KonFusion Restaurant and Bar

Open Now

Now Closed

<上環高質酒吧西餐廳>🤩位於上環這間酒吧西餐廳, 整間外面以紅色為主, 有半open bar既座位, 所以經過有容易見到 & 好搶眼😎Order 左個dinner set <烤肋眼牛扒> $208😋 ~ 前菜有湯, 沙律 or 青口三揀一. 建議揀青口, 因為份量多而且好味👍 Steak 好juicy , 啖啖肉, 而且好香牛味. 再配埋薯條 & 沙律菜, 好豐富呀.另外再order 左 <香辣茄醬筆管麵> {$118}😋 ~ 香濃茄醬香再帶點微辣, 份量大大碟, 越食越開胃.最特別係8pm會有live band show😎 有興趣既仲可以free jam. 氣氛so chill 🥳🌯餐廳: KonFusion Restaurant & Bar🍖地址: 上環皇后大道西42-56號賴恩樓地下B號舖

咁啱喺中上環嗰邊返工，收工經過呢間酒吧餐廳，有室外同室內位置，以橙色作主調，望落幾chill坐得幾舒服，仲有晚市套餐供應，性價比都幾高！晚市套餐包蒜蓉包，前菜可以揀沙律/湯/青口，有扒、意粉同薄餅可以選擇，而且夠足料幾大份！-——————————————🐖◖Baby Back Ribs Set Dinner◗ $188套餐揀咗更配蒜蓉包同青口，前菜嘅青口已經好驚艷，份量出乎意料地多，而且煮得幾鮮甜！豬肋骨上枱都嚇親，真係大大條，仲要根配熱辣辣啱啱炸起嘅薯條，外脆內綿，絕對夠飽！🥙◖Chicken Quesadilla◗ $108墨西哥餡餅有雞肉、牛肉或者蔬菜餡可以選擇，裏面滿滿嘅雞肉粒，混合芝士餡，做到拉絲嘅感覺特別正！仲跟蕃茄莎莎、酪梨醬同酸忌廉，更添風味！🌟Encore指數：8.9/10

位於上環皇后大道西的「KonFusion Restaurant and Bar」，係一間多國菜西餐廳🍴店內燈光昏暗有情調，仲有大電視及飛鏢，無論係情侶用餐或朋友聚會都適合晚市時段設有Set Dinner，多款菜式可供選擇，套餐價錢由$158起，包括蒜蓉包、前菜及主菜。另外可以加錢追加甜品是日餐湯忌廉雞湯熱騰騰，香滑可口，幾好飲呢蒜蓉包厚薄適中的蒜蓉包烤得金黃香脆，配湯吃就一流蜆肉及青口青口同蜆肉都幾大粒，新鮮甜美，加咗蒜蓉、辣椒、牛油及香草等等一齊烹調，頗惹味香煎三文魚扒連魚皮煎香的三文魚扒，外脆內軟，魚肉鮮嫩多汁，勁好食！伴碟仲有香滑牛油薯蓉、車厘茄、西蘭花苗及紅蘿蔔等等，健康美味意大利式茄汁肉醬麵傳統意式肉醬意粉，口感軟硬適中，意粉頗彈牙，每條都掛滿酸酸甜甜的肉醬，色香味俱全

Set dinner (Rib Eye Steak) $208Set dinner 有湯同麵包。忌廉湯係一啲味精味都無🥹唔會好滯，仲有好多料 (茹同雞肉) 個牛油包都好脆同香，食落好開胃。牛扒嗌medium就真係medium😍唔會過生過熱，肥瘦均勻，一啲都唔難咬。仲有浸煎香味，加埋胡椒就仲jeng。薯條份量好多 仲炸到好脆，一啲都唔燶同埋無油膩感，好食得嚟份量夠兩個人share!Penne Carbonara $138呢個carbonara好有驚喜！😍超重芝士味，仲要一上菜就覺得好香，條條粉都有芝士🧀但就會想一路食落去，唔覺得滯，非常推薦！Berry Smash $58最後嗌咗杯mocktail，係好nice嘅店員推薦的。非常大杯之餘，飲落好開胃，配牛扒一流，性價比好高😌呢間bar可以慢慢坐，又可以玩飛鏢，廁所都好乾淨🤣幾啱嚟同朋友傾計，過一個好chill嘅夜晚。

