咕咕洛夫甜品 (Moved) New Location

請同事食餅，唔想幫襯連鎖店，喺Facebook搵左呢間，見師傅背景幾特別，好有經歷，直覺覺得應該會好有heart，想支持一下，決定放膽一試，結果冇令我失望。咕咕蛋糕賣相好精緻，買了10幾個，雖然有四五個都是伯爵茶味，但上面的馬卡龍也有不同，可見心機。包裝亦都非常精美，馬卡隆很好吃不致太甜。我自己是了伯爵茶味和熱情果味，很香，熱情果名更加非常清新。蛋糕與一般cup cake不同，不會太飽飽滯滯，中間的忌廉配搭起來更加令口感不會太乾，正！因為看了報導所以奉獻第一個openrice 食評，哈哈但沒特別加分的，純粹支持小店，希望師傅keep going!

我非常非常喜歡嘅一間小店！店主非常親民不特止，又好客，真係當每一個客人係朋友。最重要嘅係每一款甜品都食到一份心意而且又好味，係香港好少搵到呢種甜品鋪。如果唔係店主叫我睇佢個人簡介，點都估唔到原來店主係一個有故事嘅人！仲記得第一次幫襯咕咕洛夫甜品嘅時候，試咗佢嘅朱古力泡芙同埋試咗三種曲奇餅。每次坐低店主都會沖一杯茶，比客人慢慢品嚐甜品，再飲一口茶朱古力泡芙！菠蘿皮，咬落時外脆內軟 絕對唔會好似食空氣咁！而且cream唔會太甜 仲有好香嘅朱古力味 絕對好味過平時地鐵站嗰啲泡芙朱古力曲奇，係我個人最鍾意食嘅曲奇，店主用嘅材料絕對唔馬虎，採用法國牛油/可可粉，韓國黑糖，朱古力味非常濃郁，咬落去時非常香朱古力味 仲會有啲朱古力釘喺入邊，黑糖同朱古力味非常配搭，食完一塊朱古力香味仍然可以係口腔中感受到，計計埋埋已經買咗四包朱古力曲奇第二次幫襯嘅時候，當然都係買咗一包朱古力曲奇，同埋第一次試招牌咕咕洛夫蛋糕！一次過試左檸檬同朱古力味，好記得店主話我係第一個坐到一次過食兩個蛋糕嘅人甜品係兩個胃！本身個樣已經好靚，而且上邊仲有馬卡龍，論賣相已經非常吸引！首先試咗嘅係檸檬味，意想不到嘅係個蛋糕完全唔乾身，

自從睇到報導後，就心心念念去到銅鑼灣一定要食。小店位於銅鑼灣地帶，人流較少，店面又小小的，位置都唔容易搵。-一去到就見到個櫃擺哂唔同甜品出來-第一眼其實係更想食馬卡龍先。呢到既馬卡龍同出面既有些少唔同。外型較肥扁，店主話係意式，可能同法式精緻又細小既做法唔同。下面一粒係焙茶 一粒係朱古力本身想揀伯爵茶 但店主話賣哂了兩粒馬卡龍甜度適中個人更愛焙茶特別既味道-最後當然要試試咕咕洛夫係乜啦今次揀左綠茶味上面有粒細細的馬卡龍原來咕咕洛夫係一種口感偏實的蛋糕有啲濕潤既口感店主服務親切熱情，主動提出翻熱服務亦唔會過份hardsell

今次有幸試食咕咕洛夫蛋糕, 我一去到見到d 咕咕夫蛋糕勁鍾意 , 件件都好精緻吸睛, 好有驚喜,  我同老公試咗熱情果同朱古力味既咕咕夫蛋糕, 朱古力味好濃郁,但又唔會甜到漏,口感軟綿,好味 ^^3 , 而熱情果味味道清新, 酸酸甜甜, 好開胃 , 正正正呀!!!ps: 咁好味既蛋糕甜品, 絕對有下次呀, 嗯嗯, 我要試埋曲奇, 馬卡龍先滿足到我呀

