米子燒肉家 (Closed)

今日行經無意中發現了新開了一間燒肉店，餐廳環境很大，除了燒肉，也有燒肉飯吃，外賣亦有優惠～澳洲燒肉盛盒套餐鐵板燒感覺，牛肉好吃。餐有澳洲穀飼牛肋條，澳洲草飼牛頸脊，澳洲草飼風門柳。這個餐來講，牛肋條棒，牛味油脂最重，棒。軟腍有口感喔，燒起來也很容易，不易燶。其餘兩款肉類亦好，咬上來脂肪輕。店內抽油煙機多，不會有大油煙，燒肉時亦非常方便，不易燒燶。五目牛肉盛丼牛肉套餐，一碗飯、飲品及蔬菜。牛肉量多自家醬汁，微辣惹味。而日本旦鮮甜美味，比燒套餐更抵吃呢。肉味，肥瘦肉均，加醬汁更棒。新開張燒肉店，友好的店長～

近排見到粉嶺中心開左好多間食肆🙌今晚我地就黎左「米子燒肉家」食晚飯😌入座店員會問食燒肉定丼再安排位置😊 烤肉分散點及定食🤗丼飯選擇有10款☺️我地點左牛五花雞腿肉套餐 $98/300g餐跟白飯🍚泡菜及湯☺️牛五花腩肥瘦均勻☺️薄薄地放落爐快燒一陣已經食得🙌雞腿味道較淡肉質結實點柚子豉油食唔錯😋蒲燒鰻牛載 $92 配茶 超爆大碗入面有半條鰻魚、牛肉🐮鰻魚完全無骨👍厚粒牛肉有牛味😌喜愛日本米飯煙韌口感😍鰻魚汁撈埋大量蔥粒及楊蔥🧅食好野味😊

知道粉嶺開左間燒肉，一心就同朋友去試下，點知食到一肚氣！一入去見到得個兩三枱客，仲有超多吉枱，但入到去個侍應要我地用部機禁張飛出去等位，問佢等幾耐佢仲要話唔知，隔成5分鐘先比我地入！態度極差，黎食飯仲要受氣。實話實說，啲燒肉黎到其實冇咩問題 ，賣相都唔差😰 個碗湯係滾水味，冇任何調味，勁奇怪。食完前菜就燒肉啦，放塊肉入去，個爐完成冇反應嫁wo！見到係有火，但係完全燒唔到，之後就搵左待應黎幫下手睇下點搞，點知又係金毛侍應黎，叫完佢同佢講完咩問題，佢可以一句都冇應就直接開大個火走左去！🙄 好啦，開大完真大火到不得了，朋友個碟係五花肉黎，啲油份好多，搞到好似著火咁，係大火到差啲燒到手個種。😬啲肉勁硬，完全唔好食，仲要個爐一時大火一時冇火，燒到冇哂心機啦！一啲都食唔飽諗住早啲走去食糖水算，之後埋單仲要走到最最最入的角落位，一如既往，收銀既四眼經理都係黑面零交流咁，朋友唔記得check單，出左門口大家計數先知佢收多左$10可樂，之後就入去同四眼經理講啦，佢第一個反應你，係咪你地叫左冇黎到呀？心諗都同你講左冇叫過啦，我叫左我自己唔知咩？呢種態度真係令人反白眼🙄️！因為朋友用信用卡，所以佢要void左

五目牛肉盛丼💰88呢個丼份量好充足！牛肉數量都有7塊咁多😍肉質厚身大概係7-8成熟，食落口感剛好牛肉香味濃郁～仲有溫泉蛋、大紫菜、洋蔥絲、牛汁，識食就要將溫泉蛋將牛汁同飯撈勻🤣另外丼飯套餐會送一杯冷泡茶美國燒肉盛合套餐150g 💰75套餐包白飯, 和風湯, 泡菜或迷你沙律，肉的種類就有3款，個人比較喜歡食美國腹胸和美國牛五花，燒嘅時候要留意個火候🤣燒到啱啱好再沾下牛肉汁配飯都幾好食😋份量就啱啱好夠食一碗飯，如果想份量多啲就可以點300g $148。另外泡菜爽口唔會好辣，海帶湯入面仲有蘿蔔，食完牛肉飲下就好解濟～

