泰閣 (Closed)

泰國遊，平靚正！好多香港人都鍾意飛去玩！去食！去shopping！不過對於唔係成日拎到假飛一轉嘅打工仔黎講，唉…好彩～係香港咩都有得食，呢間「泰閣」係我嘅首選。首先，一定要介紹，我每次黎都一定要食嘅「金柚子鮮蝦球沙律」。對於愛瘦又愛食嘅女士們，呢味餸，岩晒妳地啦👏🏻👏🏻👏🏻柚子配上調味汁，酸酸甜甜易入口。而且柚子幫助排便，肚腩細啲，對腸胃又健康。俾個Good佢👍🏻份量大份，適合2-3人齊齊分享。不過如果你對蝦有敏感，可能就要考慮其他沙律嚕～可惜🤷🏻‍♀️另外叫左兩碟未試過嘅菜色：第一碟，都係以海鮮做餸嘅「香酥軟殻蟹」。軟殻蟹即叫即炸，熱騰騰上碟，放到入口咬落仲有「咔咔」聲，好脆呀！雖然賣相普通，但咬落有驚喜。推介～最後一碟，繼續都仲係叫海鮮黎食嘅「冬蔭功海鮮籠尖粉」（🤣海鮮真係好好味😋）。呢碟餸有少少辣，唔食得辣又想試下嘅朋友就要叫多杯凍飲啦～唯一美中不足，就係粉炒得唔夠乾身，有待改進。總括黎講，「泰閣」嘅食物味道抵讚👍🏻而且間鋪位於彌敦道旺區，方便就腳。不過𨋢位大堂入口有啲難搵，同隔離嘅酒店大堂入口近似，睇清楚先入去搭𨋢喔～

前一排去左旅行，所以好耐冇出街食飯，呢幾日公眾假期，度度都多人，途經油麻地，見到CASA Hotel 一樓有間泰閣招牌好引，晤洗等位又有卡位，真系好開心！雖然餐牌好多選擇，但我地都系order 返認為系穩陣的菜式。點知....令人跌左眼鏡，最基本的野食已經不合格，做為一間泰國餐廳，咁樣既質素，點立足....1）原隻菠蘿炒飯：遠觀賣相ok,份量很飽滿，可惜！味道令人心碎，幻想破滅，話是炒飯，但卻似蒸飯，飯身濕濕地，一d都不乾爽，只可以講佢系有顏色的米飯，雞粒的雪味強勁，同失敗的米飯組成了失敗的「炒飯」。通常呢類菜式都系餐廳的基本功，真的非常唔掂！2） 炸蝦餅，不過不失，都算彈牙，系呢餐飯最滿意的菜式，不過相比其他牌子餐廳，略遜一籌.3)串燒半打，我地揀左豬，值得一提既系串燒用左芥末醬沾底，加上沙爹醬，口感的確不錯，不過美中不足系串燒烤得過左火，肉串燶太多，要將膿焦咬開。4）南瓜紅咖哩海鮮，味道一般，南瓜就比想像中硬，紅咖哩有d辣，賣相幾好。5）order 茫果糯米飯糸我地食泰菜的指定動作，今次真的真的真的中伏🐦....講真，未食過咁失敗的茫果糯米飯！茫果酸到似酸木瓜，又硬又澀！顏色勁淺色

第ㄧ次是朋友帶去食晚餐, 已經印象很好 !前兩晚, 再和美國回來的家人去食晚餐,他們都讚不絕口 !環境清潔舒適, 侍應招呼很好, 食物又美味, 價錢很合理~以後都會經常去及介紹朋友去 !

一走進這店，覺得環境好舒服，我坐在窗口位，可睇到彌敦道街景，最欣賞是這店好寧靜，不是寂靜，總之好舒服，南亞waitress 服務超窩心，又好禮貌，一切都非常滿意，但食物就——非常一般。首先，價錢不算相宜，三個人吃，經openrice 訂座有85折都要接近1000埋單，但價錢不是問題，order前我們是知幾多錢，問題出於味道，不能說難食，但距離好味還需要少少時間？尤其辣椒炒蟹，$398一隻，但走油過度糟蹋了隻蟹，而且不夠新鮮，最讓人期待嘅蟹汁也水汪汪，好失望！其他菜都ok，泰式豬髀就太多獻，味道也不好，最要命是墊底的酸菜，根本未醃夠時間。

