韓舍 (Closed)

難得放閒日, 可以出旺角行下街食下嘢. 見網上評價唔錯, 就BOOK來試下.餐廳好大, 格局佈置似酒店, 大枱大櫈. LUNCH放題任飲任食連加一, 每人$130落樓. 抵呀!!  先睇下燒烤有乜嘢食:豬牛雞等肉類, 仲有菜瓜菇, 廿款左右可以選擇. 自己選自己燒, 有張燒紙隔住來燒, 無咁易濃!! 菜瓜菇等, 無直接燒, 特別好食!!其他熟食熱葷都唔錯, 又FILL得快! 仲有日式壽司,都係好多人嘅選擇. 飲品亦多選擇, 個人鍾意乳酪加7UP!!  而呢間最大嘅特色係可以DIY甜品, 特別多小朋友來食來玩. 有爆谷機, 雪條機, 格仔餅機, 同DIY叮叮蛋糕. 我嘅傑作一:   叮叮蛋糕自己倒蛋糕漿入杯, 放一微波爐, 一分鐘唔到就可以食到好似心太軟嘅流心蛋糕!!我嘅傑作二:  4色雪糕加格仔餅雪糕凍冰冰, 而格仔餅熱辣辣. 冷熱交融真係好正~

夏日炎炎，同朋友黎到韓舍食韓燒放題。好鐘意呢個環境，夠大之如卡位坐得又舒服，食物選擇又多同服務好。之於肉類選擇真係好多，有牛肉雞肉豬扒，全部都調味左，直接燒好惹味。飲品有果汁同汽水,茶。仲可燒蔬菜Tim,健康得多。仲有三文魚刺身，都幾新鮮的厚切肥美的。當然唔少得壽司，樣樣都有呢,最特別係既牛油果炸蝦壽司。甜品方面，有唔同生果，蛋糕，果凍，甜食，雪糕等等。芝士蛋糕值得一試。埋單$208加一,咁多野食都好抵。

 旺角創興廣場一向都有好多食店喺度，以前食過幾間今次就食位於９樓既韓舍。韓舍喺元朗都有，而旺角呢一間除左基本任食韓燒之外早前仲推出韓式宮廷海鮮鍋。我就食左基本既韓燒，如果７點前離座就＄１５８＋１０％，而如果係８：４５前入座就＄２０８＋１０％。選擇方面其實幾多，任飲清酒同汽水之外，食物就包括有韓燒肉類，三文魚，吞拿魚，希靈魚等既刺身，仲有壽司，蝦，青口，冷盤，熱葷，烏冬，ＤＩＹ甜品區，雪糕，棉花糖等。三文魚同吞拿魚刺身。熱葷區選擇也不少。見唔少人排拎火灸蟹柳所以我都排隊攞番一份，哈哈。喺吸油紙上燒，店員亦好欣勤換紙。任食韓燒肉類亦包括牛、豬、雞、魚，另外仲有蔬菜、菇、獅子狗、丸、菠蘿同香腸。整體嚟講，任食選擇唔少，我就食到好飽了，哈哈。

拎左個黑椒牛肉粒返嚟燒，入口黑椒味濃有牛肉味，唔會好靭，加埋用生菜包豬一齊食，口感特別清新，仲冇咁油膩。韓國街頭小吃之一炒年糕，喺呢度竟然都可以找到，仲係自己鍾意炒幾多成熟，以及落幾多芝士都係由自己話事，入口年糕煙煙靭靭，因為自己鍾意食芝士，所以落咗好多芝士，一口芝士特別濃郁，冇得頂。最愛街頭小吃小丸子，竟然都有得自己做，自家整完後，外表雖然沒有買回來甘圓，而且裏面啲餸仲要甩甩流流，但係入口都唔錯，有椰菜魷魚粒，外脆內軟非常有囗感。自家炒雪糕，也給自己一次特別的體驗。

今日同兩個朋友一齊黎到食自助韓燒，開頭以為得任燒肉食或配菜，點知原來唔系，佢有好多款比你選擇，有熟食，有凍食，有炒雪糕食（自己炒，可試下玩又可以食，幾好的參與）二百頭就有甘多款選擇，其實真系好底下，而家一般自助餐都唔平，仲要無甘多野比你選擇，而家連鐵板燒都有，有自助飲水機，任飲的，有魚生，凍蝦（新鮮鮮甜的）其實淨食呢兩款都抵返晒，仲要你燒要等，可以食左熟食先，有咖喱，連薄餅呢款超讚，咖喱味香濃，豬肉入味，配上薄餅好味。鐵板燒肉類任君選擇,新鮮乾淨,多款香腸有芝士腸大紅腸，不是用假腸

