KURI Cafe

Open Now

Now Closed

開放式的設計和商場無逢接軌，所以能給人一種光爽和寬廣的感覺。咖啡店裡面有售賣刺蝟的商品，大多數的商都給人一種可愛和簡約的感覺。而且，提早預約還可以體驗一下照顧刺蝟，學習到有關養育刺蝟的知識，最後還可以抱著刺蝟拍照留念。今次只是為了消磨等待食飯的時候，所以只點了兩杯不同口味的咖啡。焦糖咖啡兩杯咖啡都有不同刺蝟圖案，兩個都非常可愛！焦糖咖啡的焦糖味道較淡，但還是很出味。每一口都感受到焦糖天然甜味。榛子咖啡榛子的果實獨有香氣不夠濃，有一點被比下去。再加上，有點太過甜了。但是圖案就真的非常可愛和看到的時候心情便很好。

以一間Cafe來說，食品的質素是Ok的，平均幾十元一款食品連一杯基本飲品為之一個套餐，飲品可補錢升級，又可以加價配沙拉或散叫幾款小食，豐儉由人。呢間Cafe有提供數款桌遊可供借玩，可以一班朋友聚餐，邊食邊玩，不錯啊！而Cafe的裡邊，就是《刺蝟學習坊》，可以預約參加，今次肥沈一族就是參加了，內容有趣，刺蝟可愛，這次的體驗非常有意義！無可否認，今次就是被刺蝟搶去了風頭！不過，經過這《刺蝟學習坊》的體驗之後，的確能夠給予大家對刺蝟有一定的認識了！肥沈我誠心推薦比想飼養刺蝟的大家，能夠預先了解一下有關飼養刺蝟的一點點事宜，謝謝大家！

見呢間都開咗好耐，一直未有機會試。今日見早收工就試一試佢啦！呢度啲價錢都唔算太貴，大概50幾蚊就有一個餐，我叫咗個芝士肉醬意粉配葡萄柚冰茶。佢嗰度寫即叫即製，要耐心等候，大概等左15分鐘就有得食，呢度係自己去取餐嘅。賣相都幾好，唔似茶餐廳嗰啲。望落啲芝士都仲好吸引添食落唔會太膩，不過份量就好似唔係太足夠，可以多啲囉。杯冰茶都幾清新。總括來講，下次都會繼續嚟，不過如果太肚餓嘅話可能就要叫兩個餐普通正常唔係太肚餓嘅話應該都OK

因為小朋友準備面試，想同佢出去玩，但係又怕周圍好多細菌，於是就搵咗依家刺蝟餐廳，又可以玩又可以食今次買咗佢個package $198包左一大一小，連埋嘢食，刺蝟導賞、同埋playhouse玩，點計都比分開買平，所以就之前一日book咗次次去主題餐廳都唔預佢啲嘢會好食，竟然今次依間幾個朋友都讚好，味道的確係唔錯，只不過等嘅時候真係耐左啲重點係可以去睇刺蝟，小朋友睇得好開心，同埋介紹好詳細，過咗幾日問小朋友佢哋依然記得，真係幾開心

上星期和朋友來過吃午餐點了松露野菌牛粒飯，很足料， 牛肉粒不會很少，不會很韌 味道不會過濃，恰到好處朋友點了榛子咖啡有箭豬仔樣子在上，十分可愛，也很好飲今天我試他們的蒜香蟹肉意粉沒有感到失望雖然蟹肉只是一些肉絲( I.e.不是一嚿嚿蟹肉)但配合雜菌, 蒜蓉 及 微辣的味道吃得很滿足份量適中這裏以箭豬為主題，有賣一些仔箭豬的文儀用品環境使用木枱及木椅， 令人有十分寫意的感覺午餐由$48至$68不等以這個價錢配合這樣的質素及飲品 ，並即叫即整 是十分化算不妨一試(唯一的是如果大家食量略大可能未必覺得飽)

