九龍粉麵 (Closed)

乜嘢係牛沙瓜？咪就係牛嘅第四個胃囉，由於牛沙瓜只佔一頭牛嘅好少部份，所以一直以黎好多潮式粉麵店都未必有得食牛沙瓜。有晚OT到好夜，經過九龍粉麵店，見佢標榜馳名牛沙瓜撈麵，即刻食指大動啦！一坐低問下侍應仲有冇牛沙瓜先！「有！」「好，黎一碟牛沙瓜撈粗唔該！」牛沙瓜煮得入味又唔太淋，有咬頭而唔黏牙，爽脆而唔靭！好味呀！我鍾意食粗麵多啲，貪佢比幼麵更有質感，一碟罕有嘅牛沙瓜撈粗就成為我忙碌工作一日後嘅晚餐了。