九龍燒味餐廳 (Closed)

想食炒飯, 很冒險地入了這間老牌新店. 下午茶只得一款炒飯, 唔使揀, 重好.奶茶, 細杯品種, 味道可以吧, 都係奶味夠, 茶味不足.沙糖匙更好耐無清潔….阿姐…. 講吓啫…點敢勞煩阿姐.. 想找死咩…上檯時, 望見顏色白白, 同白飯原色差別不大, 已覺得中了半伏. 再用义攬了一吓, 當堂無晒心情, 滿心期限的美好炒飯, 就給這個下午茶餐毀了…. 蛋白, 一大舊的, 炒時都未有攪散. 飯炒得差, 一舊舊, 未散開, 入口真如白飯一樣, 根本唔似炒過飯的香口, 求其得很. 芥蘭粒, 超硬, 生炒, 但未炒得夠時間. 有一丁點兒的燒肉粒, 切埋應該有一件2cm x 2cm 的燒肉大少.整體好差, 我知你做燒味, 但其他食物都唔該比D誠意吖…哎咻..!!! 天呀……….! 好失望, 美好的下午茶願望被毀滅了,  好唔開心, 好無奈, 好想.......好想...... 寫食評呀....哈哈哈...

又經過佐敦，真喺唔知食乜好，因為實在太多嘢食！忽然令我諗返起四五個月前食過嘅九龍燒味！依間餐廳真喺令我對中式燒味改觀不少，所以要再次幫襯！今次貪心啲，一次過試哂佢哋嘅主打，叫咗碗《四寶飯》！無嚟四個幾個月，出品依然有種新鮮感，叉燒依然肥瘦適中，唔會太硬，又唔會太肥！好似上次咁講，我真係好怕啲叉燒又乾又硬！依間出品嘅真係軟硬適中，好有口感！燒肉又一賣點，燒肉皮香脆可口，咸咸地，送飯真係一流！另外，半隻咸蛋連殼上，其實咁先叫正宗嘅做法！半隻咸蛋撈飯食，真係一流！最後，真係著得一讚係，多數傳統燒味店，都好大油煙，地方坐位都總係油淋淋咁！但依間燒味店，無論環境裝修，衛生真喺好好，非常！

服務方面很一般, 收唔平問多兩句就粗聲粗氣, 黑口黑臉.燒味都係一般, 真係唔知道可以點寫. 似乎整體水準什為飄忽, 有時候太鹹有時候太淡.叉燒似乎係呢度的招牌, 叉燒肥膏甜瘦肉鹹, 除了稍硬.玫瑰雞不錯, 滑滑地鮮甜. 燒鴨都一般, 沒有什麼特別.燒肉涼的而且不脆稍鹹, 飯稍硬不過過得去, 湯完全係味精湯.飲品不錯, 奶茶很香濃, 咖啡也很香, 似乎水吧很用心的做.想挑剔的係個收銀脾氣不好之餘數學也不好, 但只會收多.

今日下午茶時間同朋友行過佐敦，又見肚餓，諗住係附近是但搵啲嘢食下就算！因為我朋友佢本身好鐘意食燒味，咁啱有間燒味茶記喺街角附近，就走咗入去試吓啦！其實我自己本身好唔鍾意食燒味，又乾又難咬，味精又多！但依間餐廳話主打燒味，就勉強叫碗《叉燒烏東》試吓啦，天氣凍加杯熱菜蜜做餐飲！咁我老友當然叫咗個《燒味拼盤》啦！《叉燒烏東》賣相普通，但配料十足，烏東煮得啱啱好，唔會太淋，又唔會有酸味！叉燒浸落碗烏東湯底，諗住實成碗豬油啦，竟然冇乜豬油浸出嚟喎，依個真喺賣點！成個湯底根本上真喺冇乜油，只喺比較咸，但可以接受！《燒味拼盤》用上半肥瘦叉燒！食落好有口感，又彈牙！對傳統叉燒完全改觀！燒鵝又喺一絕，真喺皮脆肉嫰，完全無燒過火同乾淨淨嘅感覺，明顯喺燒得啱啱好！油雞嫰口滑溜！燒肉真喺好好食，皮脆肉瘦，無肥膏！依間新派燒味茶記，真喺值得推介！平均每人 45 蚊，抵食好味！

沙嗲牛肉不錯, 醃粉度不高, 可是湯底出錯了, 並非沙嗲, 而是淡淡的蕃茄湯, 也好, 有另一番風味. 米粉不粗不幼的款式, 口感也好, 爽口.粟米炒蛋, 原來並非炒入蛋中, 些少失望, 蛋炒得過熟, 一塊塊的, 硬實, 粟米是罐頭式甜粟, 味道好, 多士唔合格, 邊位極硬, 又唔熱.上星期也來過食下午茶, 不過忘記了影相, 唯有只用文字:與佐敦道的三洋餐廳相距不遠, 就在轉灣位置, 廟街口, 開了這間九龍燒味, 兩間餐廳的價錢和食物都相類似.下午茶時間, 餐牌上的下午茶餐其中一款: 酥炸大雞脾, $30, 寫得”酥炸”, 就梗預期係有炸粉啦, 誰知上檯時, 原來係”無粉”炸脾. 咬一口, 熱力足, 即炸雞脾, 好難唔好食既, 但味道十分淡, 好似完全沒有醃製過, 中間心仍有些少紅, 炸得不夠透徹. 沙律, 兩塊切得薄薄的蕃茄, 連皮得切走, 莫非唔夠新鮮, 所以切皮?? 但咬落也不算太差. 沙律材料不外乎罐頭果粒, 但有點小驚喜, 有混合了新鮮紅蘿蔔和薯仔粒.食完炸脾, 唔多夠, 叫多件”油占多”, $12, 餐牌沒有寫明是”厚身”, 如果多士做得好, 揀”厚多士”好過一般既”薄多士