韓泰太

Open Now

Now Closed

首先以下內容都是以一人吃嘅情況下的食評我訂的是18：00,不是很多人還有很多空位,可以臨時才去都可以但是那邊流浮山巴士總站,週圍都是海鮮加工餐廳,其實真的是沒什麼人特意去食以下是真的食評：首先他的窯燒雞真的很好食,但是因為真的是一隻雞,我建議如果不是三、四個人去食....只有一人就叫他不要送來因為真的一個人食唔曬,同埋要自己剪開（較剪很鋒利不會剪唔開骨頭）汽水任飲,還有很多都是玻璃樽版（可樂/芬達/忌廉）,還有一部分陽光紙包飲品至於燒烤方面,個爐其實很似bbq,只是有燒烤架有人自動幫你補充炭,感覺上是很高級的BBQ,比人感覺服務性很良好至於燒肉那些我其實只係食咗頭盤,因為食食下頭盤...19：00窯燒雞就來了,1小時一個人真的都未必食得曬,但是頭盤都是泰式味道的生肉,而他的泰式味道是甜辣型,也可以事先叫他不要上頭盤,自己用qr code點想食的原味燒肉,當中海蝦/錫紙牛油粟米/錫紙蒜蓉蜆/雞髀肉/腸/丸類都是自己額外在qr code叫,不在頭盤中,隻雞已經食飽我的沒有機會嘗試建議店家：其實窯燒雞很好食但是可以半隻半隻上,視乎客人人數才上多少,廁所只有一個...如果很多人去時就要等,可以

前排同男朋友去遊車河 見到一間外觀幾靚既餐廳原來係食韓燒加烤雞！經過已經聞到個烤雞好香就去左隔離拍車入到去環境舒服美觀室外室內都可以打卡野食種類都幾多 味道都有好幾款最期待係個烤雞 大大隻 剪開係會爆汁！仲要係脆皮雞皮 肉就好嫩滑對於我呢啲鍾意食雞肉既人黎講真係好滿足食飽就當然要食雪糕佢哋係Häagen-Dazs嘅雪糕任食！！✨性價比極高！餐廳：韓泰太窯雞 (流浮山)📍地址:流浮山深灣路238號#流浮山韓泰太窯雞 #流浮山 #窯雞 #foodie #高質 #任食 #韓燒 #任食韓燒 #香港美食 #打卡

🐔窯雞食後感: 🍗窯雞真係一款令人流口水，每當啱從窯中取出，香氣已經撲鼻而嚟。每隻窯雞都經過精心醃製，香料與雞肉的結合，每一口都充滿豐富的風味。外皮金黃酥脆，咬下去時發出清脆的聲音，但裡面的肉質依然鮮嫩多汁，令人食指大動😝🤩特別是搭配自家製的醬汁，更添風味，味道與雞肉的鮮香交融，令人一口接一口，根本停唔到，再加上窯雞特有的煙熏味，令整道菜更加層次分明，無論係家庭聚餐定係朋友聚會，都是一大亮點。☺️總之來講，窯雞不只好食，仲係一種共享的幸福感。不論係配飯定單吃，都令人回味無窮，實在值得一試！🥩BBQ燒肉食後感: 🤤今次試咗三款燒肉醬，真係好正！首先，韓式原味醬，味道濃郁，醃得剛剛好，咬下去有種甜甜咸咸嘅感覺，肉質又嫩滑，真係好開胃！然後，泰式風味醬就更加特別，帶有一啲酸酸辣辣嘅味道，啖啖都有驚喜，配上燒肉，簡直絕配，令我忍唔住多食幾塊！最後，野味BBQ醬，味道濃烈，帶有一點煙熏香，咬下去有種獨特嘅野味，感覺好像喺戶外燒烤般，真係好味到停唔到口！總之，每一款醬都各有特色，無論係配飯定係單食，都令人食到滿足，真係唔可以錯過！🥳放題包括飲品任飲，甜品任食🚻內有有獨立廁所🐶可以帶寵物🚬室外可以吸煙

