黑門水產すいさん (棉登徑)

Open Now

Now Closed

朋友為我慶祝生日，特意選擇呢間頗具名氣的日式居酒屋，不過我只可以話呢間居酒屋嘅入座人數已經不復當年，星期日夜晚入座率都大約只有六成。由於係居酒屋格局，所以坐起上嚟會有少少逼迫，但係環境衛生同埋服務態度都係合乎預期。居酒屋提供嘅食物種類非常之多，包括壽司、刺身、壽司丼飯、天婦羅、串燒、燒物、火鍋等等，令人眼花撩亂，最後我哋三個人叫咗四樣食物，包括壽司盛一客、牛肉壽喜燒、海膽蟹肉甲羅燒、同埋魚生丼飯(有海膽吞拿魚蟹柳)。呢四樣食物嘅水準保持得唔錯，味道同食才新鮮度都幾好。我個人最推薦嘅係甲羅燒，因為唔係好多地方可以食到呢個菜，雖然每個甲羅燒只會配上一塊威化餅，不過其實係可以叫店員添加餅。至於啲食物嘅賣相就請參考我嘅相片。三個人最後食咗大約$1100，合乎預期。但係我覺得店家有必要做一啲推廣工作，否則難以在如今的經濟狀況下生存。

最近決定去旅行，唔如搵間好食嘅日本餐廳，一解思鄉之仇🤣🤣今次來到黑門水產，佢係關西出名嘅水產舖頭，平時喺日本都好多人食，但我未喺香港試過。我哋叫咗兩個**lunch set刺身丼飯**。套餐包括一碗麵豉湯、茶碗蒸同埋前菜。佢用嘅飯同平時壽司燥飯唔同，飯粒偏硬身，口感特別。刺身選擇都好多，海膽同蟹肉蟹膏份量都比得多，真係大滿足😌。因為週末都要返工，就係要對自己好一點，所以另外叫咗**海膽甲羅燒**同埋**煙三文魚大阪燒**，味道都非常出色，絕對值得一試。最後埋單大約$600，食到超飽。不過如果淨係叫lunch set，其實消費唔使$200，都幾打工仔friendly。

今日嚟尖沙咀同朋友食飯之前食過銅鑼灣嘅黑門水產朋友話想試吓尖沙咀呢間🇭🇰環境同銅鑼灣嗰間都差唔多其實有好多嘢都好吸引好想食😆首先有呢個牛舌牛舌熱辣辣鐵板上🥰要趁熱食👍🏻牛舌熟度煮得啱啱好香蔥胡椒都好出，有淡淡柚子味☺️之後就到呢個辣魷魚其實唔算係好辣，魷魚爽口🤤之後就到壽喜牛肉鍋，呢個就同平時餐廳嘅水準差唔多有基本嘅材料，配有粉絲牛肉色澤唔錯🥰 肥瘦都分明食落一樣咁正☺️ 肥瘦適中跟住就到呢隻蠔有驚喜地大隻😍 食落都好新鮮仲好有心地配埋啲柚子啫喱令口感同層次更多🆙👍🏻另外都十分推介就係呢個甲羅燒好貼心咁喺煮之前俾我哋睇吓同影相😆好彩之前真係睇咗啲材料食落有好出嘅海膽味配埋餅乾食就更加突出個鮮甜味🥰呢間黑門嘅嘢食絕對好唔錯🥰嘢食用料去到服務質素都好好有機會會再嚟食☺️

難得早放工，可以同同事早啲來晚餐，再夜啲就冇位了好多人book左位。裝修有格調，環境寧靜，適合打工仔放工來傾計，食物種類和款色多。侍應頻密加茶，態度友善。海膽蟹味噌甲羅燒本人第一次食甲羅燒，果然是餐廳的招牌名物。有廚師貼心地在旁幫助混合蟹殼內的食材和燒煮。入囗蟹味非常濃郁，和餅乾的配搭一流，好味，推介！龍蝦汁海鮮一道菜有晒幾海鮮！蝦很大隻，而且爽口嫩滑，龍蝦汁滲入蝦內令肉質入味。魷魚，蠔，芋絲等都很好吃，龍蝦汁可以用來撈飯一流。魚生丼賣相吸引，一份丼已經可以食到咁多種魚生，高CP值！魚生食落好新鮮，散發鮮味，一啲都唔腥，壽司飯調味合宜，飯量足。燒牛油帆立貝有專人幫煮燒、調味，令帆立入味，肉質鮮甜新鮮，而且會切成碎粒方便和友人分享。三文魚大板燒燒得合乎中道，塊底外脆內軟，煙三文魚足料，整體味道不錯，而且很飽肚。

