九龍燒味扒皇茶餐廳 (Moved) New Location

今日同老婆路過，咁啱想飲杯茶，食件多士，就呢一間啦!點知兩杯茶到左，真係離晒譜！我知宜家物價貴，有時唔係好介意價錢問題！你叫得做茶餐廳！杯茶竟然得八成半，但價錢就收十足，真係離譜！食仔西多士，啲糖漿開水開到水咁無晒味！有個伙計仲離譜，我老婆大婆大肚，正常一個人都行過少少畀人過啦！個伙計寫單就大晒唔埋人的！後來原來老闆都係咁，我老婆講三次：「唔該借借」都唔行開少少，企正門口！仲有當時十一點一個字左右，成間鋪都放晒留位牌，真係唔知佢想點！唯一可以話係好的，就係燒鴨係自己燒的，一隻隻掛晒出嚟吹乾！