小島料理

Open Now

Now Closed

朋友好想一試他們的牛肉， 拉我一齊去食， 知店內坐位不多，都預計要排隊等位， 營業時間是12:15開始， 我們在12:20到達， 前面已有起碼二三十人在排隊， 幸好我們前面有幾台客等得太耐放棄了，最終我們在14:20入坐。 由於已沒有了餐牌上的牛肉， 今日就叫這個好似係叫做A5 牛腹肉既飯，肉質好鮮嫩， 另外還附送海帶湯。不過食一次就夠， 實在等太耐了。

知道小店快要暫停營業，所以專程提早45分鐘去排隊食午飯。原本吃不到第一輪，但很好彩地我只是一位，最後有一個空位俾我坐到入去😄因為知道可能有一段長時間吃不到，所以特意點了大份的慢煮肉眼牛丼（$138）。雖然在烈日當空下等了很久，入座後亦等出餐等了很久，但到食的時候還是心甘情願地覺得值得，因為牛肉的質素實在太好了，而且以這價錢來說份量很慷慨，老闆亦有很俾心機地有熟度煮得剛剛好。本人覺得就算去日本，也未必找到那麼好味和相宜的牛丼店但大家前去的話必須要有心理準備，可能要等1-2個鐘🥲經營食店很不容易，多謝兩個老闆咁俾心機做。健康最緊要，好好休息、慢慢放個長假才再決定下一步點走吧

於網上見到小島將暫停營業,徐可惜之外,亦要再食多次。（已經幫襯好幾次）認識小島料理亦是網上的介紹,兩位年青人有心有力有熱誠,出品亦非常之有水準,慢煮的牛肉菜式亦相當嫩滑,小店舖亦都有大酒店一般的水準,難得的是質素一直以來都可以保持到,從來冇走樣。今次沒有和牛供應,感覺有一點可惜。但慢煮牛肩肉同慢煮西冷牛扒亦沒有令人失望,西冷牛肉味豐富,牛肩肉亦非常嫩滑,兩者同樣肉汁豐富,兩碗飯擺盤亦見到落足心思。兩位年青人用心經營,多年來犧牲自己的休息時間,用心保持著出品的水準,這份堅持已經值得欣賞。他們於網上義公佈營業至五月尾,未知日後是否再有機會品嚐他們的出品,這篇食評就當一個紀錄,紀錄他們對自己出品的品質一種堅持態度！

-之前食過一次之後就已經好想再食，自從MM條片出左之後，小島日日排長龍，我真係好想食到，見夜晚6點會再開門，就大約5點4左右去定排隊，點知原來我已經係第一輪最後一枱，一round大約份到13個人左右，入左去之後好快就已經有前菜同湯，前菜係好好食嘅海藻、湯係昆布湯，大約半個鐘後就有飯食了大盛係勁多牛肉☺️，大盛同並盛主要係肉量嘅分別，粉紅色排到靚靚，個飯底係珍珠米再配有一啲燒汁，牛肉同埋飯之間仲有啲生菜絲隔住，伴菜嘅翠玉瓜同埋粟米筍用牛油煮過，勁香，有衝動想加錢叫菜食，睇過網上唔少圖片，西冷同埋牛板腱就係大家最鍾意用嚟打卡嗰隻賣相，牛肉保持原味、枱上面亦都有黑椒同埋鹽等調味料可以俾自己按個人口味調味西冷牛配上乳酪醬汁同埋生蛋黃，勁好食，最估唔到係乳酪醬汁下面都係牛，想舐乾淨隻碗，肉眼牛啲肉深不見底，食極都仲有，肉眼嘅肉味比西冷更加濃郁，除咗一片片嘅肉眼扒之外，仲有肉眼粒喺飯入面，勁好食，見到小島先生一直都好忙做到停唔到手，本身有衝動食完之後再外賣多一個飯，見到openrice外賣自取得返咖喱飯😂最後附上清碗圖，我地有食得乾淨的，下次要試奶油咖喱雞！食完之後發現出面嘅人龍一直都冇少過，其實有

真係有啲嬲，成日都唔開我連續三次去都摸門釘一次都未食過真係唔知係咪真係咁好食，大家去之前記得睇下佢有冇開，客人多老細好易做得辛苦就話唔開，我就食唔到啦唔知有幾好食，唯有咁樣提醒下大家。

