米子燒肉家

Open Now

Now Closed

5號見KKday有快閃優惠半價咁就試下個任食120分鐘澳洲和牛放題送蟹腳,宮崎和牛,生蠔，到左琴晚去食，卜左6點去到得1-2枱客，冇耐就full晒坐低同職員講係KKday買左飛，佢就問我買左咩餐,幾錢由於星期五,六,日需要加$20,係KKday揀日期果時已經計埋，去到只需要俾正價加一，但啲職員全部都唔知，話要加$20重已經加左係單度，唔理佢住喇埋單再講，俾左個code我地落單但入到去係白畫面load唔倒，之後幫我換過張（張單顯示正價5百幾/位）應該係佢電腦出唔倒優惠個code，有啲亂擾攘一輪終於落到單，送既盤：宮崎和牛真係好好食，生蠔都有啲蠔味，鮑魚係熟既冇乜味，元貝都大隻，蟹腳一般，魚好滑，自己落單既：一口牛唔錯，蝦得個身急凍既，醬油漬魷魚鬚幾彈牙但好咸，芝士雞唔錯，其他就一般般，總括黎講如果正價我唔會去食

今日去友人屋企，留到晚上帶我們到附近搵食，天氣凍凍地自然就會想食暖笠笠嘅嘢，於是搵左近近地既燒肉餐廳，就係美食亭，友人食過都話唔錯！其實裝修真係好新淨，因為又想食燒肉，但係唔想食到好飽，燒肉放題都好吸引，價錢都好相宜，姐姐力 sell 我地試放題話好抵食，雀仔胃既我地燒肉定食套餐就啱晒！我地叫咗兩個套餐，米國盛盒定食300g $198 &澳洲盛盒定食300g $146，包左湯，沙律/泡菜，+$6 有紫菜飯同埋飲品任飲，甜品任食! 勁正，燒肉套餐同時可以享受放題嘅甜品飲品自由，啱晒我哋呢啲女仔食！澳洲和美國牛肉牛肉上碟已經覺得啲紋理清晰，肉質和濃郁的牛肉味，因為share 食覺得2者都好唔錯喎難分高下，澳洲比較濃味d，色澤鮮豔，自己燒既肉就特別好味，嫩滑多汁。紫菜飯 +$6飯嘅份量好多，加咗紫菜飯同埋燒汁，盤買牛肉一齊食 ，一大碗飯都可以清哂！配埋沙律 同麵豉湯 一齊食 真係超級滿足！好夠飽！飲品汽水，紙包飲品，茶就有菊花普洱同埋鳳梨，啤酒都有，選擇非常多，原來仲有生菜可以夾肉食添呀！甜品最開心既時間，因為有唔同味道既啫喱，芒果布甸，西米露同埋紫米露，完全係符合我哋嘅口味， 芒果啫喱係滿

這間餐廳啲肉太難食，很硬，咬不開，我好懷疑以上的食評是假服務員對自家餐廳的食物缺乏知識，其中一款牛肉套餐，餐牌只寫包含三款牛肉，但沒有註明是那個部位，如是者，詢問服務員，竟然她會這樣回答：「咪就係牛肉囉，點知邊個位喎？比到你邊個位咪邊個位囉！」如果你係客人你聽到你會點諗？你當我傻㗎你比咩我就食咩呀？直情無藥可救，不知所謂，不會有下次！

