高麗韓國餐廳 (Closed)

以前去開天后嗰間，今次試下北角🌟環境坐近窗邊嘅卡位，幾有feel，環境以木為主題，幾靚🌟食物Lunch set有一碗飯，湯同甜品，同一啲配菜。我最中意食薯仔配菜，但當日冇😢燒鮮魷好好食，睇住佢燒到捲埋一齊好搞笑！鮮魷調左味，有咬口但唔會太硬👍🏻牛舌都係我最中意嘅，非常嫩滑❤️👍🏻甜品係紅豆沙，天后嗰間係啫喱，我中意啫喱多啲，食完燒肉有種refresh 嘅感覺，希望佢都會轉做啫喱啦！😢😢

有一日行完山之後好攰 黎到呢間店度食， 位置比較容易搵 上到去燈光唔係好夠光 到處都好似油粒粒感。 自己出去夾啲生肉返嚟，慢慢煎。 味道正常啦不過不失如果真係口痕想食韓燒可以嚟呢度試下

今日老細牛一，猴子又再次被同事及老細脅持去食午飯。之前在公司吃的生日蛋糕仍未「落格」，隨即又要食韓國燒烤，唔通除咗唔好「空肚食早餐」之外，我哋都唔應該「空肚食午餐」？以前食韓國燒烤，食完之後成身都係油煙味，返到屋企要即刻沖涼洗衫，不過今時今日好多舖頭都會好似呢間高麗韓國餐廳咁，用新式的抽氣燒烤爐，油煙即時在烤爐兩邊的氣孔抽出，唔會搞到「成頭煙」，食起上來真係自在得多！近排豬肉出事，所以其實冇太多選擇，牛肉同鮮魷係首選，再加多一份已經煮好、唔需要自己燒的雞肉。套餐包埋菊花茶或酸梅湯，泡菜醃菜拼盤、白飯及蘿蔔湯，仲有飯後甜品。先說烤肉，牛肉尚算新鮮，醃得入味又唔太咸，鮮魷亦夠爽口彈牙，兩者都可以推薦，問題只出在雞肉身上。正如猴子剛才所講，雞肉係預先煮好，可能係放置太耐令到肉質變乾變韌，口感下降。蘿蔔湯亦同樣有煮得太耐的問題，湯水尚算清甜，但蘿蔔就有點「淋」。餐後的驚喜可說是甜品花奶啫喱，猴子感受唔到呢款啫喱有幾咁韓流，反而有種港式懷舊氣味。

今日老公生日，我同佢地同事一齊去食呢間老字號的韓國燒烤，因為我地成日去食晚餐自助餐，所以今日食lunch有少少唔慣變左set lunch呢！但係而家人頭只係$6×，我地覺得好抵，牛肉自己燒，好香滑惹味，配菜幾碟比我地分，加埋白飯做午餐真係剛剛好。有同事叫左鮮魷，初時我諗覺得會好靭，但係燒完黎試，覺得好軟熟，有海鮮鮮香既味道！飲品比較甜，有酸梅湯或者菊花茶，仲包埋甜品，加埋花奶，成個套餐好完滿！有人生日覺得咁樣食特別好多！

Food is good quality, and the place is clean. Staff were very attentive, filled tea regularly and the buffet was replenished constantly. Staff were experienced and spoke good english.  The buffet had good quality meat and a range of veg, not so much dessert stuff. Would recommend booking beforehand as was busy at dinner time on a sunday around 8pm. We would definitely return.

