Knutsford Steak Chop & Oyster Bar (Closed)

HKG C 小姐生日，搵左間有情調嘅美式傳統華麗風格餐廳同佢慶祝。一步入就聽到響亮歌聲配住 Live Band，勁有氣氛。前菜係焗蒜茸包（初頭以為免費，埋單先知係付費餐前開胃菜），熱辣辣，大大件，夠哂香脆。餐廳做緊推廣，凡點主菜炭燒牛就可以玩「一手鮮生蠔」，不負眾望。。。登登登登。。。我一手拎到6隻！係6隻！咪以為免費送就將價就貨，生蠔開出黎仲好濕潤新鮮，雖然肉身唔算好大隻，但口感非常爽脆，啖啖海水味。焗田螺忌廉薯蓉，用香草同牛油焗，上枱勁香，一口一粒，滋味！帶子蟹肉露荀寬條麵，粒帶子有掌心咁大，蟹肉可能混入左忌廉汁𥚃邊，所以唔係好食得出，雖然係咁，但個汁煮得好 creamy，蘆筍都好爽口。炭燒美國肉眼扒，分量十足，配一份薯條、燒汁、同蔬菜，塊扒足12安士，三成熟剛剛好一切開肉汁出晒嚟，不過略嫌淡口，如果配埋岩鹽咁就 very good 喇。香煎鱈魚伴鮮蜆配紅花忌廉汁，咪睇小份鱈魚，成份魚扒勁厚肉，蜆又多，兩個人淨係一齊食呢樣都夠飽，魚扒咁厚一般會煮得過熟同鞋口，但呢道菜魚肉好似半生熟蛋咁好滑身。鐵板醬焼豬仔厚肉排，唔知係乜🐷種，比平常豬仔骨，呢個肉同骨都較厚身，之但係煮出黎依然好嫩口

晚上去了尖咀諾士佛臺有間酒bar餐廳，空間都幾闊落~而且仲有live music有2位經驗老到既駐店自彈自唱歌手~佢地仲會行去客人旁邊圍住唱歌，客人仲可以當場點歌~當晚客人點唱「i will be right here waiting for you! 」非常有氣氛岩哂黎拍拖dating有個期間限定~惠顧any of steak!! 就可以玩一手拎蠔~店員會提供手套保護， 確保安全唔會比蠔殼整親！結果拎到6隻蠔~~覺得非常超值雖然蠔唔係大size類型但係蠔味好鮮！！重海水味蠔肉都幾飽滿10安士頂級牛柳~~~真係估佢唔到咁好味5成熟~唔會過韌！！牛柳嫩滑唔加醬汁都非常正~薯條都係脆卜卜

星期中，悶悶哋搵朋友happy hour，地點梗係去九龍蘭桂坊，尖沙咀諾士佛臺啦，飲完兩round之後，係時候醫下肚，行到中間，見到有間餐廳門口棟住個大牌，無眼花，係一手蠔，拿幾多，免費食晒佢，真係free！！！係唔經大腦之下，0.1秒就上衝左上去，睇下咩料先。呢間餐廳環境古典優雅，仲有音樂家輕彈淺唱，超浪漫 ，在經理介紹之下，得知原來惠顧一份扒類，便可享有一手蠔優惠， 平時食牛就食得多，那次我就點了燒焗脆皮芥末紐西蘭全羊鞍，頭盤點了果醋漬鮮帶子清蘋牛油果沙律， 新奧爾良炭燒牛油青檸八爪魚鬚 ，龍蝦濃湯....share 食啦。期待一手蠔終於來到面前！ 嘩嘩嘩！好大盤呀 ！還準備手套， 真細心。呢隻原來係南非生蠔，都幾大隻，單價賣$48隻，我嘅成績係...6隻！心算一下，呢餐已經回大本啦， 南非蠔味道鮮甜，海水回甘味不錯，好食！兩度前菜好味開胃，燒焗脆皮芥末紐西蘭全羊鞍， 外脆內juicy，食落有層次，掂！經理介紹咗杯 Cocktail 比我， 名為Royalty，青青綠綠，賣相夠fresh， 飲落有料到，有少少酒精， high high地， 呢餐食得好開心！

