泰國人海南雞 (杏花新城)

Open Now

Now Closed

今日喺柴灣參加完小朋友嘅畢業禮，雖然畢業嗰個唔係佢，但係見到佢哋落力嘅演出，決定帶佢去附近嘅杏花邨Playhouse玩。第一次嚟杏花邨，原來食肆唔多，最後揀咗之前喺旺角食過嘅泰國人海南雞食午餐。今日係公眾假期，餐廳唔使等位，我哋揀咗靠牆位坐。餐廳比我感覺整體可以，服務員人手充足態度有禮，出餐都幾快，味道就一般，價錢都幾合理。乾炒肉片河粉，肉片新鮮，唔係醃到無晒咬口嗰種，保留到肉嘅質感，河粉好大塊，有少少似粉皮，味道適中唔濃，唔會食到成口油，不過無鑊氣。雜錦扎肉湯金邊粉，呢個係小朋友食，其中一款扎肉有黑椒，有少少辣，整體可以，係普通一碗粉。泰式海南雞飯，雞大多係雞胸，其中一件係雞翼一件係脾位，中規中矩，唔鞋但唔係出色，湯好重雞粉味，飯係無油香但係有顏色嘅飯。下午茶：泰式燒雞扒豬頸肉清雞湯米線配泰式春卷(2件)春卷金黃香脆，裏面係蔬菜。豬頸肉及雞扒各三件，食落都係普通一碗粉。椰汁冰，好重椰汁味。龍眼冰，龍眼太少，都幾清甜唔錯。木橘蜜，好淡，不過小朋友飲無所謂啦。奶茶。

杏花邨一向無乜野食，係無得揀嘅情況下就揀咗呢間食午餐。學生有85折，無加一，相對黎講都算可以接受。嗌咗個海南雞金邊粉($62)，上菜速度算快，金邊粉唔會太腍，啱我口味。湯底食唔岀有咩味，但係舊蘿蔔夠腍無渣，浸住湯食都幾好味。雞就正正常常，無乜雪味，反而個汁就好鹹，少少辣，由於個汁真係太鹹，埋單後飲咗成枝水，三個鐘後個陣味都仲係到，依然好口渴。唔建議點咁多汁黎食。下次攞碟黑醬油點可能仲好味。未去到好抵食，但相比起鄰近幾間餐廳，都係正正常常。

The manager is very rude and disrespectful! I called to asked if my food is coming although it’s not the restaurant ( 1st) fault but I ask if he could called the delivery men! (2nd ) He straight up said the food is done how do I know where is the delivery men is ?. (3rd) he or the restaurant have the delivery men contact number yet he refuse to call. (4th) I asked if I can speak to the manager asking him to call the delivery men. (5th ) he said “I am the manager then what?” . Dame you Must not L

今日要來杏花村做野,到左中午食飯時間約舊同事出來食飯,我們都鐘意食泰國野,所以諗都唔諗就去呢度食!!餐廳位於杏花邨的杏花新城商場內,十分近地鐵站,步行只需3分鐘!餐廳都算光猛,位同位之間唔算好迫,坐得都幾舒服!打開餐牌有飯又有粉類都幾多選擇,我一早已經諗住食冬陰功,所以簡左<冬陰功海鮮湯金邊粉>,舊同事就簡左<泰式豬手飯>!我們的套餐都可配一杯餐飲!!<冬陰功海鮮湯金邊粉> 冬陰功湯底唔算辣,我唔食得辣都可以接受!材料都算多有青口,蝦,魷魚,芽菜,豆腐卜,魚和生菜等都幾豐富,金邊粉很多又唔易斷,都幾好味!<泰式豬手飯> 鹵至深啡色的豬手雖然好惹味,但有d咸!!不過一邊食飯一邊食豬手都可以平衡返咸味!最後飲埋餐飲凍檸茶和木橘蜜,都算幾飽!整體來講,餐廳環境和食物都算可以!!

「泰國人海南雞」有好幾間分店，其中一間喺杏花邨。這裏不單止平日有午市套餐，連週末也有此優惠，算幾抵食。泰式海南雞飯的雞肉拆咗骨，咁好彩我嗰碟的雞肉係雞俾肉，沒有雞胸肉，唔知係咪碟碟都一樣！雞肉OK嫩滑，自家製醬料酸酸甜甜，但油飯油香味不足。冬陰功湯海鮮金邊粉，粉質偏淋，湯底酸味多個辣味，但都OK。黃咖喱牛腩飯雞卷蝦餅湯金邊粉雞卷蝦餅各有三件，另有兩大嚿蘿蔔，餸料十足。青檸梳打整體質素可以，份量足，價錢亦唔貴。

叫咗二個飯, 一個黃咖哩牛腩飯, 另一個係泰式豬肉炒飯,首先個黃咖哩牛腩飯, D飯超軟, 好似食緊BB餬仔, 加上D咖哩汁好稀, 唔好食然後個泰式豬肉炒飯, 明顯係唔熱, 似食冷飯

星期日差唔多兩點去到杏花新城呢間泰國嘢 都坐滿人 員工其實算夠 但係可能好多新人 動作比較慢唔熟手我地叫左三個午餐冬陰功湯金邊粉湯底好濃 唔算好辣 配料都唔少 有蝦 豆卜 魷魚等等乾炒肉片河粉呢個出乎意料地好味炒得幾有鑊氣 成個河粉好香肉片都好夠味 大細適中 唔會太大或者太細舊泰式豬手飯佢個汁比較傑 本來見到怕佢會太重味 點知用黎配飯食啱啱好豬手唔係一咬就散個d 係一舊完整既肉 幾好三個午餐都包嘢飲 其中凍咖啡味道好奇怪 似係煮儂左 飲左兩啖就冇飲

