九龍城海鮮火鍋 (Closed)

經朋友介紹，家姐生日黎呢間餐廳食飯，黎到先知原來以前有黎過打邊爐，但裝修過，環境比以前舒適，企係門口個陣有個男人同我地介紹魚缸入面既海鮮(後尾先知原來係老闆黎😂😂)，今次先知原來上面仲有一層，安排左坐vip房，非常適合我地呢d咁嘈既人😂😂澳洲龍蝦刺身！勁鮮勁甜！係個魚缸第一眼就俾呢隻龍蝦吸引左我既目光，勁大隻！再黎個紅由刺身，夠薄好鮮甜，有魚缸果然唔同d象拔蚌刺身，淨係食刺身都食到飽😂😂鬼蝦沙律，估唔到兩隻蝦都咁多肉！椒鹽鮑魚，本身諗住新鮮鮑魚蒸好食，但老闆話椒鹽都好食就試下，夠淋夠多汁，唔錯唔錯！呢個又係老闆推介既避風塘茄子，入面釀左蝦膠，外脆入面好多汁！正！再黎個避風塘炒蟹，好香，可惜我唔食得😂😂仲叫左個雞煲食，原來個雞煲係老闆炒既，果然係招牌菜！又香又足料，叫左一隻雞，個個都唔夠喉，因為大家都係愛雞之人😂😂，下次要叫夠兩隻！😤😤老闆知道我地有人生日，送左壽包俾我地食，但可惜太飽，食唔晒😂多謝晒老闆！真係又好食又驚喜！