學Janice Man講，要食返個fine dine先係perfectttt! 今次去尖沙咀Knutsford食個西式晚餐。平日上班已經夠辛苦，所以收工當然要對自己好一點點，Knutsford的賣點之一就係有酒提供 (廢話，因為座落於諾士佛台) 餐廳另外一個賣點就是有現場音樂，這些事情好似以往在電影才會發生的環節，想不到現場都會看到。餐廳最近有promotion，就是叫牛扒就可以免費有一手拿生蠔，所以就點了 Rib Eye Steak $398至於生蠔方面，竟然可以一手拿起6個生蠔哈哈⋯⋯ 入口方面，十分新鮮，海水味都十分足，而且洗得很乾淨，沒有半點沙粒出現，絕對推介。Rib Eye的牛肉味道十分濃厚，雖然有少少overcook的問題，但絕對不會影響吃上來的味道，而且口感不錯，值得推薦。晚餐都會有酒精的供應，今次點的是White，容易入口，但有一點點酸味，但house white來說，都算不錯。

今次一行四人去左尖沙咀諾士佛臺消遣。黎到意間Knutsford Steak chop & Oyster Bar。睇個名都知係食扒同蠔啦！^_^環境氣氛十分正，有情調又有現場live音樂，令人感覺放鬆舒適。服務態度好，值得讚一讚。餐廳裝修設計以美國牛仔風西餐廳，Classic 有情調之餘，帶點玩味，個人覺得好岩三五好友黎傾幾聚會。兩位叔叔整晚彈住輕鬆愉快歌曲，令整個場增添不少樂趣。由於當晚有四人一齊，睇到餐牌有徳州證書級斧頭扒，當然晤會錯過，一齊開心share。原來係意間餐廳叫任何炭燒牛扒主菜，加Like佢地Facebook 就可以免費玩一手生蠔，今次由男士玩攞到五隻^_^成績不錯。生蠔雖然晤算大隻，但味道鮮甜。^_^鮮帶子蟹肉露荀忌廉寬條麵清新之選^_^因爲已經叫左斧頭扒，所以麵食就叫左個比較清新既。帶子係珍寶帶子，非常大隻，煎得夠乾身，能煎封鎖住水份，鮮甜可口。加上露荀夠嫩，能再加多一份蔬菜的甜味。整個配搭好好。醬汁濃杰適中，不會有膩囗的感覺。是日重點。徳州證書級珍寶大骨斧頭扒。份量十足，適合2-3人一齊分享。再配上大量燒過的蔬菜，能中和油膩感。還有配薯條，整個菜式賣相吸引。一今次是

好久没到諾士佛臺，剛好要去美麗華，就決定來飲杯嘢、吃個飯。已數不到多久没來，連樓梯整好了也不知道。 由街頭走到街尾，店鋪都没太大變化。Knutsford處於街尾，要先日本餐廳的門口再上一層。 甫進門，懷舊的美式裝潢，讓人猶如置身1890s的美國餐廳。餐廳很大，擺了不少大枱，空間還綽綽有餘。 還有live music~ 悠揚音樂為晚餐更添精彩。樂手對鏡頭的觸覺超高，一舉機就會望著鏡頭笑。 蒜蓉包 $40 - ★★★★★  剛烤好的蒜蓉包熱烘烘，很鬆脆。包邊有點燶，中間滿滿蒜蓉，超愛吃。一個人吃一整籃絕對有可能 XD 香草牛油焗法國田螺佐忌廉薯蓉 $68 - ★★★☆☆  一上枱，香草牛油香氣撲鼻。田螺有點腍、不夠彈牙，但勝在薯蓉夠蠻香、幼滑。 新奧爾良炭燒牛油青檸八爪魚 $108 - ★☆☆☆☆  八爪魚外表烤得香口，但肉質很鬆，不爽也不結質。而且吃不到青檸味。 鮮帶子蟹肉露荀忌廉寬條麵 $188 - ★★☆☆☆  忌廉汁味道剛好而且creamy，但意粉有點過軟。帶子封煎還算得宜，不過不失。 著名聖路易斯醬燒乳豚厚肉排 (Half slab) $198 - ★★★★☆  吃美國

