米子燒肉家

Open Now

Now Closed

粉嶺中心係粉巔都叫做比較多嘢食嘅地方，主要係平民茶餐廳，而粉嶺中心商場地下都有一間平民嘅日本餐廳。舖頭其實主要係食燒肉嘅，所以每張枱都有抽氣，設備好似好齊全，餐廳裏面都唔乾淨同通爽。不過我哋今日主要係食丼飯，價錢實惠五目牛肉盛丼，賣相好靚，有好多牛肉，溫泉蛋整得剛剛好，但略嫌牛比較熟，如果再嫩啲會更好肉之雙劍客有玉子、雞、角切，好豐盛，成碗滿滿的！每個丼都有杯冷泡茶，啱晒食燒肉嘅客人飲杯茶解膩消滯

男朋友今日突然好想食燒肉，本身想同我食放題，但我今日晏食lunch未落格！怕放題食唔到幾多野會好唔抵，見到呢間米子燒肉家有燒肉食就決定食佢！我地叫左豚三國王樣套餐，入面有伊比利亞豬、美國梅肉同皮桃腩(300g $98)同埋澳洲燒肉盛合套餐 ，入面有澳洲穀飼M3牛肋條、澳洲草飼M2牛頭脊同澳洲草飼封門柳(150g $88)所有套餐會跟白飯、和風湯、泡菜或沙律！呢到係自助燒，所以d肉一到左我就逼男朋友做我嘅人肉燒肉機！燒完再點醬汁，送白飯一流！下次再想食燒肉又唔想食放題咁破費，可以試佢！

⭐️米子燒肉家⭐️📍:粉嶺新運路33號粉嶺中心地下145-146號舖⏰:11:30am-10:00pm粉嶺係我嘅主場 梗係要介紹多啲美食啦 最近粉嶺中心開咗好多各式各樣嘅美食店 有酸菜魚、西餐、中餐 不過最吸引我嘅梗係燒肉店😂呢間平價燒肉店 人均唔使$100就可以食到好滿足 一定要去試吓！真係要值得欣賞佢哋嘅地方 雖然燒肉店 但係一啲都唔侷促 空氣都幾流通 座位方面都幾闊落 不過值得改善嘅係希望如果唔用嗰個抽油煙機可以拎高啲 因為阻住咗同朋友傾偈嘅視線😂😂🍚蒲燒鰻牛載呢一款係足足半條鰻魚再加牛肉嘅丼飯 鰻魚好厚身 份量都好多 最鍾意佢鰻魚裏面無骨 食落啖啖肉 煎到外皮好焦脆 再加埋滿滿嘅牛肉 雙重口感！🍚五目牛肉盛丼份量勁滿足 用咗牛肩胛 滿滿既牛肉佈滿丼飯 裏面加咗肉汁同溫泉蛋 食落口好滿足 牛肩胛一啲都唔鞋 仲有油脂香 味道濃郁之餘有咬口 鍾意食牛肉嘅人千祈唔好錯過！

平日Dinner 8:00去食，唔算多人，唔會太迫，店員服務態度唔錯～試咗米子嘅燒肉套餐放題～上碟速度算快～冷盤有一碟海蜇野菜沙律～海蜇爽脆入味，好食～之後牛肉，豚肉，雞肉，海鮮盛盒，野菜盛盒各來一碟！超級飽！牛肉唔會太多脂肪，甚至有雪花紋，好食又抵食！豚肉正常發揮～而雞肉都喺唔錯的，冇雪味～ 海鮮意料之外都好好食，由其是魚腩～蔬菜相對細份，但都十分新鮮同好食～仲有一盤芝士可以配唔用肉/菜食～邪惡～～～飲品叫咗檸檬桂花梳打～好飲～仲有鮮檸檬片在內～食物質素整體不錯～唯獨是燒肉的網有小小痴。同埋除咗夾生肉的夾之外，如果可以多加一個夾熟肉的夾會更好～總結：份量夠多，食物都算好食，上碟速度夠快～

粉嶺中心 開左多間美食其中一間 簡約設計原來係燒肉店11:30-5:00 堂食仲有全單85折咁就要去試一試🤩行程關係 都係食燒肉丼碗碗都份量十足🍀蒲燒鰻牛載-$92肉身厚實仲沾滿鰻魚汁燒得剛剛好再配上嫩滑牛肉又幾好味喎😋一次過有兩款 🍀五目牛肉盛丼-$88米國肩胛PRIME牛肉牛味濃 燒汁唔會太重味燒到好香口肉食獸不能錯過拌勻玉子 更令人食指大動🤩每款丼飯 會配上日式冷泡茶飲炎炎夏日 即刻消暑解渴仲冇咁油膩😎仲有多款燒肉套餐可供選用😚

