九龍燒味扒皇茶餐廳 (Moved) New Location

由小都大經常去旺角吃飯，都知道沒有更差只有更差的道理，每次去新食肆都沒有僥倖的心態，畢竟是旺角嘛，飽肚便可以。不過今次實在有驚喜，以花園街來說，除了肥姐是讚好，其他如吉野家，許留山這些連鎖式都比一般難吃的。因為這間茶餐廳隔離左右我都曾經試過，所以一直也沒有好感的。之前也看過其他關於這間的食評，都是劣評居多，以一碗叉燒飯來說，在我心目中以有排名的，叉燒半肥瘦，燒得很有力量，汁和肉都鎖得好緊。雞竟然有雞味同嫩口， 在香港已很難吃到。淨係叉雞我評價很高，但服務應是一般般，就收銀阿姐都好像成條花園街都得罪過的樣子！！！

因今晚我與老公趕著去睇戲，便隨意找一間方便又不需行樓梯的食肆醫肚，最後進入這間未試過的茶餐廳。坐下後，伙記拿了一MENU給我們，我未打開MENU已嗅到MENU散發著一股如衫多天沒洗的臭味，未開餐胃口已被影響，從這小節亦反映了衛生出了問題。點菜時，待應態度欠佳，說話呼呼渴渴，毫無禮貌可言，老公ORDER時說跟晚餐叫熱菜蜜，問她熱菜蜜需否加＄，她的答案簡直嚇壞人～要加$8，我老公費事花口水，叫了熱檸茶算了。跟餐飲要加三元。餐湯羅宋湯來到，如加了水般的稀，有少許SPICY，勉強還可接受。主菜（牛扖拼豬扖）才是戲肉，先吃豬扖，一咬便吃到濃烈的雪味，我吃了半塊便忍受不了吃不落；接著吃牛扖，以為較為惹味，更糟糕！我覺得似比牛肉乾更硬的柴，切也難切開，又硬又毫無牛肉的惹味，應該是雪過、「拿」過又煮得過熟。吃了不足半塊亦投了降。為免浪費，我老公替我吃了點，他亦不多享受。總括而言，這樣的水平，連屋邨的小茶餐廳也不如。一人$48，在其他地方可以食到滿意的一餐。堂堂一間在旺區、遊客區的食肆，以上述的質素及環境，收取並不算經濟的價錢，是否對得住消費者，相信大家心中有數。

咁啱行過旺角食下午茶，見到有位咪入去囉人唔算多，大約六七成滿到啦但係侍應就得兩個！　我係位度等左成三分鐘先有牌囉左牌之後個侍應就企左係度望實我等我落單過左一陣有七八個客人來左啦，個老闆就喝我去換台野食又未到，已經受埋受埋咁多氣根住上左三文治同凍奶茶凍奶茶不過不失，三文治就有意外驚喜。總括而言算是不錯的但係個老闆一路係我食緊野一路係度鬧人鬧舖租，根本無停過口佢遞野的時候又係咁俾佢睥俾錢來受氣咩！成個人心情差到不得了

同朋友晚上經過呢間棻記, 價錢唔平, 小菜都要 $50-$60 碟, 咖喱飯都要成 $45, 我朋友講想食燒味而旦肚子都發聲了, 於是3人就選擇了人生中最差一間棻記. 首先, 我朋友碟雞鵝飯, 不知所謂, 雞骨多, 雞肉少, 鵝有異味, 成碟飯汁多過飯, 叫個隻腳行得慢個老細遇來, 竟然講係我朋友口味有問題, 換遇碟要收服務費.