我哋嗌咗澳洲盛盒定食（300g：$198）同埋米國黑毛和牛定食（200g：$218）咁首先講咗澳洲盛盒定食先啦（佢就有三款澳洲特選牛肉）三款牛肉食落去其實都幾滑嫩🥰🥰而且食落去都好多肉汁口感食落去都幾唔錯唔會太乾🤩🤩 我就揀咗要加$6要紫菜飯嘅🤣🤣所以配埋一齊食就會更加入味之後就講吓嗰個米國黑毛和牛啦我覺得呢款牛肉食落去比較有口感油脂分泌好均勻😘😘食落去亦都唔會覺得好Heavy同埋我真心幾鍾意呢個網😙😙因為燒落去牛肉會有嗰個坑紋好靚（而且都唔會好容易燶）最後就講埋我哋嘅嘢飲同埋甜品啦（甜品係可以任食嘅‼️‼️）我揀咗要巨峰乳酸梳打（$24）呢杯飲落去味道幾酸酸甜甜而我朋友就揀將要百香果梳打（$24）甜品方面主要有紫米露、西米露、啫喱同埋雪糕😝😝我自己就幾鍾意咁佢哋嗰個西米露因為飲落去味道真係幾濃郁👍👍雪糕方面我就比較鍾意榴槤雪糕食落去榴槤香味真係好重值得一提嘅係其實佢哋都有做燒肉放題⭐️⭐️如果有興趣嘅話都不妨可以試吓

早在 米子燒肉家 粉嶺開業時已經很想試不過新舖開張實在有很多人排隊 所以放棄估唔到大圍最近都開左新舖 決定同表妹去試試難得是開心星期五 於是決定叫個任食燒肉放題我地揀左A4日本和牛套餐和牛新鮮嫩滑 雖然未至於入口即溶不過油脂分佈得均勻 輕輕一燒已經出油燒得外層輕微香脆 食落口感紮實 牛味濃厚而且帶牛香肉質軟滑 整體都尚算不錯套餐唔單止得和牛一款 還有好幾款可以挑個人感覺CP值還算不錯 絕對可以一試個人好喜歡厚切牛舌 燒後爽口帶脆唔會韌除左和牛仲有豚肉雞肉 豚肉選擇都不算少簡單不需要太多調味既豚肉燒後已經非常鮮味味鮮爽口滿有驚喜的肉類以外亦有海鮮 魚類帆立貝生蠔甲羅燒用來拌飯實在一流少不了仲有羊架 入口香酥肉質細嫩 連日式餐廳既串燒前菜味淋魚干都有套餐除左包主食 仲有埋沙律熟食野菜炸物同甜品炸物種類都唔少 多春魚、大蝦生蠔...全部新鮮即炸 上枱仲熱烘烘香酥可口 而且味道都唔錯燒肉熟食過後 仲有日式喜壽燒 雖然只是小小一窩但內容非常豐富仲有雪花肥牛隨煲一併上枱肥牛油脂雪花分佈平均 入口油香味濃 質素不俗除左套餐任食 飲品都係任飲架除左有罐裝/紙包飲品仲有啲特色冷泡茶飲好似菊花普洱、洛神花

米子燒肉家 - 大圍今次去到大圍美林邨，見到一間叫左米子燒肉家既餐廳，非常吸引。餐廳以木色同粉紅色為主調，牆上仲有貓貓同櫻花的圖畫，令整個環境感覺更加帶出和風感覺。餐廳隔離就係一個巴士站，非常方便。而且就算響大圍站行過去大約都係10分鐘左右今次就叫左「松之燒肉」米子燒肉放題。就咁睇個Menu都覺得好吸引，120分鐘任叫日本和牛、豚、雞、海鮮、炸物，仲有啤酒任飲。牛方面又有宮崎A4和牛赤身又有日本A4和牛肉眼又有宮崎A4和牛壽喜燒，海鮮方面仲有銀鱈魚扒又有甲羅燒。真係相當吸引。前菜方面，有蟹柳青瓜絲同煙三文魚沙律，食燒肉前有啲沙律菜食下，非常開胃清新。肉方面，先講牛肉，就咁睇牛肉的色澤同紋理已經非常吸引。每舊牛食落既口感同油脂感都很香很嫩滑。羊架很大舊很足料，不會很重羊臊味，肉質都厚實，味道不錯豬肉方面，豬頸肉肉質彈牙爽口，而且厚實，值得一試海洋方面，都非常新鮮香甜，生蠔及帶子的海鮮味都非常特出，由如在口腔內暢游一般，值得一試。牛油三文魚同甲羅燒配上米飯真係非常非常吸引，特別甲羅燒都叫左幾轉，真係白飯小偷。除左燒肉外，仲有一個鍋物-和牛壽喜燒，可以一邊燒肉一邊食牛肉壽喜燒，非常特別。壽喜