這天在油麻地附近開會，與同事在會後來個午餐短聚！同事建議到附近吃泰菜！大家問「係邊到食呀？」同事就答係「泰國」！同事笑道「趕唔切搭飛機喎！」同事指一指招牌！「哦！原來係泰閣！」哈哈！先講環境，環境乾淨舒適，很合適在Lunch time鬆一鬆！喜歡東南亞食物的我，看到豐富的餐牌，也不知道從何選擇好！最後，還是點了一個冬蔭公金邊粉試一試！首先，湯底味道良好，但味道層次不太分明！是典型不過不失之作！至於配菜，坦白說，是有點失望的！名叫海鮮，但只有少量質素一般的海鮮！最後，最精彩的！是加10元的椰汁冰！濃濃的椰汁，冰凍可口！誠意推介大家加配！P.S. 偷吃了同事點的海南雞！是失望之作，冷飯、沒油香！雞不肥美、亦不嫩滑！並不推介！

同朋友食夜晚，見Openrice 評論唔錯就試下，點知食左餐令人失望既泰菜。個金柚子蝦球沙津幾清新，蝦及柚子都鮮甜，值得一試但好多食客叫既原個菠蘿炒飯就好差劣，個飯勁濕勁無味，似蒸完多過炒完出黎咁，無鑊氣、無乾爽既炒飯味道。唔夠飽再叫多左個豬肉炒河，又係好普通，味道欠奉，繼續令人失望。間餐廳仲要唔知點解勁大油煙，係水吧位傳到大廳，實在令人費解。出到黎頭髮成陣油煙味都幾難聞侍應服務反而唔錯，水杯空左會主動過黎斟水，收空碟又快手

食物味道不錯,特別冬陰公湯要推薦一下,4位人食可以叫large size,一人飲到兩碗湯,湯味好濃好多料,服務非常好,張台無位擺,佢幫我地係第2到分埋4人份先上台,非常貼心,坐窗邊4人卡位有落地玻璃的街景睇,同朋友食飯是一個好去處,不過食物份量不算太多(唔計湯),如果全男班可能要叫多一兩個菜,4人食,4送一湯,埋單166一位,供參考

本身以前成日黎食午餐，覺得味道幾好又價錢合理，所以小朋友生日同十幾人食飯慶祝就揀黎哩度，仲有張大枱...12個大人加幾個小朋友都坐得落，正！一黎食到，請職員 keep 蛋糕... 佢話要收$80切餅費... ... 估唔到... 不過fine...係我之前唔記得問... 俾就俾吧叫嘢食...沙嗲串、豬頸肉等等正常好味鐵板蠔仔炒蛋... 蠔仔唔算細粒，無沙，最快被掃清鐵板牛肉露筍、粉絲蝦煲...不過不失黃咖哩雞、瑪沙文黃咖哩雜菜配蒜蓉包一流...海南雞...小朋友至愛炒金邊粉... 本人次次黎都食香芋焗飯、雞粒炒飯... 餸仲多過飯成晚喺餐廳唔係出現過好多客人，服務員斟水都算殷勤...收碟都快...食完飯就到小朋友最期待的唱生日歌影相環節......正當我地諗住請佢切餅嘅時候...收咗切餅費嘅餐廳職員喺我地面前問過在場幾個職員後表示：我地無人識切餅......一個普通到唔普通的圓形一磅蛋糕，無人想/敢切... 但要收「$80切餅費」，建議收費項目改名做「額外洗碟費」算吧～

三五知己放學到旺角圍威喂👩‍👩‍👧‍👧，經過見到間泰國菜，平日韓國菜又食到厭厭地，把心一橫試新野。😜.菠蘿炒飯用成個菠蘿裝住，然而菠蘿肉得數粒。🥥椰青相對於個杯奶白色既特飲，清甜爽口，椰肉比剛才既菠蘿肉多。個人特別推介炸蝦卷😋D蝦好大隻，🍤好威猛，咬下去時新鮮得像在我口中狂歡起舞。冬陰公湯好足料，我鍾意入面啲魚柳。🐟.個人最欣賞其實係服務態度👩🏻‍🍳，坐咗好耐都冇催我地走，毫無壓力下用膳，而服務員親切的笑容依然記憶猶新😄。欣賞！👍🏽希望經理加佢地人工，因為菠蘿炒飯咁多菠蘿肉上菜時都幾重手的。🍍

I'm not from Hong Kong and I hope this isn't the best thai food Hong Kong has got. I've definitely had better. Go else where, service and food is mediocre. Also btw there was hair in our food.