一出糧又黎左呢度買甜品食今次都係買左咕咕洛夫蛋糕，馬卡龍同埋黑朱古力曲奇。呢個真係好好食！！！蛋糕入面仲有d 朱古力碎，我而家見到張相就好想食喇🤤🤤🤤今次試埋玫瑰荔枝味，焦糖味同呍呢拿味玫瑰荔枝味個餡中間有個好似啫喱既野。口感好得意本身我都好怕焦糖味太甜，但佢又唔會！好煙un, 同埋個餡擠得好平滑，側面睇好治癒啊🤣呍呢嗱味老闆話係用貴價既雲價既雲呢拿籽，唔甜，同埋食完仲齒頰留香！今次仲叫左兩個芝士味，真係好好味同口感太正啦！！仲試埋黑朱古力曲奇，好鬆，唔太甜，好好食～買左兩日而家已經得番1/3包🙈🙈

試咗檸檬及朱古力味既咕咕帶回家同家人分享。Yummy😋🍋檸檬有陣陣清香檸檬味香濃既🍫朱古力味咬落好似muffin既口感中間既cream唔甜仲好滑，仲係老闆即刻唧入去，再係中間位置既頂部放上一支朱古力脆卷及細細粒唔同味道既馬卡龍。咕咕上既馬卡龍有陣陣香濃既伯爵茶味仲好脆口，又唔甜。另外我仲試咗朱古力泡芙，用黑糖整既曲奇皮，好滑又唔甜既朱古力cream。最緊要一啲都唔甜，啱哂愛食甜品又愛健康既你。值得一試。😋😋😋咕咕仲有幾款唔同味揀，一定有款你最愛。老闆仲比我揀用咩款既紙盒放咕咕，我比較鍾意手袋款既紙盒。老闆既故事，感動人心。❤

今天食神帶了包朱古力趣曲奇返公司, 其實未食都知係好野!因為佢推介的都有一定水準!當咬了一口後, 曲奇的可可味道超濃郁,朱古力和曲奇味道很香!所用的材料應該有一定質素!據食神所講, 此店是賣一種叫"咕咕洛夫"的甜品! 而此店的甜品亦有出口到台灣!

之前有經過呢度，見到甜品好靚，但無買黎試。今日心癮起，好想食，收左工就去買。包裝十分精美！！好靚😍老闆即場唧CREAM & 裝飾～先講蛋糕，買了芝麻味給媽媽試。佢唔鐘意太甜既甜品，呢個合佢心意！！cream 好好味😋😋媽咪好鐘意👍🏻仲好鐘意粒迷你馬卡龍，話唔太甜，仲將d cream 同蛋糕碎清埋🙈🙈到我最愛既馬卡龍，我仲以為fix 左d 味，原來可以自己揀🙈於是揀左(焙茶，玄米抹茶，朱古力酒，伯爵茶，芝士，朱古力）粒粒都咁好味，特別老闆推薦既芝士，一定會番轉頭幫襯！👍🏻👍🏻👍🏻PS 老闆加油！！被你的故事所感動！！

咕咕洛夫蛋糕係歐洲傳黎嘅，個造型似皇冠，我又覺得似日式布甸個樣，但其實佢係一種蛋糕，d人就會好奇佢同普通海綿蛋糕有咩分別呢？如果只係得個樣係唔同，我做咩要食咕咕洛夫而唔食普通海線蛋糕。 確實呢，咕咕洛夫比起普通海綿蛋糕口感 無敢輕盈，它是一個實在而略帶鬆軟口感，無好濕潤嘅口感的蛋糕。取而代之，口感係乾爽d ，雞蛋，糖，面粉份量配搭取決於是否可以做到脫摸動作，而出到皇冠造型。口味變化多端都係咕咕洛夫無可取代的優勝地方，不同口味，顏色配搭，而冠上不同造型，令人目不暇給，呢d都係普通蛋糕做不到，而因為喺甜品世界，個靚字係好重要!講番今次我挑選的橄欖油冧酒提子咕咕洛夫，我要橄欖油而非牛油，係因為橄欖油膽固醇少d外，亦因為可以無牛油敢重油香味 ， 而冧酒提子喺法式甜品界中係常有配搭，所以好能有食法式甜品的代表性。而皇冠上的馬卡龍可以俾我享受 一個價錢兩種品嚐嘅優待感。用义吉落咕咕洛夫時，他的質感實中帶軟， 有咬口，而冧酒味道徐徐而來，跟蛋糕合作得非常自然，提子保有濕潤度無乾身。我認為食咕咕洛夫要帶cream 去增加口感，否則好寡。講到個馬卡龍，老闆係好推薦，確實他做的馬卡龍相對低甜，但都係甜食，

