韓舍 (Closed)

今日同朋友約咗喺旺角行街，之後就上Openrice，睇吓有咩好食最後揀左間叫Korean House。單睇名以為係食韓燒，其實係食放題打邊爐，估你唔到！加$20有個刺身任食！佢係酒店式自助餐加火鍋，有甜品，雪糕同埋熱食，小食，選擇都幾多！啤酒汽水都係任好啦到咗戲肉啦，就係佢個火鍋放題，我哋揀咗鴛鴦鍋，麻辣同豬骨湯底，幾濃味，唔太辣，好欣賞佢湯殼，一物二用。火鍋配料五花八門，鍾意嘅話仲可以加錢食海鮮，價錢相宜！總括嚟講係鬧市咁嘅價錢食到咁多嘢，都真係超值！抵佢喺元朗開分店開到出嚟旺角！

成日行過創興，見到好多人排隊上去食野。我地都試返次。選擇了「韓舍」集打邊爐、自助餐、放題於一身。由於本人少食海鮮，所以選擇普通邊爐。但見到隔離枱好多人都點海鮮盤。好豐富啵。有麵包蟹、龍蝦、貝殼類...有興趣人士可試試。有啲刺身壽司可以點，都幾新鮮喎！我地叫左鴛鴦湯底：蕃茄&三鮮（菇）。個鍋幾得意喎。之後小食、熟食、邊爐料、甜品雪糕...全部都自助嘅。食幾多夾幾多！好正好多野食。樣樣都想試，但個肚食唔落...邊爐料👆🏻都好多選擇👆🏻混醬。熟食。👆🏻不用加錢嘅牛同豬，其實都唔錯吖🌟：有豬腳薑、加錢升級牛豬、試玩炒雪糕、棉花糖...啲staff 好有禮貌。會推介湯底同食物，仲問下客人有無feedback. 加水、收野好有效率！

點解會去食：今日同我愛人出街食飯，費事煮食物新鮮程度：⭐️⭐️⭐️還算可以，我覺得唔太夠款食物合適溫度：⭐️⭐️⭐️⭐️特別係d刺身同壽司，新鮮得黎唔會冰左咁食物驚喜程度：⭐️⭐️⭐️最大驚喜係個鐵板炒雪糕，可以自己玩架，幾過癮啦！—————————————————服務員態度：疑似老闆娘有心有heart，又有力，親切待人，其他員工反應快，做野落力—————————————————最重要係。。。我會唔會再去呢？重遊指數：⭐️⭐️⭐️以上評分標準以⭐️⭐️⭐️⭐️🌟為滿分

之前係旺角韓舍食過宮庭式韓燒，環境和食物都有水凖，最近剛局部裝修好同轉咗火鍋自助餐形式。當然要試試，感覺創新驚喜，地方更一望無際。轉咗火鍋形式，更多選擇，火鍋同湯底都有好幾款任㨂，多種調味料可自由配搭，鍾意自製dly 甜品都有好幾款如炒雪糕、章魚小丸子同炮谷等等。名牌雪糕、甜品有數十款、時令水果、各種品牌飲品重有暖暖日本清酒全部都任飮任食。雖然係食火鍋都有多款中西熱食；如蟹粥浠調適中、薑醋蛋同多款小食都係我至愛。琳琅滿目嘅食材擺放好整齊，豬、牛、羊肉好新鮮，生蠔肥美鮮甜。有酒店格調嘅環境同包羅萬有嘅食物加埋宮庭式火鍋都唔使$200元一個人簡直係超值。

星期一先食過咁快就翻尋味🤣，今晚仲大陣容全家出動一行13人，四美生日喎⋯⋯🎂🎉🎂🎉🎂🎉🎂🎉今次陣容強大單睇刺身同壽司都流哂口水，件件肥美厚切今回盡情享用，實行食左先算。雞煲香噴噴嘅走地雞味道剛好。麻辣鴛鴦鍋麻辣夠香做火鍋湯底夠惹野自家撈，我最喜愛麻辣自加撈，木耳、豬耳、牛肚、青瓜同紅腸要幾多撈幾多。火鍋料，片片肥瘦適中。生蠔焯過不會太縮水😜有得食有得玩，章魚🐙小丸子燒姪女攪作甜品我又黎喇！酒店級水準果然係有一定水準👍食物太多無位放所以放大多相片，我們一行13人又飲又食歡歡樂樂慶祝了快樂生辰！