一家人和朋友共四人開開心心去食個tea傾吓計！每人最低消費$15！本來$60蚊無乜所謂！但落單位黑面神勁無禮貌的解釋，原來要位位叫份茶餐，也無所謂吧！但佢呼呼喝喝話呢杯嘢又唔俾跟餐，態度勁差！我火都嚟埋！叫杯檸賓加$8悕過水！嘢食都OK! 媽媽俾錢時收銀的阿姐又喝佢行開勿靠近收銀機！心情幾好都變差了！

試過隔離好好, 今日就食吓九龍燒味既下午茶, 抵達時, 人不多, 但每張吉枱都擺放"留座"的咭片, 目的相信係店方唔想客人亂咁坐, 耍經過店員的安排才能入座九龍燒味名稱的由來, 相信餐廳應該係以自家制燒味自居, 看見很多客人都點了燒味的食物我和朋友仔則叫了西式的魚柳飽跟熱奶茶和豬扒飽跟凍咖啡少甜, 先來兩杯飲品, 凍咖啡色澤很淺, 一飲之下, 果然沒有絲毫咖啡既味道, 比自家沖還要差, 只有淡淡既奶味, 入口非常淡 至於奶茶需有茶味, 但略嫌入口不夠香滑接著到魚柳飽上枱, 飽身烘得很脆, 帶點點燶, 可惜店方很吝嗇, 只有半塊魚柳, 還要用了厚厚粉槳包住薄薄的魚柳, 不留意的話, 入口只吃到脆脆的粉槳, 丁點的魚肉必須要憑肉眼才發現, 至於魚肉味道則欠奉豬扒飽也差強人意, 豬扒炸得很乾身, 沒有些微的肉汁, 只靠小小的沙律醬來中和乾巴巴的豬扒題外話, 吃完不久, 我的肚子頓時起了化學作用, 至於朋友仔則慶幸沒有事, 再者, 吃下午茶應該唔會再揀呢度, 唯一要再試既, 就試下佢地既燒味係咪咁耍家

今日同老婆路過，咁啱想飲杯茶，食件多士，就呢一間啦!點知兩杯茶到左，真係離晒譜！我知宜家物價貴，有時唔係好介意價錢問題！你叫得做茶餐廳！杯茶竟然得八成半，但價錢就收十足，真係離譜！食仔西多士，啲糖漿開水開到水咁無晒味！有個伙計仲離譜，我老婆大婆大肚，正常一個人都行過少少畀人過啦！個伙計寫單就大晒唔埋人的！後來原來老闆都係咁，我老婆講三次：「唔該借借」都唔行開少少，企正門口！仲有當時十一點一個字左右，成間鋪都放晒留位牌，真係唔知佢想點！唯一可以話係好的，就係燒鴨係自己燒的，一隻隻掛晒出嚟吹乾！

中午同老豆睇完醫生，走咗去好耐冇去嘅花園街...本來想去樂園食牛丸，點知爆晒...就行落多條街...去一樣係好耐冇去嘅九龍燒味。起初見到有位已經好出奇...中午lunch time...竟然有位...心諗，唔通啲野食失咗watt??!?!!不過入去座低咗都冇計!!! 食下先知得唔得!!! 一睇個餐牌之下驚嚇咗一下，發現原來啲價錢加咗成百份之20有多。 仲要加8$、$10先有跟餐野飲。我叫咗個燒肉油雞撈麵，老豆叫咗個四寶飯....煷肉同乳豬嘅皮夠晒脆....雞又夠滑夠雞味。 最緊要嘅係...茶餐廳嘅核心....熱奶茶都夠澴夠香夠滑。 本人覺得...最睇唔起起嗰啲為咗價錢而放棄質量嘅食店!!!! 而家九記雖然係加價，但保持應有水...值得一讚!!! 不過加幅都係太大喇!!!

星期一6:30PM想去食d野再去做gym, 行到見到呢間茶餐廳下午茶居然到7:00pm, 正式! 邊度搵 ? 唔多人, 咁就入左去坐, 叫左個tea食, 腿蛋治烘底加凍OT, 都只係$24, 算係咁! 味道都OK既~~下次會再黎~

侍應態度奇差，全無禮貌可言落錯單，叫凍奶茶黎熱檸茶每位最低消費十五元我地order左個楊州炒飯都唔止三十蚊個侍應竟然話你地d袋擺埋係櫈可以計你四個人添枉佢牆上仲貼住＂以禮待客，以客為先＂既字條服務態度差都算黎左個飯仲好難食完全無味