韓式放題好少食， 唔多鍾意食泡菜類食物，但今天放半天假，朋友堅持要去食仲話請我，當然奉陪電梯口個廣告好吸引， 可惜宮廷式海鮮鍋晚上才有得食！飲品豐富， 有柑桔檸檬 、 乳酪汁各類機制咖啡汽水飲品食物擺放整齊衛生, 熟食和生食分開擺放，款式多完化， 有中式點心、 蟹粥 、碗仔翅、上海粗炒、 芝士雜菜鍋…反而泡菜只有二款西餐飽點亦有韓式燒烤豬、牛、雞必有味道有辣有唔辣紅腸、香腸、 雞翼尖…蔬菜類都唔少， 冬菇、雞髀菇、秀珍菇、 豆角、翠玉瓜、南瓜片……有別於一般燒烤， 在爐面舖放了一張油紙，可以防止燒得太焦，而且有時會著火，食得健康 食物醃得入味， 凍肉的雪味都辟除了，其實食午市放題好過晚上食，人少可以悠閒地享受

今晚約左朋友去食韓燒！好耐無食肉啦。今晚要食返夠本！價錢正常價，唔算偏貴 講返d燒物，燒有各式牛！雞、豬、羊不同部位嘅肉任君選擇！我地要左牛舌、雪花牛仔肉、牛柳片、腸仔。。各種肉食都好新鮮。有d仲用調味料餣好。落鐵板燒一燒d香味聞到都流曬口水。個人最推介牛舌，五花腩同牛柳片！而且好入味！牛仔骨帶點脂肪，非常好味！全部都好好食！飲品是任喝的，基本上芬達、可樂、七喜..道地和韓國鮮奶溝忌廉等等都有齊..很夠冰凍，吃熱辣辣的燒肉很一支棒。

由大學年代開始食親韓燒都係揀韓舍由佢百幾蚊食到 依加$208加一~$230男孩們最愛既肉類唔止種類多 而且質素都幾好有啲仲會有味道揀添特別講下係有我必食既豬頸肉同雞腎！女孩們最愛既甜品真係唔係講笑一啲都唔hea 你諗到既都會有！燉蛋 奶凍 蛋糕 餅乾 泡芙 等等雪糕仲可以自制埋甜筒重點: 係連炒雪糕都有！全都是我的最愛呢！食韓燒 飲品對大家黎講相信係非常重要！有汽既 冇汽既 果汁類既 熱既 凍既 任君選擇重要特別推介 : 清酒真係要試試佢任飲唔嬲 好抵^_^真係唔係到到韓燒有嫁！抵我幫襯你咁耐年^_^

新感覺，第一次去韓舍，見到火鍋界中航空母艦， 海鮮味道5錯，龍蝦，蟹熟左仲有專人幫你分拆上碟 ，仲有放題，食完肚脹爆，唯一缺點通風系統唔夠，有d焗促，平均每人$330，一定有下次

聽朋友講旺角韓舒又推出新野，今晚放工一於同朋友去食下。餐廳環境清新乾淨，具足夠空間感。見到價錢$328 就食到勁豐富海鮮火鍋，不單有蟹，蝦，還有鮑魚，各種海鮮都有齊！真係好吸引。海鮮份量個人認為合理，而且又新鮮，這方便值得一贊，我會記住，下次再去食。然後，當然不少自助式韓燒啦，有日本刺身，炸物，壽司，各種韓燒肉類，火鍋類食品。飲品方面，也是自助形式的。特別一題是甜品類，款類很多，食番幾機都價回價錢。個人特別欣賞蟹足，燶烈蟹味，又有蟹肉，好好食。

今天是星期日 一家四口約齊到此店聚餐 看見食評不錯 雖然價錢便宜 但大家都略有期待 期盼有同是韓式自助燒烤店漢X相當的水準 一進店裏 被店員安排了六人大卡座 有舒適的環境頗佳的服務 可惜食物實在不合胃口！肉類如一口牛 味道都偏甜 是相當甜！食了幾粒已經完全不想吃 而且只有一類菜 供應少之餘 食上口更發現帶苦味！ 熟食方面選擇少 質素差 炒飯很硬 沙翁超級甜！壽司只有兩種類！我們看見有店員在大約13:30切三文魚 以為稍後有供應 怎料是晚市供應的質素可知⋯ 因為過於失望 也沒有拍相片 抽煙機感覺完全沒有發揮作用 來燒烤店食到成身煙味是意料中事 但連食物都這麼差 實在是貼錢買難受 再多優惠都不會光顧 我認為是可一不可再的店⋯