朋友向來中意去酒吧chill chill，今次就約咗我去上環呢間酒吧餐廳食野，有吾少外籍人士喺餐廳飲啤酒🍻傾吓計，我同朋友一路食晚餐都傾得好開心😄重點系野食好足料又好味❣️睇落以為飲酒為主🍸估吾到主菜款式亦吾少呢。海鮮迷嘅我就同朋友叫咗意大利麵瑪莉娜拉，材料十分豐富，有蝦🦐蜆肉、青口、魷魚🦑三文魚🐟調味方面有大蒜🧄辣椒🌶️同馬里納拉醬，其實食落就系蕃茄醬味道🥫酸甜開胃，各款海鮮新鮮吾腥。另外叫咗個pizza🍕揀咗Margherita，意大利蕃茄醬🥫水牛芝士🧀羅勒葉🌿車厘茄，蕃茄加芝士香甜中試到芝味，芝士更做到拉絲效果🤩餅底幾薄又易咬。

上環呢間KonFusion環境昏暗 好有情調 仲有飛標玩收工可以嚟飲杯嘢Chill座位闊落坐得好舒服 Staff好熱情有笑容食物都有好多唔同款式 今次揀咗個Set dinner加個pastaSet dinner會有Garlic bread蒜蓉包夠晒香脆 咬落去外脆內軟 蒜蓉味香得嚟唔會太濃另外仲可以揀Soup / salad / clams & mussels蜆同青口都好新鮮 仲有特別擺盤過好有心思蜆肉大大粒好鮮甜 個汁有少少酸酸哋用嚟點蒜蓉包都幾特別Pepperoni Pizza $165Pizza好大份 表面鋪上滿滿嘅辣香腸仲有Mix cheese 同 parmesan cheese兩款芝士 芝士味好香濃 餅底軟硬適中 食落煙煙韌韌好有口感Spaghetti Pesto $130Pasta都大大份 青醬好fresh意粉食落好質感絲滑 仲有大量嘅菇菌 口感層次好豐富

上週末，我去了上環一家酒吧享用晚餐，除了酒吧的氛圍令人印象深刻外，他們的食物也讓我留下了極好的印象。首先，他們的雞肉青醬披薩絕對是一道值得推薦的菜式。這個披薩配有青醬烤雞肉、蘑菇、芝士和蕃茄，每一口都散發著濃郁的意式風味，絕對是一個令人垂涎的選擇。另外，他們的意式卡邦醬筆管麵也十分美味。這道麵條裹上濃郁的卡邦醬，配上新鮮的蔬菜和香料，入口滑嫩，令人回味無窮。除了美食，這家酒吧還定時有現場樂隊表演，為用餐環境增添了活力和娛樂性。而且有得玩飛鏢，為整個用餐體驗增添了一份趣味。總的來說，這家酒吧不僅提供了美味的食物，還有令人愉悅的用餐環境和娛樂活動。無論是和朋友聚會還是享受一頓愉快的晚餐，這裡都是一個不錯的選擇。

Happy hour 好地方星期一放工走到上環一家酒吧餐廳，地點旺中帶靜，餐廳提供室內及室外座位。選了室內位置，先來一round 🍻happy hour 🙃Margarita pizza 熱烘烘，餅底脆薄，蕃茄+芝士是絕配，味道清新開胃😋Grilled salmon 三文魚烤得十分軟嫩，配搭綿滑薯蓉及薄荷檸檬汁，一點也不油膩，其他配菜都很juicy，整體味道相當不錯 😋餐廳晚上會有live music performance (free jamming)🎸，另一邊可以擲飛標🎯，是放工輕鬆一下的好地方！總結而言：整體食物質素滿意，價錢合理，餐廳氣氛很chill，staff細心友善，值得推薦👍🏻

