小平津 (Moved) New Location

Restaurant 1 of the CWB Japan Challenge – KouheitsuCWB Japan Challenge – to try every (decent) Japanese restaurant in CWB (that I haven’t tried) and review them.Was excited to try the new Sekai no Yamachan in Circle Tower, but turns out they haven’t opened yet (as of early March 2017). As such, we ended up at one of Circle Tower’s nameless, faceless izakaya – Kouheitsu. A fairly local shop, it was very full that weekday night, and we ended seated up at the bar.Menu was completely standard, with

其實食過這間餐廳幾好 感覺很好 所以想支持下小店就寫下跑與兩位朋友叫左 煙肉荔枝串 味道好特別 本身唔食煙肉 但夾埋荔枝就好討好 (推介) 叫左牛肉烏冬窩 味道好好 有2人同4人分量 我地3個人叫左二人分量都夠 南瓜沙律 仍然好味最失色就是叫左個雞肉串 唔記得實質名字 味道ma ma

上次已經黎過一次，但因為冇booking, 所以滿座，唯有下次booking先再來過！終於我個靚女朋友又再約我黎，我地book左8點，到的時候等左10分鐘左右便入座，但座位有點窄，環境比較細！好啦，入正題！我想飲返支beer配食物，但要淡beer, 結果個女員工介紹左orion比我，口感淡淡！魚湯雜菜鍋，魚湯味鮮甜、豆腐好好食！鹽燒牛脷就普通左少少，我嫌佢煮得唔夠香口！鵪鶉蛋是我必食的食物之一，去到邊只要有它，我一定會叫之後再叫左軟殼蟹卷，大大份，即刻飽左一半, 而且好鬆脆! 再加上蟹子同沙律，真係perfect match火炙壽司只叫左2款，因為已經好飽了！

「情人節」——對於大部分情侶來說，相信只是眾多大時大節的其中一個，更有些都未必會理會的一個節日。但對我跟他來說，卻是我們的週年紀念日。每年到了這一天都有同一個煩惱，一方面因爲想好好紀念一個屬於我倆的日子，另一方面又不想敗給那些故意提高價格的情人節大餐。而他，一如既往地為了我們的紀念日而做了些功課，找到了這一家不用必點情人大餐的日式小餐館。 而我，亦一如既往地只牽著他、跟著他去這一家佢已預約好的餐廳，哈哈！打開電梯就看到了餐廳的門牌，小小的木牌讓人感到溫暖。 一早訂好位子，來到了就可以進去了。餐廳不大，所以相對地位子與位子之間的間隔不算多，而我們的位子剛好在牆邊，所以感覺不是跟鄰座很近。 更好的是餐廳有提供一些籃子讓客人用來放袋子，真的設想周到。因為是情人節，所以老闆娘特別容許食客點部分食物時可以只點半份，好讓我們可以嘗試更多食物，真好！在等待食物時，老闆娘為我們送上相片中那朵漂亮的玫瑰花餅乾及護手霜，這都是她朋友弄的，只要幫忙like and share Facebook page就可以有了。跟老闆娘閒聊了幾句，食物就已經差不多準備好了。【刺身拼盤 (2/3份) 】平常的刺身拼盤是每款

這家有家庭式經營感覺的日本料理已不是頭一次光顧了，帶著不同的朋友到來大家都留下良好的印象，我亦樂意繼續帶人來品嚐! 每次都會點很多款食物，今次亦唔例外！前菜一般都是青瓜牛舌粒～雖然menu上沒有三文魚腩的選擇，但幾乎每次師傅都會選魚腩部位及厚切給客人。魚很鮮甜沒雪氣味，明顯跟某些放題刺身的質素大不同。似是蟹子沙律跟拉麵混合版，上桌時幾乎給它的份量嚇倒，建議人多時大家一起淺嚐，留肚品嚐其他美食！幾乎每檯都必定會點，厚紫菜包著嫩滑的豆腐和鰻魚油炸，進食時小心豆腐極度燙口！！配天婦羅汁進食更加可口。有點不明所以不論何時餐廳都有鮮甜肥美的荔枝製作這煙肉荔枝卷，荔枝清甜有效中和煙肉的鹹味，味道層次分明令人百吃不厭，就是很多人對荔枝的瘋狂了！魚湯新鮮製作最好提前預留，魚湯完全找不到調味料的痕跡，就只有鮮甜的魚味，有家的味道。配自選二人份或四人份的烏冬。魚湯較清淡另有較濃味的牛肉鍋烏冬也是很值得推介的選擇。結帳前會奉上自家製雪糕，選擇豆腐雪糕和菠蘿雪糕一定無憾呢～

