真功夫 (Closed)

好多時放假諗唔到食乜, 就會買呢d外賣番去, 貪佢夠哂方便, 而且價錢又唔算貴, 味道又算係咁啦~~ 鍋貼皮的厚薄適中, 而且餡料又有菜有肉, 唔會淨係肉咁油膩, 個底煎香仲好食~ 春卷有紅蘿蔔絲、木耳絲、肉絲、菜絲等, 算係幾足料, 個皮又夠脆, 但油咗少少~ 生煎菜肉包餡料同鍋貼一樣, 都係菜同肉, 個包又夠鬆軟, 但曾經試過煎唔熟, 所以而家每次食的時候都要睇清楚~ 蘿蔔糕唔會淨係得粉, 間唔中都食到d蘿蔔絲同臘腸片架~~

十幾蚊個蒸飯, 雖唔係大碗, 但今時今日, 真係幾抵食.阿姐好快手, 加d 豉油, 我又趕時間, 邊行邊食喇.都好熱!雞幾肥; 但d飯索晒d 油, 好香, 知食得多唔好, 但都忍唔住~飯又冇話蒸到淋晒或索晒水. 好.土魷好食, 也算新鮮.個名係怪d, 不過, 係老麥或其他快餐以外的一個不錯的選擇.

第一城既餐廳都好貴, 而且繁時經常要等位, 所以位於街市的真功夫便成為我的快捷開飯首選.這次就一次過寫所有我試過的食物!北菇滑雞飯第一次食滑雞用上有骨的雞件,難得地食雞有雞味! (要知道在香港能夠食到有雞味既雞一D都唔易!) 可惜第二次食換上無骨雞腿肉, 雖然方便了, 但已經無雞味! 排骨飯太多骨, 而且用好多粉醃, 同酒樓差唔多差.菜肉包 大大個菜肉包係醫肚之選! 雖然用上椰菜, 不是用其他綠葉菜, 但不太遜色. 只是有時豬肉有粉紅色, 食起來感覺不太好.鍋貼餡料同菜肉包一樣. 煎得有焦, 不過擺左好耐, 皮已經發硬了.  都係食菜肉包比較好.蔥油餅曾經是我最喜歡食既蔥油餅! 外皮金黃色, 加上芝麻和大量既油, 夠香口. 只是蔥花比較少. 不過後來覺得太油膩, 就無再食了.最近再去光顧, 發現衛生不太好, 食物也不夠新鮮, 希望可以改善!

呢期多左好多地方買呢d中式飽點既舖頭. 估唔到居然會殺到入黎第一城! 大陸既真功夫係賣快餐, 呢間真功夫就賣中式飽點. 我開頭聽我媽咪講話街市開左間真功夫我仲以為大陸個間連鎖店開到落黎~~~我好鐘意食中式飽點. 知道樓下開左梗係要試一試啦, ok既話以後唔駛山長水遠去到旺角就係為左一個好包!! 第一次黎係朝早七點, 佢哋嗰陣先啱啱開舖咩都未有得賣. 不過因為太過想食, 所以等到十點再黎幫襯. 有很多選擇搞到我花多眼亂. 最後點左一個生煎包, 菜肉包同埋白謾頭黎試試佢有幾多斤兩先....首先白鏝頭, 幾軟熟, 雖然係淨包, 但係都唔會乾身到吸乾口部既水份. 唔錯. 生煎包好香口. 即買即食熱辣辣梗係好味, 不過估唔到買到番屋企無咁熱都仲幾口味. 唔會油到成個口都係油. 生煎包同菜肉包裏面既料調味適中. good!