泰國人海南雞 (杏花新城)

Open Now

Now Closed

記得年30晚那天仍要工作，因為想食好一點，並且得知杏花村有新開張食店，所以去試下。這是一間新開張的泰國人海南雞，來到當然是食招牌的海南雞，只是味道一般，而且價錢偏貴，有點令人失望。海南雞飯最初源於中國海南島的文昌市，海南人以白斬雞（即烹調時不加入香料調味，將雞用水浸熟或隔水蒸熟，目的是讓雞的鮮味盡量顯露）的做法烹調文昌雞，配以雞油和浸雞水烹煮米飯，20世紀初期，隨著移民潮的出現，海南雞飯逐漸傳入馬來亞，暹羅（泰國）及印尼一帶，這次食的是泰式海南雞飯， 一般海南雞飯配的醬汁有三款，分別是老抽，薑蓉和辣椒醬， 但泰式的就只有一種就是辣椒醬，還會有一碗冬瓜湯，一來是去除油膩感，二來配海南雞飯特別美味。這次海南雞雞肉肉質是一般黃油雞，份量少了點，而且肉質不夠鮮味， 而米飯雞油味很淡， 有點淡而無味，因為雞肉和飯有點乏味， 所以我以辣椒醬汁配雞肉和米飯，辣椒醬竟成了主角，奪去了海南雞飯的味道，味道一般，而價錢又偏貴，感覺唔抵食。 

大年初三嚟到杏花邨，晚上八點要食飯；見到呢間新開食肆幫襯佢地。落完order發現張單無飲品(5杯)，追問職員，回應係有寫無入電腦。等咗一陣，職員返嚟話入咗飲品，唔記得同你地講餡餅無晒。飲品嚟到，嘩！杯青檸梳打得一片薄薄青檸。菠蘿炒飯上枱時，個伙記很粗暴放上枱面，飯面嘅肉鬆大部份跌晒落枱面，我“嘩”咗一聲，個伙記竟然望實我，佢想點？食到九點鬆啲，有個伙記走埋嚟收碟，全無出聲就想拎走碟雞(仲有未食晒喎)。

今日食晏同班同事試吓新野，點知中晒伏。一點三落單諗住都唔會好耐有得食，點知等等下唔對路，一點半催單先發現原來無入機，仲要等疑似經理嘅人慢慢篤機幫客埋單。終於打到張單就無為意啦，點知等到一點九都未來齊，check 單先發現打單入錯數，漏入兩個海南雞飯...佢繼續慢慢來落單...好彩個飯極快送到兩點又要趕返公司，難為兩位同事食完海南雞飯都唔知咩味由於食得太趕無細味，啲野食唔計服務都ok嘅，抵唔抵就還好，係杏花邨食晏間間都係50蚊上下...

個日十二點幾左右,同屋企人落樓下搵野食,係杏花新城行行下見到呢間餐廳新開張,加上之前係街見過分店冇試過,咪諗住試下.當時爆緊場, 好彩等左十分鐘左右就有位.我地兩個人叫左三樣野食啦首先個金柚子沙律,見佢話係推介咪諗住試下,D金柚子都算甜同幾多汁,D蝦幾大隻同彈牙,配埋個汁係吾錯既,冇推介錯.跟住碗泰式船仔金邊粉,喇沙味有D過濃,札肉幾多幾大塊但金邊粉略嫌較少,40幾蚊,整體一般般最後小食拼盤:豬頸肉吾錯,D肉幾爽口,食落去仲要有埋肉汁添. 魚餅就辣辣地,正正常常. 春卷呢就...相當普通冇咩好講. 鳳爪酸酸的食落凍凍地幾好食.總括黎講...間野質素算係咁,食得過既,加上價錢吾算貴,當比多個選擇自己吧.

見有新鋪，同朋友入去試下，可能我地早，吾洗排隊。朋友叫佐個泰式豬手飯，豬手好入味，仲有咸酸菜墊底夠醒胃，加半只鹵水蛋同一個白飯，一個人食夠噻，個飯如果可以揀油飯就更好。我叫佐個冬蔭雞湯海鮮金邊粉，睇黎睇去，全部都系雞🐔，一粒海鮮類都無，叫服務員問個究竟，原來廚房搞錯，得幾台客都甘易錯😂,服務員幫我換返個正確概，仲加多句“海鮮豐富”。的確好多海鮮，吾知系本來就甘豐富，定系因搞錯所以比多d。湯底好好味，海鮮有斑塊、青口、蝦、魷魚，仲有小小雞同菇。