駒記海鮮大排檔

Open Now

Now Closed

估唔到foodpanda都有大排檔叫，從未食過駒記，但見外賣自取非常抵就叫咗4樣嘢食，基本上樣樣都好味，仲要份量夠大，兩個人食唔晒有人又可以留第二日lunch。🥢南乳齋煲 $108⭐️⭐️⭐️⭐️好大盒好足料仲好有南乳味，粉絲仲好爽口彈牙，菜仲好翠綠，下次要再叫🥢紅燒乳鴿皇(1隻) $98⭐️⭐️⭐️⭐️雖然乳鴿凍咗皮韌咗啲啲，但味道仍然好香好惹味，仲完全唔駛蘸鹽，如果堂食應該超級正🥢芝士焗海蝦(伊麵底) $178⭐️⭐️⭐️⭐️大約有7-8隻蝦，其中有幾隻比較大，蝦有蝦味兼彈牙，伊麵仍然爽口，芝士汁非常濃郁兼多到可以掛起成盒伊麵🥢豉椒炒大蜆 $108⭐️⭐️⭐️⭐️蜆肉粒粒飽滿，好少殼係無肉，炒得有鑊氣兼好惹味，呢啲基本上係大排檔先做到二人共消費：$270.60 (foodpanda外賣自取)

趁限聚令放寬咗，同屋企人出黎食飯。之前試過佢哋嘅海鮮，瀬尿蝦同蟹都好新鮮生猛，今次就試下小菜😃啫啫通菜煲炒得好有鑊氣，但又唔係好油，份量都好多~魚香茄子煲亦好香，微微嘅鹹魚味滲透煮到軟晒嘅茄子，淋汁送飯一流，推薦！👍菠蘿生炒骨酸酸甜甜，一啖一舊啱啱好。對比起坊間嘅菠蘿生炒骨，駒記嘅炸粉冇咁厚，食到啖啖肉嘅感覺好滿足😍豉椒炒蜆就炒得好夠味，我就略嫌有點鹹，但屋企人就話味道啱啱好。蜆都係好新鮮，肉質鮮甜👍最後係我個人嘅最愛椒鹽鮮魷，彈牙的鮮魷外層香脆，炸得會唔好油膩，成碟都比我哋清晒😜總括黎講，駒記嘅小菜都頗唔錯，好多選擇，價錢亦唔貴，係家庭聚餐好地方👍

所有嘢食都異常好食！物超所值！尤其係火候方面拿捏得非常好！清一色overcooked！海鮮簡直係極品！必試！返㗳再返嗒！正！食品加工666，环境佳，服务好，技术依然，857857🥰🥰🥰連阿叔都讚好！好人一世平安！

食生日飯朋友想食呢間，份量夠，價錢仲好合理。入到店內見到多數人都會叫海鮮食，D海鮮望落都煮得好新鮮。叫左一條蒸斑，好鮮味，夠嫩滑，魚汁入味。 金銀蛋浸莧菜，湯好飲，皮蛋好大隻，蔬菜夠綠。椒鹽鮮魷，大大舊肉，味道香口，口感又脆，椒鹽味恰當，呢款最啱飲住啤酒食。菜膽雞(半隻)，雞肉滑，啖啖肉，雞油恰到好處。滷水鵝肝，滷水汁微甜，每件鵝肝入晒滷水味，仲必到厚厚大大件，滷水汁加入白飯胃口大開。呢間食品係一流!!! 物超所值。幾日後，晚上收工無時間煮飯，再到此店叫了豉油皇炒麵和福建炒飯外賣回家食，好足料夠份量，兩款也夠1家3口食。

同事想一齊食番餐在無堂食前的晚餐😋，係住港島區又中意食海鮮，可以係灣仔搵到呢間食海鮮，見到門外有多款海鮮擺出嚟，好吸引，大家就決定入去食🙃薑蔥炒蟹，雖然係簡單煮法，但媽媽係做唔到嘅，蟹肉鮮甜，食海鮮都要有D肉落肚，哪左個黑椒牛仔粒，牛肉入晒味，粒粒仲大大粒，有咬口 蒜蓉開邊蒸蝦，蝦非常新鮮，唔會因為多蒜無蝦味，粉絲入晒味，粉絲簡直係個精華。象拔蚌刺身，呢款海鮮看似最易做，但其實係難做到片片咁薄，好考刀功架！象拔蚌好爽口，加入檸檬汁食可以帶出鮮味，完全無腥味。

今日返工 好多野要搬 搬完野感覺太大體力勞動 即call 我個好朋友出黎陪我食飯 自疫情開始 我都唔敢多人聚會 次次食飯都係約哩個朋友 我地相依為命架 就係咁係全無計劃之下 我地去左成日去既駒記食飯哩間野我地成日去 因為佢平、靚、正