星期六瞓醒近近地一個人去咗屋企附近嘅呢一間餐廳食飯，佢哋朝頭早同晏晝（11：45-2：45）有lunch set，夜晚就係酒吧。平時夜晚路過都幾多人。.Lunch set選擇幾多，有墨西哥飯、扒類同埋意大利粉等等，唔夠食嘅仲可以再優惠價追加小食，飲品亦都可以upgrade做酒或者果汁。.一個人食食唔到太多，叫咗個BABY BACK RIBS 小排骨（$125），再加左$48要杯prosecco，Add on dish就叫唔到啦，因為會食唔晒。.今日嘅湯係蘑菇湯，質感薄身唔會好結，但係味道濃滑，裡面嘅菇菌份量都多。.BABY BACK RIBS有配搭埋SALAD & FRIES，肉質幾嫩口，輕輕一咬就脫骨，汁嘅份量都恰到好處，濃而不過膩，最驚喜係薯條好綿密，香脆乾身，高質。Upgrade咗嘅飲品prosecco亦容易入口，簡單一餐百零蚊有呢個質素，唔錯。.KonFusion Restaurant and Bar 上環皇后大道西42-56號賴恩樓地下B號舖

KonFusion位置就係上環同西營盤之間，係西營盤A1出口出感覺最近呢度既位置幽靜，休閒咁飲杯野，食個晚餐都幾合適Chicken Quesadilla 雞肉墨西哥餡餅 $108而呢一間KonFusion都係一間墨西哥風格為主既西餐酒吧一於食呢個口感香脆又軟熟，餡料豐富好食既墨西哥餡餅三款餡餅醬汁隨意配搭，幫你好好打開今晚既節奏Classic Cheese Burger 經典芝士漢堡 $158呢份經典芝士漢堡相當唔錯漢堡好有份量，最先見到既除左包之外就係煙肉，其次係厚厚既牛肉漢堡扒，仲有生菜，蕃茄一淡咬落去原來仲有酸酸既醃青瓜，墨西哥風味代表而配既薯條真係極品，每條都香脆熱辣，熱到要用叉食配上咁正既菜色，KonFusion仲有現場live band配樂仲可以報名自己參與，共同享樂Enjoy呢個夜晚

📍KonFusion Restaurant and Bar (上環)上環皇后大道西42-56號賴恩樓地下B號舖———————————————呢間餐廳好有情調，間中會有live music表演，去掟飛鏢飲杯嘢又得，室外室內都可以坐～Set DinnerGrill Ribeye Steak🥩 烤肋眼牛排(💰: 208 hkd)晚市套餐可以揀Starter同一個Main Course，前菜我哋揀咗青口同蜆，本身都有跟個蒜蓉包🧄 蒜蓉包焗得香脆可口，青口同蜆嘅質素都唔錯，大大隻幾新鮮～主菜牛扒我哋揀咗五成熟，表面燒到有一格格嘅網紋，望落賣相都幾吸引，食落生熟程度剛好🤤朱古力心太軟(💰: +55 hkd)因為我係同朋友嚟慶祝生日，所以用$55加咗個心太軟甜品，餐廳好好幫我哋寫碟加蠟燭，心太軟甜度剛好配上雲呢拿雪糕解膩，用款甜品為晚餐作結絕對冇得輸🥰Spaghetti Vongole香蒜白酒蜆肉意粉(💰: 148 hkd)蜆肉意粉食落有微微酒香，而且超足料，意大利麵好掛汁，係我去親意大利餐廳必點之一 🍝 我哋兩個女仔，叫咗一個Set Dinner再加多一個意粉，已經超級飽！整體評分 (6個🐽為滿

