手作功夫茶 (啟岸)

Open Now

Now Closed

由以前中學年代鍾意飲日出茶太，到日出茶太Che出香港，好耐都冇飲過覺得好飲嘅珍珠奶茶，直到有一日試咗手作功夫茶，覺得佢嘅珍珠奶茶真係好好飲。佢嘅珍珠有甜味，所以平時嗌零甜就可以，佢嘅伯爵珍珠奶茶或者鐵觀音珍珠奶茶真係好有茶香味，非常推薦。

啟岸三間手搖飲品店，呢間性價比最高。廿幾蚊一杯，價錢合理飲品款式多，有奶蓋，有果茶，有珍珠奶茶。是次幫襯了冬瓜檸檬茶。如果甜度可選就更好。服務員靈活醒目。Openrice預訂了飲品，但前面客人因付款方式有點阻滯。 店務員見到我只係拎飲品，馬上奉上。 醒目抵讚！

呢間啲珍珠係我既top 5😝唔想飲奶茶我就會揀呢個百香QQ我一定係走糖 事關珍珠既甜度已經好夠加埋百香果粒粒酸酸 好正另外仲有椰果同我最愛既珍珠成個combo無得輸😚外賣自取預先係OpenRice撳定比錢行到去岩岩好拎得 慳番好多時間😆同埋呢間無論喺任何一間分店啲水準都係好一致 呢點要讚🎶

原本以为做错奶茶没啥 反正我也经常点他家的38奶霸 （都是点微蜜 热饮） 走到半路了 我也就没回头去换奶茶 结果到家喝了一口 甜的齁人 完全是全糖的甜度 开始我以为是没摇均匀 还多摇了几下 结果还是这么甜 （珍珠也觉得越做越甜了） 真无语了 我寻思着 我也没催他们啊 结果做错奶茶就算了 甜度也做错了 … …凑两百个字 我要给评价 真的很生气啊…不是喝不了甜的奶茶 是他家的珍珠非常的甜 所以奶茶我都是点微蜜 结果奶茶做错就算了 甜度也给了搞错了！！！甜得吓人

之前行街見有啲口渴，買左杯鐵觀音珍珠奶茶，茶味都幾香，珍珠都好煙韌，即使加左奶，但都𣧂無蓋過果種茶香，我個人都喜歡走甜或少甜，呢個少甜程度對我黎講，仍然甜左少少，不過都可以接受，好正！

睇返其他食評至知原來一向服務都咁差，唔知係店特色定係咁啱都係幫我收銀個女職員（睇樣二十至三十中左右）。入去落幾杯嘢全程木口木面一句都冇應過，剩係到最尾講幾錢，當然多謝都冇句。其實我唔係要妳娛樂我，不過人類係應該有基本禮貌嘅。我自己叫嗰杯係仙草奶茶，冇茶味。冇揀少冰少甜（職員亦冇其他大部份店咁問使唔使揀）但杯嘢入面都冇乜冰同啲奶水係冇甜味。可能原本冇咁差，係諗起嗰個職員個樣至影響晒。

手搖飲品店，基本上香港都開到周圍都係，呢一間手作功夫茶，今次就等我嚟試吓啦。🥤今次我叫咗呢一杯，🍊🍋柚香晶球綠茶，少冰，無蜜。呢一杯飲洛口嘅時候有好豐富嘅柚子味，亦都有啲西柚味，飲落好清新🌿🌱而晶球亦都豐富左呢一杯飲品，煙煙韌韌咁，都幾好食㗎。😋😋😋話時話我雖然已經叫咗無蜜🍯，即係走甜，但係呢杯嘢，依然係好甜，我估可能，係佢本身個柚子有調教過味。🥰🥰🥰等我下次再試埋其他手搖飲品先。🤭🤭✌🏻✌🏻✌🏻

外賣自取6杯凍飲，同一張單，唔明白點解咁都唔俾個膠袋裝住。去到攞嗰時候，職員先一杯一杯拎出嚟，連問個客需唔需要膠袋嘅意欲都冇。向職員提出要求，職員表示要收取5毫膠袋費，即使向職員詢問 政府膠袋徵費規定，冰凍或冷凍的食品(不論其包裝方法)是否可獲豁免，職員只是態度冷漠重複一句「公司規定」就算。心想職員其實都只不過按本子辦事，如果免費俾咗個膠袋我咁邊個揞呢5毫出嚟呢，無謂做個西客要人難做啦，所以我都禮貌以待不再多說。不過見到人哋買2杯嘢飲，都有用紙托托住先入膠袋。而我6杯嘢就由得佢哋喺個膠袋度東歪西倒，見到個職員啲西態度同神情都費事要求紙托了，畢竟我係嚟買嘢，唔係嚟買氣受。其實作為普通客人，唔係介意呢5毫同個紙托，但係職員嘅基本服務同態度都冇，就更毋論買咁多杯，公司都唔可以提供一個合情理嘅膠袋了

