古今二 (觀塘工業中心)

Open Now

Now Closed

呢間一直keep住水準，所以都黎左好多次了， 今次帶左朋友黎食，佢都話好食🤭環境坐落都幾舒服！呢到食物好多樣，主打日式菜。今日唔算太肚餓，叫左3 樣野，同朋友聚會一下。仙台牛肉咬落去肉質柔軟，調味岩岩好，而且仲好juicy,唔會乾柴。佢面頭仲有啲炸蒜片，配埋一齊食更加香口！雜錦天婦羅有蝦、蕃薯、秋葵等等， 外皮炸到好酥脆，但唔會厚粉。蝦肉大條而且彈牙！ 蕃薯係我最愛，超級甜！日式煎餃餃子煎得好靚，皮薄餡靚，而且咬落去仲會爆汁，好juicy。整體黎講，價錢中規中矩，味道有上準，想食日本野，好多時都會諗起古今！