九龍粉麵 (Closed)

最近要去灣仔返工同呢邊既打工仔爭食真係一大難題行過呢間開係灣仔既“九龍”粉麵見攝得落一個人唔使等就去馬啦～餐牌望左一陣，都幾多選擇有啲出面比較少見揀左陣決定試一試佢個麻辣手撕雞撈麵先！麻辣手撕雞撈麵 ($56)餐具有特別挑選過，令賣相加唔少分份量算正常，不過大食啲可能唔夠食先試一啖湯，清清地冇落味精，估計佢係牛骨湯（？）保險啲，揀左小辣試一試先店家標榜用左青花椒，同平時食開既紅花椒唔同小弟是吃唔出分別喇不過麻辣醬汁調配得好香，唔係得個辣字食過太多令人失望既麻辣，呢個算滿意手撕雞好嫩滑，有雞味，份量都唔少吸埋麻辣醬汁好惹味麵煮得略淋，同埋食到少少梘水味影響左同個醬汁嘅配合整體算不錯，係呢區一個撈麵索價五十六個大元值唔值就見仁見智喇加多八蚊要支豆漿解解辣大大支400ml，反而算幾抵飲最值得一讚既係係午飯呢啲繁忙時間，店員都好好態度冇一副唔憂做既樣子

乜嘢係牛沙瓜？咪就係牛嘅第四個胃囉，由於牛沙瓜只佔一頭牛嘅好少部份，所以一直以黎好多潮式粉麵店都未必有得食牛沙瓜。有晚OT到好夜，經過九龍粉麵店，見佢標榜馳名牛沙瓜撈麵，即刻食指大動啦！一坐低問下侍應仲有冇牛沙瓜先！「有！」「好，黎一碟牛沙瓜撈粗唔該！」牛沙瓜煮得入味又唔太淋，有咬頭而唔黏牙，爽脆而唔靭！好味呀！我鍾意食粗麵多啲，貪佢比幼麵更有質感，一碟罕有嘅牛沙瓜撈粗就成為我忙碌工作一日後嘅晚餐了。

行完會展肚餓想搵間粉麵野食下，點知落橋後間間鋪都就黎收。九龍粉麵呀姐相當熱情招呼我地，我地係門外確定想食之後就入座。原本我想食麻辣手撕雞撈麵，可惜一早已經賣晒我係為左麻辣野入黎，冇麻辣，腦袋都停頓。呀姐可能見到我迷惘，即刻介紹牛沙瓜比我。我問呀姐咩瓜話？素菜撈麵咁得意？！呀姐指一指醬上介紹，原來牛沙瓜係牛四個胃入面其中一個。因為預備功夫多，好多食店都冇做牛沙瓜。今次我試到真係好開心！因為真係好好食！鹵水味勁入味，而且十分腍！冇內臟既異味，未食過既朋友唔駛擔心！至於我最期待既麻辣汁，香辛味道中上。我先少試牛刀，只點了小辣（即是比少少汁你），辣度夠，過癮。麵就煮耐左較腍冇乜口感，可惜可惜。牛肚泡飯，相比之下牛肚就冇咁入味，飯份量還可以，羅白冇乜味亦都煮得唔耐，湯就較啖。值得一讚係呢個調味架！蔥同辣油任加，最特別係佢地有炸蒜！畫龍點晴！perfect! 

今日落 Wan Chai 做野經過呢間非一般的麵鋪，見佢大大隻字宣傳麻辣手撕雞撈麵，對麻辣有情意結的港女我，一坐低就嗌在份。同事就要左🐂三寶撈，即係牛腩、牛肚、牛筋。D 野一來到就見佢隻碟都特別過人，黃咁咁，仲有 D 黃袍 feel。佢地麻辣賣點係用青花椒，都幾香，D 麵都幾彈牙，梘水味都算重，雞肉連皮帶肥都唔錯。另外同一般撈麵一樣，有湯底另上，奶白色，應該係牛骨湯，都幾甜。總括來講，每樣野分開都幾好食，但作為一個配撘就怪 D...麻辣同梘水真係好唔挾，再加埋牛骨湯...哈哈...同事的三寶都係不過不失，佢話食過更好嘅。如果要再返來會試牛沙瓜，個個都話

I was lured here by the noodles with shredded Sichuan chicken.However, the annoying thing is that there is no price outside or on the leaflets because this is a special item.It costs slightly more than the other noodles.The taste was really good and I liked the noodles with chicken because you rarely get chicken served with these wonton style noodles.Sichuan spices are a strong flavour but the alkaline taste was even stronger so you can imagine how strong the alkaline was.A bit pricey for $56.

