麺屋こころ

Open Now

Now Closed

{正宗日式撈麵 - $99/head}之前喺灣仔食過呢間日本撈麵名店，喺香港有濃湯拉麵，又有沾麵，但正宗嘅日式撈麵實在唔多，而呢間真係同東京食過嘅一樣好味！今日過嚟行街，發現原來荃灣都有新分店，門面以黑金色主題設計勁有型，一於衝入去！坐得好舒服，有啲位置仲可以望到海景添！♦️叉燒撈麵每個位置都會有圖示教你正宗嘅食法，跟住佢地嘅建議咁食真係別有一番風味，本麻甩教下你，拌勻整碗麵後先品嚐原味，吃了1/3加入黑糊椒；吃了2/3加入自家昆布醋，真係享受到3重口感！本麻甩鍾意食呢度嘅叉燒，有燒焦嘅效果超好味，佢嘅調味有微辣口感真係特別過癮！♦️柚子鹽味撈麵呢個係一個有特色嘅冷麵，用咗清新柚子皮及柚子汁，好清新好開胃，冷面吃法更能特顯麵條Q彈，而且配了慢煮雞肉，卡路里低，享受美食零負擔！夏天嚟講真係出色嘅組合！♦️靜岡烏龍茶呢度目前有5款主打日式茶飲：抹茶拿鐵、烘焙拿鐵、日本產麥茶、水出咖啡及靜岡烏龍茶！今次試咗烏龍茶，係有機茶冷泡樽裝，又濃又好味！美味程度：😋😋😋😋😋環境指數：🎇🎇🎇🎇🎇番食機會：🦍🦍🦍🦍🦍📍 #麺屋こころ (荃灣)荃灣大河道100號海之戀商場1樓1005號舖

姐妹話下午茶想食啲日式嘢，就話要去荃灣嘅【麺屋こころ (Tsuen Wan )】食撈麵。間鋪裝修簡約，擺設又精緻，望落去就覺得好舒服放鬆。 我叫咗【明太子忌廉撈麵】，小麥麵特別有彈性好味，配埋生蛋黃嘅香味同埋豬腩肉嘅鮮嫩多汁，一啖咬落去簡直爽到飛起！ 姐妹叫咗【原味東京撈面】，肉碎微辣，特別惹味，再配埋生蛋黃嘅蛋香味同埋蔥花嘅爆香，每一啖都散發住濃郁嘅香味，特別滿足！ 侍應仲推介咗【牛油醬油枝豆】，牛油味特別香濃，同醬油嘅鹹味配合得啱啱好，枝豆又飽滿多汁，真係令人讚不絕口！ 我哋今次嘅下午茶真係食得好滋味，價錢又抵食，好推介俾大家！

之前就有同事推介我去試吓呢間日式撈麵，但係一直都冇時間。今日終於同屋企人一齊嚟品嚐^o^爸爸嗌咗「叉燒撈麵」，小麥麵口感勁道、入口非常順滑，加上叉燒肉質鮮美，每一片都切得厚薄適中，入口即化，我爸爸都食得讚不絕口！我嗌嘅係「明太子忌廉撈麵」，creamy 嘅味道搭配上明太子一粒粒嘅爆漿口感，奶香味十足！豬腩肉亦都好好味，肥而不膩！每一口都係極致嘅享受！媽咪嗌嘅係「柚子鹽味撈麵」，柚子自帶嘅香氣令呢個麵嘅味道十分獨特同清爽！湯底少少嘅鹹味好適中，令柚子嘅香氣更加突出。搭配上煮得硬度剛好嘅麵條同雞肉片、蛋黃、水菜等配料，媽咪都話正！我哋仲嗌咗小食「鹽味枝豆」，枝豆本身自然嘅甜豆味，加上少少嘅鹽味互相融合，真係簡單又美味嘅日式開胃菜。「明太子雞翼」呢個組合我真係冇諗過。我哋以為係暗黑料理，但係明太子嘅鹹香味搭配雞翼鮮嫩多汁嘅口感，都幾好味吓！