最近成日見到呢間碳燒窯雞既食評，一早就bookmark定，終於有機會黎試啦☺️外牆有希臘女神像呢間藍白小屋之前係西餐廳，不過嗰陣就冇幫襯過🤷今次黎到就順便打下卡晚市120分鐘，任食燒雞+BBQ人均消費$278（新張其間免加一喎）一入門口就見到大大隻既2個瓦缸，入面燒緊主角窯雞🐓咁岩天氣夠涼，緊係揀坐室外位啦，四圍仲掛哂燈飾，好有氣氛✨🐷食後感：餐廳提供多款汽水飲品，仲有啤酒檸茶咖啡等等任飲🍹因為係韓式烤肉，所以提供左生菜同泡菜、韓式醬料，店員仲話泡菜係佢地係✈️韓國學師再返黎自己調配返口味既，食落就真係爽口得黎又岩港人口味👍輪到燒雞出場啦‼️一望個樣就已經覺得好吸引，外皮金黃色，好脆！撕開雞脾，啲肉又嫩又多汁🤤火喉控制得好好，堅係正😍由於時間關係，試左一啖就即刻決定encore 叫定第2隻（要等30 分鐘架）🔥韓燒提供既肉料海鮮同蔬菜都有好多款式，醃製得都算唔錯。唯獨係有漏單情況，不過同店員了解過，話係係統有少少問題，想食咩可以直接同佢地講，唔洗掃code落單，之後上菜都好快👌可惜呢晚未有提供到雪糕同豆腐花等甜品，少少地食左枝自製棉花糖作終結🐽🤑性價比：8/10🤤色香味：9/10🐖邪惡度：8

最近我來到 **流浮山** 的 **韓泰太窯雞**，真的是一次難忘的美食體驗！這裡的環境非常舒適，特別適合和朋友聚餐或家庭聚會。#### 🔥 窯雞的魅力他們的招牌 **窯雞** 絕對是必試的！外皮金黃酥脆，肉質鮮嫩多汁，搭配特製的醬汁，口感層次分明，讓人一口接一口停不下來！而且這裡的窯雞是任食的，想吃多少就來多少，真的太划算了！🍗✨#### 🥢 韓燒體驗除了窯雞，韓泰太還提供超豐富的 **韓燒** 選擇！各種新鮮的肉類和海鮮，配上新鮮的蔬菜，讓我吃得超滿足！自己動手燒烤的過程也特別有趣，和朋友聊天的同時享受美食，真的是太享受了！🔥#### 🌅 超美打卡環境餐廳的環境也是一大亮點！寬敞明亮的用餐區，加上大面積的落地窗，讓陽光灑進來，整體氛圍非常舒適。坐在這裡，不僅能享受美食，還能和朋友一起拍照打卡，留下美好的回憶！📸✨#### 💖 完美的用餐環境服務人員的態度也非常好，隨時都能幫助我們，讓整個用餐過程更加愉快！👍總的來說，**韓泰太窯雞** 在流浮山絕對是一個值得推薦的美食地點！如果你也是韓燒和窯雞的愛好者，一定要親自來試試哦！人均消費非常合理，真的是高質又划算的美食選擇！✨📸 別忘了打

天氣開始凍，終於都可以去戶外燒嘢食！流浮山開咗間新嘅韓燒，地方夠大有得免費泊車。成人$278/位有得任食韓燒，啱晒食肉獸，再送一隻流浮山名物原隻煮雞，用一個大窯爐燒，見隻雞滴晒黃油，燒到金黃色真係流晒口水😋雞肉好嫩滑 而且雞皮香脆燒得可口 估唔到咁好食‼️-韓燒方面都好多選擇，各款肉類都輕輕味，唔會太鹹太濃味。最鍾意大大條五花豬腩肉，肥瘦相間，用鐵網爐燒到出晒油，外皮焦脆，咬落油香滿溢。雞翼係瘋狂encore之選，用鐵絲網擺晒上去解放雙手，傾住偈飲住嘢等就食得😋-飲品方面有罐裝汽水梳打水同紙包飲品，都算幾多選擇，仲有任食Dryes雪糕甜筒非常滿足，我就叫咗朱古力口味 仲見到有士多啤梨或者抹茶 一大班人reu 食呢間就最啱‼️

