高麗韓國餐廳 (Closed)

記得中學雞年代，歌利亞至愛到旺角的「梨和園」吃港式韓燒放題。如今寒流襲港，令人不禁想起這久違的港式韓燒風味，於是我們到了祖利安從前最愛光顧的「高麗韓國餐廳」。成人每位$178(加一，2人任食1.5 hrs)，不連飲品，但有湯任飲，不點飲品亦可。湯有人參雞湯及胡椒雜菜湯，人參雞湯較清淡，胡椒雜菜湯胡椒味濃，歌利亞較喜愛後者。肉類有雞、鴨、豬、牛、羊，海鮮有魚、蝦、青口、魷魚、墨魚仔。我們第一around 每樣試少許，試過好吃的第二 round 起才「加料」。除羊沒試外，所有肉類也好吃，值得encore ，而海鮮的魚和蝦味道都不錯。由於吃撐了，壽司、熟食和涼伴菜都只淺嚐了些。除魚乾不合口味外，其他都不過不失。甜品方面，涼粉不錯，但南瓜西米露則過甜。

同男朋友見到個裝修幾韓式，好似幾正咁，諗住去試下。去到係星期日lunch time, 好多人，我地都唔介意等下，同2個男waiter講左我地兩位，其中一個已經態度超差咁話：「未到你呀！🔥 坐係出面等下！」之後我地坐左一陣，另一位男waiter就叫左我地入去。我地入左去之後就比個男waiter 鬧:「都話未到你囉！出番去！」我男朋友呆左，我地跟住就出番去，我已經接受唔到依度d服務話要走，有冇搞錯呀，佢自己另一個員工搞錯左就要我地受氣！比錢買難受咩 😡😡😡

這家店開了很多年了～～～小時候就跟家人經常光顧，小時候到這裡食韓燒超高興的～～～跟食自助餐一樣開心孩時印象中當然覺得好味又抵食啦後來就冇再食lu～～～早排諗起呢間鋪，search一下居然仲"在生"😁（雖然唔知有冇轉過手/名😝），就同屋企人再次舊地重遊咁多年之後再去，裝修格局當然有啲唔同，都係好事嚟，與時並進嘛～～～不過依然係比較舊一點的韓燒餐廳style，本人並唔抗拒。卡位比較多，都算好坐。食物同一般平價自助韓燒差唔多啦，款式唔算勁多不過都可以。質素有啲幾好，有啲麻麻，都有2-3款可以集中番叫填肚啦～～服務質素就麻麻啦。食自助韓燒都係食吓氣氛咁大把，再過3、5、7年再去懷舊一下啦

野食幾好食，不過選擇唔多，同埋預好心理準備啲waiter態度差，個個都好有性格架，屋企人食完都講明唔會再去第二次。鐵板淨係可以換一次，同埋見到啲waiter用抹完台嘎布再抹杯，雖然知道岀面食唔會好干淨，但係都唔好畀我見到阿，同埋如果以選擇唔多，又唔會真係好食到諗諗不忘，我覺得岀面大把餐廳有得選擇，麻麻地，堅係唔推介，受氣

自助餐形式， 肉嘅選擇多， 仲有好多韓式小食、甜品同湯 環境大💕 不過有兩個缺點一就係飲品要加錢，用嚟燒嘅海鮮同蔬菜比較低質， 如非必要唔好夾， 都係食現成煮好嘅會好啲， 除咗自助餐亦都有套餐可以揀， 非常之好，如果冇咗嗰兩個缺點就更好

剛發現原來不經不覺我們一家於約三十年前已幫襯此店，真的是一間老字號韓國燒烤食店。他們轉了做韓燒任食已有一段日子，但食物的水準還是好的，要讚的是晚市任食大人只收$178，食物的選擇也不少，最推介的是牛肋骨及五花腩，前菜方面，基本上樣樣也齊，泡菜、大豆芽、豆卜等全部都好味，而他們做的魚仔幾十年來也是好味的，必食! 甜品的選擇有西瓜、橙、涼粉和糖水，唯一美中不足的是: 任食的價錢是不包飲品的，但其實收費也很合理: 一JAR 菊花茶收費$38。