朋友話好耐冇約出嚟吹水食飯，就約咗喺荃灣嘅【麺屋こころ (Tsuen Wan )】食撈面😋環境唔錯，乾淨明朗,也唔會太吵雜，好適合我地呢種要八卦嘅，哈哈！朋友叫咗個【叉燒撈面】，啲叉燒唔會太肥，又軟又滑，外皮炸得好脆好香，配埋蛋黃、蔥花、韭菜，特別香，食到停唔到口🤤我就揀咗個【原味東京撈面】，啲肉碎有啲辣，加上生蛋黃嘅蛋香同埋小麥面嘅彈牙，口感好豐富，仲有啲配料嘅調味，特別香濃好食😍食飽咗我哋仲吹咗一陣水，間舖嘅裝修簡約大方，啲撈面嘅價錢都好抵食，我哋兩個都食得好飽，下次仲想嚟繼續吹水🤭

男友話想食日式嘢食，啱啱好喺 OpenRice 見到呢間鋪，就決定嚟試下。一入到舖頭，入面已經係人山人海，我哋揀好位就開始叫嘢食。餐牌上面每個選擇都好似好吸引咁，掙扎咗好耐，最後揀咗幾樣嘢我叫咗個【雞白湯拉麵】，有叉燒同雞肉片，叉燒肉特別有咬口，雞肉片都好香甜，撈埋啲拉麵一齊食，特別爽口男友就叫咗個【原味東京烤面】，啲小麥面好有彈性，仲有蛋香同肉碎微微嘅辣味，再加埋配料爆香，撈埋一齊食，真係好惹味我哋兩個食得好開心，而且價錢都好抵，特別推介大家帶自己另一半嚟試下

姪女最近成日話想食日式餐廳，就做咗啲攻略，發現咗荃灣嘅【麺屋こころ (Tsuen Wan )】-間嘢裝修簡約乾淨，令人感覺特別舒服寫意，好啱嚟食下午茶👍姪女揀咗個【明太子忌廉撈面】，啲麵條爽滑有彈性，咬落去特別爽，仲有啲叉燒嘅香味撲鼻，加埋明太子醬少少嘅辣度，撈埋一齊食好正😋 -仲有【日本麥茶】，茶香味濃郁醇厚，回甘之後，帶少少苦味，但又唔會影響到茶嘅清甜，飲落特別解渴🍵我叫咗個【原味東京撈面】，撈埋一齊食好惹味，啲肉碎嘅鮮甜味同埋蛋嘅香味融為一體，加埋蔥花點綴，每一啖都特別香甜好食🤤-仲有【烏龍茶】，清淡爽口，飲完仲有茶香味，配埋啲麵一齊食，真係好清涼爽口😍姪女食得好開心，仲話下次要推介朋友嚟試吓，整體嚟講服務都好好，下次可以再嚟食！

今天我和同事們一起來到了位於荃灣的日式拉麵店「麺屋こころ」🏮。 呢度嘅裝修係行簡約清新嘅風格，同一般嘅日式拉麵店有與別不同嘅感覺。🌸我叫咗原味東京撈麵。 唔好睇佢簡簡單單，但係食材都非常之豐富，有生蛋黃、辣肉碎、蔥花、韭菜、紫菜碎、生蒜、魚粉及小麥麵，睇到呢碗拉麵份量豐富同埋勁香， 一望到就流晒口水💯。 我超鍾意食生蛋黃嘅撈麵，呢度真係啱晒我心水!估唔到撈麵咁吸引，而且麵條煮得啱啱好，有口感得來又唔會太腍，本身自己好怕食好腍嘅拉麵，呢度真係啱啱好！而且呢度嘅店員非常之親切，亦都好用心介紹餐廳嘅食物，整體嚟講我係好喜歡呢一間餐廳，可以係一個繁忙嘅下午食到咁美味嘅撈麵，可以享受一下，真係幾舒適! 真心值得推介~

