米子燒肉家

Open Now

Now Closed

疫情下自從限聚令都很少岀街食飯，今日同朋友黎到粉嶺發覺多左好多唔同種類既食肆，正當我地企係門口睇緊有咩可以食時候米子燒肉家職員很熱情地介紹餐廳食物，而時間尚早關係，店內客人不多，還是可以很安心地用膳，所以我地就揀左食米子燒肉家☺️進場時，店內環境舒適乾淨，感覺可以好好同朋友一邊聊天一邊午膳🥩🍚，當我們坐下就開始揀選午餐，餐牌上有很多都看上去很吸引，有好幾個都想點選😹但最後我還是選擇了五目牛肉盛井，而朋友要減肥所以她選擇日式燒雞井😹😹。當我們的午餐到來，我選的牛肉盛井賣相很吸引，而且牛肉真的很大塊，成碗滿滿的，迫不及待拍照後即刻食，竟然比我預期中的好吃，牛肉軟硬適中，有少少入口即溶感覺，配上牛肉汁很好吃😋而朋友選擇的燒雞井，賣相一般😹😹她看後很想同我交換，但最後還是要認真吃自己點的午餐，她吃了一口，岀乎意外說雞肉很嫩滑，而配上紫菜絲、溫泉蛋撈在一起更好吃，所以不要俾賣相欺騙🙈整體上，無論環境、食物品質同職員都選高質素，粉嶺小小既地方，就有咁既質素真的很意外，絕對係會再次光顧的😋

位於粉嶺中心地下的燒肉店，位置算寬敞，環境不錯。我們叫了兩個餐，第一個是澳洲燒肉盛合套餐，150g，HKD 88。部位有牛肋條、牛頸脊、封門柳。套餐包一碗飯、一碗湯、沙律。第二個餐叫了美國燒肉盛合套餐，300g，HKD 125。好明顯份量大好多。部位有美國胸腹，牛五花，牛板健。個人認為兩款都好食，美國燒肉盛合套餐容易燒和容易入口，而澳洲燒肉盛合套餐就相對有牛味一啲，口感有層次化啲。送飯一流。另有加一服務費，所以埋單230幾蚊。

今日同朋友4人去食燒肉由於疫情關係2人一台咁我地就分開坐叫完餐。送到上台。個爐真係勁慢。火力係原全唔夠。d肉好似漢干咁。攪到d人勁干。好似食肉干咁。食落好似風平牛肉咁。本身d肉都唔差既。但係就比個爐攪到變肉干。唔可以叫燒肉。只可以風干肉。到埋單果陣。我地因為分台。所以分開埋單。咁我朋友埋單先。我排係佢後邊。點知我朋友埋完。個收銀。應該係經理黎。四眼著西裝。話仲有張台未比錢（態度係極差）。感覺係想話你食霸皇餐食野唔比錢咁。之後我就話張單係我到。我埋完之後諗住問佢拎張單。我就話唔該我想要返張單。點知個經理一手攞張單就拍落收銀張台到。身為一個經理。態度可以咁差。由期是試業中都可以有咁既服務態度店員既服務態度仲好過個經理。試問身為一個經理。服務態度同eq都會比店員高。我覺得管理層應該鄭正考慮一下呢位經理可否勝任。

我哋嗌咗一個澳洲燒肉盛合套餐（300g：$148）同埋一個米子人氣牛控套餐（200g：$168）而套餐已經包括左白飯、麵豉湯、迷你沙律/泡菜咁首先講咗我朋友嗰個套餐先啦（呢個餐嘅牛肉就係澳洲穀飼M3牛肋條、澳洲草飼M2牛頸脊同埋澳洲草飼封門柳）全部牛肉食落去都好有咬口❤️❤️而且真係超重牛肉香味（我自己就最鍾意食封門柳😋😋）食落去一啲都唔Heavy我食嗰個套餐嘅牛肉就係美國牛小排同埋澳洲和牛臀肉蓋牛小排食落去幾爽口😘😘而且油花分佈得好均勻澳洲和牛臀肉蓋就比較少見🤔🤔我自己就覺得佢嘅肉質幾滑嫩配埋柚子汁、燒肉汁就更加正除此之外我幾鍾意呢間舖頭用嘅網因為佢係真係可以燒到好靚嘅坑紋🤩🤩而且又唔會好容易燶

