KOI Thé (弼街) (Closed)

每次去親旺角都好想試，但每次最後都係唔成事，因為一尼小編唔係成日去旺角，二尼旺角啲舖頭真係轉得太快啦，次次去親都有新舖，好難得今次終於試到啦👏其實小編從來都冇幫襯過佢地，今次就想一次過試曬佢地既黃金珍珠同芋圓，所以就叫左芋圓奶茶加珍珠（唔洗額外加$架！）首先茶底方面，茶味就有少少弱，奶香味較重，入口都算香醇，小編叫少糖但都覺得好甜，下次應該叫微甜😂至於黃金珍珠方面，雖然size較平時個D細好多，不過就比平時正常size個D煙韌得多，終於明點解可以憑黃金珍珠打出個名堂來，真係好有咬口😍而芋圓方面做得亦相當唔錯，芋圓size夠細粒，唔會飲到Ki下Ki下咁，真係超級正唔怪得知咁多人幫襯啦成日都。另外佢暫時係小編喺香港飲過唯一一間飲到底都可以有配料剩👍🏻

😱新體驗。啜得到的芋圓❣️ 💕行經見到新推芋圓作配料💓一直未飲過KOI 😂成功吸引到我😍👉🏻「黃金珍珠奶綠+芋圓✅」👉🏻拎上手覺得好開心呀！有咁多料❣️岩哂我煙韌控😋😋👉🏻茶底有淡淡奶綠味！真係啜得到個芋圓配珍珠，不會太甜❣️黃金珍珠同芋圓都有咬口💓不過因爲芋圓細粒，芋頭味就會無咁出😂👉🏻但兩個加埋口感十足，身為煙韌控，能夠滿足🤣呢個gimmick I like🤤個人認為比鹿角巷性價比高‼️會encore!!—�—�—$20（S size )旺角KOI The

一向都鐘意KOI嘅瑪奇朵飲品，特唔係烏龍茶，味道較出，而抹茶系列推出一段時間都未有勇氣去嘗試。主要係怕伏，始終我唔係太鐘情台式嘅抹茶飲品。之前就喺何文田中過一次伏。不過見都有啊少人推介，好奇心驅使，加上唔知供應到幾時，都把心一試。抹茶系列有兩款，包括拿鐵、瑪奇朵，定價$22-34，視乎大中小杯。店員話瑪奇朵系列冇得加配料，所以放棄芋圓珍珠。抹茶瑪奇朵 $26/M/少糖一如既往點左少糖，抹茶瑪奇朵上面係奶蓋，下面以抹茶粉沖成，形成清晰嘅漸層。如果點拿鐵，漸層係調番轉的。KOI嘅奶蓋真係幾厚身，隔左好耐依然完整無缺，唔會輕易同飲品混合，味道帶甜，奶味幾香。抹茶唔係我杯茶，唔知係咪因為點左少糖，入口有一點點苦，同奶蓋沖撞後中和番會好啲。如果是樣的話，有機會我會再試下拿鐵嗰款會唔會好飲啲，可能混合黎飲容易入口啲。

一直幫襯開，每次都好滿意😋，再多人排隊都照排。食品質素同服務十分超級嘅好👍🏻可惜今日再幫襯，感到頗為失望。味道一如既往咁好，但服務態度就真係⋯差！當時店舖播住音樂，該位短髮女店員，問左一次甜度同冰是否正常。但當時音樂較大，聽唔清楚，店員就立刻用較重語氣重覆一次。我不以為意，只怪自己唔留心，快快拎走收據企埋一邊。到攞野飲時，該店員將飲品遞給上一位顧客，態度親切友好。但到本人時，態度黎個180度嘅轉變，立即黑起塊面，巡例講左句：「宜家飲定拎走。」然後不耐煩地遞左俾我，態度令人感到不舒服。可能該店員以為我之前快快步拎走收據，係發脾氣，因而作出此行為回應。我亦明白店員做左成日野，好攰，但這種完全不同的服務態度，實在令人感到不快。之前一直幫我落開單嗰位長髮女店員，態度十分親切，笑容滿面，亦未曾有過如此情況。希望下次幫襯唔好再遇到呢位短髮女店員。