粉嶺中心以前無咩餐廳可以揀，但翻新後引入咗多間食店，今晚就嚟到米子燒肉家試下日系美食一入到店，環境好寛闊，除咗日式丼飯仲可以燒肉添呀！因為朋友怕熱氣所以今次就試下佢嘅丼飯啦 !🐮五目牛肉丼($88)，用上肩胛部位屬於Prime級數，食落有焦香感之餘，咬落去軟嫰適中，一啲都唔韌😍配埋溫泉蛋，每啖飯都有哂蛋汁包住，保持濕潤感👍🏼🔪肉の雙劍客丼($74)，有齊角切牛粒同炸雞，雖然炸雞較簿身，但食落都好脆身，而角切牛粒好大舊，女孩子食絕對係超級飽肚之選。P.S. 如果多啲汁就更加好😆

一家人第一次帶小朋友去食，四眼紋身佬似乎不歡迎小朋友，態度勁差，眼神充斥著不悅、消費者不是你的出氣包，有錢食飯嘅，想長期做落去，麻煩態度好少少🤏野食一般也可以接受，態度差就不應該了希望改進態度

平日晚市見客人唔多，就入去試吓，因為唔想食太飽，決定只係食丼飯，未有試燒肉。餐牌寫叫丼飯有一杯免費飲品，到我食完走人飲品都無上到，反之，隔離枱坐低叫咗丼飯後就有飲品送上。丼飯不過不失勉強合格，角切肉汁多，但肉質不幼嫩，炸雞ok，飯的醬汁好油膩。畀錢先講要$100+先可以用信用卡，今時今日仲有食肆用呢個借口唔畀客人碌卡，不回頭無下次。

今次講谷氣嘅座位安排。見新開咗一排，一家三口來到，旁邊酸菜魚好多人等位奇怪呢間燒肉無乜人排隊 (餐廳一半空位)。已經等咗半個小時，以為人數上限，但係就唔畀你入坐，只放兩位及四位。左邊梳化位話唔畀坐，又有啲枱話個爐壞咗。原來直至一張剛可坐三人枱食客食完才比枱。門口好熱，有GULU但唔可以手機apps㩒。食物還可以，可惜做燒肉店連冷氣唔夠一路出汗，快快食完走。離開前環顧餐廳左邊位置本身話唔畀坐又坐滿，真心唔知玩法。記得門口等位時，曾有路過街坊話呢家係垃圾.. 應該不會再來。

上 OpenRice 尋覓食，找來新開張的「米子燒肉家」，燒肉燒肉我最鍾意燒肉肉。新開張環境闊落乾淨企理又光猛，服裝都不錯有禮貌。餐廳肉肉五花八門牛板腱、牛胸肉、牛五花 和牛…唔食牛有豬有雞 任君選擇。🥢豚三國王樣套餐 300g $98豚肉份量頗多，豚肉比牛較有咬口，燒香豚油脂四溢，我比較喜歡腩肉。🥢澳洲燒肉盛盒套餐 300g $148份量十足這個價錢抵食，各款牛都什有質素屬靚料，牛味香濃油脂分布平均，甘香軟嫩超好食。🥢單點牛舌 $22好有牛舌味少少羶有嚼頭。🍹洛神花凍飲 $6淡淡地勝在抵飲。🍻樽裝 Asahi $22食燒肉點少得呢個伴侶，啤酒配燒肉簡直世一。

捉緊晚市堂食的尾巴，再係粉嶺食呢間以燒肉為主打的餐廳！上次齋食丼飯，今次試下佢d燒肉set，有平有貴，任君選擇。澳洲燒肉盛合套餐 150g $88M3 牛肋條 ＋ M2 牛頸脊 ＋ 封門柳上菜後，見到賣相尚算靚仔，套餐更配上和風湯、白飯及沙律 (可以沙律/泡菜 either選一項) 二話不說，拿起燒烤夾放佢地落去燒到7成熟試試佢先！雖然佢無咩咩特別工序要處理d肉，但佢都清洗乾淨及解凍好晒，先整齊放上碟。相比平時韓燒一大碟未融雪嘅牛肉，賣相吸引得多🙈牛肋條軟腍入味、牛頸脊脂肪較少，肉質也特別有咬口，封門柳牛味最濃😁豚王玉子丼 $62勁多塊波蘭梅肉，其實點唔點佢d醬汁都夠晒味，配埋玉子，簡單暴力得黎又可以食到飽飽😁食完接近9點，仲有人眼望望想幫襯，真係好好奇點解門口個招紙仲未搣