米子燒肉家🥩｜粉嶺新開張燒肉店 最平$48有得食‼️｜😂今日行粉嶺嘅時候無意中見到新開左一間燒肉店，見到價錢都合理嘅最平$48都有100g 燒肉可以食😍，大家就可以揀返想食嘅份量同埋肉類，跟餐仲有湯小菜同埋白飯，都配有三款醬料。餐廳環境都算乾淨，鋪面都好大，除咗燒肉，都仲有好多唔同燒肉飯可以食，而家外賣仲有九折優惠添‼️🥩澳洲燒肉盛盒套餐 300g $148呢個餐就有澳洲穀飼M3牛肋條，澳洲草飼M2牛頸脊，同埋澳洲草飼風門柳呢個餐來講，我就最鍾意係牛肋條🥳，佢嘅牛味同油脂咁係最重嘅，同埋都好Juice同爆汁🤩。但就完全冇筋，好軟腍，燒都好容易，唔會呀好易燶。其餘兩款肉類都唔錯，脂肪咁會比較輕😋🥩米子人氣牛控套餐呢個餐就有美國牛小排同埋澳洲和牛臀肉蓋價錢貴啲咁當然質素都會好啲啦🤣，可以見到牛嘅脂肪同埋雪花係好平均，佢都有一定嘅厚度，所以燒肉嘅時候可以保持到更多肉汁，食嘅時候就會更加Juice彈牙🥳。雖然牛嘅脂肪比較多，但配埋泡菜點吓醬汁食，完全唔會覺得好油膩。😋✅上面都配有抽油煙機咁所以都唔會好大油煙，同時燒肉都好容易，唔會好易燒燶。係有時過路唔夠水咁就啲油脂會彈起身，可以叫店員幫手加水。分

粉嶺中心附近越來越多嘢食，最近就新開左好少有嘅燒肉，所以同朋友嚟試吓。一入到嚟地方都幾闊落，而且乾淨企理，沒有太大嘅油煙味。我地一行二人叫咗兩個套餐，按照自己嘅食量去選擇份量。每個套餐都會提供白飯、湯、沙律或者泡菜。我哋揀咗澳洲燒肉盛合套餐300g同美國燒肉盛合套餐150g。澳洲燒肉有三款唔同部位嘅肉，包括🐮牛肋條、牛頸脊及封門柳。燒完點上醬料，其中柚子汁同燒汁係令肉的味更加突出不過，雖然油脂分布未算平均，但只要唔需要太耐，肉質仍然夠嫩。三款肉之中，比較突出嘅係牛頸脊，燒完之後係充滿牛味美國燒肉都有三款肉，腹胸、牛五花及牛板腱呢一個套餐相對起油脂比較多。但係食起嚟更加香口🙈其中牛五花真係好好食，千祈唔好燒太耐，將啲油迫晒出嚟之後，再夾泡菜中和翻，係好夾其餘兩款牛都係不過不失。而家好小學百零蚊就食咗個咁豐富嘅燒肉套餐，而且地方就腳。所以下次會帶屋企人嚟食

粉嶺中心原來有好多餐廳&店舖今日難得嚟到粉嶺，就搵左間日式燒肉！原本諗住食燒肉，不過我哋又要趕住去錦田跳蚤市場，所以就食唔到燒肉五目牛肉盛丼牛肉燒得好香呀每塊牛肉都好大塊，好豐富嘅肉香不過口感就偏韌左啲，要花啲時間咀嚼！而且醬汁味道比較濃味，所以好岩鍾意食濃味嘅人豚王玉子丼嚟到嘅時候，發現原來無玉子不過我好鍾意呢個丼飯加左生薑汁，令到成個丼飯無咁膩豚肉份量一啲都唔少，用左五花腩，但完全唔肥膩，脂肪位口感比較爽冷泡玄米茶