同屋企人去開粉嶺 順便搵下有咩好食😛 見到呢間 晚餐價錢都唔算貴！仲有一人燒肉可以食！【五目牛肉盛丼】$88呢個份量真係爆多🔥 真係好似食梗牛角飯🤤🤤 有牛肉 溫泉蛋 紫菜同洋蔥絲！ 撈埋一齊食就係勁正勁入味！ 燒好左既牛肉真係勁香🤤 不過啲肉有少少筋～ 本身想食牛舌丼 但比隻溫泉蛋吸引🤫 下次有機會再食多次！！！【澳洲燒肉盛合套餐150g】$88牛肋條+牛頸脊+封門柳 有呢三款肉🤤 牛肉都好淋！ 雖然佢都有三種醬汁可以點 但我覺得燒完直接食就已經夠晒味！ 套餐仲可以揀泡菜定沙律！個飯大碗到完全食唔晒🤣

粉嶺新開嘅日式燒肉店✨分左丼飯同烤肉💓我嚟過兩次，分別食左丼飯同烤肉🫶🏼夾埋同一篇出食評💕餐廳嘅抽風做得幾好，油煙味唔算重！空間都闊落，坐得舒服☺️✨美國燒肉盛盒套餐（美國腹胸、美國五花肉、美國牛板腱）$75/150g 送白飯、味噌湯&沙律/泡菜烤肉可按照返自己食量選擇份量（跟gram計算）🫶🏼呢個價錢嚟講，牛肉質素算唔錯！五花肉雖然入口即化個款，但牛脂味濃，夠香口！牛板腱彈性幾有趙頭☺️有少少筋但可接受！腹胸口感都結實，油感脂還好，肉汁好突出🫶🏼性價比幾高嘅套餐，小鳥胃食呢個餐，份量啱啱好，如果唔夠食，又想試下牛其他部位，仲可以單點☺️我單點左一份牛舌🤣牛舌係今晚嘅重點💓口感柔嫩入口多汁🥹而且彈牙得嚟又唔會韌，幾值得試下！✨鹽蔥牛舌丼 $62丼飯好足料‼️勁多牛舌飯都好大碗🍚牛舌烤得幾柔軟唔韌，不過就無咩油脂嘅香味🥹同烤肉單點嘅牛舌味道有啲出入🤣整體調味都係比較清淡～✨蒲燒鰻牛載 $92呢個丼飯有鰻魚又有牛牛🫶🏼係好豐盛嘅丼飯🫶🏼個人覺得鰻魚係一般般😂煮到有啲偏林😂牛多筋有啲韌🥹感覺呢個價值食烤肉會比較抵～呢到烤肉嘅cp值會比丼飯高✨而且無限時，食得幾暢快☺️

疫情解放後，即刻同屋企人落樓下看看有什麼新食堂，就在屋邨附近的粉嶺中心，新開了燒肉店，見到試業中，7點左右已經有人排隊，入到去地方很大，坐位很闊落，裝修很令，入門已有隻牛牛歡迎菜單分別有兩款，一款是丼一款是燒肉，所以點了每樣一款點了五目牛肉盛丼，真係很豐盛，牛肉有六七塊，牛肉下有紫色碎，葱花，溫泉蛋，堆得滿滿的，牛肉汁配紫菜碎是最佳配搭，牛肉厚身但很嫩口，沒有渣和筋，點丼飯會配送一杯冷泡茶，夜市都有飲品送十分抵另外點了澳洲燒肉合盛套餐，套餐已有飯，沙律，紫菜湯，所以點了150g已經足夠了，燒肉有三款肉，牛肋條、牛頸脊和草飼封門柳，牛肉質素很好，牛味幾重，個人覺得不用點燒汁都已經好夠味道，$88有齊小食和湯簡直超值總括來講，十分抵食，地方夠大，冷氣及抽氣都很好

📍粉嶺出口步行5分鐘內就會到達餐廳餐廳環境算大，每一枱都有足夠空間，而且幾企理，坐得舒服⭕供應食品主要分為當飯🍱同燒肉🥘兩種選擇都多我們各點一樣五目牛肉盛🐃米國肩胛Prime牛肉：加左燒汁的燒牛肉好香身，牛肉大件厚肉，約有六件，伴以洋蔥絲🧅、溫泉蛋🍳、紫菜等等的配搭，同飯一齊食的味道剛剛好，剩係個汁就會令你想添飯食🍚，而且份量十足，食完好飽肚另配有冷泡茶🍵，夠解渴澳洲燒肉盛盒套餐：總共三款牛肉🐃，包括有牛肋條、牛頸、封門柳最愛牛肋條同牛頸，燒完都仲係好鬆軟、好香身，配白飯🍚食一流加上有泡菜做配菜，同埋一個湯，份量剛好味道💛💛💛💛環境🧡🧡🧡🧡性價比💚💚💚💚ARTLIKE💜💜