隔左應該大半年有多再黎食，餐牌已經轉哂，多左好多意粉，焗飯 和 甜品小食等等。多元化左好多，真係可以到食埋正餐因為今日無食晏，所以一次過叫左個芝士焗肉醬意粉 和 伯爵茶蛋糕，仲加左個田園沙律。田園沙律佢唔係用沙律醬，應該用左醋汁，一d醬的肥膩感都無，都幾開胃。叫沙律都係想逼自己食下菜。佢地仲有個三文魚沙律，但驚自己食唔哂，只係叫左份細的田園沙律。個芝士焗肉醬意粉，不得了!!一出黎個芝士味好香真係會令人食指大動，好味。真係可以成盤食哂!份量都幾足!!!!最後就係甜品伯爵茶蛋糕。伯爵茶味唔算太濃，亦都唔太甜。同鐘意少甜的朋友黎講係個不錯的選擇。 最鐘意係佢上面鋪滿左杏仁!!!!食落口脆脆的!!!一定會再同朋友再次光顧=)

本身好少去得寶食野有朋友搵到呢間cafe就決定試一試因為中意食牛肉所以叫左個肉燥肥肉飯飲野叫左芒果沙冰呢碗肉燥肥肉飯睇落好細碗但食落好多好飽牛肉好食 飯量亦唔少$48芒果沙冰都勁好飲杯勁可愛 小刺蝟超可愛原價$36 跟餐就$18打卡影相都一流環境方面餐廳偏大 位置都好多絕對適合休閒人士去食服務方面職員友善 態度有禮值得一讚同埋要提提大家自己垃圾要自己清自己野食要自己執總括而言野食唔算貴合理價錢就可以食到既好味又好飽既餐值得一試😀

妹妹前幾天已在這餐廳用過膳，她說意粉很好吃，咖啡做得很出色，今天下午她和我們一起再去光顧，分別點了大蝦意粉，焗肉醬意粉，香草意粉等...咖啡和飲品半價，由於我不喝咖啡，所以點了熱朱古力，二妹點了栗子咖啡，她說那隻刺蝟公仔喝到底都沒變形，很好喝，而我的熱朱古力上面刺蝟公仔都很可愛。食物方面，焗肉醬意粉的醬汁比例剛好，不太多也不太少，味道溫和，意粉比較幼身和硬，是我喜歡的軟硬度，而香草意粉有淡淡香草味，整體價錢也合理，雖然前面有一個大型室內的小朋友playground，但環境尚算寧靜，是三五知己聊天的好地方。

朋友住呢頭附近，有次探佢佢就極力推薦呢一間得意刺蝟Cafe🦔我點左呢份「香草醬意粉」，首先要讚一讚既係，店主響每份野食上面都會插住一塊刺蝟牌仔，非常可愛！而食物質素，更加令我大開眼界，估唔到一間小店可以以咁相宜既價錢，炮製出咁美味既意粉！！呢個香草醬意粉，個醬汁整得好香，加埋松子仁、蕃茄片，簡單既一道菜式殊不簡單！朋友就叫左呢份「芝士吞拿魚焗飯」，我都試左少少，個芝士好濃滑，配埋吞拿魚同飯真係不得了甜品方面，我地就叫左「焦糖芝士蛋糕」share食，呢個蛋糕都係不容小覷，芝士好結實，上層有燒得恰到好處既焦糖，一齊食個口感好特別我地仲每人叫左一杯沙冰，左邊朱古力味，而右邊係蜜桃味，個人認為蜜桃味比較好飲！呢度仲可以加$50餵刺蝟，不過我地因爲仲有下場，無探到刺蝟BB，只可以好快咁望下店主擺出黎既得意紀念品，希望下一次可以真真正正見到佢地啦！

刺蝟餐廳睇介紹就睇左幾次，今日就的去心肝去試下。去到見到lunch set又唔係貴仲唔錯，份量仲岩岩好，味道ok, 意粉真係唔差。叫左一個lunch set$48 再加$25有件蛋糕，仲要包一杯$28既飲品。兩個人都係平均$6x. 唔加件cake 都係$5x. 九龍灣細場內都有間價錢合理，味道唔錯，又有刺蝟，絕對岩晒一家大細，食完比多$50就可以近距離餵刺蝟，專業職員講解刺蝟🦔生活及日常習慣，不過係唔可以直接接觸刺蝟。記住要預約呀！

