木屋 (Closed)

呢間日本菜，喺大圍都開咗好一段時間，一直沒有試過，每次晚市經過都幾多人，所以一直未有機會試，今日下午在大圍閒逛，肚子餓又唔想食西餐，周圍看看，試試找西餐以外的食物……路過'木屋'，見到有下午茶餐，款式都幾多，於是進去一試，兩個人叫咗一個沙律配湯烏冬，同埋一個迷你魚生飯，兩者味道不錯，魚生飯嘅魚生都好新鮮，份量亦不多不少，恰到好處!唔錯!整體而言，質素都唔錯!下次可以試下晚市，佢嘅二人套餐好似幾吸引……

早排有個周日去左呢度食午餐, 叫左個牛肉壽喜鍋定食 $64, 跟前菜和飲品或麵豉湯, 我就揀左飲品. 開頭見佢MENU冇寫有白飯, 以為牛肉壽喜鍋入面有烏冬, 點知黎到先發現原來係跟碗白飯的..不過唔緊要啦, 個白飯質地都幾軟熟~ 前菜係中華沙律, 普通貨色啦. 個主角牛肉壽喜鍋都唔錯, 入面有好多牛肉,  牛肉質地都幾好, 冇乜韌的部份, 除此之外就係一般會有的豆腐, 金菇, 大蔥, 一隻半熟蛋, 鍋底仲有少許粉絲墊底,  午餐來說都幾豐富的.  而湯底都整得OK, 都係一貫既甜甜地的壽喜湯底~ 不過食多一陣就覺得有點偏鹹~另外, 仲加左$12叫多個小食土佐豆腐, 呢個小食就麻麻地啦, 佢好似連埋D 木魚一齊炸...怪怪地咁...味道都還可以既. 反而呢度杯凍檸茶幾好飲! 

今天秋高氣爽啊， 最適宜約朋友踩單車 ，還咗單車之後， 個肚十分炙餓， 於是乎就去咗搵嘢食 。還單車附近見到呢間日本餐廳， 望下佢個門口見到佢啲嘢食都幾吸引， 於是乎就走左入去食， 叫咗一客刺身 ， 同埋一個牛肉鍋 。刺身方面 ，甜蝦其實麻麻 ，冇咩蝦味， 可能真係雪咗好耐 ，唔夠大隻呀。 但三文魚就幾新鮮 ，同埋都幾厚切 ，立魚都ok 幾爽口幾鮮味 。總體呢度講都唔錯 。 至於個牛肉鍋呢， 入面除咗有幾多嘅肥牛之外， 仲有冬菇金菇 ，同埋娃娃菜 ， 佢個湯底甜甜地 幾好味 ，呢間嘢唔錯可以呀，下次再食多次

作為大圍某中學嘅學生，平時出街食都會嚟🙂平日有學生餐，30幾蚊就有埋凍飲前菜，分量亦唔少，不枉平時都一放飯就跑過去食😂不過平日lunch hour都有好多人（可能係因為附近多學校啦），等嘅時間10至20分鐘不等，有時要等30分鐘，怕返學校遲到就唯有轉軚食其他嘢啦講返今餐，因為係禮拜六冇學生餐，所以要食正價，三文魚炒飯+前菜+嘢飲要50幾蚊，雖然係貴過平時20幾蚊，不過同同區食肆比都算平，分量足，上菜快，環境亦唔錯🖒係平食日本菜嘅好選擇😊

今年,我們揀選了這間位於大圍港鐡站附近的食店-"木屋",作為慶祝紀念日的地方.位處大圍港鐡站旁的小店,步行不到一分鐘便到,門面狹小但裝修尚算不錯.坐下後,從餐牌中挑選了這個特選二人餐.頭盤是五品刺身 三文魚肥美肉厚,甜蝦肉質鮮美,其餘的刺身也很新鮮.花之戀 色彩鮮艷的魚子,伴隨著三文魚,慢慢地咀嚼,猶如視覺和味覺同步享受,滋味無窮.和風竹牛油果海鮮沙津 沙律有三文魚,鮮蝦,蕃茄,雜菜及牛油果,各種不同的食物配搭合宜,食後令人感到胃口大增.牛肉壽喜鍋 熱騰騰的牛肉鍋,內有嫩滑的牛肉,半熟的蛋和粉絲,感覺味道比之前的食物更濃郁.七味燒魷魚筒 原隻燒魷魚筒切割成小段,點少許豉油一起進食,味道不錯.蕃茄雞柳撈烏冬 除蕃茄和雞柳外,放置紫菜條於烏冬上點綴,唯食物的口感一般.日式抺茶奶,蘋果蜜自選無酒精飲品是:日式抺茶奶質地略澴,飲後有很飽肚的感覺;蘋果蜜清甜滋潤.味道不錯.由於店舖面積不大,建議預早訂座,以免於繁忙時段,在門外等候. 