Yeah📣 粉嶺又多一間燒肉新選擇🤤！今日試咗佢嘅燒肉丼，已經決定之後要食燒肉套餐！推介［浦燒鰻牛載］，一碗 鋪滿餸，好吸引。有半條大鰻魚，又軟淰又香噴噴，配埋濃郁甜甜嘅鰻魚汁撈飯一流，仲有幾粒一口牛肉🐮，口感幾好，韌度適中。丼飯現有洋葱、碎紫菜、大紫菜等，添加蔬菜🥬＆層次感。如果你係牛肉控，記得試下［五目牛肉盛丼］🐮，幾片厚切米國肩胛 PRIME 牛肉，最鍾意就係有隻溫泉蛋🥚，撈埋牛肉食，更香滑😌！

行完山落咗嚟粉嶺，本來諗住是但食啲嘢，點知又畀我哋喺粉嶺中心搵到間新開嘅日本料理「米子燒肉家」。店內裝潢以木色系為主調，近門口位置設有半落地大玻璃，環境開揚闊落，感覺雅致舒服，反正還沒想到吃什麼，就一於喺呢度開餐。先睇餐牌，原來店舖除咗主打日式燒肉外，仲有好多唔同款式嘅丼飯供應。點咗五目牛肉盛丼 ($88) 同 蒲燒鰻牛載 ($92)。每款丼飯均奉送日式冷泡茶飲一杯。兩個燒肉丼都好有睇頭，面頭鋪滿了食材，大大碗、份量十足。五目牛肉丼選用了肩胛 PRIME 牛肉炮製，食落牛味好突出，入口帶點焦香，而且生熟度亦控制得啱啱好，非常 Juicy！另外配料方面亦唔馬虎，有溫泉蛋、日式大紫菜、洋蔥絲、乾椒絲、蔥花等，將溫泉蛋戳破，讓蛋汁慢慢流出，以米飯、牛汁及配料伴吃，味道一流！至於另一客蒲燒鰻牛載，用料亦非常豐富，除咗半條鰻魚，另外仲有好多塊牛肉，而配料方面就有日式大紫菜、蔥花同蛋絲等。鰻魚燒得外脆內嫩，肉質細緻，入口油潤肥美，配上微甜嘅鰻魚汁，拌飯吃特別惹味。牛肉都好有水準，肉質腍身，食落無渣。

久違了的堂食 久違了的燒肉 想念日本旅行的味道了！米子人氣牛控套餐 (美國牛小排+澳洲和牛臀肉蓋)、澳洲燒肉盛合套餐(穀飼M3牛柳條+草飼M2牛頸脊+草飼封門柳)，牛味濃，隨餐附白飯、麵鼓湯、泡菜，店內比想像中大，坐得舒服，幾乎零油煙，讚！

常粉嶺搵食會去聯和墟，但近年近車站的粉嶺中心多了很多新餐廳,食好西方便好多！一排沒有堂食，見新開了一間燒肉店，即刻朝聖一下！午餐提供燒肉丼同燒肉套餐兩種選擇，作為牛魔王，點了澳洲燒肉盛合套餐及米子人氣牛控套餐。米子人氣牛控套餐 200g $168包括美國牛小排及澳洲和牛臀肉蓋，臀肉蓋較少機會吃，肉質柔嫩，牛小排油花分佈均勻，咬落去好juicy。澳洲燒肉盛合套餐 300g $148包括穀飼M3牛柳條、草飼M2牛頸脊及草飼封門柳，牛味濃，當中個人最好封門柳！隨餐附白飯、和風湯、泡菜或迷你沙律，份量足，而且坐得舒服，抽風好少油煙，不用擔心成身燒肉味。