排隊冇所謂，話叫左號碼話我地冇聽到。我哋企左係門口冇可能聽唔到。之後有張六人枱又冇俾我地、跟住等左好耐。我差不多每星期去一次，今次之後唔會再去。好多其他選擇唔需要呢度。

近期杏花新城吸引了不少外來人，只因商場內開了不同的運動品牌名店outlet，而我們也不例外，閑時喜歡到這裏逛逛及品嚐不同的食肆。今次我們選擇的是位於商場地下的泰國人海南雞，因今次一行四人，所以我們選擇了四人套餐，包括四款主菜，另每位可配白飯一碗及餐飲一杯。主菜當然首選招牌泰式海南雞，其餘還叫了泰式燒豬頸肉、紅酒燴排骨和魚露炒雜菜。泰式海南雞是我的至愛，肉質嫩滑；燒豬頸肉咬落爽口；紅酒燴排骨色香味俱全；魚露炒雜菜當然也不失色啦！

約左老公去杏花新城食飯, 睇中左呢間因為想試冬陰公湯河。12點30左右黎到已經FULL 哂, 真係好多中學生同IVE 學生。學生餐30幾蚊幾抵食。等左15分鐘先有卡位, 但侍應人手不足, 等位安排有D亂。老公叫左個香葉肉碎抄飯同凍檸水(56蚊), 因為佢比較大食, 所以佢係唔夠飽既, 再加追一個雞肉串燒(46蚊)。串燒唔可以雙拼。 我覺得份量, 味道都十分正宗, 沙嗲醬多D花生粒就完美喇~我就叫左個冬陰公海鮮金邊粉(56蚊)。等到老公食左一大半抄飯先至到。湯底又酸又辣好開胃, 配料有2隻小蝦, 5塊魷魚, 秀珍姑, 1隻大青口, 金邊粉都幾多。 唔會太辣好易入口 因為味道好好所以食哂, 只係魷魚唔太新鮮, 但呢個價值有咁既質素真係好好。我既飲品係凍檸茶少冰, 好大杯我飲唔哂。因為lunch time真係好嘈同好多人… 仲有人唱生日歌TIM… 我會再約人食呢間, 但會盡量避開午膳時間。

平日晚上不用等位便可入坐，服務生很勤快已遞上餐牌及一杯水。當我看完餐牌正想示意時，服務生已走過來下單，好醒目。當天叫咗個二人餐，另加一個椰青，大概係10分鐘之內所有食物已經全部送上。食物不過不失，很久沒有食泰國菜，也可一試。

來朋友家附近給她我在泰國買的手信，順道跟她吃個lunch，見到這間泰國餐廳，又心思思想找回我在泰國sofu的時光😆泰式小食拼盤($68)有豬頸肉，魚餅，春卷，酸辣去骨鳳爪。份量夠多，春卷夠脆，魚餅也算煙韌，唯獨是鳳爪味道較酸，酸辣有點偏差。泰式雞肉炒金邊粉 ($58)哈哈，都是要講份量多，碟旁附有青檸及花生碎因應個人喜好再作調味。金邊粉炒得不油膩而乾爽。海南雞飯雞肉質感算嫩滑，但飯的黃油味不夠，有待改善。附帶的白蘿蔔湯味道也清甜。餐廳其他的menu。總括而言，食物味道可接受，座位是有點逼，但以平民價來講，尚算ok。

杏花村，在我來說是個很formal (荒蕪) 的地方, 不是見客也不會來。但原來商場最底層也有很多食店，來個快食午餐吧!! 當然要用盡優惠價，來個午餐價。。來“泰國人海南雞“餐廳，那一定要點個海南雞飯雞肉滑，份量多，白飯多，醬汁味夠濃， 白蘿蔔湯也夠甜。質量算ok，當然比起九龍城的正宗泰國人餐廳還欠一點點，但味道仍是美味的。食后感: 座位有點密麻麻，某些位置會被冷氣直吹，所以最好帶件外套。

好耐無食過，諗住睇下有乜改善，以前係西環舊店見過老鼠係店內。點知又中伏，叫海南雞飯。預左無圖片咁靚，點知差別頗大。連基本配菜得青瓜，無其他。醬料得一種，酸辣汁。以後無幫襯。

之前係天后一個星期食幾次 最近見到屋企附近有開 諗住去到食 夜晚多人要等唔緊要 重點係因為等得耐少少所以諗住帶外賣返屋企食 行到入去收銀處諗住叫外賣 兩條友仔企喺度完全冇理我 其中一個仲好似係經理 跟住最後我都落左單 隔咗一陣間都攞到返屋企食 返到屋企打開盒飯 啲湯又少到得一半 雞嘅份量又少 完全我係天后食嘅份量完全唔一樣 d油飯同白飯冇分別 因為見到佢本身個盒泰式辣醬啊個盒比天后本身完先嘅外賣盒仔細 叫佢比多盒泰式醬我都唔肯 講嘢又冇禮貌😒😒😒 以後唔會再喺度食 冇下次 我情願行到冇雷公咁遠去天后度食