九龍城海鮮火鍋 (Closed)

經朋友介紹，家姐生日黎呢間餐廳食飯，黎到先知原來以前有黎過打邊爐，但裝修過，環境比以前舒適，企係門口個陣有個男人同我地介紹魚缸入面既海鮮(後尾先知原來係老闆黎😂😂)，今次先知原來上面仲有一層，安排左坐vip房，非常適合我地呢d咁嘈既人😂😂澳洲龍蝦刺身！勁鮮勁甜！係個魚缸第一眼就俾呢隻龍蝦吸引左我既目光，勁大隻！再黎個紅由刺身，夠薄好鮮甜，有魚缸果然唔同d象拔蚌刺身，淨係食刺身都食到飽😂😂鬼蝦沙律，估唔到兩隻蝦都咁多肉！椒鹽鮑魚，本身諗住新鮮鮑魚蒸好食，但老闆話椒鹽都好食就試下，夠淋夠多汁，唔錯唔錯！呢個又係老闆推介既避風塘茄子，入面釀左蝦膠，外脆入面好多汁！正！再黎個避風塘炒蟹，好香，可惜我唔食得😂😂仲叫左個雞煲食，原來個雞煲係老闆炒既，果然係招牌菜！又香又足料，叫左一隻雞，個個都唔夠喉，因為大家都係愛雞之人😂😂，下次要叫夠兩隻！😤😤老闆知道我地有人生日，送左壽包俾我地食，但可惜太飽，食唔晒😂多謝晒老闆！真係又好食又驚喜！

公司想搞function 咁岩fd搭fd 介紹後 黎左呢間九龍城海鮮火鍋 原來老闆林生岩岩接手 風格同裝修都唔同哂 今次我地一行十四人 老闆林生安排左間大vip 房比我地 房夠大 裝修又靚 另外有麻雀打 招牌椒鹽鮑魚 面頭炸到好香脆 咬入面又好鮮甜招牌椒鹽瀨尿蝦 又係新鮮炸起 瀨尿蝦肉勁鮮個個都話正招牌脆皮豆腐： 本來冇諗住試 但經林生極力推薦 最後都叫左 上到枱真係有驚喜 豆腐炸到外脆內軟送酒、小食一流水煮沙巴躉 新鮮劏起既沙巴 再吸收埋d 麻辣汁 好好味 送飯都好正 仲要有薯粉係底下  岩哂鐘意食辣既朋友招牌沙薑雞腳 ：雞腳夠淋 又有沙薑味！招牌避風塘茄子 ：入面有蝦膠 茄子炸到脆卜卜 極力推薦！

馬友凍食, 馬友夠大, 油香味濃, 最好食就係皮位. 我覺得好食過上次喺度食既黃腳臘.金不換炒薄殼, 好惹味. 肉滑, 可惜肉太細.花錦鱔煲, 裏面有豬骨, 冬菰, 菜. 可能食開紅燒同炆既食法. 所以唔係咁鐘意依個食法, 好似好浪費條鱔.荀, 好入味豬仔腳凍, 無味, 可以不食.咸豬肉炒飯, 飯炒得好好, 乾身得嚟有少少濕潤, 同咸豬肉好夾.滷水鵝肝拼鵝腸, 我食果件鵝肝係最滑, 其他差少許. 鵝腸爽囗唔算太肥.水瓜洛, 可能佢唔係用平地鑊煎, 所以側邊位比較香脆, 中間位置較多汁.潮州白菜肉碎魚旦, 豬肉丸. 豬肉丸味香濃. 魚旦今次普通左啲.白灼獅蛤, 洗得好乾淨, 四成熟左右, 可能係河口附近掘, 所以味道不太咸. 不過確係好鮮味.

係5月同朋友打過邊爐，好鬼難食，心諗絕對唔會再食。尋日見佢好似裝過修又舞龍舞獅咪入去試多次，完全唔同左，多左小菜食，啲小菜仲要係水準之上👍👍👍好幾款炸既餸都唔油，非常香口，個豬手都好好食，成餐飯十幾個餸冇一個唔滿意，正呀!

第一次黎呢間恰吖恰😋上網睇黎呢到一定要試海魚仔湯底所以物都未諗就點左先！之後諗住點龍蝦刺身比mama食喇，點知是日龍蝦無😖象拔蚌無😖已經有啲失望得啲魚刺身但望落個刺身櫃好似無發過市又無人企喺到切嘢，怕食人水尾所以無原隻嘅嘢完全唔敢叫囉😂😂又諗衰野啦我😂😂呢個時候白雪雪嘅湯底已經令我眼前一亮😻好心急等水滾呢？先試下啖湯底eeeeEeee唔錯woo好鮮魚味應該堅係用左好多🐟去煲既！之後叫左份好似二百零蚊嘅牛肉同龍𧄌都好新鮮！桂花蚌都夠大隻起碼5怕恰左揾唔返🙊唔錯！其他芝士丸吖、菜吖、無物特別！可能飲左太多湯已經唔太食得落嘢🙈希望下次黎個湯可以keep住水準同多返啲刺身喇！如果刺身櫃位光猛啲更好

一早已經約好朋友去hot pot,所以一星期前已經上openrice搵到呢間"九龍城海鮮火鍋",而且download coupon重有九折tim由於一早已經book左位,所以唔需要點樣等就可以埋座.一黎到我地梗係博命點野食,希望可以快d開以開始重有叫左好多野食,例如墨魚丸,鵝腸,水餃等都好好味,呢餐真係是非常回味呀 ! 見重有得download九折coupon,當然唔好嘥再黎多次啦! 呢間真係值得推介呀!

