九龍醬園

Open Now

Now Closed

香港鋪組難頂有一半收入替業主打公是公認事實，但偏偏餐廳愈開愈多，你說奇不奇？一些聰明的老店也開始轉型，加入外賣系列，我也當支持地買了包蒸排骨肉的豉油，豉油已調過味，稠而帶甜，又買了些醃梅子，用了半粒和麵醬來蒸排骨，效果好好，這豉油是推介得過。

今天要說的是醬油，即是本地人說的豉油。特意寫篇沒多少字的醬油評，就是因為它的醬油夠好吃，值得說一說，推介一下給大家。此店的豉油分大支膠樽裝及中支玻璃樽裝，大支的就七十元，中支的就三十八元，也蠻貴，但真的值得吃。不要說得那麼複雜，蒸豆腐之後加點醬油，就最能吃得出醬油之味了，色水夠深而不鹹，醬油的鮮香味道濃得化不開，跟豆腐內的豆味簡直就是佳偶天成。也有買過一點磨豉醬，六元五角兩両，這個磨豉醬很誇張的，隔住個袋都嗅到很香，真的是不得了！而其實店家光是磨豉醬，就已經有分成三種，有磨爛的，有一粒粒的麵豉的，或有層油的，炒菜的要用有一粒粒麵豉那一款，蒸肉的又用另一種，真的是一大堆學問，不過答案就在口邊，學問學問，就是要學會問才學到東西嘛！最後也提提大家此店的營業時間，不然也頗容易會摸門釘。

三月上旬‧晴午餐去了西環的一間Bistro（食評：http://gourmetkc.blogspot.com/2011/04/bistronomique.html），吃得不太滿意。回到中環，心想也有一段時間沒有來這裡買酸薑了，就來一趟。早在2005年已經寫這裡的食評，飲食雜誌就是在最近在cover到。其實今天做飲食記者也真簡單，來Openrice看食評就行了，連自己找資料都可以慳番。買了「一個骨」酸薑，16元。酸甜合度，口感爽脆，配合溏心皮蛋，很不錯。在那裡買溏心皮蛋？順興號？No la！就在這裡門外就有得賣了。再買多「一個骨」茶瓜，回家煲魚肉淥水。

如果不是看飲食雜誌, 我根本不會知道九龍醬園看到雜誌說, 很多大酒樓如陸羽都是用九龍醬園, 原來這般出名, 在中環上班十年都不知道因為路過中環, 也算是慕名而來, 當然是為出名的金牌生抽王店員全是老江湖, 但不要怕問, 因為佢地都好好人, 會好有心機話你知有乜分別, 『金牌生抽王有兩款包裝, 玻璃同膠樽, 膠樽安全d, 又多d, 好多上一輩既都買開玻璃樽, 但為了順應潮流, 所以多了膠樽...』買了一枝大的金牌生抽王, $6x真的比坊間很多地方都貴, 但好味就不要緊了, 其實city super也有售, 但價錢就貴很多了, 一小枝也要$3x金牌生抽王很淺色, 豉味很濃但不是很咸, 是我第一次覺得豉油是有鮮味的, 喜歡用佢黎蒸魚, 太咸反而不好, 吃得出是靚貨沒色素無添加city super賣得都是靚野, 九龍醬園其實外銷十分理想, 我是十分支持本地貨像九龍醬園的, 只要有品質, 總會有人知道的, 希望這些傳統能一直做下去吧還買了兩隻糖心皮蛋, 有機會再伴海蜇試試, 回來寫個食評吧

試過大孖隻隻鼓油, 萬字, 珠江橋牌金牌/....有機生抽, 頤和園生抽,日本有機鼓油除了點餃子用頤和園御品醬油之外還是覺得九龍醬園生抽,老抽最好!

麵豉醬 - 用來蒸梅子排骨(加蒜茸)超正, 即刻食出分別! 用來加陳皮絲蒸鯪魚都好正!話梅 - 好味! 不太鹹或太甜酸薑 - 好食過九龍城嗰間醬園的很多 (個樽可以交回及收番幾蚊)溏心皮蛋 - 好味豉油 - 好鮮味喬頭 - 用1比1的喬頭及酸薑加蒜茸豆豉醬及少少鹽+紹酒加入撈左生粉的魚頭雲中蒸超好味道!

媽媽是"咸濕野"迷,"酸咪咪"更加係佢的最愛,之前已經買過好多次話梅肉比佢,今次因為買了皮旦當然要買埋佢的朋友酸薑啦!!!我個人對d酸野無咩好感,而且好怕薑個種辣,所以只係覺得ok咁啦,而媽媽就對呢度的酸薑讚口不絕,又話唔會太酸又話唔辣,而且切得好薄,好好味wor...*_*我就覺得$25好似貴咗d,不過,為咗博紅顏一笑,無計啦...哈哈...^_^ps.媽媽話呢度d話梅肉好食過陳意齋好多wor,而且味道真實d,唔會好似好假咁,淨係得d糖精味...仲要平一半tim...

前陣子買了一玻璃瓶豉油, 今日食飯終於開黎用. 豉油味好鮮, 唔係幾覺有味精味, 而且豉油色水比較黑, 阿媽話可以當老抽用.不過, $56一瓶, 貴了點玻璃樽樽蓋, 設計有問題, 成日甩出黎, 吸唔實施!! 最後, 我地將豉油倒返落個舊豉油樽算. 得閒攞返個樽俾佢, 有$1 按樽費收番

九龍醬園好ah, 我買過佢一支豉油, 同超市的真的不同, 唔係一味齋咸, 係少少咸加鮮, 我最鍾意用佢來撈麵, 提味之餘又唔會搶左d送的味道; 用佢來煮送呢就未試過, 怕唔夠咸, 這點有待高人指教。酸薑, 好貴呢要$25一樽, 不過, 真係片片都好薄, 擺入口那刻酸甜度50-50剛剛好, 沒有偏酸或甜。入口果刻覺得佢唔辣, 點知你咬佢兩啖, d辣味就走出來, 但又唔會辣到你想即刻飲水, d辣味留響個口度一陣, 你再扒啖飯就冇晒, 又可以再整多兩片。係睇kc的專頁見到這個推介的:-)

說的當然是酸薑。話說在不同的地方都見食友們說喜愛溏心皮蛋，所以介紹了文咸東街的順興號，十蚊四隻，包保溏心；有皮蛋大家自然會問在那裡買酸薑，答案就是這裡。星期六搞Openrice私房菜，其中一味便搗蛋的搞了個尋常酸薑皮蛋來。呢度好早開門，舖面永遠光猛乾淨，沒有一般醬油莊的氣味。除了各式醬油及醋外，其他醃裝食物也很出色。酸薑酸味足，但不喇喉，就咁食也可以。24蚊一斤，唔算平，但買得靚皮蛋，點少得佢？其他如酸筍、麵豉及鴨醬等都是經常買的，有機會的話值得買點來試。還有的是，店員親切又幫得手，有時叫佢拿點來試食又得。同順興號果位掂親都俾佢鬧的阿婆，有天壤之別！