀念日,寧願放棄尖沙咀諾士佛臺的餐廳,也要來這裡再嚐美味的食物,依舊食左清酒煮蜆,仲有帆立貝,壽司盛,海老天婦羅,窩蛋雞肉飯,甜品食左椰子雪芭同菠蘿雪芭,樣樣都好好味!!臨走前職員仲問我是否想將相放上openrice!你說對了!!宜家差唔多毎個月都會去這間食店2,3次,上星期仲試了羊鞍,羊肉唔韌又唔會騷,仲有食到好味的赤貝手卷!總結木屋係值得一去再去的食店!希望佢地可以保持住咁好的食物同服務質素!最好增設埋VIP,俾倀VIP card 我女友!!

今日在朋友介紹下和他去食晚餐，話食物和服務都唔錯．叫佐個豆腐沙律，軟殼蟹卷，和牛石板燒，鐵板雞扒同蟹肉蟹子炒飯．豆腐沙律很嘢味，很開胃．軟殼蟹卷都ok，　和牛石板燒可以自己慢慢燒，幾得意，很特別，好香好味．鐵板雞扒熱辣辣．　蟹肉蟹子炒飯，　飯內有很多蟹肉．總結味道都很好，服務員亦相當殷勤，會再去! 　　

學校lunch time冇食飯,唯有忍到放學...因為新田圍附近冇乜野食,就落左大圍搵野食...路經此地,見到D學生餐唔貴,就入左去...一入去坐低,即刻有店員斟茶遞水...因為成四點幾,入面一個人客都冇...學生餐的選擇都幾多,有飯,有拉麵(拉麵可轉烏冬),有壽司,全部都送飲品...因唔想食拉麵,就叫左個壽司+淨烏冬+凍檸水...即叫即整...壽司有八件,四件加洲卷,其餘四件係蟹柳壽司,玉子壽司,三文魚壽司,同埋北寄貝壽司...飯唔係一夾即散的...加洲卷:上面幾多蟹籽,沾上加洲卷,蟹籽新鮮,青瓜果d都ok...蟹柳壽司k好食...玉子壽司:甜甜地,幾好食...三文魚壽司:三文魚新鮮,切得幾厚身...北寄貝壽司:北寄貝ok新鮮,爽口...淨烏冬:細碗的淨烏冬,豬骨湯底...烏冬幾滑,不過就腍左少少,不過因為加左紫菜同蔥,同埋吸收左湯的味,所以食落幾香,入味...豬骨湯底唔算濃,適中的濃度,對唔多的烏冬已經足夠了...寧靜的環境,播住流行曲,孤獨一人有點兒寂寞,不過就可給自己一個安靜的地方...由入黎至走都冇其他人客...學生餐埋單唔使加一,食得好飽...店員話呢度學校lunch ti

D野，太正，由其是D豬軟骨拉麵同抄雜菜(見圖)

昨晚與三五知己去咗"木屋"食嘢, 之前我哋全部都未試過, 見佢新開張就入試吓啦...點知...食到我哋停唔到咀老闆重點推介咗幾款嘢食, 蟹鍋一定要試, 啲蟹肉多到你唔信, 又新鲜. 仲有三文魚和鰻魚壽司啲魚大塊到癲, 低食過"X盛" 同"X前" 呀...仲有, 仲有, 個清酒煮蜆, 嘩...好鮮甜, 好大隻...好快就比我啲朋友搶晒. 佢哋招呼非常好, 所以開張無耐就有好多熟客...食得好開心, 好滿足!!!總之哩個價錢去第二度食唔到咁好質素o既日本嘢啦....一定要再去呀!!!