今日有同事BOOK 左位，去到就有位，唔洗等！LUNCH黎講都算係有好多野食，我就要左個牛肉鍋！佢係仲有一細細既沙律先既，而個牛肉鍋就配可以配烏冬或者米線！所以係銅鑼灣黎講都算唔錯，幾抵食！個牛肉鍋一上枱既時候係會見到D牛肉完全係紅色既，係真係靠D湯整熟佢! 牛肉整熟左之後都唔會好老,都岩岩好!唔知點解好似有D幾爽口!當然亦都少不了菜啦！D菜吸哂D湯真係更加好食!!呢間野真係成日都咁多人，仲要係12點先開，所以LUNCH想食既話一定要BOOK位呀！

同鐘意食日本菜既好朋友食飯，腦海一閃就係小平津! 我鍾意呢間小店既温馨感覺同埋價錢合理。一開門就見到好迫真既深宵食堂既主持人紙牌公仔,十分迫真有趣呢！想同佢合照，但又驚比人笑，唯有淨係影佢既單獨照。今次食左南瓜沙律、煙肉荔枝串、雞肉丸、炒雜菜、魚湯烏冬同明太子炒飯。樣樣都好味南瓜沙律好creamy。煙肉荔枝串燒到d煙肉卜卜脆，荔枝好juicy, 係必定encore既串燒! 食物質素依舊滿意好滿足期待下次同好朋友一起再黎敍舊!好迫真既紙牌公仔!Creamy 南瓜沙律同卜卜脆煙肉荔枝串雞肉丸明太子炒飯sweet sweet 合照，好温馨

終於坐完月, 係時候要約番d朋友, 出黎見下.  難得今日老公夜放假, 可以湊b, 我唔可以放過呢黎個機會.  之前朋友介紹小平津, 一於去試下. 叫左好多野, 但價錢一d都唔貴. 都係一人大約HK$200. 因為顧住講bb d趣事, 無暘晒所有相.  成晚, 我地都債得好開心.  最少, 無人黎成日吹我地走.  服務好好, 見我地無水飲, 會主動幫我地浸.  我地講好, 下次再聚, 都再黎食.  因為真係好抵. 

食物一般，服務態度不佳，兩次落錯單，而沒有積極的跟進。三文魚炒飯OK，焼牛舌都👌，魚生一般啦。價格不算平宜，可以接受。關鍵在於服務態度，年輕人不要太自我，多去台灣及曰本，學習服務人員的態度。

2016年 8月10日 (星期三)大約一個月一次的大學同學聚會，其實真是好開心，大家可以 keep 住畢業咁多年都仍然個個月食生日飯﹗人大咗會更加珍惜朋友，畢竟真心朋友難求﹗今次 8月之星話想食日本菜，我呢個悶人，又提議去返之前去過的小平津，價錢唔貴，食物都有水準，地點是銅鑼灣，大部份同學都方便﹗南瓜沙津，香港唔多地方有得食，我自己就好鍾意食，不過應該幾肥﹗ 拉麵沙津，又是出面好少見，都好好味架﹗芥末八爪魚，好惹味﹗煙肉荔枝卷，煙肉加荔枝竟然好夾，之前試過煙肉加車厘茄又是好好味﹗ 雞肉丸串，估唔到好好味喎﹗ 其實仲叫咗牛舌，好好味，唔記得影。呢碟是雞腎，都好好味﹗豆腐鰻魚天婦羅，我覺得幾好味，不過塊鰻魚好似比以前細咗﹗ 什錦天婦羅，我地研究咗個啲一支支的好耐，我話係意大利粉之類，最後問店員，原來真是麵，不過係日本素麵，佢話好多人客以為是金菇﹗7色刺身，我記得都是 $2xx，都幾抵食﹗軟殼蟹卷，好味﹗ 炸蝦卷，我覺得軟殼蟹好味啲﹗ 雞翼餃子，無食到﹗ 牛肉烏東，飽肚之選﹗ 最後仲有菠蘿雪糕 (送的)，畫上完美句號﹗