今日同朋友行尖沙咀，心情好好所以去左食好西，黎左諾士佛臺食晚飯，Knutsford呢間野都幾有情調，場內仲有2位好有特色ge現場Live唱歌添~坐低後就點餐啦~唔係叫左好多野~都幾快上菜~點餐後，服務員馬上為我們送上麵包，麵包烤得剛剛好，外層香脆，內層鬆軟，沾一點點牛油已經非常好食！Rustic Caesar Salad with grilled Cajun chicken凱撒沙津$128生菜很新鮮，配上麵包碎，非常爽脆，很有口感。今次配左烤雞，每片雞肉都很鮮嫩，而且好厚肉。吃的時候沾一點醬汁，再拌上生菜就剛剛好，口味豐富之餘，味道一流Texas Sirioin Steak Sandwich特色炭燒頂級美國西冷牛扒三文治第一次食到有整塊西冷牛扒的三文治！三文治的麵包我就唔太喜歡，西冷牛扒比較薄身，仲夾左香濃的芝士、沙津醬、洋蔥，口感十足！不過呢碟野就真係幾肥啦。配菜的幼薯條都幾脆口，而且份量非常多~Twin Prawns Linguine大海蝦風乾蝦鮮茄蓉意粉 $168大蝦非常新鮮，而且仲有4大隻！加上用鮮茄蓉煮成，有一點點微酸，又有一點點微辣，非常開胃！下次有機會再試其他口味

有些餐廳，和想像中出入滿大的，從fb fanpage，從Instagram，從文字，和自己的感受總會不同。 上星期，從秋田吃過晚飯後，看到這間非常有情調的餐廳，吃的是牛扒和海鮮，加上live band ，暗淡的燈光和浪漫的氣氛，我說我要來試下這些餐廳。 這類講情調的餐廳，一定要識，你身邊總有人用，你不知會不會有天要用，追女氹女係男人永恆的業務。 就如大文豪我的宣言，只知道是時候拿著鮮花，我的宣言，說我愛你都要有好地方，好食物，你估真係愛情飲水飽。 好餐廳不一定要去Sheraton steak house ，如果budget唔多，呢到驟眼睇都幾對辦。 有海鮮有牛扒有酒，呢個無敵組合，就算宅男如我都屬於必勝方程式。 當然，一坐下來，就要搵好野叫，我選了個seafood platter ，唔食得都睇得。 海鮮多，有生蠔，有蜆肉，有翡翠螺，有大蝦，有蟹腳，有青口，每款有兩件以上都只是$398，說真，平到不行，你自己係超級市場都未必呢個價錢。 生蠔冇特別問是那款了，不過細細隻，海水味重，估應該係澳洲。 翡翠螺大隻過大隻佬，冇沙又乾淨，好食。 大蝦雖是雪藏貨色，但以大小來看，佢盡左好食嘅