今日同去「麺屋こころ」享受咗個日式撈麵下午茶，味道超正!!!一定要跟大家分享!!!!我哋個下午 茶叫咗兩款撈麵，價錢合理份量適中，食得我哋滿滿地滿足!!✅日式叉燒撈麵，每一啖都有叉燒嘅豐富味道! 豬腩嘅香味再加埋生蛋黃同埋辣肉碎，呢三個 組合基本上都冇得輸，同埋呢度係用小麥麵做撈麵底，幾健康，麵條上面嘅叉燒就燒得恰到好處 ，多汁而味道十足。 每一次咀嚼，都可以品嚐到豐富的叉燒風味，而且拉麵條和叉燒的味道恰 恰好，厚味又不過份。✅明太子忌廉撈麵。超滿足!明太子帶出海鮮的味道，滑嫩口感相融合，清新又美味! 🍝明太 子真係超級豐富，勁香勁香，而且份量十足，絕對冇吝嗇!!總括而言， 食完之後真係令我大開眼界，估唔到香港都有一間食日式撈麵嘅餐廳，咁大個女真係 第一次食， 睇嚟下次如果想食日式麵食嘅話唔使一定要食某某大牌子嘅拉麵店，都可以試吓呢一 間餐廳，值得推介!!

餐廳裝修整齊， 係文青嘅感覺，真係好少可食日本拉麵店係呢一個feel， 都幾正同埋好清新嘅感覺好安靜，可以食到一個好放鬆嘅午餐♦️ 冷萃珈琲 ♦️ 首先就係佢哋嘅冷萃珈琲啦！冷萃嘅過程令到咖啡味道更加濃縮，飲落去香醇順口👍 好香濃嘅味道，唔錯唔錯♦️ 雞白湯拉麵 ♦️再嚟就食雞白湯拉麵！湯底濃郁， 而且呢一度嘅拉麵彈牙有嚼勁，實在太美味， 當然唔少得要介紹佢哋嘅配料，份量非常之充足嘅叉燒同埋雞肉，一啖麵一啖叉燒真係好正♦️ 鹽味撈麵 ♦️再試鹽味撈麵， 本身唔係特別喜歡食撈麵，但係一試之下即刻愛上，呢一度嘅撈麵完全係非一般嘅口感同埋味道，加咗豬腩落去亦都係非常之啱嘅，而且蔥花紫菜碎，竹筍，生蒜，魚粉等等嘅調味，令到成個撈麵好出色，再加上小麥麵煮得剛剛好，清新之中帶點咸香，非常爽口😝

今日見到喺社交平台有咁多人介紹呢一間喺荃灣嘅麺屋こころ。 見到咁吸引同埋咁多人介紹即 刻忍唔住下晝同同事一齊去呢度食嘢，果然係抵食又好味，每一碗都能見證師傅嘅用心，真係令 我哋大飽口福。首先，我哋食左原味東京撈麵，配上辣肉碎、蔥花、韭菜、紫菜碎、生蒜和魚粉等配料，搭上生 蛋黃和小麥麵，整個組合真係令人感到非常滿足。 我超鍾意呢度嘅辣肉碎同埋生蛋黃，呢兩樣加 埋一齊都係勁夾，真係唔好睇落去好似普普通通咁，食落就知道內有乾坤啦。🍋跟住我哋試咗柚子鹽味撈麵(冷)，配上雞肉片、生蛋黃、蔥花、紫菜碎、水菜和竹筍，仲有小麥 麵一齊食，清新嘅柚子味同海鹽味完美結合， 估唔到柚子鹽嘅味道咁香咁好食，係非常之有驚喜 嘅 整體嚟講我非常之喜歡呢一間餐廳，有驚喜得來價錢又合理，係一個唔錯嘅選擇

父母出國旅遊，剩低我哋兩兄弟相依為命，唔知要食咩嘅我哋喺荃灣嘅海之戀商場逛逛。突然俾一家日本餐廳吸引咗，決定去嗰度試一試。鋪頭係麵屋こころ🍜鋪頭入面嘅裝潢好日式，店員亦都好有禮貌咁招待我哋，令我感到好舒適。我哋分別點咗下面兩款撈麵想推薦俾大家。🍜明太子忌廉撈麵配料好豐富，而且有好多明太子，麵條彈牙且好有嚼勁，鹹鮮嘅口感非常開胃🍜叉燒拉麵有香嫩嘅豬腩肉、生蛋黃、辣辣嘅肉碎、蔥花、韭菜同紫菜碎，生蒜再配上魚粉，完美同麵條結合，好好食。🍵烏龍茶濃濃嘅茶味，裝喺一罐好靚嘅瓶罐入面，飲落去清爽解渴。好飲！

