泰閣

Open Now

Now Closed

It’s a disappointment. Maybe the chef is off today we went, but it’s not an excuse…. Cafe de coral is even better in my humble Opinion For example, curry soft shell crab is disastrous, never in my life had such bad curry like this so much worse than any takeout shops…. and soft shelf crab full of batter only . 串燒以為好普通啦，但係都可以整到好難食, what a surprise

第一次留言，因為呢間嘢真係好差！😡叫咗個蝦球炒金邊粉，等咗25分鐘都未上到菜，明明舖頭冇咩客人，點解仲會漏單？😡朋友食完，我都仲未有得食，好慘呀！個粉收我66蚊，啲粉係多，不過有啲硬 ，好似未煮熟就趕住出餐咁。蝦就得三隻！多謝晒！因為我細食，所以啲粉食唔晒，諗住加外賣盒拎走，加兩蚊，ok。但最後埋單，佢仲要收多咗我錢😡，收人兩個外賣嘅價錢。咁樣嘅服務，仲要收我加一？永遠唔會再幫襯！執咗佢算啦！

lunch time黎過食幾次🤓味道正常啦泰閣燒肉湯金邊粉 $67清湯金邊粉加燒肉，燒肉係燒腩肉，雖然浸咗係清湯入面，但都keep到脆。招牌喇沙肥牛米線 $62有酸菜嘅喇沙😢唔中意食酸菜。平時食新加坡嘅喇沙都冇酸菜嘅，同喇沙湯底唔夾。肥牛嘅質素都麻麻，冇肉味同少鞋同難咬。咖喱雞髀泰式飯 $61微辣嘅黃咖喱，幾香。但隻雞髀燒到好乾，好難切開，飯上面嘅炸乾葱增加咗香脆嘅口感。椰汁糕 +$12微暖，有椰汁味，煙煙韌韌，不錯。

Lunch入呢間餐廳食個飯，叫左鮮蝦炒金邊粉，份量都Ok，味道唔差，係汁多左少少有D濕同滯，6X蚊算可以接受。可惜成個lunch俾個戴粗框眼鏡的女侍應搞衰晒，我由入座到食完個飯大概半個鐘，仲飲緊杯檸茶，就俾呢位趕客侍應一下搶走我面前仲未飲完的檸茶，我已經特登放近我身邊，呢位趕客大姐都可以閃電手一眨眼搶走，完全唔俾客人有反應。其實出面都無人等緊位，成場都仲有空位，廚師煮得再好食都無用，俾個垃圾侍應整衰成間餐廳。

今晚無咩胃口，同朋友一齊去左一間泰國餐廳點左個泰式蝦球炒金邊炒，同埋一碟蒜蓉炒通菜。金邊粉酸酸甜甜打開左我嘅食慾，配上少少青檸汁中和了油膩感，加埋花生碎，整個感覺提升了不少。配埋碟通菜，真係一流。

最近係咁想食功夫包，見到泰閣有就叫一叫黎食，軟殼蟹咖哩功夫包🍞咖哩汁🍛好充足，而且好香椰奶味🥥，個包🍞係鬆軟的，但我略嫌唔夠脆身，我喜食脆身的包，雖然唔夠脆，但同個咖哩好夾👍🏼👍🏼👍🏼👍🏼🤤🤤仲叫了最喜歡的炭燒雞翼，燒得好香脆，但味道偏淡都可以木瓜沙律，全碗都係木瓜絲，爽口，辣味適中馬拉盞通菜，有沙沙油，但是辣味咸道常算可以明爐蒸爐魚，有少少偏酸同喊，但愈食愈想食，啖啖肉🤤🤤🤤🤤🤤🤤🤤

好耐冇食過泰國菜，於是今日決定嚟呢度食晏。見到午餐都有好多款，隔離幾張枱咖喱飯同喇沙粉賣相都好好。但好耐冇食金邊粉，於是就決定叫泰式蝦球炒金邊粉，再嚟一杯熱檸水。嚟到賣相絕對唔差，粉量夠大碟，就算係男士都應該覺得足夠，花生碎份量唔少。蝦球有三件，都算大隻，肉質爽口，即係嚟咗餐廳唔係好耐就已經煮。金邊粉唔算得話驚為天人，不過呢幾日咁熱，食啲酸酸甜甜嘅嘢可以令人開胃。熱檸水最怕飲到苦味，幸好無呢個問題。我覺得64蚊仲免加一，係食得過嘅。

預早慶祝父親節，因為爸爸身體唔太好就同屋企人去咗近佢地既餐廳食好多沙發位坐落都幾舒服套餐價錢都唔錯叫咗泰風味4人餐泰風味4人餐 2選1小菜揀咗泰式魚肚羹、雞串燒(半打)魚肚羹仲有冬菇同雞肉絲每人至少可以裝到兩碗以上好夠味串燒超好食燒到好香，肉都好滑沙嗲醬好香好惹味泰式海南雞  有半隻既份量，肉與好滑附送既汁都惹味泰式明爐魚超厚肉而且肉質嫩滑 加錢轉做招牌咖哩炒蟹 超大隻有足原整一隻!!好抵食啊 個汁太好味最後忍唔住叫多個蒜蓉包 泰式炒通菜炒得好香 泰式蝦球金邊粉金邊粉好味除咗上面兩隻裡面都仲有 仲有甜品椰汁糕超香椰汁而且仲有椰肉係中間職員服務超好