與朋友想打邊爐，見到有新出海鮮鍋，就緊係要試下啦湯底揀左兩款，大路嘅豬⻣同麻辣湯底。個鍋嘅設計都幾特別，唔好以為正中嘅麻辣湯底得好少，但個鍋有一定深度，6下6下，啲精華就集中哂，夠哂濃味，夠哂香麻。豬⻣湯底味道正常，無咩特別。主題黎啦，海鮮拼盤好足料：鮑魚彈牙，蝦新鮮，蚌爽口，蜆肉清甜，龍蝦肉爽，但比較起黎 蟹就失色左少少啦~但食哂呢個拼盤都已經飽左7成啦肚子仲有3成位置，可以出去拎d蔬菜，雜菌，牛栢葉，好多唔同丸類.....等等打邊爐，款式都唔少㗎，所以唔可以一一試哂最後仲有甜品櫃，雪糕櫃任拎任食，真係要捧住個肚走先得啦

想試好耐，見裝修完天氣又涼涼地，約埋亞妹同姨甥仔去食食食，早一日book定海鮮鍋。海鮮鍋超吸引，有2隻麵包蟹＋1隻龍蝦＋6隻鮑魚＋6隻貴妃蚌＋6隻元貝＋一堆蝦及蜆。d海鮮好新鮮，老公話抵食👍美中不足係2個鐘時間吾多夠，事關吾係一坐底上湯底，上左湯底仲要等果活動湯滾起，實際吾夠2個鐘囉。仲要未夠鐘已叫我地走😖

聽日終於放假啦，放假就係要放肆大吃大喝先治癒😚！是晚約左O先生一齊去韓舍食雞煲火鍋放題，以為同平時食開嗰d一樣，點知原來多咁多野食選擇，豐富程度好似去左洒店食buffet咁🤭。門口- 木系同柔和燈光，仲有個向住你鞠躬既人形燈飾，幾搞鬼👻室內環境- 好大好有空間，唔同野食好似熟食，火鍋料，壽司甜品都分佈唔同區域，揾食路線非常清晰🤓👏一坐底冇耐店員已經預備好雞煲，每隔一陣都會過嚟睇下雞煲熟未，美味子我同O先生就即刻叫d壽司🍣食住等🤡🤡個桂花邦刺身都幾爽滑👍🏻飲品都有分類，啤酒一個雪櫃，汽水、紙包飲品一個雪櫃，隔離仲有熱清酒同其他茶水咖啡供應，一應俱全！火鍋🔥配料全部都放晒出嚟自己拎，唔駛嘥時間等d食物到，美味子可以係到真正發揮到任食精神。Xxxxx火鍋🔥配料區域都好多選擇，牛腩、牛孖筋、魚腐⋯⋯丸類、肉類、菜類、瓜類、菇類🍄等等每一類別都有最小4種或以上款揀，美味子都食唔晒每一款😛呢個就係放熱清酒既位啦。🍶👇🏻甜品區域有DIY格仔餅（隔離係DIY章魚小九子🐙），炒雪糕（冇影到）。最後食埋幾款甜品同個🖖🏻Dreyers 雪糕就走啦，賣單兩位都係$340！抵食👍🏻美味子真係要積極做運動先可以繼

同大學同學聚餐 搵左呢間邊爐放題食！一黎到 都幾闊絡 環境乾淨企理 唔錯叫左雙拼鍋 麻辣同番茄麻辣好辣！ 但好正 推薦呢個！番茄一般 無乜番茄味 肉同野食都係自助 甜品 熟食都唔錯仲有海鮮 野飲選擇正正常常 都係放題會有既佢都有 肉黎講 正正常常 同班麻甩佬邊食邊吹水 唔錯總結 地方闊 環境好 聚餐一流

