功夫點心

Open Now

Now Closed

一心想放假食點心，經網上外賣平台order, 沒想到收到時食物都不是熱或溫的 🥲 還要漏2份食物，超失望。打去跟餐廳了解，職員態度惡劣，以後不會再食這間點心。今次真係中伏了，難食。

Chain dim sum restaurant that doesn’t skimp on the quality. I regularly order the spring rolls, they are always crispy and the sauce is delicious. The hargow and siu mai are classic and pretty simple. Egg yolk buns are also a must, with a warm and creamy filling that doesn’t disappoint. That being said, you get what you pay for! Don’t expect the most gourmet of dishes, but it’s a great place for casual weekend yum cha. The environment is not ideal. You can tell the dishes are not clean enough an

終於全面開放食堂了！今晚想找未試過的店舖，左找右找，經過士美菲路見到一間店面玻璃的食物相片很吸引，價錢好抵，晚餐三合一套餐$60價錢（有湯、點心和盅頭飯各一個，便決定這間-功夫點心！這裡面積很大，卡位亦多，坐得舒服。看看餐紙的確有$60這個套餐，而且選擇也算多。於是我點了鮮蝦腐皮卷、西洋菜陳腎燉豬展湯和臘味雞粒飯，另外一個茶位$7。我選香片，估不到茶香味醇，可跟茶樓比美！鮮蝦腐皮卷，即叫即煮，腐皮香脆，有很多蝦，蝦肉爽滑。西洋菜陳腎、豬展、南北杏、瑤柱和蜜棗，飲落潤肺又潤喉。臘味雞粒飯，雞肉鮮嫩幼滑，調味剛好。飯粒有咬口。總體食物和茶，都很美味，而且份量十足！晚餐只是$60+$7 可算抵食！👍

今日有事到堅尼地城，聽食友介紹「功夫點心」可以一試，於是斗膽前往試試，怎料有期望總是換來失望，更有感而發，亂寫打油一首，藉以抒發心中的失望。誰說「功夫」是一流，食物賣相冇派頭，員工服務正九流，亞茂才會返轉頭!食物沒有鮮味，嚴格來說，大部份食物都是冇味或有少許腥味，例如：陳皮牛肉(內有肉、葱、陳皮、馬蹄等)祇吃到少許陳皮味；蝦腸的蝦有點腥味而不是蝦的鮮甜味!腸粉皮亦不夠薄。蝦餃來到時其中一隻的皮已破了，可見有粗製或監管不善的情況。其實，我們來到時，被編排坐近門口，但大門常開，今日風勢亦不弱，故此立即要求員工協助轉枱，但該名員工立即黑面，拿餐具來到時，將餐具抛到枱上以表達對我們要求換枱的不滿。兩壼水喝完了，要求加水，亦祇幫你加一壺算數。今時今日如此服務，我們真不知這店是如何營運下去？衹能祝它的老闆好運。

想食點心發現士美菲路開咗一間新嘅功夫點心，原來係大型連鎖店，睇相見到個叉燒牌好似幾正， 就去咗試吓，點知...蟹子香菇燒賣王$18燒賣都OK嘅，起碼夠熱，半肥瘦豬肉唔會乾爭爭酥皮焗叉燒包$20叉燒包比起相片細咗好多，個酥皮都夠酥，叉燒餡就偏甜咗啲金鑽脆皮鹹水角$20鹹水角真係難食，上菜嘅時候凍冰冰，一啲誠意都冇喎內涵正正常常咁啦，但係凍冰冰真係搞唔掂鮑螺片滑雞粥$27雞粥overall嚟講都算幾好，不過雞件就比較多骨

今日周末第一日 整返個靚午餐先!點心專門店食返幾件先!生煎包,鮮肉燒賣,蒸粉果, 脆春卷 品茶一位生煎包餡唔多,煎得微微脆口,咬開個麵包鬆軟,係鮮肉餡,個味唔算濃,不過不失鮮肉燒賣, 一客2件起~一個人食得曬~ 入面放了冬菇碎,食落更加香 鮮肉彈牙!又夠大粒~蒸粉果,一客3件 飽滿大隻 入面有蘿蔔粒同花生碎,口感又脆又爽口,幾豐富!個皮仲幾煙韌~脆春卷, 一份3件,剪半上,中間係蔬菜絲 外面脆脆口入面係清爽菜絲 加點醋汁食一流~平均消費$100評分8/10西環堅尼地城士美菲路43號美菲閣地下12及14號舖