好多人食泰菜都會第一時間諗起九龍城，特別係「小曼谷」呢一間。其實城中都有好多幾正既泰菜館。今日黎到呢間喺油麻地一棟酒店入面。餐廳位於一樓，五樓打上屬於luxury hotel。一行四人叫咗以下幾道菜。1. 泰式炸蝦餅新鮮炸既蝦餅，食落去仲係熱既！點少少醬就更加perfect喇...如果想點小食，呢個一定唔可以錯過 🎃2. 泰式炒通菜呢道通菜唔會好似出面果啲一味死鹹。不過份量唔多，每人都係分到少少咋。3. 豬肉生菜包生菜差唔多有10塊，夠晒fresh💦豬肉唔算好辣，份量多啲就更加好。唔想食豬肉仲可以點雞肉、牛肉。4. 椰青海鮮焗飯賣相幾正，上到檯仲聞到陣陣椰青味。唔好睇落好大個，其實三趴兩勃就ko晒😌OK啦呢個，我會 prefer菠蘿海鮮炒飯多啲。不得不提，冬陰功海鮮湯真係無得輸。出面果啲好多都孤寒，淨係得湯無咩料。但係呢度既冬陰功超多料。兩隻青口、🍤、菇類⋯⋯下次試下其他湯，睇下係咩感覺先！餐廳環境舒服，幾有Thai feel。店員主動幫手加水，好貼心！

預早網上訂位，晚市有85折優惠，非常抵食。一家人共12人在這裡食生日飯，叫左好多款餸菜（有啲都唔記得影相），每人一杯飲品，折埋埋單每人都唔駛$150， 又沒有時限，非常合適大伙兒聚會地方。

和朋友聚聚, 大家都想找間坐得舒服點的泰菜館吃泰菜, 最終選定油麻地的泰閣. 貪佢設在某酒店內的1樓,真係路過門口都唔多發覺有間泰菜館.  早一日訂了枱, 8人佔坐一張大圓枱, 環境闊落舒服, 枱與枱也有一段距離, 大聲談笑也不太影響鄰座食客. 泰式燒豬頸肉 - 樣靚唔代表好食, 入口太乾有點柴皮的感覺, 而且無咩味道活蝦刺身 - 好失敗, 食落係全無蝦味, 應該是用了急涷蝦. 炸蝦餅 - 蝦餅彈牙爽口, 好味泰式酸辣鳯爪 - 基本上這個菜泰國店都唔會失手的. 但我們要中辣, 食入口係唔辣囉 ! 大蝦柚子沙律 - 中規中距, 甜酸度都欠了點 菠蘿炒飲 - 料足好味燒肉炒椰菜苖 - 夠鑊氣又不太油膩, 椰苖爽脆而不硬串燒雞.牛 - 牛肉落咗太多鬆肉粉醃了, 鬆泡泡咖哩雞 - 咖哩雞真係好渣, 空有少少色, 香.味全無....埋單 $1580, 我祗可以說泰閣係一間港式風味泰國菜館, 如果不太計較味道祗想坐得舒服環境靚靚是可以選擇的.

我已多次幫襯泰閣, 容易訂枱。今次吃得最激氣, 在open rice 上都寫明open hour 至23点。我有不愉快經驗, 10 点通知last order, 10:15-20 再走來話他們要收工了, 當時仍有3至4枱未動身。再早前, 我們叫了明爐魚, 前後点了兩次酒精, 仍未食完魚, 所以要求再加酒精加熱條魚, 服務員的答案是, 只可加埋今次, 我會被鬧的。仲有是經open rice 訂枱, 有15% 打折, 埋單時又不扣除, 又要自行提出, 先再改單。食物点好, 服務態度差勁, 這間餐廳已在我的腦中刪除。

由於今天是同事離職日，公司請食飯，所以到此處希望開心食餐飯，點知由於員工少，客人多關係，沒有任何服務，更要受員工的氣及難看的面色。雖然食物尚算不錯，但也許短期內內不會再去。