旺角是日韓燒烤店的密集地區，可說總有一間在附近，甚至在同一商場就有數間日韓燒烤店。剛好假日大伙出街，想找地方坐，當時正值晚飯，朋友提及吃過元朗的 "韓舍"，說超抵，我們即使在晚飯早輪提前去到，坐下後也很快爆場。餐廳內部寬敞開揚光猛，且大部份是靠窗的 4 人或 6 人卡位，座位充裕。餐廳有下心思去佈置，將食物放在中央長廊兩側，坐那都能看到食物，而且每盆都附上名牌，另有獨立夾子，很有條理。水吧左側就是自助小食機，主要有三款自製機（1）炒年糕（2）章魚小丸子（3）天婦羅。每款機旁都有牌清楚說明做法，可自己試下，燒板算乾淨，應有定時換洗。走過看到小孩在玩炒年糕，狀甚興奮。入門轉右就是冷盤部（包括沙律，刺身，壽司）。首先是沙律吧，都是簡單的沙律配菜，如紅菜、蕃茄仔、雜果、粟米等，但蔬菜新鮮爽脆，生果亦鮮甜爽口。另外，沙律吧亦有自助撈冷麵（可以撈蛋絲或蟹柳絲），還有胡麻醬及千島醬可選。沙律吧旁就是壽司部，都是即場製造以保新鮮，有三文魚、卷物、玉子、腐皮等，會不定時轉款，款式不多，但乾淨衛生。再向右就是海鮮刺身，有三文魚、希靈魚、象拔蚌、冰山貝、八爪魚等，即叫即切。至於冷盤海鮮，則在熟食部那邊，有青

發福的十月每年十月是我最被受歡迎的一個月，今晚是生日飯局第一回，朋友選址旺角創興「韓舍」。👍這間以酒店放題見稱一向什有質素，今晚再光臨更是換然一新，全新裝修過更見寬敞舒適，空間十足！以前是韓燒現在攪攪新意主題「火鍋」，有海鮮鍋、雞鍋、養生鍋，我比較喜歡惹味我選擇了雞鍋。🐔🐔🐔煲滾的雞鍋揭蓋隨即香氣四溢，滋味滿瀉！食過雞鍋服務員主動幫忙加入高湯，這回又可以打邊爐了，一鍋二食抵！火鍋料都有很多選擇全部自己任取，食幾多攞幾多。惠顧晚餐只需加 $20 就可享用任食魚生及壽司🍣鰻魚芝士😋正啊！大口吃大口喝隨便唔好客氣😁新增設自加撈味道超爽，酸辣定麻辣自己揀。大人愛飲啤酒小孩愛玩樂，自己動手制作章魚燒、炒雪糕同格仔餅，正所謂有得玩有得食一家大細樂也，我都有成功之作架！酒店星級甜品，不是隨意是有質素的，講無謂入口方知味兒，香滑清甜滿載🧚🏻‍♀️幸福。服務態度主動殷勤有禮主動，全晚感覺無論在環境、食物及服務都超有水準，這個第一回的生日飯局令我非常開心，多謝閨蜜👭！當月生日仲有免收一位優惠，不過要六人起，所以我即刻約齊人馬星期六再會！🤣🤣

今晚收工約左個老友去旺角，又係火鍋之夜，搵搵下見到韓舍就上去，好彩未係好夜，好快有位一入去就見到個好大既甜品bar枱，放滿晒甜品另一邊就放左個大雪櫃，有罐裝汽水同紙包飲品另外重有個保溫既清酒可以飲我地揀左食雞煲先，一黎到已經好香，煮多陣就可以開始食D雞肉好大件，好入味食完雞煲之後我地加湯變火鍋，期間我地叫左d魚生同涼伴小食火鍋配料要出去拎，有好多款我自己好鍾意食貝殼類，所以我都拎左幾轉最後甜品時間，佢既焦糖布甸真係好好味，焦糖燒得脆口