今日行行下街唔知點解想食燒肉，突然諗起粉嶺中心有間食燒肉嘅鋪頭，所以就去左啦！今次我叫左澳洲燒肉盛盒套餐150g，套餐跟湯、泡菜／沙律同飯都係＄88蚊泡菜幾好食，唔會過酸同辣！個餐湯係蘿蔔海帶湯，飲落清甜唔錯，幾解油膩。牛肉味幾夠，加上個爐熱力平均唔易搶火，所以燒起上黎d牛都容易保留到肉汁，加上佢有燒肉汁、柚子汁同辣醬可以點黎食，所以味道好好😋整體黎講，以＄88依個價錢黎講唔算貴、味道唔錯仲飽肚，可以話物有所值

位於粉嶺中心，商場地鋪都非常容易搵到，座位都非常寬敞，適合家庭或者朋友聚會。每張檯都設有兩個燒烤爐，而且，爐既面積都比出面其他燒肉店大，可以同時燒不同既肉類，唔需要費時等。餐牌分了兩大類，可以自己燒，又可以選擇已經由店家煮好既。選擇自己燒既朋友仔，肉都有分雞肉﹑牛肉﹑豬肉，份量都有分，燒肉套餐方面，店家都有推介日本A4和牛餐，比較細食既人可以選擇150g，比較大食既人可以選擇300g，燒肉套餐包白飯﹑和風湯﹑泡菜或迷你沙律。選擇已經由店家煮好既燒肉丼會奉送日式冷泡茶一杯。本人比較細食選擇150g澳洲燒肉盛盒套餐，有3款不同位置既牛肉，店家都有提供3款醬汁(豉油﹑柚子汁﹑辣醬)，另外，都有點日出燒雞丼，入面有一隻溫泉蛋，有雞肉包圍住。價錢合理﹑味道得宜﹑份量適中非常適合三五知己約飯！

一開始入去攞位，眼見有6-7張吉枱(每張枱4-5人)，我地5個人，就叫我地攞飛等，但後面有2-4人直入2枱，入去問個男人，佢話我哋想留張闊啲既枱比你地坐，咁我朋友就問幾耐有枱，佢話唔知，佢話我無理由趕啲客人走，但當時仲有1張枱無人坐(事後先解釋，話有4張枱個爐係未用得，即係有一張唔比我地入)，以為佢分2枱啦，點知又係5個人迫一枱，咁點解我5個人要等耐啲呢？好啦，開始入去啦，佢同我講限時個半鐘，咁點解一開始你同我講唔會趕人走唔知等幾耐？開始燒嘢食，越燒就越熱，睇住個經理幫隔離枱開個抽風，我先知原來我哋坐個張枱壞左地下抽風，我話咁點解你安排一張壞既枱比人，佢話上面抽風正常，係地抽壞不過無問題，我話當時有3張枱，你點解比呢張我，個男人就插嘴啦，話我比2張你地揀，你地自己揀呢張，咁我揀呢張係隨心啫，我唔知你張枱壞架嗎，你瀨我自己揀呢張？你無病呀？整體黎講，食物質素可以接受，但服務態度真係好有問題，絕對無下次！

粉嶺終於有燒肉餐廳，終於唔駛搭車出去，都可以係粉嶺食到燒肉啦，米子家燒肉位於粉嶺中心，由粉嶺火車站步行5分鐘左右到達。7:00到達不用排隊，之後陸續都愈黎愈多人。餐廳有燒肉套餐或燒肉丼，燒肉套餐有9款選擇，不同gram 數不同價錢，根據自己的食量而選擇，而燒肉丼有10款選擇，款款都好吸引五目牛肉盛丼（$88）賣相吸引，好豐富，有米國肩胛PRIME 牛肉、溫泉蛋、大紫菜、紫菜絲、洋蔥絲、牛汁，肉質厚身，牛味濃，溫泉蛋和牛汁將飯撈勻一齊食，味道唔錯，而且佢夠大碗。澳洲燒肉盛合套餐（150g $88)套餐已包白飯、和風湯、泡菜或迷你沙律燒肉盛合有3款肉：澳洲穀飼M3牛肋條、澳洲草飼M2牛頸脊、澳洲草飼封門柳份量對於我黎講岩岩好，燒肉口感和味道都唔錯，送飯一流