一行四人平日夜晚8:00後入座，叫左松set，勁多野食，職員服務勁好！時不時會問你洗唔洗換網，又會主動幫手收走無用既碟。唔好以為仼食就無靚野，宮崎A4和牛赤身，日本A4和牛肉眼，仲有美國黑毛和牛三角，勁好食！油花分布平均，末去到入口即化但都真係好好食！食肉食膩有得食下沙律，又可以食下菜同炸物。好驚喜既係佢仲有得燒肉格黎加個壽喜燒焗，仲要個壽喜燒一啲都唔hea ，唔會太甜，又可以食下菜，又可能淥下A4和牛。最開心係佢既海鮮，甲羅燒真係不得了，食得出唔係凍肉店cheap cheap甲羅燒，上面仲有蛋黃同蟹子，OMG！燒完熱辣辣，再叫左個紫菜飯，佢係白飯小偷。燒生蠔都正，唔算勁大糖，但一啲都唔細，燒完落反小小檸檬，正！佢仲有得燒扇貝，燒蜆，雞泡魚干！燒尤魚，鮑魚！三文魚，燒菠蘿，杏包菇姨都都有！太多，不能盡錄。甜品同飲品係出面自助仼拎，食完真係勁飽勁滿足。總結:雖然佢唔係好平既仼食，但佢食物既質素對得住佢既價錢，仼飲飲品都唔係普通飲品，有椰子水，柚子有氣水，啤酒果啲都係仼飲。食肉食到膩又食下沙律/菜，燒住海鮮再食下壽喜燒，成餐飯個口同對手都無停過🤪絕對有下次。

之前食開間雞煲轉左做燒肉店之後，第一次黎幫襯選擇都幾多，有定食，放題，丼飯價錢豐儉由人我地就揀左燒肉餐食定食仲包括和風湯，飯/冷麵，泡菜/沙律，飲品最開心有甜品任食有唔同口味嘅布甸同啫喱，仲有西米露，紫米露肉無醃過原汁原味枱上有鹽、七味粉、燒肉汁、蒜蓉汁、韓辣醬可按自己口味添加米國黑毛和牛定食 218/200g 油脂分布平均，牛肉味濃200g真係份量超多，食得好满足澳洲盛合燒肉定食 $198 /200g有三款部位，肉質鮮嫩多汁配埋啲醬汁，泡菜，唔錯喎估唔到幾有質素，抽風都做得幾好食完都唔會有油煙味

哇哇哇 估唔到大圍屋邨藏住一間靚靚粉紅燒肉放題小屋🩷座位非常闊落，亦好乾淨，坐得好舒服，雖然係燒肉但都唔會覺得好大陣油煙味👍放題有3款套餐選擇，今次試左中間價錢$368嘅竹之燒肉，澳洲和肉油脂分佈平均，肉無經醃製，直接燒，肉嫰多汁，食出牛肉嘅原始鮮味除左肉類同海鮮，仲有壽喜燒同炸物，炸物比較驚喜，有牡蠣，多春魚，大蝦同芝士波波，新鮮炸起，粉漿夠薄，咬落脆口，食多幾件都唔覺油膩飲品同甜品方面，款式選擇多，有自家製無糖茶，芒果布甸，紫米露，啫喱，最後仲食多杯榴槤味雪糕，好好味😋😋😋