呢晚我地Book左6點半，我地當然冇遲冇早好準時到達，又估唔到咁早都已經有咁多人食緊，我地一坐低叫媽咪爸爸睇左想食乜先，之後我同哥哥再睇下加Ｄ乜一齊食。其實店的上菜速度都算幾快，我都有少少嫌咁快做乜，慢慢食都唔得嘅；如果可以將冷熱食品分先後次序上菜好Ｄ。寶在太難得喇，我地一家人終於可以去食餐日本菜，雖然唔係好好食也唔係最正宗的，不過第一次爸爸媽咪終於肯食日本菜，已經食得好開心。以下是我地點的：① 枝豆 ($22)② 櫻花蝦炸豆腐 ($24)③ 三文魚頭鍋 ($64)④ 自家製叉燒拉麵 ($58)⑤ 山葵八瓜魚刺身漬 ($38)⑥ 雜錦魚生飯 ($76)⑦ 黃金軟殼蟹卷 ($48)Total = $32610% Service Charge Total = $363枝豆：枝豆都算大，恰得剛剛好，不過鹽分唔夠，略唔夠咸。櫻花蝦炸豆腐：炸豆腐細細件，面層佈滿櫻花蝦，炸粉薄薄的，外酥脆內軟，汁甜甜地好食。三文魚頭鍋：呢個係呢期推介喎，好快來到，炸過嘅三文魚頭唔脆感到有少少腥，魚湯算OK，有好多紹菜、菇，其實唔多似日本野。自家製叉燒拉麵：碗比出面專食拉麵的細，湯底味淡，麵質麻麻，叉燒肥瘦幾好，糖

其實都食過呢度幾次 但一次比一次差只能想。。是我嘴刁了嗎？豉油太咸 千其唔好點咁多 三文魚ok既叫左一碗泡菜湯烏冬 一碗豬骨湯拉麵泡菜湯夠辣 豬骨湯就唔得 淡貿貿但烏冬同拉麵都係太淋了 豬頸肉煎得幾好 爽口 不過可惜 味道依然係無牛舌太多筋 太厚 唔易咬 依然都係無咩味基本上所有食物既味道都帶唔出黎

今晚黎到大圍已經夜晚9點幾, 臨急臨忙上網搵好味既餐廳 就搵到呢間木屋啦~去到都要等一陣先有位係出面見到餐牌都幾抵食~ 唔怪得都幾多人洋風蕃茄和牛粒撈烏冬 $62估唔到咁大碟.. 烏冬沾滿左蕃茄汁既味 ^^和牛粒都幾多, 可惜有D過熟有D韌, 有兩件蕃茄 不過好酸 整體一般般我叫既係咖喱芝士雞柳石頭飯 $64一上枱已經好大陣香味 芝士好好味~ 日式甜咖喱一D都唔辣飯入面有好多雞柳同洋蔥! 個石頭鍋真係好keep到溫度, 食到尾都仲係熱辣辣既(如果連飯底都有芝士就好啦)一人一個飽肚食物其實已經好飽, 不過我地貪心叫多左個炸軟殼蟹 $34蟹肉位置好大! 真係食到啖啖蟹肉 炸得好好 蟹肉同炸粉係相連既, 想分都分唔開 =D總結 晚餐食日本野 每人唔使$100 飽得滯, 味道唔差, 抵食~~

一向都係睇人地寫，今次終於想自己寫。嘅然作為第一篇，就搵間新餐廳寫，作為一個好開始。大圍木屋，我記得我細細個已經喺度，不過早幾個月見到放滿花牌，心想應該轉了老闆，近日終於有時間去再會一會佢。今日係復活節假期，我7點幾去到，見到已經滿坐，可見水準應該不差。門囗的靚女亦都好有禮貌派張飛俾我，叫我等等。大終過了15分鐘，頭先位靚女就安排我去了張2人枱，舖頭雖要不大，但都坐得不會太逼，抵讚！！望了望Menu..食物款式都幾多，有些我估係老闆自家創作，皆因有些我係未見過的。見到黑板上寫了些廚師推介，價格亦都合理，就叫了：黑松露赤蝦sushi..加拿大海胆sushi...牡丹蝦刺身...油甘魚刺身，另外飲了支凍清酒。魚生十分之新鮮，鮮甜。特別係牡丹蝦，足足有一個手掌咁長，蝦頭也好細心炸了，送酒冇得彈！！慢慢細賞後，有位店員放下了一碟炸三文魚皮，我本來冇叫到的，以為係佢搞錯枱號，送錯單。一問之下，原來係頭先門口位靚女送的，好讓我用嚟送酒。正！！飲飽食醉後便埋單走了，好讓他們再做下一輪生意。本來沒有打算寫食評，所以照片就冇拍了，但係有咁好嘅服務，值得一寫，作為新手第一篇都不錯。我下次會再來的！