📍#駒記海鮮大排檔.🇭🇰香港灣仔寶靈頓道16號地下B舖🇭🇰 G/F, Shop B, Bowring Road, Wan Chai, HK.Tasty: 👅👅👅👅Appearance: 👀👀👀Environment: 🌹🌹Service: 🤵🏻🤵🏻🤵🏻🤵🏻.無得打邊爐咪去大排檔宵夜囉💕成日話大排檔污衊，計我話，眼不見為乾淨😆係灣仔大排檔宵夜就緊係食駒記啦❗️最開心係班叔叔好熱情😆.💯#椒鹽九肚魚椒鹽九肚魚同鮮魷真係好難取捨！又脆又嫩既九肚魚真係好正！食到停唔到口！大排檔必食！.💯#香煎蠔餅又係大排檔必點既煎蠔餅！好多蠔好正！蛋煎得岩岩好，裡面有蛋漿勁香，口感好濃好香！超正！.⭐️#頭油皇鵝腸鵝腸偏瘦，不過味度搭夠！豉油皇味濃，鵝腸好入味！重點係下面既芽菜！爽口又惹味！.Ⓜ️#泥鯭粥泥鯭粥比較遜色少少，粥底唔夠香綿，泥鯭較少，無乜泥鯭味，反而花生未仲濃.💯#沙拉骨我最喜歡的大排檔菜式 沙拉骨！好多都係就咁擠啲沙律醬就算，我覺得佢撈均先食先係最好味！排骨炸得脆脆，沙律醬酸酸地勁開胃！完全食到忘記咗罪惡感依件事🤣.Ⓜ️#啫啫芥蘭煲惹味但有少少偏咸，但好有鑊氣.價格一向大眾化，香港地道風味，味道中上，

約左專門講飲講食嘅朋友黎食飯，佢地好識得飲酒，經常自攜好酒，所以想搵間唔洗開瓶費嘅餐廳，咁佢地出黎銅鑼灣搵我食飯，我最後就選擇左呢間大排檔。今次我地叫左半隻炸子雞，炒蜆，椒鹽豆腐拼鮮魷，蠔餅，皮蛋肉片粥。原本我地叫只左餸，都食到好飽。炸子雞雞皮炸得好脆，雞肉好厚肉，我個人就更喜歡肉少啲，咁就更香更脆又唔覺得滯。炒蜆好夠味，好大碟，幾乎食唔哂。椒鹽豆腐拼鮮魷就最岩我口味，始終箍牙妹有啲唔洗點咬嘅野食下會開心啲，豆腐同鮮魷都炸得好鬆化，配以大量炸蒜，夠哂香。蠔餅超級多蠔，配魚露清新返啲，無咁膩，不然都係食唔哂。食完幾個餸，自攜酒又飲完，大家清醒返啲，叫左個皮蛋肉片粥暖暖胃，粥底好綿，肉片非常嫩滑，清清地。另一食法就再加埋椒鹽豆腐拼鮮魷食剩嘅炸蒜，又香又惹味，正！

今晚行過呢邊，經過呢間大排檔，聞到香味都餓咯，我地就決定一於系度食個宵夜。蒜蓉粉絲扇貝，扇貝大只又大碟，粉絲唔多，多噶系扇貝。瀨尿蝦又香又脆，仲有小小辣，食得好爽，而且蝦又多。蒜炒西蘭花，蒜味比較重，但西蘭花淡左小小。但總體來講抵食夾大件。

夜媽媽想食小菜 搵到二條友同我癲😝😝平時食開街市入面今次試左三個人三個小菜 必點小炒王好重味 唔飲嘢真系好咸 不過我真系好中意食😂😂😂仲有鵝片拼鵝腸同埋黑椒牛仔粒我個人唔中意炸蒜 如果中意食ge人會好buy!! 因為落足料好中意呢種地檔 🤤🤤🤤夜媽媽搵到朋友一齊食下宵夜傾下計💓💓🥳🥳都有一種令人舒緩壓力嘅好 其實仲有黃金鮮魷同豉椒炒蜆都好想食呀😍😍😍😍三個小菜一個飯加2個可樂$400幾蚊賣單

大牌檔來說碟頭偏細一行8人都真係要叫好多碟餸先夠飽不過勝在多款式 大把選擇唯一接受唔到係容許食客在室內食煙😒呢個真係要扣分🙅🏻‍♀️食物方面以椒鹽類的最為出色椒鹽豆腐併雞軟骨呢個堅正 炸粉唔厚 但兩樣都做到外脆內moist唔會過乾 蒜香味十足 食唔停口椒鹽魷魚 同樣地出色在炸粉夠薄身魷魚外脆得來一點都唔韌椒鹽瀨尿蝦 椒鹽味十分惹味香口蝦殼極脆但肉真係好少 隻蝦比想像中細煎蠔餅好食 啖啖都食到蠔好足料蛋同蠔比例可謂做到1:1薑蔥蠔 好入味而且每隻蠔都超大隻薑蔥味做得好好非常惹味的#啫啫生菜煲生菜食完哂淨餘的肉碎同醬汁都清得一乾二淨超級無敵雜錦潮州滷水併盤好豐富亦係最大碟的菜式有腩肉鵝片紅腸鵝腸大腸墨魚真係樣樣齊滷水味偏濃夠哂入味脆皮雞 夠入味 皮脆肉嫩 幾唔錯但配的南乳醬就冇乜味不過隻雞已經夠哂味唔使點醬已經好好味另外仲有叫咕嚕肉同炸芝士墨魚丸就普通正常質素啦