門面唔錯 入去試試牛三寶河 係🐂筋🐂腩🐂肚料係幾好 但...湯底...我竟然唔知點形容😓唔係清到冇味 都幾濃 但完全稱唔上香或好味魚鱻河 係墨魚餅 魚蛋 鯪魚球墨魚餅好吃 有粒粒墨魚肉 好彈牙👍👍👍其餘兩款冇特別但...都係湯底問題腩汁蘿白👏🏻👏🏻👏🏻👏🏻無渣 鮮甜麻辣手撕🐔 嘥左食物同金錢😓我覺得很奇怪 明明feel到係有俾心機點解唔做好D個湯底🤔我個人認為 一碗湯河 料唔係最重要「湯底」先至係💪🏻

係灣仔食lunch~唔book 位真係好難有位~如果要去一D無得book 位的餐廳食~只可以求唔使等好耐lol~呢到唔係拎票而係排隊等位既~~唔講唔知，原來牛沙瓜係牛既第四個胃黎ge~😂其實我連牛沙瓜聽都未聽過~😂一場黎到就緊係要試下喇~個牛沙瓜好入味，咬落仲有少少爽爽地既感覺~個面好彈牙，彈牙到咬到個口都有D累😂上面呢個係手撕雞撈麵(正常辣)個手撕雞份量都幾多~唔會好"鞋"，但就唔係好食到雞味~個麻辣唔算好辣，麻多過辣~手撕雞撈麵(小辣)係鋪頭見到D圗個魚皮好似好好食~所以特意叫左個黎試下~但食落無睇圖咁好食~雖然佢都係脆~唔知係唔係放耐左~我地都覺得如果可以再脆D就更好~整體: 我就覺得試過一次就可以了，一黎整體份量唔算好多~而且40-50食個面都有唔少的選擇~

叫咗兩樣食物加一支豆漿腩汁蘿蔔腩汁唔算多，亦唔算入味，勝在蘿蔔夠林，最緊要係冇渣，加返少少分，叫做還可以接受手撕雞撈麵餐牌上面係冇呢樣野嘅，叫咗小辣，呢個辣度尚可接受，不過麵就有待改善，鹼水味過重，而且太油，黐埋一舊舊，所以要浸落湯過一過油先可以食個湯清清地而且有少少蔥花，唔算重味精，都幾好飲，不過浸完面就有啲油，最後變咗湯麵咁樣食最後一提，呢間店有樣嘢叫做牛沙瓜，啲店員話我知呢個係牛嘅第四個胃，長知識了。

在灣仔打滾了多年，近年多帶飯，少出街食。這天，與同事外出用餐，去了謝斐道的九龍粉麵。中午，在灣仔搵食，人多擠逼不在話下，且往往遇上食肆老闆無禮對待。同一條街上的蛋包飯，小妹剛受了點氣，稍後再詳寫了。不過，九龍粉麵的員工，並沒有因生意忙碌而得失客人，由門口阿姐，至落單侍應，均十分親切有禮。魚鱻寶河$46中的「鱻」，音讀「仙」，解作「新鮮」。先呷一口清湯，鮮甜無比，且吃完一整碗湯麵，喉嚨毫無乾涸之感，可見其屬真材實料之作。餸料有炸墨魚餅、魚蛋和鯪魚球，三者均屬新鮮之作，墨魚餅內，啖啖富咬口的墨肉。同事要了秘製南乳豬手粗麵$34。海皇鱔炸魚皮$15，配上了一碗奶白色的魚湯。惜，略嫌炸魚皮未夠酥脆，僅屬硬脆而矣﹗