今日入到流浮山本身打算過嚟行吓同朋友一齊見到不錯的嘅餐廳所以就入去試吓估唔到有驚喜流浮山打卡窯雞韓燒任食餐廳仲要係寵物友善㗎，成個體驗都唔錯餐廳門口就有幾個泊車嘅位，非常方便一入去就已經覺得超靚，係咁打卡有藍白色嘅建築物 好似去咗韓國咁建議日落時間嚟，仲可以睇埋日落食物種類都幾多肉類味道有韓式，泰式同BBQ味有五花腩卷，豬頸肉，西冷，牛板腱等等飲品仲要支裝而且好多選擇而甜品仲有Dreyers同Hagendenz價錢性價比非常高一定一定要試佢嘅原隻窯雞雞皮極之香脆，撕開嘅時候靜香噴噴 好多肉汁雞肉即使係雞胸部分都好嫩滑勁Juicy一定會再嚟食

韓泰太午市成人每位$168💰抵食到喊出嚟😝😝😝仲可以畀你食足兩個鐘🕙 （唔太多人一般都唔會趕你走）呢度所有嘢都差唔多係自助落單先掃code 手機落單📱場區咗室內同室外 （秋冬天氣我覺得坐室外有feel啲）野飲喺後面好大個汽水櫃可以任攞喺呢度一定要試佢哋嘅人氣菜式🔥炭燒窯雞🐔全部啲雞都係喺大瓦缸入面燒 原隻上碟 附送手套 可以自己手撕🤘🏻一撕開噴曬煙 超多肉汁流出泥😁啲雞肉仲要非常嫩滑調味啱啱好，個皮脆卜卜🥳呢度啲肉類都唔少，肉類主要都係分咗唔同醃料：惹味BBQ、韓式風味、泰肉式風味等有部分嘅海鮮或者肉類就要某一款醬料先會有嘅落單嘅時候可以留意下，佢哋個單位係用（件）大推韓式魷魚一定要試🦑叫一件夠 （因為佢都差唔多成條畀你😁）另外我都幾鍾意食佢個豬頸肉，大家睇住嗌 因為嗌一佢都已經係好長一條豬大腸亦都係好長嘅一條😂😂入面係超多油脂勁好食🥰記得係室內入面 近門口位食埋甜筒及雪糕🍦

今次去試吓呢一間韓泰太窯雞，位置係喺流浮山，但係其實去都好方便，我係喺天水圍站B出口搭K65巴士直達總站流浮山，一落車就會見到餐廳好signature嘅巨型藍色壁畫外牆，而家轉咗燒烤放題，用埋戶外嘅環境，感覺好chill✨午市放題$168/位任食90分鐘；晚市放題$278/位任食120分鐘，可以揀戶外/ 室內位置，依排天氣涼涼哋，坐喺室外嘅話就更加正👍🏻‼️少有任食流浮山窯雞🐔睇住師傅喺瓦缸不停燒雞，隻隻燒雞嘅皮都好脆好多汁，職員話一定要連皮食，咁先係嚟過食窯雞😆一路食雞一路仲可以炭火燒烤，全部都係QR code落單📱有牛扒、雞翼、雞扒、豬肉、豬五花、豬頸肉等等，韓式/泰式/BBQ口味俾你揀，我個人就鍾意食韓式嘅口味，我覺得調味做得唔錯🥩亦有其他燒烤配料菠蘿、香腸、蝦🦐菠蘿係大大片，燒完之後好Juicy，另外蝦都好大隻，燒完都仲夠爽彈，鍾意食蝦嘅朋友呢度任食啱晒竟然係任飲支裝汽水‼️真係好少見會有支裝汽水，Dreyer’s仲有開心果味雪糕💚連棉花糖都有得即整，啲小朋友見到勁開心整體嚟講以$168呢個價錢，真係性價比極高，平時出去市區燒臘舖買隻雞都要呢個價錢，食隻雞都已經回晒本😂