看完歷史博物館的展覽後, 童年的快樂回憶不斷湧出來。大家的心情亦非常愉快, 於是想找吃一餐好的持續好心情。記得上次吃磯燒的餐廳下一層有間西餐廳格局也頗吸引, 既然不到十分鐘的腳程便到, 於是就到那兒開餐吧!在諾士佛台的KNUTSFORD STEAK CHOP & OYSTER BAR 是傳統的美國餐廳, 除了有一般的意粉扒類外, 還有一個幾大的酒吧區, 和朋友HAPPY HOUR 飲杯嘢也是個好地方。餐廳內的裝修很有情調, 漫着歐陸懷舊氣息。此外更有結他手即場表演音樂, 加添了不少氣氛。想不到這兒有"一手蠔"的遊戲, 只要LIKE 他們的FACEBOOK, 便可免費參加這個一手可取多少隻生蠔的遊戲。這個時候當然要手較大的V先生出馬, 結果我們就有六隻澳洲生蠔作頭盤了。即使是免費, 但這些生蠔的質素一點也不差。除了洗得夠乾淨和保持溫度夠凍外, 蠔本身味道亦很清甜, 海水味較重, 肉質較清爽, 幾適合夏天吃。要不是明天便要上班, 多點一杯白酒配襯應該令味道更上一層樓。天氣真的很熱, 所以也點了個沙律醒胃。我們揀了店員推介的帶子牛油果沙律。一向不大愛沙律醬的我也覺得這個沙律很好味, 口感清新

久違了 還是要浪費一番今晚同男人搵黎氣氛浪漫嘅西餐廳撐下枱腳悠和嘅燈光下 配上多首熟悉嘅英文歌間中重有兩位結他他老伯即席表演餐前有法包作小吃 微暖但足以令牛油溶掉我地㨂左薯蓉焗田螺作小吃 薯蓉非常嫩滑配埋田螺肉一齊食 口感一流主菜我地㨂左西冷牛扒配焗薯5成熟嘅牛扒 入口十分juicy而且牛味濃有咬口但唔靱 唔洗點汁都已經好正焗薯配上沙律醬 煙肉粒同䓤粒 正crazy burger 有厚厚嘅安格斯牛 芝士同煙肉麵包烤得香脆 配埋生菜蕃茄 厚到...當然不能忽視大量嘅薯條 好邪惡重有飲品我地㨂左 左邊嘅gold coast同埋右邊嘅virgin lemon tree 完全係大滿足

尖沙咀不乏西餐廳，但係食物質素好、而且有格調嘅確實唔易選擇，呢間諾士佛台嘅餐廳卻係區中少有嘅餐廳。餐牌選擇豐富，我地揀選左dishes之外，先食熱辣辣嘅餐包，烤得金黃軟綿嘅麵包，配備少少牛油都已經好滋味。接著嘅肉醬意粉，番茄醬酸甜度適中，意粉軟硬呈度都啱啱好，加上香草芝士嘅點綴，都相當出色。今晚嘅重頭戲，鐵板海鮮大拼盤，以干邑、蒜香、牛油烹調各款新鮮嘅海鮮，上枱時候已經香氣撲鼻，再細味各款海鮮，更加係非常滿足。彈牙嘅魷魚圈、毫無雜質嘅青口同大蜆，啖啖鮮肉嘅龍蝦，跟著仲有大蝦、帶子等等，真係相當值得一試。P.S. 值得一提，晚上仲有現場結他嘅伴奏，仲可以點唱歐西歌曲添!

小弟正日生日，當然要食好啲，原本同老婆食，但佢突然要出差，就搵咗個朋友頂。呢間餐廳裝修好靚，可能因為我地早，所以人未算係好多。呢間餐廳有promotion，只要叫任何一份牛扒，就可以玩一手拿生蠔。我朋友一手拿咗8隻，爽!最重要係我朋友係唔食蠔，所以再爽!一人獨吞8隻。唔好以為係免費就唔好，呢8隻都唔差，好有海水未又creamy。三文魚沙律，好新鮮，好好食!啲菜好爽口。正牛扒係12安士，超大塊，絕對足料，皮脆。5成熟無多無少，肉地好陣(臨)。再加埋配菜，一流，絕配!長通粉好入味，正!