九龍燒味係我返工旺角呢區講 食物質素算相當唔錯但無論堂食外賣隨時食到你成肚氣 大家睇其他食評就知道但點會估到愈來愈過份將發生o既事寫出o黎前先講一句當日同事所吃的芙蓉蛋飯 同杯凍檸茶 以茶記o黎講 食物水準來說 絕對值得一吃.......旺角 九x燒味 真係唔到你唔服......呢間嘢 食物水準一流 (以茶記計)但其他方面更加 可以用一個絕字形容今星期我同事午餐時 叫佢地外賣叫o左個芙蓉蛋飯 $29 + 凍檸茶 (餐飲+$3)理論上 應該係 $32 埋單......但係 佢開單要我地俾 $43俾張外賣紙俾送外賣o個位睇 寫到明 +凍飲$3而佢地就當我地分開買 一杯 $14 o既凍飲 足足貴咗$11打電話去佢地舖頭嘈 無理由要咁貴 話佢地呃錢 (應該咁講唔叫屈佢地)結果 今早3月11日 另一個同事叫外賣早餐時 接電話位阿姐話老闆講明 以為唔送我地外賣 唔再做我地生意點估得到 我地會比茶餐廳 badlist

星期三的下午四點多, 個肚咕咕聲嗌肚餓, 於是飛身走進附近的茶餐廳吃下午茶.餐廳位於食肆林立的花園街, 曾經路過多次但都未幫襯過, 這次遇著肚餓難撐, 可以說是緣份的安排 下午茶餐的種類真的不少, 由重型的飯麵類到輕型的包點類都有; 我雖然肚餓, 但晚上還約了朋友飯局, 點了魚柳包餐淺嚐一下便OK.等了約10分鍾, 魚柳包出現在眼前了, 芝麻麵包烘得很香, 可以用肉眼見到烤爐的網紋, 視覺上好吸引; 魚柳大大塊炸成金黃色, 有少少沙律醬和兩片蕃茄做配菜, 賣相OK; 吃一口試試看, 好味!! 麵包夠脆口, 魚柳大件之餘厚度亦OK, 好有咬口, 沙律醬和蕃茄增加味覺的層次, 就連麵包上的芝麻都為舌頭增添香味, 感覺滿足!! 咖啡夠香濃而帶一點點酸, 味道OK, 但茶記咖啡還是喜歡喝澳門的.埋單$22.00, 一頓稱心滿意的下午茶

This Roast Shop and Cha Chaan Teng attracted me to come, as it has its own Cantonese Roasting facilities set up here, so the roast items are not pre-made then transported to here from central suppliers. As you can see some of the ducks are being dried-out at the back, before being roasted. 2ndly it also sells fresh Chicken for a not unreasonable price, which as I've said before, you encounter quite a few of these shops if we look around carefully enough! Ice Lemon Tea -This was acceptable.

lee間燒味係幾好食, 最正係燒鵝, 皮脆, 肉厚, 肥美......但d 員工有時態度都幾差,我成日都外買, 癈事堂食, 有次比$, 我比咗兩個5毫子個收銀佢超吾like, 重扔返張$10比我.......

早放工. 早了回家吃飯. 飯後太太想放輕鬆一下. 帶著寶寶駒車前來旺角, 讓她行行夜街. 而我就找家菜餐廳, 同BB一齊. 等她回來.入得黎坐, 沒理由什麼都不吃, 什麼都不飲. 齋坐的. 於是, 輕輕的飲, 輕輕的食. 叫份鮮油多, 叫杯奶茶. 一邊逗BB, 一邊食下飲下, 一邊等太太.鮮油多, 的確是一大塊的鮮牛油. 熱辣辣不溶的牛油, 非常之香口. 完全是值得稱讚的. 而奶茶, 味道濃濃, 奶落得夠. 非常之香滑. 一般熱奶茶, 若奶落得不足, 不夠滑, 放涼了, 會不好飲. 呢一杯奶茶, 我擺明是用來磨時間的, 涼了後, 一樣濃香滑, 奶夠, 茶靚, 冇得彈.慢慢等, 小寶寶要哭就抱一兩下, 等太太血戰回來, 夜了, 11點了. 一定要開車回家.....(我們連奶粉尿片也沒帶)