平時食燒肉，可能都要出去人多商場先食到，但呢間位於美林屋苑內，就方便晒附近居民。除左燒肉外，佢仲有丼飯選擇。佢既選擇都好多，今次我點左一個鰻魚牛肉飯、一個鰻魚雞肉飯，佢既套餐已免費升級無限供應飲品同甜品。首先，鰻魚牛肉飯，佢黎到已包括一個泡菜小食同一杯綠茶，不過佢升級左專櫃既飲品，所以杯綠茶我就冇飲喇。這個丼飯是由嫩滑的鰻魚和多汁的牛肉組成的。啲鰻魚比我想像中多同大塊，每一塊都係厚身，咬落去啖啖肉，而且肉質鮮嫩。牛肉則經過適度烹調，保持了肉汁的豐富。評分：👍🏻👍🏻👍🏻/5而鰻魚雞肉飯係最穩陣，因為雞肉好難煮得唔好食，雞肉夠嫩滑，兩個飯份量都好大碗，啲飯我都食唔晒，唯一可以改善嘅地方係可以多少少汁，個人喜歡有啲汁送飯。評分：👍🏻👍🏻👍🏻/5除了丼飯，佢升級至係限飲品，有各種茶類和果汁供選擇，清新又解渴，最特別係佢有啤酒任飲，鍾意飲酒配燒肉既朋友就喎晒喇。總括嚟講，佢既食物美味，而且提供多種選擇和無限供應的甜品飲品。我見佢都好多客，下次要試吓佢既燒肉先。整體味道指數：😋😋😋/5性價比：💰💰💰/5環境：❤️❤️❤️/5服務：✅✅✅/5

今日去左大圍美林邨打波，打完波就超餓當然要搵野食醫肚😩，經過美林邨見到間好靚嘅鋪頭，仲要傳出陣陣燒肉味，同朋友諗都無諗就已經衝左入去食😂原來店鋪係主打燒肉/丼飯同燒肉放題😳，今次就揀左燒肉餐食，份量都好豐富，非常飽肚😋1️⃣澳洲和牛定食牛肉味夠香，脂肪分布均勻😋，而且色澤自然，燒嘅時候散發陣陣牛肉味🤩，肉質嫩滑🥳2️⃣米國黑毛和牛定食佢比澳洲果款牛肉再濃烈😳，脂肪再多dd，入口充滿牛嘅脂肪，兩款牛一齊食超開心🤣擔心膩嘅可以用生菜搭配，整體會變得健康同易入口🥰佢地有3款醬料分別蒜茸🧄、燒汁🫗韓色辣醬🌶️，個人覺得佢嘅蒜蓉醬係超好食！完全配到燒肉之餘仲要帶出左牛嘅鮮味👍🏽套餐會送沙律🥗配飯🍚，仲會包埋杯特色飲品！飲品分別揀左巨峰乳酸梳打🍇同白桃乳酸梳打🍑，甜度適中👍🏽最後套餐仲送甜品！甜品係自助吧任揀唔嬲😝，最後揀左紫米露🥣同奶凍🍮 ，為晚餐畫上完美句號😂😂總括黎講餐廳用心打理，食材新鮮，屋邨價錢就CP值高嘅燒肉😋，店鋪仲要用上粉紅主題🥰，打卡一流！下次叫多d朋友黎可以試埋佢嘅放題餐呀！

