泰閣

Open Now

Now Closed

好耐冇食過泰國菜，於是今日決定嚟呢度食晏。見到午餐都有好多款，隔離幾張枱咖喱飯同喇沙粉賣相都好好。但好耐冇食金邊粉，於是就決定叫泰式蝦球炒金邊粉，再嚟一杯熱檸水。嚟到賣相絕對唔差，粉量夠大碟，就算係男士都應該覺得足夠，花生碎份量唔少。蝦球有三件，都算大隻，肉質爽口，即係嚟咗餐廳唔係好耐就已經煮。金邊粉唔算得話驚為天人，不過呢幾日咁熱，食啲酸酸甜甜嘅嘢可以令人開胃。熱檸水最怕飲到苦味，幸好無呢個問題。我覺得64蚊仲免加一，係食得過嘅。