相約同學在他家裏附近吃飯，幾年冇來，食店都轉變了。最近不知不覺地愛上吃丼，見到有間吃丼飯新店，不作他選了😍除咗丼飯，仲有燒肉選擇唔使揀，和同學各選一款開心𝓈𝒽𝒶𝓇𝑒 😆*五目牛肉盛丼米國𝓅𝓇𝒾𝓂𝑒牛肉用上我鐘意的牛肩胛肉質結實，肥瘦鮮明弄散溫泉♨️🥚蛋汁撈埋洋蔥絲、蔥絲個飯已經好美味😋*澳洲燒肉合盛套餐分別有M3牛肋條、M2牛頸脊、草飼封門柳套餐跟泡菜/沙律及白飯牛肉份量足夠肉味夠濃自己燒鐘意幾成熟都得想再好味啲可以加柚子汁及蒜鹽😆

店內環境光猛及整潔，並運用了不同的原木風枱櫈，使整個環境帶出一種柔和的感覺。枱櫈的佈局相隔有一定的距離，就算人多亦不會使人有種擠迫的感覺。更運用了良好的抽油煙機系統，就算是燒肉店，亦不會有種油膩的感覺。眼見餐牌有多種的選擇。有著不同國家肉的品種選擇，更可選不同的份量，組合多元化。火山燒牛肉丼，他的飯滲着免頭上的牛肉汁，使白飯多汁而鬆軟，胃口令人大增。而面頭上的燒牛肉，味道濃烈，配合着他獨有的牛肉汁，但亦都不會蓋著原本牛肉的鮮味。澳洲燒肉盛盒套餐，肉的份量剛好足夠兩個人吃。肉的油脂分布鮮明，並看得出是新鮮多汁。放上燒盤上，聽得到肉的汁在燃燒時發出的支支聲，可知肉的汁是多麼吸引。更因為是自己可以控制肉的熟度，符合自己的口味。我燒的是五成熟，放入口內有種即溶嘅感覺。服務員有耐心介紹不同種類的肉，有不同的口感，並推薦我食所選的兩種款式。出菜的速度，也算是快的。不會讓客人等候多時。並且他們會主動供水給我們使用，並會及時幫我們補給食水。服務態度非常之良好。

見粉嶺新開左間燒肉店真係好期待，因為平時要食燒肉點都要搭車出去，而加喺左近就有間，地點好方便。打算打電話去預約，但話只接受walk in，都有少少唔方便。琴日終於去到試食，見半場都係吉位，咁就諗住等埋個fd先一齊入去，點知入到去佢話無位??叫我地拎飛…就咁趕返我地出門口，拎左張001的飛，白企成5分鐘仲要勁黑臉咁叫我地入去，再好大聲喝我地掃安心出行 (但朋友已經係拎緊部電話出嚟準備掃…)我地一行5人，佢地d枱係超迫超難坐，坐中間位嘅朋友係要夾住燒烤爐d管咁坐。枱邊係見到燒烤喉管同釘都外露，好危險。同埋放五個餐係完全無位，因為佢個爐邊係頂住哂，要摺住放先勉強擺到個盤。野食嚟講真係好一般，我叫咗美國燒肉盛盒套餐，個樣有少少似佳寶肥牛。我地有兩個爐，我嗰邊係完全燒唔到野，放左塊牛肉落去係五分鐘都仲係紅色，叫店員幫手，係黑臉加唔出聲，就咁開大個火，想講一開之後都係得爐邊有少少火，肉燒到滴油落去時，個爐係爆火，係真係成條火柱，身手快先無比佢燒到，隔離枱都叫左出聲，當時係有店員望住，但佢係選擇視而不見(??)，佢個抽氣管都完全唔work。咁我地唯有請店員過嚟睇睇啦，發現佢地鋪全部同事都係好黑臉，過