打風前夕熱辣辣～唔拎番杯凍飲係手真係對唔住自己😂K01出左新野～芋圓奶茶 hkd20 💸細 中杯24 💸成杯第一俾我既感覺係超級甜😂重點係我已經半糖左🙄大家知咩事啦～飲得出係奶茶但真係甜到震既奶茶味😂啲芋圓份量超級多～細細粒煙煙unun好有咬口😍但芋頭味就食唔太出啦～得啲粉味😐飲晒啲奶茶啲芋圓仲淨左好多😂😂😂同埋我expext係有埋蕃薯圓全部一齊架😂😂不過得芋圓都ok ge ~ 試下啦

又係我呢個KOI粉，自從加入芋圓、珍珠、蒟蒻幾款配料之後，我地就少飲瑪奇朵喇。(新屎坑)弼街嘅飲品店雖然唔夠登打士街多，但都好多選擇，天仁、椰汁、果汁等，不過冇乜特別事我都係買 KOI店內放左杯假嘅大大大大黃金珍珠奶茶「模型」，我覺得佢有幾種配料同抹茶系列之後生意好左。黃金珍奶 $22/M/半糖普通飲品配黃金珍珠就加幾蚊，呢杯黃金珍奶已包含珍珠喇。飲台式飲品，唔想甜到脫髮叫少糖、半糖係基本，特別係加料系列，因為芋圓呀、珍珠都係以糖水浸，難免提升甜度。平日飲台式野，我就好少叫珍珠，因為珍珠通常煙韌得黎偏硬，對於有蛀牙嘅我黎講幾大挑戰。個人就幾鐘意KOI嘅黃金珍珠份量大方，雖然唔夠我上次飲嘅芋圓烏龍多得咁交關。size比一般黑色珍珠細粒少少，煙韌度再高一點，好似魚籽咁橙橙地啡啡地色至於奶茶，奶比例較重，茶味弱弱的。珍奶價格比其他茶飲高啲，上次我揀嘅芋圓烏龍，(L)大杯到冇朋友，都係24蚊唔貴啦。

一向都鐘意KOI嘅飲品，喺呢條街都有好多台式飲品店，又有sharetea、天仁，仲有本地薑茶一，不過大家嘅飲品路線都唔一樣，各有所好。KOI嘅客人一般唔多，所以口渴、或者天時暑熱都唔洗話等太耐。其實呢排都出左芋圓系列同抹茶，我都想試下，但熱熱地今日就想飲番烏龍茶。點左細杯，價錢唔貴，等左五、六分鐘左右，唔算好耐。不過台式飲品我一定要少糖，否則真係甜得濟。呢杯茶味都幾香，唔會太甜。最重要係夠凍，消暑一流。

弼街是小食店之街，吃完一大輪小食當然口渴啦！所以經過KOI時，買了一杯最愛的茉莉綠茶，味道雖然偏甜，但仍有茶香味，份量適中，解渴一流！ 下次經過，應該可以再試試呢！

上次試黃金珍珠奶茶一試難忘，但貴咗d,細杯要$18。今次想清d,要珍珠綠茶，中杯都只係$16！而且竟然都係黃金珍珠！好驚喜！煙煙unun真係好好食，而且感覺冇黑色珍珠咁多色素（？）下次想試下芋圓奶茶，好期待！但等待時間實在耐咗d,可能因為真係好多人。

今日經過見到呢間好似新開..比個名吸引到..好似一個'豆'字..見到好多人排隊..以為係韓國野..近睇先知係賣台式飲品..佢個黃金珍奶幾吸引..好似同平時既珍珠奶茶唔一樣..仲見到佢有得加芋圓..所以$5加左..已經叫左少冰少甜..但我覺得好似同正常無分別..都係好甜😑😑😑d黃金珍珠細細粒..幾Q..但d芋圓就比較硬身..唔夠Q...另外叫左杯水蜜桃多多..感覺好似飲緊d乳酸飲品..但都係偏甜..d野好似比其他台式飲品甜..個人覺得一般...😑