大圍美林邨早前重新裝修過，由以前既冬菇亭變左而家既粉紅色小屋。餐廳以粉紅主題佈置，充滿少女心，亦十分適合打卡。座位寬闊，全部都係卡位黎，舒適得黎亦有足夠私人空間。餐應除左定食，晚市仲有燒肉放題，我地今次試左<竹の放題>，食物款式非常多(70品)，仲要好高質，性價比一流。除咗<梅の放題>嘅食物之外，竹既肉類額外有澳洲和牛肩胛、赤身、安格斯胸腹同日本豚肉眼。澳洲和牛油脂分布平均，肉質鮮嫩。更冇日本和牛食落咁膩，反而牛味香濃，入口即溶。肉無醃，可以自己加鹽、七味粉等調味。但我偏愛原汁原味，直接燒，再沾少量醬汁吊味，更食得出牛肉既鮮味。而海鮮類有牛油帶子、味醂魚乾、鹽燒虎蝦、壺漬魷魚鬚頭等等，全部質素都唔錯。帶子好香牛油味，虎蝦爽口彈牙，魷魚鬚醃得好入味。熟食方面亦有好多選擇，炸物有多春魚、牡蠣、大蝦等等，炸粉唔會太多好香脆，食多兩件都唔會滯。壽喜燒係用日本 A4 和牛，牛肉味濃郁，口感嫩滑軟腍。配菜亦好足料，有冬菇、豆腐及娃娃菜等，吸埋香甜濃郁既湯底食落好鮮甜。驚唔夠飽仲有沙律、冷麵同紫菜飯。飲品櫃除左汽水仲有自家製飲品: 菊花普洱、鳳梨烏龍同洛神花，好健康解

今晚要OT，就喺附近搵食。諗起傳統冬菇亭翻新後都未去過，有幾間食肆好似都幾吸引。同事建議日式食品，就決定揀米子燒肉家啦。 環境舒適、光猛、座位亦寬敞，同以往迫迫狹狹嘅冬菇亭真係好唔同。 由於時間關係，我地揀左丼飯（包埋泡菜、味噌湯、仲有飲品。我地再加$20，就啤酒都可以任飲。）鰻魚係大家嘅首選，同事揀左配牛肉；我就揀左配豚肉。一口價原來仲包埋甜品任食，真係開心。甜品熱食類有紫米露、西米露；凍點就有唔同味道嘅啫喱，仲有我最愛嘅奶凍，食完甜品再開工，就更有衝勁！ 丼飯嘅飯量都算多，仲有蛋絲同紫菜搭配，超吸引。同事嘅牛肉又係有好多，而鰻魚就有兩大塊，微微烤焦，幾好味。而我嘅鰻魚就有三大塊，相對豚肉就唔多。 飲品方面，可以喺自助櫃內任揀。先揀了較輕盈嘅洛神花茶及同鳳梨烏龍茶，全部都唔會太甜，少糖啱晒我地。另外，再揀埋啤酒，諗起陣間仲要開工，真係要飲啖啤酒，唞下氣。 望住隔離枱食燒肉，勁吸引，下次唔洗OT，再嚟食燒肉放題。

夜了快閃去了米之燒肉店，因為超肚餓，最緊要近方便。新裝修環境十分舒服，藉得好好享受一下。我沒有選燒烤，因為太費時了，所以選丼飯，有牛肉，豚肉，鰻魚，雞……樣樣齊。我選了鰻魚豚肉丼飯，仲包了日本珍珠米，味噌湯，泡菜，冰茶。日本珍珠米大大粒，飯量超多；味噌湯有蘿蔔味道適中；泡菜唔辣，有咸香味；鰻魚超大塊，係豚肉屬於腩位，較肥厚，真心男生也可以吃飽飽。飲品則是冰茶，熱辣辣的時候喝一口凍飲，真好。滿足的一天。

今日入到美林邨 食好西 唔好以為好遠，係大圍站行過來都係15分鐘，搭巴士都係幾個站落。佢唔單止有日式燒肉選擇，仲有日式丼飯揀。鍾意日本菜嘅你，絕對唔可以錯過！🍱鰻魚雞肉丼：大大塊厚切滑嫩鰻魚同多汁雞肉，淋上鰻魚汁，鰻魚軟綿綿，帶點淡淡甜味。🧀🥩芝士牛肉丼：熱氣騰騰嘅飯上鋪滿精選牛肉，芝士融化於上，牛肉搭配芝士嘅濃郁口感，入口即化既感覺。餐廳嘅晚市套餐非常抵食，包括特色飲品、麵豉湯同泡菜，仲有任食甜品，有紫米露同啫喱供應。性價比超高，下次再黎試埋燒肉先😋😋