忙完一餐交埋功課係要好好慰勞自己嘅，所以今日黎左呢間好有情調嘅 Knutsford steak chop & oyster bar❤️～ 呢間位於金巴利廣場嘅Knutsford，唔去開諾士佛臺嘅朋友可能會覺得有少少難搵😅因爲所講嘅「金巴利廣場」並唔係咁起眼，亦唔係一個真·廣場黎😂⋯所以如果The One過去行到尾酒店前就係架喇～ -------------------好耐無同隊員W黎呢類餐廳，偶然嘆下其實都浪漫嘅🙈Bit of classic decoration加上live show，都可以算係casual嘅燭光晚餐～ 坐低店員就放低左時令生蠔同main course嘅menu，由於我地無單叫生蠔所以無特登叫佢介紹🙂兩個人叫左： 時令雪花海鮮拼盤✨(Lover's size)Premium chilled Seafood Platter （$398）拼盤有大蜆、翡翠螺、生蠔、紅蝦同帝皇蟹腳🦀～除左蟹腳全部都係4隻上～而且有cocktail sauce同新鮮檸檬做佐料👍🏻生蠔好大隻亦好新鮮，淨係點檸檬已經食到蠔鮮❤️翡翠螺亦好鮮甜無沙，呢樣唔係間間都做到～ 美國頂級肉眼牛扒🐮12oz

跟男友撐枱腳，想坐得舒服當然去吃西餐好，所以我特別上網找了一間裝修很有情調的西餐廳Knutsford Steak Chop & Oyster Bar。 現場有live band 助慶，男友笑說下次來慶祝生日，可以一起唱生日歌! 餐包烘得香脆，塗滿牛油又香又有咬口。 黑松露菌忌廉湯。黑松露香得來不會搶走菇菌味，口感滑滑夠creamy。 香草牛油焗法國田螺佐忌廉薯蓉。田螺肉質彈牙爽口，帶濃郁牛油香，而忌廉薯蓉非常幼滑，好好味，如果份量再多一點就好了。 鮮帶子蟹肉露筍忌廉寬條麵。超大隻鮮帶子，肉厚鮮味是貴價貨呀。蟹肉跟忌廉醬汁混在一起，味道香濃帶微甜，醬汁掛滿寬條麵好惹味， 男朋友大讚! 著名聖路易斯醬燒乳豚厚肉排(半份)。鐵板上熱辣辣，半肥瘦肉排咬落幼嫩多汁不會太乾，而且沾滿bbq醬非常入味，配上大量薯條，香口滿足。

對西餐呢, 我就無特別喜好, 反而佢個食肉怪呢 就好鍾意嘞~所以, 佢簡親... 多數都係 西餐~~~XD 今次, 佢簡咗黎諾士佛台食個早晚飯~(星期五晚, 我地唔想 等位 / 同人迫, 所以 6半就食飯架喇~)行完曬成條諾士佛諾, 右手面就會見到呢間餐廳~上一層, 西方感又幾重喎, 咁迪士尼準備入場睇 show 咁嘅!? XD環境同格調都吾錯呀, 好啱 fd 子聚會啊!!!(如果想傾密計, 就唔好坐咁近 live 叔叔, 因為佢地係企定黎唱嘅 都幾大聲架其實~ )一坐低, 侍應哥抱咗呢個黑板仔棟响我地面前, 我第一下呆咗... @''@我唔知咩事. 但我又唔食生蠔嘅... 所以... 點菜後就請侍應哥回收佢鳥~ XD叫好曬嘢, 侍應哥話頭盤都要等好陣子架, 要唔要食住蒜蓉包等...我對靚仔, 係唔識 say no 嘅... >///< 所以, 我 up 咗頭...而呢個蒜蓉包, 都成為咗最晚最好味!!!真係堅估唔到啊!!!好快送到黎, 好香好香! 熱辣辣 超鬆化, 外面脆口 內裏鬆軟 . 香草香蒜 香香濃濃~一人一塊唔夠喉啊~ 最爽嘅係... 佢只係 $20!!! (