女朋友一年一次生日，念住同佢開開心心食一餐，點知老闆態度極差。個鐵板燒左勁耐，燶曬念住換鐵板，一句車埋黎:“你識唔食燒架，只可以換一次。”然後我地個位置有D凍，我念住關窗，佢又話:“你地怕凍就吾好坐尼個位啦。”我立即反駁:“好似係你安排我地坐wow。”我地兩個人鐵板放題總共440幾。成晚換得一次鐵板，真係唔知食左幾多碳灰落肚，我發誓尼一世都唔會再去。價錢:尚可食物種類:少服務態度:極度惡劣😡😡環境:冇心情留意，剩係知道凍到牙都震埋又冇得轉位😡😡😡😡😡😡

還記得小時候經常嚷著要父母帶我到韓國餐廳吃牛市燒烤套餐，而我每次必定會點最愛的八爪魚🐙但自從韓燒放題盛行香港之後這種港式燒烤套餐已差不多絕跡。。。這家餐廳是碩果僅存的！配菜十分重要！這裡有港式韓燒的大荳芽菜、白菜仔及莧菜！絕對是想當年的味道！主菜部分有牛肉及我最愛的八爪魚！本來一心過來懷緬一下兒時滋味，可惜送來時還未完全解凍，還是硬綁綁的掙扎了一下還是決定換過另一碟羊肉，因為他們也只是會幫我用水沖洗再解凍一下而已。。。平心而論，他們的烤肉真的醃得很入味，燒好後不須調味料也很夠味最後來一個經典的碗裝啫哩作為終結，兩個字，圓滿！

今日約咗兩個舊同學食飯聚舊去咗北角高麗韓國餐廳食bbq dinner buffet, 餐廳位於一個幾舊嘅商場，已經係度好多年，見平平地就揀佢啦，我鐘意呢度有大量不同款嘅韓式前菜揀，而我至愛人參雞湯任你飲，味道一D都唔差架👍🏻至於肉方面都好多選擇豬、牛、雞、海鮮都有，加埋一每人$200都幾好

係北角食午餐，呢間餐廳都數一數二係性價比高坐得舒服💁🏻‍♀️，中午想來好大機會有卡位坐💃🏻。我哋就各人叫咗一個午餐🍱，前菜的話去就幾多人就會比幾多碟俾你🤤🤤，有泡菜、芽菜、通菜、西蘭花🥦、魚仔、青椒、南瓜任君選擇，湯係泡菜湯好似中式羅宋湯咁🍲， 要黎送飯一流。有白飯一碗，好大碗食到你飽。烤肉的話：首選係雞肉🐔、豬頸肉🐷、魚柳🐠，鮮嫩多汁又入味👍🏻飲品有菊花茶或酸梅湯，仲要係凍嘅🤣🤣甜品有一杯花奶芒果啫喱🍮😝都係成為每位$65，簡直抵食又滋味

北角呢區好特別，咩人都有，多福建潮洲之餘，亦都有啲外藉人士；好似比較平民街坊，但過兩條街啲樓又貴勁多人種又唔同左。食店都好多元化，好似好多選擇，有啲似居民食堂，有啲又比較多遊客。呢間韓燒就一定唔係出名多人去或者突登黎個隻，不過我幾鍾意佢地呢種平凡踏實既餐廳。呢間鋪頭歷史睇落好悠久，裝修方面比較懷舊，員工都係上咗年紀嘅侍應，非常熟手，無多餘動作。我幾鍾意呢種實而不華既餐廳。食物方面，普遍肉類海鮮都有，特別推介係牛仔骨同蝦。其他試過就可以，一分錢一分貨，唔係最優質，但勝在性格比高。

星期五和同事們決定要吃個美味悠閒的午餐，在港島區工作的我們便跳上了電車，一兩個站的距離便到達目的地。一行十人，侍應把我們安排在兩個並排的卡位，形成了自己的小角落，午市的人並不多，可能因為餐廳並不是地舖的關係，吸引的大多都是在這區工作一段時間的上班族。套餐的選擇很多，由大醬湯炸醬麵之類到烤肉都有，因為我們人多的關係，選擇了一起點不同的烤肉套餐，再分享食用。與普遍較傳統的韓國餐廳一樣，這邊有很多種類的前菜——泡菜小碟供應，我們有吃到五、六款，大白菜大豆芽菠菜到小魚乾，非常不錯！烤肉我們點了牛、魚、雞、豬頸肉，醃製得很不錯，入味，尚算新鮮！配以湯、飯、餐甜品（啫喱），餐飲（酸梅湯或菊花茶），人均消費才七十左右，非常划算！