今日同舊同學聚舊喺海之戀商場行下，我哋都畀一家日式餐廳吸引咗。睇完餐牌之後我哋決定去試吓。呢間餐廳叫麵屋こころ。呢度日式風格嘅裝潢，優雅嘅環境令我哋都坐得好舒服。我食咗明太子忌廉撈麵。我本身好鍾意明太子，見到餐牌就特別想點嚟食，結果冇令我失望。不止有肥美嘅豬腩肉，仲有適量嘅明太子，配埋其他嘅配料，食起嚟口感非常獨特，完全停唔到口。我同學就食雞白湯拉麵。湯汁非常香濃，叉燒片雞肉片都鮮嫩多汁，油而不膩，再搭配溏心蛋，紫菜，蔥花等配料，食完佢成個人都好幸福。我哋仲點咗兩瓶飲品。冷萃咖啡同烏龍茶。包裝非常靚仲方便攜帶。我同同學都對呢間餐廳評價非常高，食物好食環境舒服。下次仲會再嚟。

同事話荃灣有間拉麵好好食，叫我一定要去試吓，咁啱今日喺嗰頭，就梗係要去試吓啦。間鋪裝修好簡約大方，仲有好多日式風格嘅擺設，令人感覺好輕鬆愉快，食嘢特別寫意。我特別鍾意呢啲環境，正呀！我叫咗個【雞白湯拉麵】，叉燒特別香甜好食，雞肉都好有咬口，再加埋溏心蛋濃郁嘅蛋香，啖啖正，食到停唔到口。我仲叫咗【叉燒撈面】，叉燒好食又唔會太肥，啖啖肉都好有彈性，加埋蛋香同蔥香，食落特別爽口，啖啖滿足！同事介紹嘅呢間日式餐廳我真係好鍾意，啲嘢食真係正到飛起，下次梗係要帶埋屋企人嚟食過癮！

晏晝4點36去，同老公2個人去點左一個雞白湯拉麵一個全料東京撈麵同一個丼。我碗拉麵食完，味道一般，麵硬。老公果碗撈麵無影，隔離檯遲過我地黎果碗全料東京撈麵都食緊，侍應阿姐淨係話黎緊，漏單就漏單又唔出聲。成間餐廳得4個客人，唔計廚房樓面侍應都有幾個，唔知點樣可以漏到單咁犀利，真係r曬頭。最後等到5點鬆頂唔順cancel先攞碗傳說中既撈麵出黎，個丼d米可能仲種緊。仲邊有心情食你碗嘢，埋單走人，真心後悔入去呢間餐廳，難得同老公有機會可以撐檯腳，咁就ruined左，真係好難忘！永遠black list。

一直都想試麵屋こころ，但灣仔及沙田的位置都不太便利，所以一直擱置σ(･ ･`*)由圍版開始引頸以待，終於等到荃灣海之戀分店新開張，便立即相約同事Lunch試試看🤗🍜正宗全料東京撈麵 $109根據指示，先篤穿漲卜卜的蛋黃，然後將配料撈勻便可😏碗邊有三塊香脆紫菜；彈牙的小麥粗麵入口保持微溫，掛汁力強，每一啖都沾滿了鹹鹹甜甜的秘製醬油；微辣的免治豬肉碎更添惹味；大量的蔥花為麵條帶來青蔥的氣息，清香有層次ჱ̒⸝⸝•̀֊•́⸝⸝)厚切豬腩肉叉燒有炙燒香，肉質軟腍，脂肪香腴；半隻糖心蛋，不會過生，半流心的且帶醬油香，好味👍🏻吃到三分二建議加入黑胡椒，個人覺得分別不明顯；再吃剩三分一建議加醋，味道變得酸酸的更開胃，個人覺得可以早啲落添啊！吃完拉麵還有些空虛的感覺，原來可以❗️免費追加❗️一小碟白飯，利用拉麵剩下的醬撈勻，絕對是白飯神偷，讓人不禁眨眼就吃完了(*/ω＼*)/☕️冷萃咖啡 $28另外，飲品有8折優惠，所以叫了冷萃咖啡，味道甘苦，可惜提神力弱，回到公司已經飯氣攻心了💤lol/同事們一致讚好，還說明太子款色也很好吃！希望下次有機會坐海景位啦🤭