本身好鍾意食甜品，之前睇facebook見到店主既故事已經想去買黎試下，希望大家多d支持本地小店，更加多人整甜品開店。係cwb返工，難得收早，放工即刻去買黎試，好耐無行過銅鑼灣地帶，係一樓唔難搵，行下就見到，店鋪範圍不大，好小巧。店主好nice,仲有溫馨提示點食～買左5件咕咕洛夫@檸檬@朱古力@雲呢拿冧酒提子@士多啤梨@熱情果買比bf同家人試下，哥哥唔太食甜野，佢都話唔漏，幾好食。我自己每樣都有試，最鍾意冧酒提子🍇，有提子粒係入面。有口感！.D cream都好綿，個cake好鬆化。值得一去，大家都去試下啦

高級抵價的咕咕洛夫~吸引我第一次吃的原因,除了咕咕洛夫的外表外,是老闆的人情味~那天買了四個咕咕洛夫,以及六小件馬卡龍,留在飯局後作甜品享用~果然其味一品~味重但不太甜~選擇多所以會再去幫襯其他味道~感謝老闆二人用心解說及意見分享~謝謝你~~

係fb見到飲食男女的推介和訪問，老闆albert的故事令我很鼓舞，對神的作為很有同感，所以今星期已是很2次去albert的小店，2次幫襯的都是泡芙，朱古力泡芙的面很脆很有朱古力味，望落有點似波羅包，中間夾心的朱古力cream,超讚，有別於一般的普通cream.絕對值得試下，因很趕時間，所以冇試到其他，但下次經過絕會番食。同Albert傾左陣，分享了大家的一些經驗，有點共鳴，對我而言很鼓勵的一個故事。

星期日一大清早打開面書，見到有關 的採訪。店主的人生經歷深深感動了我，所以決定午飯過後到店子拜訪一下。 曾幾何時喜歡的銅鑼灣地帶， 現今商場已變得冷冷清清，人流小是店舖的至命傷， 在這裡開店一定要經得起時間考驗。 不能否認傳媒威力驚人，一經報導後, 除了我之後，也有其他女士過來支持店主。 餅櫃內放滿了不同味道、不同顏色的咕咕洛夫蛋糕，看見色彩豐富的蛋糕，令人心情都特別輕鬆。 正如店主的理念，做甜品希望令人得到快樂，呢點我完全認同，所以我特別鐘意食甜品。 看見店主好忙，只是和他說了幾句客套說話後，就買左一件 和杏仁酥送比朋友食，味咕咕洛夫蛋糕留返晚飯後慢慢嘆。 蛋糕以粉藍色紙盒包裝，附上小手挽，更添幾分可愛。  如小皇冠的蛋糕，中間藏著黑芝麻Cream，加上一片白朱古力，絕不花巧。 我第一口先吃蛋糕外圍， 口感有點干，接著連著cream一同放入口中，口感變得順滑，又唔會有過多的cream 封住喉嚨。芝麻味亦相當香濃，甜度也恰好，一點都唔覺得溜。對於我而言人絕對可以吃兩、三件。一邊吃；一邊想著店主的故事，令我吃每一口蛋糕時更細味他的心血。 他的故事加上他的誠意，亦是我會選擇繼續支持他的原

以小型店舖來說，款式選擇相對很足夠，各式各樣，選擇不少。每件甜點都很精緻可愛，也很特別，味道不太甜，很適合我們的口味，也很有驚喜，價錢非常合理，看得出店主很用心經營。真可算是麻雀雖小，五臟俱全。

今次第一次光顧此店，買了馬卡龍，咕咕蛋糕仲有蝴蝶酥 。本來想試芝麻咕咕夫蛋糕，可惜售完了，店主向我推介了 Lemon 味的。味道不錯，不會大甜，還有清新的檸檬味, 但又不會酸。蛋糕的口感也不錯！👍🏽馬卡龍，有很多味道可以選擇。試了6個味道！最喜歡是朱古力味 及 伯爵茶味! 這兒的 馬卡龍，不算太甜！適合一些喜歡馬卡龍，但又怕太甜的人！蝴蝶酥, 夠鬆脆! 夠新鮮! 一囗氣便忍不住要連吃幾塊！😂店主提醒未食晒記住放喺密封袋 or 盒！