食宵夜是我以前讀大學必體驗的活動之一。今日我和一班舊同學們在附近做完運動後一起回來體驗一下。 我們一到門口就有位姐姐立即招持我們入座，個人最喜歡的一定是蠔仔粥。又鮮又香，水和米的比例完美。仲有好多蠔。食完立即添多碗。豉椒炒蜆光是看都知超大份，而且大部分都有蜆肉。豉椒夠惹味。椒鹽九肚魚沒有不愛的理由。脆口的咸香其實唔點汁都夠味。西檸雞炸粉均勻，肉味鮮嫩。西蘭花炒得幾清淡，硬度適中，不錯!!豆腐是外脆內滑，椒鹽味突出但我已經很飽，食了一口就投降了。這個蔬菜粉絲煲意外受歡迎。裡面各款菜都齊全。煮得幾淋而且入味。湯也煲得清甜這個蠔餅又是食唔晒。蚵仔的量很多。煎得剛好。沾魚露味道更鮮。不限時、份量又飽足、價錢抵食。值得閒時來回味一下。

一班人最好就係去大牌檔食小炒，飲下啤酒吹下水呢間大排檔幾就腳，就係喺時代後面鵝頸橋街市入面嘅地舖。雖然本身唔係因為地點而黎，不過方便而又好食更加分！呢度啲海鮮好新鮮，可惜嗰日大蟶子賣哂，冇得食。我地叫左三樣海鮮都好好食，尤其係蒜蓉粉絲蒸扇貝，好香口，食到舔舔脷。嗌左三款菜，一樣新鮮香口，唯獨個通菜煲油左啲。(因為小編怕油，喺呢方面敏感啲)蠔餅有啲失望，啲蠔仔唔係好新鮮，蛋比例上亦都較多，可以唔洗試。雞就冇乜特別。手揸骨肉好大舊，食落口個感覺麻麻地，而且好油，又大舊肉又油，唔好食呢度啲滷味好好食😂 呢個滷水豆腐我地之後叫多左一碟。小編臨走前外賣左個滷水拼盤，好正👍🏼

朋友即將移民澳洲，佢提議去大排檔，臨走之前食啲港式野。我之前未去過，所以就一齊去試吓。我哋一行六個人叫咗乳鴿、煎蠔餅、避風塘炒蟹、蒜蓉炒生菜、椒鹽鮮魷同一個粥。呢到啲乳鴿又香又脆，肉質鮮嫩，而且好脆口好食，外脆內嫩，佢地保留返肉汁唔會太乾，真係好正所以都忍吾住叫返兩枝冰凍啤酒。煎蠔餅整得好好，因為整得好乾身又吾會油淋淋，都又好多蠔系裡絕對足料。避風塘炒蟹系成餐飯既主菜，除了螃蟹大隻外，重點就是舖滿滿的香香炸蒜酥，炸蒜酥咬起來不但酥脆，更帶有要焦不焦的蒜香，非常令人著魔的口味，送啤酒真系一流蒜蓉炒生菜不過不失，菜都炒得綠帶有蒜蓉香。椒鹽鮮魷唔會炸得好粉，魷魚都好爽口而且份量都好充足。最後仲叫多左個粥，粥底好綿加左啲蔥花，清清地中和下岩岩食左既炸野。其實估吾到外國人好欣賞大排檔既野食，見佢店面都坐左枱外國人佢地都食得好開心好Hyper!!!

要數香港既美食風景，一定唔少得大排檔，三個人系銅鑼灣行完街就走左過去鵝頸橋睇到一間門口有養生猛海鮮既大排檔，咁就決定入去試試佢。去得大排檔就梗係叫香口野啦，椒鹽瀨尿蝦系好推介。炸得好透，好惹味，好香口，點返兩支大啤送酒一流。點左個蒜蓉炒菜心，味道非常好，又不太鹹，一啲都吾油。咕嚕生炒骨 酸酸甜甜 甜甜酸酸 味道適中豉椒炒蜆 炒得岩岩好 隻隻都開哂蓋同炒得好入味Overall 來講真系幾好，老闆娘仲好親切好客仲留左卡片比我地 J三個人聚一聚，飲下酒傾下計咁就一晚，夫復何求?