Love to come here for lunch as the restaurant offers huge varieties of lunch sets with reasonable price, even for weekends!My favorite dish is their Korean style beef noodle soup. The beef is juicy and tender, while the soup is tasty. Also, the mixed vermicelli rice with chicken is very delicious. The set comes with side dishes as well, with drinks and desserts too. Overall food portion is good enough for each person.Highly recommend this restaurant to all Korean food lovers!

今次第一次去呢間食韓燒buffet , 平時都係lunch time黎食因為我就快旅行, 離開香港之前同家人相聚最後的一餐就黎呢度慶祝下結果係令人滿意既打電話book 位先, 由於帶住小朋友, 遲左半個鐘左右, 餐廳就話幾號木台黎左, 感覺佢地真係等梗我地放下熟睡中的小朋友, 我馬上去拎食物心情大好, 有20多款的烤肉, 海鮮推介: 牛仔骨, 雪花牛肉, 蝦, 牛舌個蔘雞湯好正, 真係有雞同支蔘係度仲有水果, 壽司, 啫喱, 10幾款前菜, 白飯唔好處係d人如果冇手尾會整到食物周圍都係, 其次, d碗有d唔乾淨整體黎講好處係食物材料好, 味道好,種類多, d侍應唔會夠鐘趕你走小朋友係梳化位度訓左成個鍾而缺點係碗筷有d唔乾淨, 飲料要另加錢 同只會幫你換一次個爐

差唔多10年前,人生打第一份寫字樓工時, 阿頭帶我黎呢間食呢10年黎每次想食韓燒都會特登過黎, 因為價格平, 材料新鮮, 份量足, 有多種前菜選擇, 又有飲品餐湯甜品一開始去呢間餐廳真係好難搵, 係比較近炮台山地鐵站既星期一至日, 每日都有燒烤餐嗌某日有個侍應推介翠花牛肉後, 每次都必嗌翠花牛肉呢間通常都好忙, 侍應會冇麥禮貌, 但冇咁忙時會同你吹一兩句水咁如果3個人以上黎就好大機會有卡位坐, 真係好舒服架前菜: 根據你有幾多人就俾幾多種類俾你, 例如2個人有五碟 有泡菜,芽菜, 通菜, 蘿蔔, 魚仔,青椒,南瓜等。你可以以一碟換其他你想要既, 但食完唔可以添湯: 係白蘿蔔紅蘿蔔湯, 阿仔食呢個送飯一流, 有時溫度會略為不足白飯: 只有一碗 烤肉: 通常食雞肉同翠花牛肉 飲品: 一小杯既五花菜或酸梅湯甜品: 啫喱般的物體, 唔好抱有任何期望

三個人去點左三份午餐，前菜都係每款一小碟(見人多人少都係咁上下)，三個人一人夾兩箸都清晒。食韓燒食過唔少，無論香港定韓國，前菜白飯湯通常都可以添加，呢個都似乎都經已係不成文規定(講真食得你幾多? 俾面先食你)。就問左一個上左年紀既瘦身男侍應可唔可以加d前菜? 佢反問我地: “你估你食自助餐呀！？收你百零二百蚊果d咪任你加囉！”嘩! 無得添唔係問題，但個態度勁唔ok。我反駁佢話呢間係我唯一一間前菜無得添既餐廳，佢話咁你咪去果d囉，講完走左，勁無禮貌! d咁劣質既侍應真係同老細倒米。仲有，食物非常一般，d薄如紙既牛肉真係好難攤平燒，切到咁薄真係極高難度! 我一定唔會再食呢間!