2015年 9月29日 (星期二)今日約了大學同學食生日飯，9月才食 8月的生日飯，我的同學真是好難約，好似得我最得閒﹗今次壽星仔話想食日本菜，我就是 openrice 找找銅鑼灣的日本菜，比我找到 【小平津】，原來都有同學試過，我反而第一次食﹗我覺得水準非常好，類似家庭式的菜式，價錢也不貴﹗我們今日點了: 南瓜沙津﹑拉麵沙津﹑牛肉烏東鍋﹑魚湯烏東鍋﹑軟殼蟹卷﹑鰻魚豆腐天婦羅﹑燒牛舌﹑燒煙肉荔枝卷﹑吉列蠔﹑芥末八爪魚。前菜都一點也不馬虎，有青瓜﹑黃蘿蔔﹑牛舌﹗好好味﹗南瓜沙津，我覺得香港唔多地方有得食，上次跟櫻井老師學過，她說在日本好普遍，基本上去大型超市的 food market 都會找到﹗芥末八爪魚，我第一次吃，味道比我想像中好﹗燒牛舌，3件大大件的牛舌才 $30﹗而且好好味﹗非常抵食﹗燒煙肉荔枝卷，煙肉咸咸地，加埋甜甜地的荔枝，都幾特別﹗拉麵沙津，用上芝麻醬，入面有少少蟹柳﹑蟹子﹑青瓜﹑車厘茄，又是比想像中出色，我原先怕會怪怪的，但吃過覺得好好味，清清地唔錯﹗燒蛋卷﹗軟殼蟹卷，非常足料﹗鰻魚豆腐天婦羅，這個是 openrice 必點之一，我當然不會錯過啦﹗真是非常美味﹗吉列蠔，這

自從上一年由男友介紹之下試過就愛上左喱到既刺身，同埋以日本野黎講算得上中上水平，於是今年都想係到食情人節大餐，重溫下美味既刺身！ 點知中哂伏！我地叫左個拉麵沙律，刺身拼盤，軟殼蟹卷同餃子。拉麵沙律:無咩特別，麵質吾錯，但配料偏少，加埋沙律汁，一碗來說份量有點多，一人吃完會吃不下其他東西，所以二人吃完已有飽肚感。餃子同普通餃子無分別，以為廚師推介先點黎試下。。除了外皮脆的口感，已無其他特點，不值一試。軟殼蟹卷:記得上次黎食好好吃，軟殼蟹不會只有小小的一條，加上牛油果的配搭，柔滑中吃到香脆，口感一流，但今次稍遜一籌，因軟殼蟹未見炸得很脆。但畢竟是招牌菜，也可一試。最後重點刺身拼盤:有七款刺身，分別是三文魚，吞拿魚，立魚，紅雕魚，鮮蝦，海膽和八爪魚，但一看便知不夠新鮮，色澤普通，雖然沒有相片留底，但只能說你要試可以，但價錢是否合理就憑個人感覺了。以前的三文魚入口即融，十分鮮甜，這次也是衝著刺身來的。但現在的水準跟爭鮮沒兩樣，只能說極失望！其餘的吞拿魚八爪魚也是沒什麼甜味，口感比爭鮮好一點而已。只有立魚紅雕魚和蝦尚算可以，但海膽是散開的，入口略帶苦，但記憶中上一次絕對不是這種印象，所以顯然是質