原來除咗中環，想chill但又唔想太旺嘅話，嚟上環都有bar，氛圍比較international，每晚都有唔同音樂同娛樂節目咁啱今次入去有問答環節玩，大家都好投入呢間8點前有Happy Hour，夜晚更有晚餐set。有蒜蓉包跟，脆脆地好香蒜同牛油香每餐可以揀前菜，DAILY SOUP係蘑菇湯，幾滑身，浸包蒜蓉包食都唔錯另一款starter竟然可以揀蜆同青口，而且份量真係幾多，青口好鮮滑，蜆大大隻好多肉，醬汁煮得開胃主菜就揀咁牛扒，燒到一格格紋絡五成熟好有烤香，好容易切開，嫩得非常，浸醬汁或者鹽食，味道更突出豐富。隔離堆薯條烤得好乾爽，會食上癮沙律以火箭菜為主，有啲紅菜頭、蕃茄等等，拌以醋汁健康又新鮮一人餐嘅pizza都勁大份，切開8份兩個人食，都差啲投降辣肉腸大大塊好有肉汁，連埋芝士咬落pizza度，餅底厚度啱啱好，又香又纏綿

Friend 約咗呢度食飯，貪佢有室外位置，可以食煙🚬而且交通都尚算方便，地鐵、巴士都容易去到Weekday 仲有happy hour 買一送一，難怪差唔多成8:00，餐廳平日都坐滿人，睇返都係外國人居多，侍應全部講英文，亦都幾 friendly 仲問我哋要唔要上台唱歌朋友同我都係屬於細食之人，點咗兩個 appetizers ，主要都係飲嘢為主，一路坐一路傾偈，傾到差唔多成11點先走。場內live band 亦都唔錯，注場歌手唱歌真係幾好聽，總括今晚氣氛真係唔錯，下次要揀星期五過嚟，可以夜啲先走最重要係性價比非常高

今次嚟到上環去蒲下先 😆，而間餐廳很有情調，好啱放工之後過嚟happy hour，有現場live band，有得訂飛鏢或者喜歡傾下計嘅就去吧檯飲杯酒都得，有室外室內餐檯選擇香辣卡津烤雞漢堡 Cajun Chicken Burger烤雞肉應該係用炭爐燒的，燒得好香但裏面啲肉唔會太乾，配料有生洋蔥，生菜，芝士，蕃茄，和一啲好似牛油果醬加蛋黃醬，整體個包都好夾，好大個，配埋粗薯條，完美 😍香辣茄醬筆管麵 Penne Arabiata 長通粉煮得剛剛好，醬汁應該係用新鮮蕃茄打做出嚟之後再加上少少辣椒和芝士，醬汁份量都好多，每一條都可以點到醬汁，醬汁一啲都唔會漏，仲好開胃，另外還設有一塊多士，可以用這些醬汁茶嚟吃，有另一番風味 😚

行過經過呢間餐廳，唱緊我最鍾意嘅歌，被吸引入去食野😜呢度啲侍應全部都係講英文，亦都非常Friendly。餐廳屬於開放式，冬天呢個時間非常之舒服。咁啱星期一至五亦有 happy hour 買一送一。朋友對 set dinner 冇乜興趣，所以散叫。叫左grilled chicken salad - 份量非常之大，有好多生果，蔬菜亦都比想像中新鮮，冇好似一般酒吧餐廳咁黃👍🏼👍🏼Garlic shrimp - 上菜嘅時候見到D蝦好似色澤一般，點知比預期入味，好香蒜蓉味，再配合埋蒜蓉包，真係唔錯喎Slow cooked back ribs - 原本以為會焗得好乾，點知幾 juicy 又淋，薯條亦都炸得好脆總括嚟講，間餐廳食物質素真係唔錯，非常之有驚喜