去食韓燒，食飽後，想食個甜品，通常選擇種類都不會多，今次去這間餐廳，甜品多到你估唔到，就咁每樣食一件，都已經飽到你食唔晒，而且趣好好味。焦糖燉蛋，細細杯用錫紙兜裝住，燉蛋上有一層焦糖脆卜卜，又很香甜，加埋香滑入口即溶的燉蛋一起吃，非常冇得頂。迷你窩夫，一口一件剛剛好，外層酥化，cream很香滑，不會太甜。生果水晶杯，望落去好似個水晶甘，好靚唔捨得食，裏面有士多啤梨等水果，口感像是啫喱，有QQ的感覺。

閒日黎到幾full bor 台台都有人坐行過見到有個超大型既海鮮鍋 之前冇見過 真心流哂口水 下次一定要黎試！另外同記憶中既韓舍比熟食種類好似多左好多仲要質素勁高真係好似buffet 級數！今日推介係即燒蟹棒！Wow 好正！肉類 蔬菜類 種類都真係好多！有我必食既翠肉瓜^_^肉類 必推大家食豬頸肉同牛柳粒！另外壽司魚生我當然冇放過啦！好新鮮^_^冇令我失望其實我都真係幾中意黎韓舍因為真係好多diy 野玩xd冇黎一排發現又有新野玩就係呢個燒八爪魚機同炸韓式年糕！除左新野 我當然有再次挑戰整格仔餅😎炒雪糕都好好玩 有成九種配料俾我配搭！$208 有得玩又有得食xd 不過時間分配好重要兩個中要玩哂所有野好忙 哈哈

今日同屋企人去街🚶🏻‍♂🚶🏻‍♀，見好耐冇食過韓國嘢，所以特登係街轉咗幾圈，見到韓舍廣告牌，睇落幾吸引👍🏻，於是就入咗去食😋我地去個陣7點鐘左右，已經好肚餓，好彩店員好快比到位比我地，好快就入座咗😀一開始見到個燒烤爐上面有張吸油紙，已經覺得唔錯😆之前去過啲韓式餐廳有啲冇吸油紙，燒到啲肉成日燒焦咗，燒燒下都冇mood。而呢間佢有呢個吸油紙，雖然薄薄嘅一塊，但係我印象已經很好🙂唔講咁多，馬上入正題😉因為想試下呢張吸油紙嘅功力🔥，於是我去咗攞肉黎燒，望落選擇好多，大概都有10多樣，又有牛肉，又有豬肉雞肉🐷🐥🐂，啱曬我呢啲吃肉獸嘅胃口😋一開始揀咗牛肉粒同雞肉，牛肉粒個調味幾香，有啲黑椒味，如果鍾意食黑椒就記得一定要夾呢個👍🏻而雞肉都幾滑，燒完即食個味道唔錯😍而小食方面，我食咗泡菜、中華海草等等，味道都唔錯正正常常，泡菜係韓國嘅代表，所以一定要食😉佢呢啲都係無限量供應，但係講明小食當然要少食啦🤪所以我都係食咗少少就留肚食其他嘢。係泡菜右面有其他熟食，我就鍾意佢個蒜蓉茄子，茄子雖然係素食，但係加埋蒜香味，真心香😘🍆之後我見到一個人專門燒蟹柳，一開始以為好高級要要額外比錢，點知原來唔洗，咁我當然要試

以前去韓舍 食放題 ， 都是食 韓式 燒烤， 現在韓舍 推出了新 穎 食物 可供 選擇， 是 韓式 宮廷 海鮮鍋。 今日 放工後 ，終於約了班 同事 去韓舍一試 韓式 宮廷海鮮鍋， 我看見 原來除咗我們之外 ，還有很多 食客 正在 享用緊韓式宮廷海鮮鍋， 可見此鍋很受客人歡迎 ，海鮮鍋盤内容是一大盤 各款不同新鮮 的海鮮， 名副其實是宮廷式， 陣容非常可觀 ，有新鮮彈牙 的 鮑魚 ，生猛紮紮跳的 龍蝦 ，口吐泡沫的麵包蟹 ，肉質結實的海蝦， 還有其他 貝殼類 ， 數之不盡 。蔬菜和蘿蔔， 冬菇 材料等。 材料豐富。 還可以出 美食臺 自取任食 各款不同的 美食。 有薑醋， 滋補的人蔘 雞湯 ，鮮味的蟹粥 ，巧手的壽司 ，和各款精美的 甜品，小點 。自製雪糕 ，任飲任食，非常超值 。