流浮山打卡熱點~離遠就睇到大大幅好靚嘅神話外牆~地方超大又有泊車位🤩有室內室外位,我就梗係坐室外氣氛正d啦~仲見到其他客人帶狗狗嚟食tim😍開爐後好驚喜係用炭爐燒特別好味~肉類款式貴精不貴多🥩有雞翼/五花腩/豬頸肉/西冷/牛板腱等,但特別在分咗唔同醬料(韓式,泰式,港式BBQ),另外都有基本蔬果同海鮮~最緊要唔好miss佢哋嘅窯雞🐔熱辣辣超juicy超好食🤩🤩🤩飲品方面要讚係有水吧飲品呀‼️奶茶檸茶咖啡…唔洗剩係飲汽水~甜品仲有Dreyers同Hagen-denz雪糕任揀~想揸車去遊下或者想帶寵物🐶一齊食嚟呢度真係一個好好嘅選擇👍🏻👍🏻👍🏻

上個星期假期我同屋企人去咗流浮山 食呢個韓式燒烤+古法窯雞首先我哋坐低 店員會為我哋送上窯雞我哋剪開雞肉嘅時候 啲肉汁流晒出嚟而且聞落去都好香 夠大隻又夠入味仲要係皮脆多汁嘅 起碼要三至四個人先食得晒！跟住我哋就開始喺個手機度落單 佢裏面都多選擇, 燒肉會有比較受歡迎嘅類別, 例如牛板腱、西冷、牛舌、五花腩、豬頸肉、厚切豬柳…雞中翼、雞嫩肉、雞軟骨…亦都會有三種口味選擇:韓式、泰式、BBQ風味!除咗燒肉,亦都會有其他菜式選擇海鮮會有蜆、魷魚、鮮蝦、龍脷柳等等有配菜：南瓜、翠肉瓜、雞脾菇、鮮冬菇、紫洋蔥、燒鳳梨、午餐肉、牛丸、起司腸、司華力腸、台灣腸等等…錫紙包菜式：、香草鮮檸檬焗魚柳、蒜焗白蜆、蒜蓉牛油焗野菌最開心嘅就係Häagen-Dazs雪糕🍦筒裝、杯裝任食㗎燒烤放題可以坐室內｜室外我地今次係坐室內! 因為室外已經full 哂下次唯有早啲預約🫢

天氣凍凍地即刻就想燒嘢食, 知道流浮山呢度除咗燒嘢食之外仲有香港好少有嘅甕缸窯雞🤩我都係第一次食甕缸窯雞🐥真係好食到不得了😍個皮又夠脆裏面啲雞肉又好嫩， 環境地方又舒服😌， 室外定室內都好靚又乾淨🥰而且佢哋醃製嘅肉類相當入味， 真係好好食😋仲有佢哋自家製嘅韓式泡菜添， 酸酸辣辣好開胃😋呢度啱晒一家大細同埋朋友一齊嚟，下次再叫多啲人一齊同我嚟過😉住港島九龍嘅都可以放假入嚟大西北一齊玩下😙😙😙