我已經食左幾次，所以今次決定為大家分享下呢間有幾好食……飲品 🍷🍸🍹🍺🥃額外加錢，有汽水，酒，酸梅湯 等等……小編次次都會飲……凍檸樂食物 🥓🍗🍝🍜🍣牛，豬，雞，腸，魷魚，魚柳……湯，炸饅頭，沙律，涼粉，白飯，湯水，不同既熱食……1. 鹽燒牛排骨……小編最愛推介指數: 👍👍👍👍👍 💚💚2. 翠花牛肉質感軟滑，值得一試推介指數: 👍👍👍👍3. 人參雞湯……超好味小小小辣味，唔洗擔心架推介指數: 👍👍👍👍👍4. 魚柳推介指數: 👍👍👍👍其實其他肉類都ok架，所以大家有時間就記得book位去試下la💜💛💚💙 如果大家想知多d美食資訊，就快d follow fatdog1234 la 💜💛💚💙

野食一般 任飲飲品選擇少最頂唔順係服務勁差同埋啲碟全部有油漬，冇隻碟係乾淨😑最搞笑係正係可以換一次爐 之後要加錢你唔好去搶 邊有韓燒會咁架 個爐燒到黑晒成堆爐屎佢都仲話冇問題可以照燒

先講少少往事，由中學起幫襯高麗多年，及後韓式放題興起（多立雜嘢我食）又有多間韓燒（a-la-carte)進駐，令我少咗再黎呢度食，但呢間嘢喺我心目中仍有一份地位。今晚娘親又好想食韓式，我就借d 2題意呢間（佢鍾意食其他韓燒提供嘅立雜嘢）。再回來的感覺係，食物質素仍然有驚喜，仍然細心，連食碗涼粉都係配煉奶。仲有，侍應大部分港人，嘩呢點無得輸啦吓嘛！？真心唔想聽到成班新香港人侍應懶肉物現畜生囉唔該，服務呀！高麗男部長打份都叫有留份專重。講咁多，食完只係$196一位！總之我會繼續幫襯，帶埋我下一代幫襯。

中午食過幾次,食物ok,每次去都是這2男一女待應,但3人的服務態度越來越差,專蝦啲學生哥,人哋4個叫人坐2人枱畀一個炉,但大把吉枱,食咗約4O分鐘見你未食哂就成日埋嚟大力收碟,爭在未趕你走!不知所謂極差,埋單尾數5蚊佢㑹找15蚊大銀,見你唔畀貼士會出口寸兼黑面,black list

係呢到食野對我黎講係食回憶有記憶開始已經有呢一間餐廳裝修有些少改變吧檯仍在門亦一樣以前抽氣系用銀色銅形人手拉落嚟配菜 湯 同豉油竟然同以前一樣味而且價錢同以前竟然一樣即係以前食水好深呵呵但一分錢一分貨生肉以前切得靚d配菜以前高檔啲竟然俾我見到熟口熟面的叔叔大膽問佢你記得我嗎叔叔扮曬野話記得呵呵以60蚊一份燒肉 包湯包配菜包白飯包飲品包甜品仲想點？反而菊花茶麻麻地肉好好味夠薄醃得夠味配菜唔咸勁正湯有蘿蔔有芹菜未必係韓國口味 但大眾口味 夠正仲有啫喱送呢個亦係高麗傳統好味