同學聚舊又黎la! 由於我地一 眾姊妹都極之喜歡打邊爐,而且又極之喜歡食海鮮,所以經友人介紹下,預訂左上星期六ga"九龍城海鮮火鍋". 有d同學揸車都好方便,因為門口有待客泊車,係正門口最方便ar!我地一行十人雖然係第一次去,不過火計們都好熱情招呼,介紹不同湯底同海鮮比我地. 我地最後揀左"鯊魚骨花膠筒鍋"做湯底,貪佢夠滋補ar ma. 當然我地梗係要食呢度最正ga刺生海鮮la, 我地首先叫左"三式剌身拼盤",美道極之鮮味ar,之後重叫左"活魚刺身(我忘記係咩斑la,因為佢個度實在太多種類ga魚la)",同ma"南非鮑魚",好鮮甜味,極正到暈ar!!湯底到左,我地梗係急不及待滾野食la,我地叫左"花膠筒",好補好溶好正ar, 重有打邊爐不得不叫ga"手切本地肥牛",叫左兩碟tim,好有牛味,好好味ar. 另外重有巨大鮮甜ga"美國桶蠔", "手打蟹籽蝦滑", "手打蟹籽墨滑", "手打四寶丸","韭菜餃","全部餃同丸都好好味,新鮮味道好. 重有我ga至愛"椒鹽三文魚皮"等等,勁鬆勁脆ar. d野食太好味la,個個都讚個不停,所以有d都野食都影唔切相就食完la我地飲飽食醉已經11點

d 食評講到點好點好，d海鮮講到幾新鮮幾新鮮真係得啖笑.....果個魚湯湯底腥到阿媽都唔認得，唔好同我講係海魚又或者有幾有幾新鮮.....加上d 魚味過重，完全破壞左其他食物既原味同鮮味d 水餃完全係街市野夠膽死收我地幾廿蚊仲要10隻都唔夠百佳買水餃20蚊有20隻啦！d 蠔出晒水，d 邊又係晒坭.....仲要好細隻聖子一d 都唔新鮮！有d 去釣魚果陣 d 臭腥味.....不過講到尾都係個湯底出問題......烚乜都破壞左原來既味道魚腥味肥牛魚腥味炸響鈴魚腥味水餃魚腥味豆腐.......

果日同屋企人揸車落九龍城,揾嘢吃見到這間新開火鍋店,座底左之後叫左個三色刺身吃好新鮮,之後老闆推介左個海鱼仔湯底,我再叫多一個清湯,因為屋企果兩隻化骨龍唔鍾意吃魚,湯底到左之後先飲碗湯好味真係好鮮甜,我同太太每人飲左4碗,連果兩隻化骨龍唔鍾意吃魚每人都飲左3碗,叫左個手切肥牛,手打蝦滑,肥鵝腸,手打4寶丸,這幾個一定要試.

我都試過呢間火鍋, 想同大家報告一下, 重點如下:1) 湯底選擇算多, 一般坊間有的, 它都有. 我聽伙記推介, 點了魚仔湯底. 我預計是靚魚湯, 但驚喜的是有靚魚湯外, 還奉送一碟鮮魚仔, 都有6-8條, 無形中多了一碟餸. 這湯底好像$95(??), 我覺得幾化算.2) 我點了小份的海鮮拼盤, 大概$338 (定$388??, 忘了) . 種類和份量也很多. 有蝦, 琵琶蝦, 靚魚片(我不懂魚名呀), 貝類等. 蟶子尤其鮮甜. 這份量夠4位用, 不錯. 3) 因為我只有二人用餐, 所以只加點了鵝腸, 鮮打墨魚丸, 手切肥牛. 呀, 這肥牛也有試呀, 很肥美. 總體來說, 食物質數是水準之上, 一般火鍋料只是幾十元, 當然, 海鮮料就要貴少少啦. 4) 這店伙記的服務也很好, 主動加湯和換碟. 沒有令我勞氣的地方. 當晚所見, 好像熟客居多, 見他們和伙記有講有笑, 很有小店情懷, 令人很自在. 有兩圍大枱十多人, 玩得很熱鬧呢. 還有, 廁所也算乾淨, 帶小孩去都沒有問題.5) 不足之處應該是位置有些偏遠, 不近九龍城泰菜館那邊, 要特意走多幾條街才到. 但是, 其實

最近行開九龍城想食火鍋，見到打鼓嶺道新開左間以海鮮為主打嘅火鍋酒家，一試之下...愛上了！老闆誠意推介我地試海魚仔湯底，食厭左豬骨煲同沙爹煲，呢個湯底的磪感覺係一股清泉...而我地食火鍋前亦叫左生蠔，刺身拚盤，龍蝦拚盤等....沒有一樣令我地失望，樣樣都讚不絕口！由於淨係海鮮部份都咁精彩，搞到我地order少左平時食開嘅牛肉／丸類呢Ｄ火鍋配料，不過見到佢有樣叫"牛脷托"，於是叫左黎試，食落味道同牛脷差唔多，但細嚼之下又增添多一份牛肉香味，唔錯!! 其實呢度可以試嘅菜色好多，今次食得太飽試唔到，下次再食火鍋，我一定會首選黎呢度....價錢方面相比放題黎講唔算平，但睇返用料咁新鮮又真係幾唔合理，好過食果間"推唔跌公仔火鍋"多多聲～～