差唔多7點開始排隊排到8:30後先入得去坐。原本想食西冷牛丼，但係只剩返和牛咁照試下，都等咗咁耐，仲嗌咗塔可飯。個牛係幾好食，口感味道都唔錯，但個塔可飯就一般，感覺上係加咗香料嘅肉醬飯。唔會再食嘅原因同食物無關。等咗個幾鐘，入到去食咗15分鐘。等咗半個幾鐘嘅時候，隊頭有2個女仔話未齊人，原來佢哋六個人，等左咁耐原來先知係要等更耐。入面食嘢嘅人全部都食差唔多成個鐘，因為排隊排得耐，所以入邊要食返咁耐？窗口枱有一對男女，佢食幾耐我排隊望佢食幾耐，個女仔冇食一啖要傾5分鐘計要加1分鐘鹽，而條仔就早就食完。佢哋或者店入邊嘅人完全冇考慮過出面嘅人可能捱緊肚餓。呢個可能係香港做飲食嘅悲哀。客人坐低食嘢想食得輕鬆舒服係無可厚非，但係喺外邊排隊嘅人就有差天共地嘅感受；但係，如果要店員控制客人用餐時間同埋管理如何排隊，又好似有點那個。有咩可以做到呢？只可以講係香港飲食業嘅悲哀？會體諒但唔會再食，想支持都支持唔落。

8點嚟排隊 排到8點半左右貼左通知冇曬牛飯 姨姨亦都親自講聲咁就試下奶油雞飯同蛋卷啦(難得嚟到)前菜幾特別 又爽又有少少彈原來系海帶芽姨姨話冇晒熱湯 俾左杯茶我☺️ (thank you)等待期間 老闆問我要唔要試下牛 我問吾系賣晒咩？佢話仲有少少 即刻多謝老闆 好好食啊🤤不愧系鎮店之選😍奶油雞飯同蛋卷都ok 但如果冇雞皮就更加perfect la😂😂多謝老闆嘅和牛 真係入口即融 好正啊🤤多謝姨姨同老細們嘅人情味☺️真係好平靚正👍 下次再嚟過😚

早前有YouTube channel介紹小島料理，所以就特登過黎大角嘴試下。本身都知道要排隊，所以就係午市開門前就黎排隊，好可惜，岩岩好full咗入唔到，要等下round。一等就等咗1個鐘頭15分鐘，以為自己去咗日本排隊食人氣百名店。排隊時都有少少意見，客人都係靠馬路邊排隊，但當你排到頭位時，店舖油煙出風口就會對正你本人，所以如果你預計到自己唔係第一輪入座就記得唔好著好吸味嘅衫。基本未入去已經全個人都有浸牛同油煙味。🙂小店內部座位有限，所以先令到大排長龍，而且客人座位安排都跟日本餐廳一樣，一位客人都無需同其他客人搭檯。店舖內擺滿日本擺設，有好多唔同動畫嘅公仔，音樂都係播日文歌（應該都係同動漫有關？）。食物方面，食物選擇有限，即使menu上印出黎有但都會人手畫線閂咗。本身想試豚肉西京燒，但order時店長就通知已經售罄，所以最後轉咗西冷丼。丼前有一客小食，一碗海帶湯。西冷牛相當嫩而不韌，肉本身無太大調味，但傍邊有黑椒，鹽等調味料，客人可以自行調味。比較特別嘅地方係個醬，本身以為係沙律醬，但試一細啖時先發現係乳酪。牛肉配乳酪拎到整體唔會覺得好膩，所以都係一個加分位。

⭐️ 「小鳥料理」位於大角咀，係一間專注於日式丼飯嘅小店，環境溫馨，且僅有約10個座位，由於人氣旺盛🔥，建議提前排隊👭🏻！好彩今次係中午開市前15分鐘到達，順利係第一輪就入到享用美味嘅丼飯，呢度嘅食物都令人期待🤤，值得一試！⭐️丼飯有「並盛」同「大盛」兩種選擇，飯量一致，係牛丼嘅肉量會隨著size增加，主菜前仲會提供漬物同昆布湯，味道👅都唔錯😌