去流浮山除左食海鮮、買海味外，仲可以食到即烤秘制窯雞🐔，仲有韓泰燒烤任食🔥，係秋天最佳活動。韓泰太就喺流浮山巴士站回旋處隔離，藍白色充滿藝術感的屋仔一眼就望到🏠，依度地方好大，打卡位好多，有露天有室內座位，仲可以帶狗仔一齊BBQ🐶, 實行人寵同樂。午餐90分鐘燒烤放題成人$168，小童$118，可以任食燒窯雞，仲有多款肉類、海鮮、蔬菜和飲品選擇。餐廳一邊放了兩個巨型瓦缸燒窯雞，製作需時，建議一座低就叫，燒窯雞都幾大隻，原隻上夠曬氣勢。雞既外皮油潤脆薄，🍗撕開肉汁好多，肉嫩滑溜，加上炭火香氣又夠入味🔥，十分高質好味。燒烤肉類有泰式和韓式風味，韓式惹味，泰色香料味香濃，各有特色👍。牛肋肉、牛板腱、牛仔骨、豬頸肉、豬五花等都好有嚼勁但又唔韌，醃料好味唔過鹹，食完唔會好口喝。海鮮我哋試左金銀蒜焗白蜆、魷魚圈🦑、鮮蝦🦐，每份份量都唔少啊，相當豪氣，味道也好新鮮清甜。還有各式蔬菜，小食有泰式酸辣鳳爪都整得好好味。一輪烤肉攻勢後，最後必食燒菠蘿解膩🍍。飲品除汽水，🍹仲有水吧可以點檸茶、檸樂、奶茶之類港式飲品。放題價錢實惠，環境開揚舒服，不急不忙嘆個weekend 燒烤放題，之後再沿路行去海邊🌊，睇下

見到網上流浮山有個好靚既打卡燒肉放題餐廳仲可以帶埋狗狗去當然要去下啦！餐廳有好幾個泊車位所以揸車去都好方便！到步後已經見到棟好靚既水彩畫建築物😍一黎已經沖左入去打卡, 佢地有outdoor & indoor位, 我地帶狗狗當然坐outdoor la😄食物種類都幾多, 肉類味道有韓式, 泰式同BBQ味超正! 有五花腩卷, 豬頸肉, 西冷, 牛板腱等等, 飲品仲要支裝而且好多選擇, 而甜品仲有Dreyers同Hagendenz, 價錢都係講緊$168/位🫨🫨另外我地仲叫左窯雞$220, 同樣任食🫨 係超級抵!!!窯雞黎到大大隻！外脆內嫩而且好入味, 大口大口咁咬落去啖淡肉😋佢地即燒即送上所以熱辣辣👍🏾大推一定要黎食😍

嚟流浮山原來唔一定食海鮮，今日就嚟食燒肉同埋原隻窯雞🐔無諗過原來之前嘅打卡cafe，已成功轉型為任食燒肉韓泰太窯雞 ，咁正嘅地方當然要嚟試吓啦😎餐廳有分室外同室內，其實而家天氣涼涼地坐室外仲有feel，不過剛剛我去嗰日落雨就坐咗入面～開頭以為$278係包任食燒肉+1隻窯雞，估唔到原來窯雞都係任食😳呢度嘅燒肉分韓式、泰式同埋BBQ 醬口味，燒肉種類好多，主要都係肉食為主🤤我自己最鍾意就係韓式燒肉，甜辣醬醃過嘅燒肉食起嚟特別好味👍🏻另外強烈推薦一定要食呢度嘅泡菜，泡菜係老闆自家製，質地爽口，而且酸辣到剛剛好😍當然一定一定要試佢嘅原隻窯雞，雞皮極之香脆，撕開嘅時候雞油多到滴出嚟，雞肉即使係雞胸部分都好嫩滑勁Juicy，我見隔籬枱3個人都食咗2隻，可想而知係有幾高質👏🏻嗰晚剛剛有老闆親自炮製嘅豆腐花，熱辣辣嘅香滑豆腐花配上薑汁糖水，對我嚟講係比Häagen-Dazs雪糕更加正嘅甜品，所以我都唔執輸食咗兩碗😁