Hong Kong has many types of animal cafes: cats, dogs, bunnies even reptiles. And this one is  hedgehog cafe. Kuri Cafe is located in a small residential mall in Kowloon Bay that is not as fancy as Telford Plaza nearby.But it was still pretty cute! There was a mascot of a hedgehog.They even had some fairly nice looking products.The cafe offers a viewing of real hedgehogs at allotted times. You must pre-book ahead of time and it costs $50. We didn't know and it was full so we couldn't see them.The

約左朋友食晚飯， 入到黎雖然唔大， 但放滿刺蝟擺設同公仔好可愛，入面仲有間房專俾參加左刺蝟學習房既人入去(不過要預先book, 所以個晚就無緣參與)講返野食， 我地嗌左個 芝士焗肉醬意粉， 同埋芝士焗忌廉吞拿魚飯， 呢度係要自己捧餐返自己枱既，2個野食一出已經聞到好香， 面頭鋪滿芝士，食落好好味， 啲配菜(菇，紅椒粒等)都食得出有預先調味同炒過， 意粉軟硬適中，肉醬又唔會太鹹太淡，雖然材料唔算好特別， 但48蚊食到晚飯仲要有咁既質素我自己就覺得好滿意另外， 由於星期一至五食一個主菜都包杯28蚊以內既野飲， 真係好抵， 就算個晚我地嗌mocha, latte, 都只係補差價+$5, 仲有隻刺蝟係面， 實在係好可愛好治療望到心情都開心哂另外同朋友一齊嗌多個小食， 芝士焗花枝丸，正正常常，，有芝士同少少甜豉油， 不過不失，，幾經濟既小食~鋪入面仲擺左啲刺蝟既公仔同商品，提供零售。另外， 我地發現點餐處隔離有個細細個既架提供小量card games俾大家一路食一路同朋友玩， 咁平既價錢有野樓上cafe既配設真心覺得好抵

我老婆唔食撒利X，話衛生唔好，所以經過親呢區想食個意粉都難終於今日比我試到原來呢間cafe啲意粉好得！開頭成日會有個觀念覺得主題cafe都係食物質素比較差，比不上正統餐廳，今次我改觀了食左佢地大蝦意粉同比較少見既香草意粉大蝦意粉蒜蓉味好香，非常適合喜歡重口味嘅我香草意粉相信係用新鮮香草葉去製作，我自己不太喜歡草味都覺得幾好，而我老婆就非常欣賞順帶一提我哋平日黎仲有飲品送，$48一個晚餐真係正到笑😆即係我哋再嗌多咗個煙三文魚鮮果沙律share, 有幾片煙三文魚，幾足料！佢冇落沙律醬反而加咗一個酸酸甜甜嘅醬汁，幾特別

有動物嘅餐廳都唔係第一次去之前去過貓貓cafe可以同啲貓貓互動而今次就冇同啲箭豬互動喇因為之前免費而家要收費熱盤menu 只有3個選擇可以半價加一杯飲品肉醬意，白汁吞拿魚焗長通粉正常味，ok arMocha 偏淡，可能因為冇落糖laHazelnut latte 相對好飲

週末晚上九點幾路過九龍灣揾飯食，估唔到好似旺角咁多人，鑽入得寶商場見這家剌猬咖啡店無咩人，我但求有位坐靜靜食碟飯，見咖啡店賣牛腩飯咁得意就搏一搏，點知有驚喜，並非一般茶記或粉麵店的味道，腩汁香口濃郁腩肉有嚼勁，飯的份量夠飽，$48如果有杯汽水更好。食到汁都撈埋有點油膩，整多個甜品：香蕉朱古力窩夫，香蕉賣哂，店員特製一個藍莓版本比我  雪糕好味，窩夫微暖，正雖然周圍有好多好多食店，不過想舒舒服服食餐飯，這店是不錯的選擇。