朋友生日，經過尋尋覓覓，一試坐落於永光中心的小平津。 南瓜沙律南瓜沙律本身不是我們的喜好，但見到別人點的時候賣相十分出色，我們也點了一個xd。樣子有氣勢，食落唔失禮。南瓜味道清甜甘香，配搭上薯蓉般的口感，一絕。 刺身拼盤只能夠說小平津食的不會是刺身，因為全部也不新鮮，比之連鎖餐廳或附近的外賣壽司店也不如，不吃也罷。(雖然價錢不貴) 雜錦魚生卷比起刺身，魚生卷效果更好食，本身需然唔新鮮的刺身，但用一種混搭的形式展現，口感淡淡肉，不同刺身口感不同，令口感甚有層次。不錯吃 碎蔥免治吞拿魚腩卷正正常常，味道不算香濃，紫菜不夠脆。 荔枝煙肉卷荔枝鮮甜，配上油油的煙肉，中和了煙肉過油的口感，好食。 蒸蛋不夠滑，亦不夠蛋香，平平無奇。 日式煙肉焗蠔焗的火喉控制得好，蠔不會太熟，亦不會過生，保持鮮度，加上傳統的煙肉加芝士，令人不愛吃也難。 鰻魚豆腐天婦羅很有創意的一道菜式，賣相真的不敢恭維，豆腐加鰻魚不是一個很好的組合，配上外層炸香的天婦羅，愛吃奇怪東西的人可以一試。 燒飯團燒得香脆脆口，三文魚味道為飯團作一點點綴，可以一吃。 巨峰乳酸梳打很普通的飲品，無特別。位與位之間比較窄，但人流甚多，氣氛甚好，

很久沒跟同事吃晚飯聚聚，又是由我來發板，今次來小平津，一來朋友之前試過推介，另外openrice comment 大部份讚好都認為值得一試。食店座位有限，一定要訂座，因為上次walk in 失敗了。荔枝煙肉串 $26煙肉沒半點白色肥肉，肉邊帶點微焦香，再加上清甜的荔枝肉，的確是不錯的配搭。海膽 $135沒有鮮甜味，但也沒有臭味，一份價錢一份貨！鹽燒雞翼 $23雞翼燒得香脆帶點鹹味，而雞肉也算嫩滑。刺身拼盤 $265 （7款各3件）要是店員夠細心能提醒有海膽的話，我就不會再額外點一板了。整體刺生未算很新鮮，但這價錢也是化算。鰻魚豆腐天婦羅 $78吃的時候有點手忙腳亂，紫菜炸皮包著嫩滑豆腐，但中間夾著有點腥味的鰻魚肉，不太配襯。軟殼蟹手卷 $36炸醬太厚，粉多過軟殼蟹，而且不夠熱，比元氣$20質素差太遠。燒雞泡魚乾 $80以這價錢來算，份量有點少，還好夠熱上檯，質地煙煙韌韌，還可以。野菜炒烏冬 $90太多木魚，而烏冬炒的過腍，醬汁有點酸，味道怪怪的。最後送上雪糕，我選的是豆腐味，味道都不錯。雖然價錢不是貴，但整體的質素一般般，令到同事們失望有少少內疚，希望下次找到更好的餐廳吧。

突然好食日本野, 於是黎到食評不錯既小平津。叫左野, 突然係台放低碟前菜, 由於我地唔食牛利, 所以叫佢拿走,好彩最後冇計我地錢。叫左幾樣比較多人點既食物, 其實都唔錯, 不過冇咩新鮮感。個人比較鐘意食軟殼蟹牛油果卷,個味岩岩好另外個豚肉烏東上台時豚肉係生的, 要靠個鍋既熱力先會熟,可惜個唔係想像中咁熱,要放好耐先會熟荔枝煙肉串燒冇想像中咁特別, 只能說試一次就夠燒雞翼都幾好, 不過雞丸串比較特別,一定要叫