唔經唔覺呢間嘢都好似開咗好耐嗱，之前見到好多人排隊，今日終於見到係靜悄悄，於是去買咗杯“奶綠“飲， 其實我一向都唔飲奶綠，因為我係唔食綠茶同埋抹茶嘅， 由於今日咁啱喺門口有得試飲飲咗ok咁就叫咗一杯“ 奶綠“， 呢間嘢有分大中細size嘅，而佢嘅起標價就有16蚊-26蚊，比出面一般嘅貢茶都價錢貴咗少少， 致于味道方面我覺得就比出面嘅鋪頭綠茶味會少啲，奶味會重啲， 飲落去好滑，但會甜好多，咁好唔好飲就見仁見智啦，而我覺得佢呢杯嘢嘅價錢同嗰個味道就唔係幾成正比嗱😣😣

經過見新開，試下主打嘅黃金珍珠奶茶先我叫嘅係中杯、無糖、走冰。雖然無糖，但係D珍珠好甜，所以整體甜度剛好。無冰不過都夠凍，同有冰差唔多。茶味偏淡，奶味較重，不過味道都ok。珍珠份量超多好少飲到最尾會剩珍珠。仲要每粒都非常煙韌，有咬口，比貢茶、歇腳亭優越。鍾意咬珍珠或者鍾意奶味重嘅朋友記得要試試

登打士街有好幾間台式飲品舖koi thé就係台灣過江龍 分店只有3間所以每次經過都想重拾台灣的味道雖然今日做冬 但都想買杯返去嘆本身想飲黃金珍奶 但下午4點半左右去到店員已經話珍珠賣晒咁唯有轉飲瑪奇朵啦叫咗中杯烏龍茶瑪奇朵 走冰 半糖攞野飲時 店員會問係咪即刻飲如果係的話會用刀喺蓋面𠝹一刀然後客人可直接飲用 同時飲晒茶同瑪奇朵不過烏龍茶味其實好淡 比起貢茶更淡但個瑪奇朵唔錯 比較濃身 同下面嘅茶都無咁易溝埋 不過下次都係想飲返黃金珍奶多啲

近年好多台式飲品以過江龍身份黎到香港，仲愈開愈多，本地既好多都捱唔住（仙xx）仲有d過江龍個勢頭都愈黎愈弱，好似日出xx 貢x都大不如前，當然聽我台灣朋友講，天仁呀貢呀都係本地唔入流，唯有呢個五十嵐就係台灣人自己都讚好。黃金珍珠奶茶 20元佢20蚊相比其他黎講，價錢係合理，但是20蚊就細杯，因為次次都飲細杯所以唔知大係幾大。我飲半糖少冰，咁都唔係好甜，茶黎講就自然天仁比較好（佢專sell茶）。但係想介紹下黃金珍珠，佢同外邊d珍珠有唔同，係粒粒黃色，size就同外邊既一樣。因為佢用左黃糖去整，所以粒粒都甜，如果好甜既朋友一定要試。佢珍珠係我中意既口感，唔會太un又唔會太大粒。其實台式飲品我都飲過好多間，但係呢間同何文田新開個間既珍珠，真係先係呀ＤＥＥ覺得好味同埋正，between 對面間旦王個酸辣粉都好正，下次搵機會介紹下。同埋佢呢間都有熱飲，不過大杯裝成３０蚊，唔怕凍既真係寧願飲凍!

第二次幫襯。今次試了黃金珍珠綠茶及檸檬多多。飲品和其他珍珠奶茶店一樣可選甜度，黃金珍珠夠Q帶甜，好吃！檸檬多多用上兩支益力多，足料。店員服務好，尤其貌似店長的人(說國語，應為台灣人)笑容可掬，對客人有耐性又親切。加分！