🌟 大角咀有唔少地道美食，而「小島料理」就係其中一間人氣小店 🍣，甚至有知名 YouTube 頻道介紹 🎥。餐廳由兩位後生仔經營，感覺幾有誠意 💪。🍚 西冷丼（並盛）$84西冷牛肉用咗慢煮方式處理，肉質極嫩滑 🥩，熟度剛剛好，保持咗牛肉嘅肉汁。蛋黃同醬汁撈勻之後，為成碗丼飯加添濃郁滑順口感 🍳，同時帶出牛肉嘅甜味 🏆。配菜方面帶有牛油香氣 🧈，特別係翠玉瓜同玉米筍，平衡返牛肉嘅油脂感，細節位做得幾好 👌。餐廳座位唔多，午餐時段經常爆滿 😵‍💫，如果遲嚟要有心理準備排隊 📍。不過以呢個價錢，食到份量咁足嘅慢煮牛肉丼，確實值得一試 💯。

睇網上訪問認識呢間人氣小店，本身都鍾意食慢煮牛所以決定去試吓。平日下午12點到達門口，已經有約10人排隊，12:15開門，啱啱好入唔到第一輪。等到大約12:50入座，和牛丼同埋慢煮牛板腱丼都已經賣晒，嗌咗牛小扒丼（大盛）、慢煮西冷牛丼（大盛）、北海道牛乳蛋捲同埋朱古力味鬆餅，另外2罐汽水。等咗大約5分鐘前菜、飲品同湯都上咗，湯係普通嘅昆布湯，前菜係日式小碟，味道正常。貼心嘅係老闆比汽水我哋嗰陣，每罐都會附有一張紙巾，提醒我哋抹一抹先飲。等多15分鐘左右牛丼都到齊，份量非常足，慢煮西冷有咬口唔會太靭，牛小排油脂豐富但唔會太肥膩，調味亦都適中。另外老闆請咗我哋食一小碟和牛，和牛嘅油脂更加豐富，三種牛各有特色。甜品方面冇乜特別，就係正常預想到嘅味道。最後埋單$290 ，以呢個味道同份量嚟講非常抵食，會想再嚟試吓其他嘢食，唯獨係想食嘅話就真係要早啲嚟排隊喇。

呢間舖頭較早前我已經book mark左得閒一定要去，最深印象就係出餐個男仔好有禮貌，我哋叫咗奶油咖喱雞飯（呢個係有少少似印度嗰啲有乳酪嗰啲味，但係個味係啱香港人食嘅冇咁辣嘅，唔食得辣嗰啲人都食到）跟住我哋就叫咗一份慢煮牛小排，慢煮牛小排真係好出色，佢哋好細心個牛下便仲有少少西生菜，篤爆隻蛋黃去食嗰個慢煮牛好食，我哋決定下次繼續排隊都會嚟食咁佢先嚟個昆布餐湯同埋個小食都好味，等餐嘅時間唔耐，係恰當嘅，因為我都鍾意同我個小朋友周圍去試吓新嘢食，俾我哋發現到呢間餐廳真係好surprise，我哋決定下次會嚟試埋佢啲甜品，一定要支持都係小店比較有溫度

Bookmark咗一段時間終於去到6點幾去到都有人龍了 最後大概排咗個幾鐘鋪面偏細 位置唔多放咗好多公仔 盲盒裝飾超得意叫咗2款牛share👅揀咗最多肉嘅size跟set會有前菜同湯等緊main嘅時候唔會太餓太無聊牛肉排得超靚份量真係好多 味道上唔會太多調味而遮過佢嘅原味好有嚼口又唔會太un整體份量都好多🤰🏻1人應該食唔晒呢個size 最後仲食埋個甜品cream好滑 不過成件係算light 飽到捧住個肚走每枱其實都會食個幾鐘起跳🥹因為份量好多好彩呢間係冇限用餐時間

店舖位置非常少，令人龍很長，中午1:15去到大約要等1個多小時，入到去有客人食完都唔願意走，之後排隊的客人都放棄了。即使食物質素非常好，但係呢個安排上面可以改善，限制客人用餐時間！而且店舖收15:00，早了2小時排隊都已經售罄很多牛，令食客無法滿足預期的期望😓

小店店面比較小，所以吃飯時間到訪排隊時間較長。店鋪主打慢煮牛丼和一些日系食品，而且包含湯和前菜，可以根據自己食量選擇份量～✿慢煮牛板腱牛丼（並盛）首先賣相已經超吸引，慢煮牛整齊地鋪在飯上面，還配有生蛋黃、乳酪醬和配菜，牛板腱顏色粉嫩，肉質軟淋，不會有筋，而且肉的份量也很足夠，加上生蛋黃和乳酪醬拌飯真的超滿足，就連旁邊的配角翠肉瓜和粟米仔也很好吃！！推薦！！