Lunch Time 要來個快食，就揀咗公司附近嘅 九龍粉麵。平常食粉麵除咗快之外，清清地都係其中一個目的。九龍粉麵堅持唔落味精，即使葱花都為點綴。我地一行三條女，每人一碗淨米，再加呢碗九龍十三太寶 。佢聽落好似係啲咩大補酒咁，其實佢係淨餸，一共有13款食材，魚蛋、魚角、水餃、雲吞、鯪魚球、牛腩、牛孖筋、牛什四寶（牛腸、牛膀、牛肺、牛肚）、牛沙瓜和南乳豬手。(明抄，點記得咁多!) 記得要先食丸類！魚角已夠驚喜，彈牙不在話下，魚皮鮮香！跟住就食牛類。平時好怕食牛雜內臟，一咬就散嘅口感真係打晒冷震。但係呢到嘅牛沙瓜，就有煙un嘅口感仲有牛腩嗰種牛味，好正！最後就當然係個豬手啦，可惜係膩咗啲，一啖就夠。呢間新式嘅粉麵店，灣仔區黎講，值錢又唔貴，真係值得推薦！

來到灣仔的九龍粉麵，它有著不錯的古色古香裝修，價錢由$28起。來吃粉麵無非是想吃得清淡些，不過今天似乎來錯了！我的牛沙瓜河粉（$32）可以以十分重口味及油膩來形容。牛的味道不錯。河粉太厚，表面也較平日吃到的油膩，份量亦太少。地方還算整潔，座位有點迫。店員服務態度一般。

同老公夜晚唔知食乜好，上網見到附近有間新開粉麵，突然又好想食水餃就入去試吓。食後非常滿足地方乾淨，先講佢哋嘅招牌水餃，比一般的大少許，皮薄呈現半透明這是必然的，沒想到一口咬下去超足料，啖啖都有鮮甜彈牙蝦肉同木耳。冇諗到蝦肉/木耳/豬肉嘅比例竟然呈現7:2:1，唔通唔使賺錢？絕對冇誇張。10個讚下次再嚟我都一定會再點!老公叫嘅牛沙瓜牛腩河湯頭冇一般牛腩咁濃郁,應該係因為冇味精。牛腩同牛沙瓜軟硬適中，有咬口,只係略嫌河粉過淋。食完一啲口渴都冇。兩樣野同啲蘿蔔加埋一支嘢飲都唔使＄85，絕對係我哋呢啲又貪食，又冇錢上車嘅窮人恩物We will be back, many many times !

最近有朋友介紹我去呢間新開幕不久的麵舖，叫我一定要食佢地的牛腩，強調此舖不含味精的呢！但是我個人比較偏愛魚角，因此㸃了魚角牛腩撈粗麵，魚角很鮮，食得出用料好新鮮，牛腩是磞沙腩，肉質嫩滑夠味，確實是高水準之作。由於知道沒有味精，於是放心開懷飲下點撈麵附送的魚湯，在沒有加味精調味的情況下，確實是好好飲！飲得出是有誠意的出品。個人非常喜歡。又多了一間飯堂選擇了

今日同朋友經灣仔一間麵店，見佢招牌光潔醒目便入去隨便叫了碗魚蛋粉和牛雜粉，一食之下有驚喜，魚蛋好鮮甜爽口（令我不禁想起香港仔的謝記魚蛋）牛雜好入味，尤其是牛腸的油脂入口即溶，還不停浸出香濃的牛脂味，不一會便成碗吃清光，連湯都飲曬（因為原來此店的食物全不含味精的，所以既然好味又不用怕味精冇益，那心想當然是食清光唔好浪費食物！）後來店家介紹它們家的招牌十三太保（即是大雜錦，什麼餸都有齊），我們便點了一個來試試，𥚃面的餸包羅萬有，認真是抵食又好味！已約朋友下次再呢撈麵！這是一間少有不含味精而又味道十充的店，值得推薦！