近年來，多咗好多一人燒肉店，間間都大排長龍，望到都卻步，今次咁啱見到呢間新開嘅「米子燒肉家」，可能啱啱過咗lunchtime，所以唔使排隊，因此就同朋友一齊去朝聖。入到去發現座位都幾寬敞，waiter服務都唔錯，反應又快。午餐店舖提供左燒肉丼同燒肉套餐兩種選擇，咁貪新鮮好玩嘅我哋就梗係揀咗燒肉套餐啦，我哋揀咗澳洲燒肉盛合套餐300g同米子人氣牛控套餐200g：澳洲燒肉盛合套餐包括左三種肉：穀飼M3牛柳條、草飼M2牛頸脊及草飼封門柳，店舖貼心選用高級食材，啲牛勁有牛味又juice，有咬口得黎又唔會韌，特別係封門柳，勁正👍🏻不過鍾意食牛，就一定唔可以錯過米子人氣牛控套餐：美國牛小排同和牛臀肉蓋，牛小排係今日牛味之最，而且仲肉汁飽滿，牛臀肉蓋嫩得黎又唔淋，無得彈🤤🤤每個套餐都附設左一碗飯、味增湯、泡菜或沙律，鍾意食飯的我要讚一讚個飯，佢選用珍珠米，軟硬度適中，仲好有飯味。醬汁有3款：燒肉汁，蒜泥醬，柚子醬油我個人比較鍾意燒肉汁，甜甜地，一啲都唔咸，配燒肉就岩岩好❤️原本我都想講佢無個箱或籃比我擺啲袋呀衫呀果啲，驚啲衣物會有味要扣啲分，但整餐飯食完，我身上都無咩燒肉味，正🤩！證明佢抽風系統做得好

粉嶺中心開咗幾間新食肆，今日就同朋友嚟呢間燒肉店試一試佢。因為我哋係平日嘅5:00嚟，所以舖頭冇咩人。環境都闊落乾淨。時間緊迫，我同朋友望一望個餐牌，即刻叫咗美國燒肉盛盒套餐同米子人氣牛控套餐。因為對於牛肉嘅gram數冇咩概念，所以就問侍應 100 gram會唔會食唔飽，侍應話好睇你自己本身嘅食量，聽完都係冇概念。為咗唔浪費食物，最後都係揀咗100 gram。我個米子人氣牛控套餐一上枱，我個心已經流緊淚，望住面前呢六嚿肉，我知道一定食唔飽⋯⋯再加上餐廳5:15截單，即使我想加多100 gram都冇得加。冇辦法啦，照食。不過值得一提嘅係，泡菜有驚喜，酸酸甜甜，新鮮，好食。朋友呢個套餐有150 gram牛，但其實對我哋兩個來講都唔係好夠食。雖然食唔飽好傷心，但係肉同泡菜都幾好食，會再返兜。

聽朋友講粉嶺開左間燒肉店 就襯假日午市去試下先～由於疫情關係所以午市都唔算多人，唔洗等位就入得餐廳空間好大！完全唔會逼，而且抽風系統做得唔錯，唔會有好大陣燒肉味有唔同既套餐可供選擇～非常豐富而且價錢都好優惠米子人氣牛控套餐米子人氣牛控套餐包括左美國牛小排同澳洲和牛臀肉蓋，仲有白飯，和風湯及迷你沙律／泡菜。肉類厚度適中，燒一陣已經食得，肉質夠嫩滑完全唔韌！適當既油脂帶動牛味充斥整個口腔，好食！澳洲燒肉盛合套餐另外我地就叫左澳洲燒肉盛合套餐，分別有穀飼M3牛柳條，草飼M2牛頸脊同草飼封門柳依３個部位都係平時好鍾意食既部位！估唔到一個套餐就包晒　ＣＰ值超高！當中我最鍾意食既就係草飼封門柳～肉質非常嫩滑而且充滿油香味店家亦提供左柚子醬汁，燒肉汁同蒜泥，令到燒肉既味道更加昇華！總結而言係北區係難得一見有水準既燒肉店～住係北區既朋友可以襯疫情放緩快Ｄ出動試下喇ＸＤＤ

粉嶺有間新開燒肉店，但lunch未想食燒肉，好彩仲有多款丼飯可以order~~同朋友一人揀一個燒肉丼飯，五目牛肉盛丼，有米國肩胛PRIME牛肉，超多牛肉，肉味香濃，又滑又嫩～～愛好牛肉必食～～仲有溫泉蛋，鮮嫩蛋汁拌牛肉食好正！！睇落唔大碗，但食落好飽，份量足～蒲燒鰻牛載，有半條鰻魚，鰻魚汁香濃夠味撈飯食好好味，仲有牛肉，雙重享受～鋪上蛋絲同紫菜賣相好睇又有口感～～跟餐有飲品送，揀咗洛神花茶，幾開胃解膩，清涼～～