假日夜晚都想飲下夜茶，食下點心，原來堅尼地城都開左間連鎖點心店<功夫點心>，點心全日供應，價格親民，茶錢$5/位，仲要吾洗加一，都幾吸引。餐廳有卡位，乾淨企理，環境都坐得舒服，冷氣幾勁。生煎包：不算油膩，不過菜肉餡料份量較為少。菠蘿叉燒包：外面個皮都幾鬆脆，入面個叉燒醬餡料都幾好食。叉燒腸粉同牛肉腸粉都好滑，餡料夠多，幾好食。煎糯米雞：外面煎得脆脆地，入面嘅餡料夠惹味，非常好食，值得推薦。乳鴿都係40蚊一隻，烤得皮脆肉嫩，味道真心不錯。其他即叫即蒸點心有：蝦餃、燒賣、菜苗餃，夠曬大粒，仲好足料，味道都吾錯。點心選擇多，另外仲叫左牛肉蒸飯同咸魚雞肉蒸飯，份量同味道都不錯，仲好抵食。功夫點心抵食又好食，下次可以再來吖！～

今早去飲茶，功夫點心在香港各地有分店，水準應該不差（心想），但結果令人失望！食物還可以，但樓面阿姐們的態度令人覺得比大排檔d 阿叔更差，叫她為茶壼添熱水，叫了3次都沒人理！？真的不是歧視新移民，人地譚仔阿姐都係，但她們是做野的，這些樓面阿姐，好似間店係自己的，行來行去，大大聲聲說話，叫她時候卻裝聾。叫男樓面才叫做野，其他樓面阿姐根本不知什麼是服務態度，連叫「等等亅都沒有，說什麼不夠人手，也不用當客人沒到！？其實只是要求添水而已，比d 反應，我以為自己在平行時空，隔離桌的婆婆也叫4次也沒人理，到食飯時間即齊人大大説話，真的無言～功夫點心不是食物問題，是人的問題，招牌給這些阿姐毀掉！

收銀呀姐非常無禮貌，好聲好氣講唔該問佢外賣齊未，就喝人同趕人出去企 等喊number。當時店內人又唔多，等左成30分鐘。第一次問就發脾氣，不如唔好做生意，唔會再幫襯，野食味道都一般般，不過比錢買難受就不了

今日下午去買外賣點心，等咗差不多30分鐘後，上前問外賣情況嘅時候，個收銀阿姐一嚟就以呼喝嘅態度講:你企過啲得唔得呀！當時我都呆咗一呆。明白呢一個係星期日下午，人多擠擁，但我相信基本禮貌都應該可以維持，做顧客嘅唔會想受到樓面嘅無禮對待。我之前去過其他嘅功夫點心分店(包括堂食同埋外賣)，大致上員工都態度良好。唯獨是係依家西環分店嘅收銀阿姐會咁樣呼喝啲客人。希望功夫點心集團可以正視下呢位員工嘅工作態度。

集團式經營既功夫點心(仲有其他eg泰菜)，普遍質素都唔差既功夫點心西環店，算係新開既一間，員工服務幾好幾啱傾，好似地區啲酒樓咁裝修新而座位都幾舒服，特別係卡位，點心選擇平常既都有，都算幾吸引，價錢中價餐牌design吸引濃湯魚肚鮮竹卷，賣相其實都ok，幾清但夠味既，主要係木耳同甘荀絲，如果多啲其他會更正湯都唔錯，魚肚其實係豬皮，至少食落係瑤柱鮮蝦菜苗餃，賣相真心正，食落皮薄但好易爛，菜苗幾正但有薑絲，除咗唔食薑/辣既人唔鍾意外，都幾影響口感同味覺，樣樣都好溫和但薑整體又唔差不過扣左分功夫蝦餃皇，皮夠薄，望都知食落味道唔差但疑似有少少味精味，但蝦都真係幾真材實料，口感同味道都幾好蟹籽香菇燒賣皇，賣相好吸引，食落個味有啲味精，算係普通北菇棉花雞，啲雞好似幾滑而食落又真係幾滑幾好味驚人既係棉花，真係花膠仔而整得好滑好黏好正黃金流沙包，諗住細細個點知勁大，一開係有流既，包相當軟好好味，算係幾唔錯既流沙包估唔到集團都有依個質素，其實都唔錯既有啲味精感大家自決，不過大部分都唔錯，幾抵#見附近既人係咁叫湯米線湯菜下次都要試湯#天下武功出少林