一味韓式炆牛柳，教人食指大動再加上豐富的小食配菜，置身於韓式風情的餐廳，彷彿人在韓國了－－－－－－－－－－－－－－－－－－－－－－－－－－－－－在北角和富道‬，食肆林立不少，下午行完outlet，可以過對面間 < 高麗韓國餐廳 > 試下韓國菜餐廳位於二樓，轉右沿走廊直行至尾裝修以深啡木色為主調，牆上掛了幾幅特色的韓畫，富有韓國的古色風情店員安排了我們坐在靠窗邊的位置，位置十分之寬敞，可以一邊吃野，一邊看看窗外的街景餐廳食品的價錢介乎HK$55~68，有燒烤餐和韓式定食選擇，單是前菜小食已經有5碟啦，還可以吃完再添的，仲有紫菜湯和甜品呢！姐姐order了韓式炆牛柳‬，牛柳炆得夠琳又入味，還有姐姐喜歡的紅白蘿蔔而且牛柳滲出啖啖杞子的香味，配白飯一流，推介另外，還有烤豬頸肉定食，豬頸肉烤得爽脆、甘香，灑上芝麻就更香啦但略為偏油了點最後吃埋啫喱甜品，滿足也！在港島區，如此的環境，以68蚊吃一個這麼豐富的韓式定食，真是勁抵呀------------------------------高麗韓國餐廳Address: 北角和富道30號明暉大廈1樓Time: 12:00~15:00; 1

This is a busy restaurant that locals frequent for their good value lunch set. Reasonably priced under $100, most sets include complimentary soup, tea, cold drink (choice of chrysanthemum tea or sour plum drink), banchan side dishes and dessert in addition to your main of choice. It was busy during today's lunch hour, and we were surrounded by other tables of high school kids and what seemed like groups of local workers on business lunch. Soup of the day was a kimchi seafood soup, which curiousl

韓燒，從來不是孖芝那杯茶，甚至敬而遠之，因為印象中價錢相宜的韓燒，就是大堆頭大塊肉，油煙薰身，但這餐廳，令孖芝對韓燒重拾好感。餐廳裝潢樸實，雖然有點昏暗，卻洋溢著一種老店的味道。孖芝給安排了卡位，寬敞舒適，旁邊還有個小木窗，天氣剛好不太冷，打開了小窗有助自然散走油煙，比在冷氣地方焗住燒更好～食物吧檯擺放整齊乾淨，食材總類也算多，孖芝嚐了人參雞湯、牛脊肉、五花腩、牛肉金菇葱卷、多春魚、青口、魷魚、雞軟骨、蝦、雞翼、多春魚。。。等等，還有各式醃製得很好的小菜，有芽菜、魚仔、薯仔等。人參雞湯不算香濃，雞味和參味都偏淡，但調味還好，佐著飲也是不錯。孖芝特愛牛肉金菇葱卷，相比常見的金菇牛肉卷，加了青葱更是香口。牛脊肉和五花腩亦很軟腍，燒起來肉香四溢，食指大動。至於甜品方面，選擇不多，孖芝只嚐了杏仁糊，口感不俗，不會太甜，為韓燒的熱氣來了個適度的結尾。總括而言食材都很新鮮，即使海鮮類也能保持鮮味，有質亦有量，調味亦適中，以這價錢而言，絕對划算。要注意的是席間限制只能更換燒盤一次，用餐時限亦較緊，入座起計一個半小時，有點不夠，以孖芝的速度和食量，時間剛好而已。之前聽聞店員態度一般，孖芝其實亦感受到一

佢既lunch 同自助dinner 都食過我只可以話全部都好正！佢裝修環境都俾人感覺有點兒舊但無影響！職員都好好 一入去就同佢地混熟左 勁好人Lunch好扺食 一個燒烤餐又有杯野飲同甜品送最中意就係杯野飲 好好味 但我忘記左叫咩Dinner方面 基本上我燒足個幾中都唔洗換板因為都唔太需要野食 肉 好新鮮 涼菜都好好食 由其係泡菜，粉絲同雞腳我食個啲都已經可以食勁多 但壽司我就無掂 其一唔中意食 其二好似無感新鮮而另一邊有甜品同炸物最好食係炸饅頭同炸餃子 我到就快飽先發現到 食左幾舊就食唔落 覺得有少少可惜168其實對於韓國餐廳算扺