今晚同老公打邊爐，唔係，應該係食放題?定係放題邊爐?又或者係自助餐邊爐?哈哈，呀媽好亂呀🤣總之想食日本野，又想食自助餐，又想打邊爐，黎韓舍就滿足晒。餐廳門口幾大，等位都唔會迫，最特別係門口擺左d小道具俾人影相，又幾好bor,豬都玩左一陣。餐廳入面嘅燈光好柔和，四周嘅裝飾好grand，座位舒適又乾淨，環境造到好似5星級酒店餐廳，所以即使係打邊爐，都唔會覺得好嘈吵。食物方面，種類非常非常多。首先飲品有紙包飲品，啤酒，想飲熱野仲可以沖花茶同熱朱古力奶添。熟食有蟹粥，海鮮薯茸，肉碎小丸子，意大利芝士雲吞，牛肉球等等，試左蟹粥同牛肉球，蟹粥綿綿的，入口帶海鮮嘅甜，而牛肉球都幾彈牙，加埋日式醬汁，個配搭又幾得意。打邊爐材料係自己拎，款式好多，而且好新鮮。肉類都係自己拎，見到咁靚都可以放心拎多幾件，有時叫左d野，點知黎到食材唔新鮮，唔要又浪費，而家可以睇岩就拎，又唔洗order，都幾方便。響鈴脆卜卜，索晒湯嘅味道。牛肉夠嫩又好重牛肉味，食過返尋味。午餐肉，厚身唔會鹹。粟米超甜，黑椒味香濃嘅牛丸，魚皮餃同烏冬吸晒湯入面嘅味道，香濃而不鹹，都係豬今晚最愛食。其他食材例如生菜、芝心丸、水餃、魚腐等等都真心

韓舍幾個朋友不約而同話想食韓燒，上openrice search下，見到呢間食品種類幾多，openrice上的食評又不錯，便決定一試。餐廳環境算是舒適，比很多放題店寬敞，四人坐卡位亦不覺擠迫，這個值得讚，餐廳就好似酒店式自助餐，有打邊爐的材料、冷盤、熟食、刺身, 就連 熟食都有好多選擇！有中西式的，還有蟹粥，粉，湯和糖水等，所有野都係自取。養生鍋湯底超級足料，一入口就有濃郁的香味，為整個湯底提鮮不少，還有原隻豬手，肉質唔會老，配上大份量的配料，飲完大半碗湯都有少少暖胃嘅感覺，可能真係有養生功效。店員服務好體貼，每次都幫我地睇下水滾未，當一水滾便會幫我地拎開煲蓋，令我地可以暢快談天。刺身有幾款選擇, 三文魚好肥美好甜，山貝好爽好鮮甜，希靈魚就平其他放題厚切左都好好味。三文魚腔既我，十分滿意依度既三文魚刺身！首先厚度足夠，紋理亦不錯，味道帶魚油味，入口即溶，無得輸啊！手做壽司一盆接一盆，都有幾種款式選擇，味道不錯。呢度仲可以 diy 章魚小丸子、炒雪糕等，貪得意玩左個章魚小丸子，真係好好玩，墨魚同菜都係自己加，又可以自己控制，我燒得都幾脆，整得好好呀。甜品方面，餐廳提供大量不同款式既甜品，

忙碌了一整天，終於可以收工啦！🤪慰勞一下自己，即興約同事去食火鍋放題😬，就係公司附近有間叫「韓舍」聽講嗰度環境坐得舒服，酒店式任食火鍋自助餐😍來到創興廣場大堂，一眼看到大大個招牌上9/F👏入坐後，服務員提示我可以點小小日式小吃，食住先😆壽司🍣送到，即叫即整，好新鮮😋飲料區有多選擇，任飲，雪糕任食🌟熟食區域，擺放整齊乾淨🌟火鍋配料區域，種類繁多，想食嘅火鍋配料都有齊晒🌟幾得意，可以DIY 💪章魚小丸子＆格仔餅👍甜品區，好吸引，見到流晒口水🤤火鍋鍋具高貴優雅韓式風格，急不及待品嚐一下美食😋，先來一口牛肉，肉質嫩滑，再來一口豚肉，感覺好肉質好薄，樣樣都好好味😍😍最後食埋甜品🍮，好滿足喔！😊