日期: 14 October 2012時間: 2:00pm我同女朋友入去食. 諗住間野平平地. 叫左兩個定食. 點知女朋友的前菜(蟹子沙律粟米)入面有隻死咗的甲由. 佢仲要係食咗兩啖先發現. 我同waiter 投訴. 佢地好快就收番碗前菜. 相都唔記得影. 赫到我女朋友喊哂口.埋單仲要照收我錢. 走咗之後我女朋友話比我知其實地下都有死甲由.當晚我女朋友番到屋企係咁痾. 肚仔痛到第二日. 結果仲要花一百九十元去睇中醫. 有單睇. 唉, 女朋友又要肚痛, 又要嚇餐飽, 又要比醫生錢, 我又要諗點tum 佢. 真係多重損失!!以後請我都唔會去食!!

Set menu total paid $279 for 2 people! Food is rubbish!!! 1. Rice is not good!! Mushy and filled with water!!2. Salad dressing is awkward and doesn't taste like regular japanese dressings. 3. Sashimi is not fresh - oysters, salmon, not good! 4. Hot pot with mostly cheap veggies, and the egg was old.5. Food is totally not fresh. I think only worth about HK$100! WORST than CAFE De Coral, or any fast food!6. Drinks taste like Bubble gum!! Very artificial.7.The plates look dirty too! Looks like

上週六,有朋友特登入大圍同我食飯,行過呢間日本料理,就入去試吓,2人同行,就散叫,唔食套餐!!order 一支細清酒,1個什錦刺身,清酒蜆煮紙火煱上,鐵板和牛,海膽凍豆腐,7吋長既三文魚壽司,日本廣島蠔............仲有幾款忘記了什錦刺身:吞那魚有根!!失望,其他三文魚,蝦,油金魚都唔太新鮮.....清酒蜆煮紙火煱上 : OK 鐵板和牛 : 鐵板上,所以 order 3成熟,点知上枱己去到7成!!海膽凍豆腐 : 豆腐唔夠滑!!7吋長既三文魚壽司 : 冇咩特別,只是三文魚特別長日本廣島蠔 : 唉!完全冇味,最重要係蠔與蠔殼不成正比!!食完後一定唔會再去食!!Remark : 我朋友一面食,仲比蚊一面針!!

大约半年前黎過,個陣見上菜又快,又幾好食,所以今日帶媽媽仲有哥哥同家姐黎再食见到個四人餐幾抵食叫左一個黎食,前菜有一個胡麻豆腐沙律同蚧籽沙律,都幾大碟一盤什錦刺身同八件三文鱼加曼鱼壽司好新鮮好好味之後黎埋主菜,揀左铁板和牛同天婦羅,和牛還可以但個天婦羅就麻麻地,比起上次食硬左同細件左好多接著有炒飯同手打湯烏冬,炒飯好乾身同麻麻地,都係之前黎好食好多個烏冬依然咁好食仲有四杯特飲都可以總括來说,食物飽肚都扺食,服務生都勤加茶同執野坐得幾舒服

大圍唔係好熟路....又冇上openrice做功課...所以事旦搵間坐底就算...但理論上都唔會再光顧...價錢同食品完全唔岩比例...日式牛肉火煱定食 $48湯底好飲...因為係非常味精湯底...份量其實係偏多...飯餘下半碗幾....火煱除左有牛肉之外...配料都算幾多....包括大量娃娃菜...金菇同荀等等....如果個湯底唔係味精會值好多..個湯底令到個餐唔值 $48辛辣九州拉麵定食 $43拉麵對比個碗飯真係出奇地少...唔通而家d拉麵通脹得咁緊要?!整個拉麵黎講不過不失喇...但係定食包埋個個壽司就真係好驚人下...就如張相一樣...飯粒好似膠咁...食左半舊男友就放棄左...蔥吞拿魚卷 $26呢個算係成餐最好的...老實講...只係一般的普通貨色...可想而知個兩個定食幾令人失望!!!另外...飲品方面....又一驚人之作...點左凍奶茶...點知黎左杯凍糖水..完全唔知d奶味茶味去左邊...告知唯一的待應再酒水後...再調配過...叫做可以飲一兩啖咁囉...但這個服務...都不值10%囉..唔係要求高...寧願俾多少少錢去和民!!!

完全唔知食緊咩啲壽司飯好lum 痴實哂 啲刺身一啲都唔新鮮三文魚好似放左好耐gum烏冬既湯幾好 恰到好處另外兩次lunch一次食照燒雞扒飯太鹹 一次好淡飲品飲凍檸茶無糖既見到有人問拎糖漿先知要甘好麻煩麻麻地 不推介