堅尼地城又開一間點心，係連鎖店《功夫》，第一次食所以叫咗幾款推介同自己鍾意食嘅，星期日中午時段買外賣，足足等咗30分鐘，拎返屋企都唔駛5分鐘，但大部分點心都唔夠熱，仲要食完勁口喝咗成日，一定落重味精，下次都係食返新興！🥢功夫蝦餃皇 $9/隻⭐️從來未食過咁厚皮嘅蝦餃，好彩只係叫咗兩隻試🥢蟹籽香菇燒賣皇 $9/隻⭐️⭐️肥膏太多唔好食，係冬菇幾香嘅🥢瑤柱魚肚灌湯餃 $28⭐️皮又厚又硬，皺摺位啲粉似未熟，豬肉又粉粉地，成個灌湯餃都好奇怪🥢遠年陳皮牛肉球 $19⭐️⭐️普通牛肉球，無乜陳皮味，莫講話遠年🥢鳳凰煎糯米雞 $24⭐️好難食唔知佢想點，個皮係乾乾地硬身，裡面又無乜餡，平時鍾意食嘅咸蛋黃同冬菇都無🥢酥皮焗叉燒包 $20⭐️⭐️⭐️即係菠蘿叉燒包，無乜特別，但味道ok嘅🥢釀蝦膠炸兩腸 $27⭐️⭐️⭐️⭐️呢個幾好味，皮薄炸兩脆，蝦膠有蝦味兼彈牙，除咗豉油仲有多個花多醬二人共消費：$187

去開堅尼地城探個fd, 點知佢未收得工, 唯有搵個地方坐住等, 經過見到新開左間功夫點心一於入去飲杯茶, 打開點心紙見到大路既點心都有, 今日想食得另類D, 叫左個燉湯 海底椰沙蔘燉唐排, 脆皮花枝餅同家鄉炒米粉。燉湯飲落完全唔覺有味精, 又多料...飲到海底椰既潤, 粟米既甜, 有驚喜。花枝餅個皮脆卜卜, 外脆內軟, 加埋粟米粒提升口感, 成件餅個口感好有層次。最後家鄉炒米粉本黎諗住冇咩特別,  以為好似普通酒樓咁, 點知一黎到見到有幾隻蝦仲要好香鑊氣, 估佢唔到。D 姐姐服務都唔錯, 環境新, 又有卡位坐, 都幾舒服, 可惜食完先發覺如果2點半先叫有下午茶8折, 下次一於黎食個下午茶!

今日同阿媽出去西環探阿婆 探完都差唔多2:00🧐阿媽話想飲茶但唔多熟路搵酒樓，咁啱地鐵站附近見到一間好似新開嘅功夫點心 一於入去試吓！ 入到去見到裝修幾靚幾舒服全部都好似係卡位😋啱晒我心水！等咗5分鐘就有位！我最近減肥所以同阿媽兩個人嗌左四個點心包括有棉花雞/煎糯米雞/豉汁花枝釀茄子同埋嗌多咗個椰香黃金糕 點心等咗大概10至15分鐘到 店員落單前已經同佢哋講咗因為啲點心即叫即整所以需時比較耐少少不過冇所謂啦難得有時間陪阿媽飲茶😋啲嘢食全部熱辣辣 特別果個豉汁茄子真心冇得輸！熱辣辣豉汁味好濃我阿媽讚不絕口😂 跟住仲有個餐廳推介嘅煎糯米雞都係水準之作！最驚喜係嗰個椰香黃金糕因為我好少食甜野但食落口感好鬆軟好似西多士咁幾搞笑幾好食！ 棉花雞就正常水準啦！ 我見到佢依度唔收+1服務費同埋淨係每位$5茶錢我覺得都幾經濟實惠下次可以再嚟！見到Menu原來功夫點心仲有好多其他分店搵日有機會再試！我食嘢最緊要係環境舒服同埋啲嘢熱辣辣呢間餐廳都符合到我兩個需要！