同朋友經過覺得口渴就入咗去一人買左一杯嘢飲朋友買咗杯38奶霸，自己買咗一杯抹茶拿鐵加芝士奶蓋俾完錢之後先醒起自己唔記得講要少甜少冰所以即刻同返個職員講想少甜少冰職員好好人咁同返我講好幫我改返出聲嘅速度好快，俾完錢幾分鐘之後就可以拎杯嘢飲朋友杯38奶霸飲落口感豐富啲珍珠好Q好好咬自己杯抹茶拿鐵加芝士奶蓋都好好飲抹茶味好濃，啲芝士奶蓋好重芝士味飲完佢地啲芝士奶蓋真係覺得其他地方嘅芝士奶蓋冇乜芝士味以後一定會多啲幫襯呢間功夫茶

之前睇到好多評語話員工態度差，但今日真係另眼相看。今日排隊幫襯都聽到員工有覆單同問係凍飲定熱飲，又會多口問甜度冰度。而收銀處亦有張貼溫馨提示客人落單預設係凍飲。中間聽到有客人話要點解珍珠奶茶唔可以要求改鮮奶，員工都有細心解釋同提議客人改落紅茶拿鐵加珍珠，態度仲唔差喎。自己就買左杯黑糖波霸純鮮奶，整完出黎準備拎走阿仔先突然發脾氣話係要有奶蓋果隻（原來有杯叫“特濃”...）。有員工聽到即刻問洗唔洗幫我地加返。見佢地排緊十幾杯野飲唔係幾好意思但佢地都肯幫我地優先加番，抵讚!其實阿仔之前都自己買過幾次，有次仲帶唔夠錢買個膠袋（真心唔明凍飲點解都要收5毫子...) ，好唔開心。佢話好彩有個女員工話送個膠袋俾佢，仲提佢下次記得問屋企人預多5 毫子。阿仔話佢好好人，想講句多謝。住附近十間有九間鋪都怕疫情唔開。近幾次行過見到間鋪都係得番一兩個員工，今日又見到佢地因為疫情要再縮短營業時間。下次一定會再黎支持你地。撐住!

27號晚 叫左兩杯野飲 兩杯都叫左熱飲 覆單果陣佢淨係講冬瓜茶同朱古力可可 最後一杯熱一杯凍 問返點解唔係兩杯熱 另一個員工就話「頭先同事已經覆左你一次 你話係凍㗎喎」你咁講法唔係應該兩杯凍或者兩杯熱？同埋我哋嗌緊野果陣 其他員工係後面打打鬧鬧 一啲都唔覺得自己備受尊重

入到去已經聽到好大聲hifi聲 玩同埋傾計聲 即使有人係入面等緊野飲同埋落單都未停過……………………………………………………………………叫三杯野飲 熱飲 少甜少冰 覆單乜都無 全部當凍飲咁覆俾你 講多次最後有一杯都係落錯左 同員工講返 回覆就係”已經覆左你單” 咁樣護住員工都係第一次見無得換都無辦法啦 咁咪要左佢 返到去飲一啖 有一杯野甜過汽水 根本得糖水味 另外一杯都偏甜(少甜？) 最後太甜果杯成杯倒左……………………………………………………………………結論係完全唔建議去呢一間功夫茶買野飲 買野要受氣加浪費食物

店員態度敷衍 遇到漏單行為並未有解決方案 在場6.7個人 完全不懂得處理危機問題現場未看到有管理人員在店等候時間18分鐘 但其實是漏掉我們這張單才導致如此慢出杯加了晶球 給了細的吸管 每一次喝都要用力才能吃到 有位女店員雖然有說不好意思 但是還是覺得服務不到位 我們提出的問題都未能得到解決➠提出為何比我們晚到的人都拿走了幾個 為什麼我們的飲品還沒好「中途排在我們後面的顧客拿到的甚至還是和我們點的同一杯飲品」➠提出如飲料未炮製就請退款給我以上有6.7個店員 並沒有一個店員回應我們的問題不會再有下一次光顧此店

餐廳試業中所以有得選擇嘅飲料比較少，否則望到原先個餐牌都有勁多選擇，咖啡，抹茶，水果茶，芝士奶蓋等，應有盡有，都吾錯，仲有d選擇困難症😬而且暫時只收現金，沒有電子支付選擇，有d吾方便，但職員表示下月會加入電子支付，有八達通。晚上10點幾都大排長龍，等候了15分鐘左右，不過放飲品區供客人自取既位置比較狹窄，而且要客人轉動個杯先知幾多號飲品，望到一杯飲品有4,5個人掂過，但都吾係自己order既，有點… 希望店員們多留意及改善呢點。珍珠奶茶幾好味，有淡淡鐵觀音，值得推薦。