和朋友飯聚，點了二人餐。餐廳環境不錯很寬敞舒適，燈光合適，空氣可以再調節一下，室內有點焗。服務員態度很好，效率很快很有禮貌，但可能趕收工，多次未完餐已想收拾😵‍💫咖哩軟殼蟹，見圖，沒有清乾淨😵‍💫😵‍💫

今日和朋友經過樂富，到泰閣食午餐。我們來到的時候不用等位，直接入座。我點了泰閣燒肉炒椰菜飯，朋友點了咖哩牛腩飯。咖哩牛腩飯牛腩份量多，咖哩汁亦非常香濃惹味。泰閣燒肉炒椰菜有獲氣，味道不錯。午餐配飲品不用70蚊，幾抵食。

呢日嚟到呢間泰閣食lunch～Lunch menu上都有好多餐揀，價錢都唔算貴了～ 最後揀咗個泰式蝦球炒金邊粉試下～一上菜見到個份量都幾充足！雖然蝦球都係得3隻，但都大大隻，食落幾有咬口～ 金邊粉炒得幾香，甜度適中，幾好食嘅😋有機會會再試其他👍🏻

一行兩人，呢間泰國菜平日有lunch set，所揀左呢間餐廳食午膳。 每個lunch set都會跟一杯飲品，凍飲都唔使額外加錢。 喇沙海鮮($60)：少辣，喇沙湯底香濃，令人一口接一口。海鮮份量都多和新鮮。 泰式蝦球炒金邊粉($62)：每條麵條同樣做到掛汁效果。個汁偏甜，食到底有少少油。 餐廳不用加一，兩人共$122。

Intro: 樂富商場最近多左唔少餐廳，而夜晚人流無咁多，呢一晚咁岩想食泰國野，見到佢地晚餐menu都幾吸引；最後埋單$210蚊，仲食唔哂打包走做第日午餐～___________________🍽 馬拉盞豬頸肉炒米粉💰 66 （免費配凍飲，特飲+10，須加一）⭐️ 8.5/10✍🏻 呢碟米粉都好大碟，佢地嘅米粉似香港嘅粉絲，仲有幾片又長嘅豬頸肉；✍🏻 米粉唔會癡埋一齊，啖啖馬拉盞嘅香辣味；✍🏻 豬頸肉好彈牙，肉汁夠，加埋蛋絲同芽菜嘅炒料真係好惹味！🍽 菠蘿炒飯💰 65 （免費配凍飲，特飲+10，須加一）⭐️ 7.75/10✍🏻 呢碟炒飯香氣撲鼻，仲係1.5人份量，用左好多料炒例如雞肉、菠蘿、臘肉、洋蔥同三色豆；✍🏻 炒飯粒粒分明，唔會感到油，仲有腰果同肉鬆撈飯食；✍🏻 菠蘿偏甜，有少少似罐頭菠蘿，炒飯整體菠蘿味唔夠。🍽 芒果糯米飯💰48 （須加一）⭐️ 7.5/10✍🏻 糯米飯熱熱地，再加凍凍地嘅芒果，但芒果帶點酸，似係未熟；✍🏻 但配搭唔錯，甜甜地嘅椰奶醬同糯米幾夾酸酸地嘅芒果；✍🏻 食完會有點濟，價錢就少少貴。🍹 凍泰式奶茶/ 椰汁三式珍多冰💰 +0/ +10 （須加一）⭐️8/10✍🏻

中秋節（29/9/2023）當晚與家人來做節，六點多來到，一聽無訂位，門口侍應好似唔係幾歡迎，後被安排入較入位置。預備點菜時，等咗一陣先有人理，全場只有2-3個侍應，只有數枱客都做唔切，如全場爆滿，咪有排等先有人理。以為中秋節會好多人嚟食飯，到走時還有大量空枱，根本唔需要訂位。泰式燒馬友，魚好滑，夠味串燒沙爹一打（半打豬肉及半打雞肉）豬肉較雞肉好味小食拼盆馬拉盞通菜，幾好泰式豬肉炒飯，味太濃泰式蝦球炒金邊粉，好味

有次同幾個朋友去呢度食午餐，嚟到發現白飯嘅份量好少，咁我哋就要求侍應畀多少少飯可唔可以，點知佢話個餐定咗係咁多飯就咁多飯冇得加，除非你嗌多兩碗白飯啦！咁我哋最後都冇加到飯啦、從中侍應過程態度極差，好似唔想做你生意咁樣，不過中肯講句、食物質素係唔差嘅，但係如果繼續用呢班侍應、我覺得好似倒米壽星咁囉，我哋幾個同事講到明blacklist佢㗎喇！講明先！我唔係什麼打手、純粹一個食飯嘅體驗。