以日式丼飯&一人前燒肉餐為主題環境都幾寬敞 價錢相對划算 份量都剛好一個人想食燒肉 都可以丼飯同燒肉相比我都係較喜歡燒肉可以自己決定牛牛既生熟程度 又可以過手癮🤪.▫澳洲燒肉盛盒套餐 $88套餐包括白飯.湯.泡菜/沙律盛盒分別有m3牛肋條.M2牛頸脊.封門柳每款都充滿肉感 有牛香 點埋醬料更惹味!三款入面最喜歡牛頸脊 肉質最嫩同牛味較重.▫五目牛肉盛丼 $88丼飯有10款可揀🙆🏼‍♀️牛牛為Prime 牛肩胛 份量好多 肉質紥實有嚼勁! 本身個飯加左牛肉汁 仲有紫菜.洋葱.葱花調味 味道香濃～最吸引我係隻溫泉蛋🥚 用埋黎撈飯就岩晒

呢間燒肉店係粉嶺站行過去經商場過大約6分鐘, 唔算難搵。👏🏻店舖採用大落地玻璃窗, 好清楚見到店內環境, 係十分亁淨, 油煙少, 因為佢每張台都有一條直管對正燒板, 抽走油煙, 十分體貼。店員主動招呼, 遞上餐牌同水, 餐牌易睇有2面, 一面係燒肉餐, 一面係丼飯。有埋圖片👍🏼…日出燒雞丼有飯, 雞汁, 嫰雞肉, 紫菜絲, 溫泉蛋, 蔥花… 雞大件同埋份量多, 加上其他配料撈飯一流, 蔥花數量好多好香, 賣相好睇。澳洲燒肉盛合套餐 150g澳洲M3牛肋條, M2牛頸脊, 封門柳, 呢3種肉上碟顏色夠鮮, 唔似係擺左好耐咁, 肉鮮, 點埋佢提供既醬汁就好好食, 再加泡菜同埋一碗白飯, 飯係用珍珠米, 食完已經夠飽好滿足!😆

粉嶺近年都開了不少新餐廳，而早排燒肉誘起，就去了火車站附近的粉中燒肉店大吃一番。餐廳環境空間感十足，而且抽風力強，店內唔只無一般於燒肉店的煙霧彌漫的感覺。餐廳餐點主要為燒肉餐及燒肉丼兩大類。本身我都無諗住食丼飯，點知俾我見到“鹽葱牛舌丼！！最終決定要各一份(笑)。近來愛上了食豚肉，點了一份豚三國王樣套餐。每份套餐都包了一碗白飯、泡菜及麵豉湯。豬肉分為三款：尹比利亞豬、美國梅肉，及皮桃腩。其實我唔係好分到邊種打邊種。圓形一大塊肉味較濃；而一粒粒的豬肉，可能因為比較厚身，入口爽口Juicy；而油脂比較多的應該是皮桃腩，鍾意油香的一定會鍾意。至於燒烤餐，每個套餐都會有個湯及炮菜做前菜。湯一定要夠熱先好飲，見到碗湯熱到出煙，正正子！身為牛舌關注組的成員之一，點會唔試下鹽葱牛舌丼？！牛舌丼係薄切牛舌，燒香後加入燒汁及香葱，整體可以。餐廳除了有不同的套餐，仲有不少的單點燒肉，價錢都係由20幾蚊到60蚊左右。眼闊肚又闊的我，點多收兩款和牛。左邊薄切的係來自澳洲的代表：M5和牛臀肉蓋，入口油香滿滿。不過我自己就比較欣賞來自日本的代表：日本崗山縣和牛肉眼，佢入口同樣充滿油香，而且厚度的切割令牛肉可以鎖緊

粉嶺真係甚少到訪，去朋友屋企玩完，佢提議去粉嶺中心試下燒肉。去到見到地方好大，樓底又高，坐得舒服。我地試左一款丼飯和一款燒肉套餐。丼飯系列：鹽葱牛舌丼 $62牛舌舖滿面，份量滿意。牛舌肉味濃郁，咬落唔韌。鹽、葱、檸檬稍稍調味，已經好好食 燒肉套餐：澳洲燒肉盛合套餐150g $88包括澳洲M3牛肋條、澳洲M2牛頸脊、澳洲草飼封門柳。肉嘅質素都幾好，鬆軟嫩口、肥瘦適中，略嫌份量唔係好夠食，下次要叫300g先夠。套餐包白飯, 和風湯, 泡菜或迷你沙律。