餐廳裝修好有日本feel，坐得舒服。講返食物先，真係樣樣都掂！海膽蟹味噌甲羅燒，香味正到冇朋友！大阪木津海鮮丼都好新鮮，好多唔同嘅刺身，食到停唔到口！焦糖蘋果鵝肝多士都幾有創意，鵝肝入口即溶，配埋焦糖蘋果嘅酸甜味，好開胃！燒黑豚腩荔枝卷都幾特別，估唔到荔枝同黑豚腩咁夾，甜甜哋好惹味！白蘑菇釀鮮蝦肉串都唔錯，蝦肉爽口彈牙，蘑菇juicy！燒雞皮脆卜卜，送啤酒一流！最後叫咗火炙三文魚壽司，三文魚燒得好香，好滿足！黑門水產嘅嘢食真係高質又抵食，around $200一個人真係抵！下次想食日本嘢，一定會再嚟！

今日同亞女及男朋友仔，去尖沙咀睇完日落及燈飾後，路經棉登道，見黑門水產門口好吸引，無得去日本玩就入去食吓日本菜啦！北海道生蠔$78/1 隻， 蠔算幾大隻及好新鮮冇腥味，肉質爽口好有蠔味🥰海膽蟹味噌甲羅燒$88蟹蓋裝滿有蟹肉、蟹膏海膽蟹籽鵪鶉蛋同香蔥， 職員好細心上枱俾大家打卡先，影完相先拎去燒，將所有材料混合一齊燒好，上枱加一片梳打餅一齊食，真係仲正過係日本食。 （加多兩片梳打餅就更加好啦）壽喜燒牛肉鍋$198 （可以加烏冬$35）壽喜燒鍋內有豆腐，娃娃菜，金菇，秀珍菇，冬菇及薯粉，有四片牛肉都算份量適中，牛肉好嫩滑，壽喜燒汁不算太甜，烏冬口感煙靭，食完壽喜燒即刻溫暖晒。海膽天婦羅$158用紫菜葉包住海膽去做天婦羅，味道我個人就覺得一般，海膽都係新鮮食好啲。極尚壽司盛合$468 手握壽司有12 件🍣，有我至愛既松葉蟹膏及海膽之外，還有三文魚、油甘魚、金目鯛、大拖羅、池魚、帆立貝、三文魚子、赤貝、牡丹海老及松葉蟹肉，件件都非常之新鮮好味，壽司飯都有調味，真係不用點醬油！黑門令彩虹丼$248🌈份量十足好抵食，有吞拿魚肉蓉、吞拿魚、三文魚籽、海膽及蟹柳蟹籽鋪滿成個丼，壽司飯都已經調味。

第一次來食燒海鮮，點了一客二人前set，有兩隻蠔、兩隻帶子、兩隻鮑魚、四隻蜆、和兩隻蝦，燒之前店員會先拿來給客人拍照，然後再去燒，整體燒得不錯，不會過熟，調味適中；之後再點了兩個原味甲羅燒，蟹味香濃，但最好要配餅食，否則有點鹹（梳打餅可以叫店員添加，但每次只會比兩塊）。而鐵板海鮮是整餐最不喜歡的，芡汁太濃、黑椒太搶、偏鹹，我要不停飲水。價錢都不算平，但香港地食好少少都差不多要這價位，燒海鮮四百幾、甲羅燒$78一個、鐵板海鮮$188。

第二次嚟黑門水產，他們的甲羅燒和海鮮很不錯，服務也挺好燒海膽蟹蓋，還有餅乾給你點著食，好味。旬之刺身，份量十足，很鮮味。燒鮑魚，不會燒到縮晒水。拖羅壽司，赤貝刺身等等都不錯。店員介紹‘作’冷Sake, 亦為我們斟酒，很貼心的為我們介紹Menu 上的食物及酒類，為我們推介新鮮魚，燒或刺身。我們暢飲用餐4小時，沒有人趕我們埋單，盡興而歸。雖然他們的價錢略貴，但沒有一項食物令我們失望。惟一建議店家把磯燒爐放入一點，不要放在店中間，因抽風不好，燒烤煙很嗆喉，我們咳了一會兒。

以前經常經過這家日本水產磯燒店都坐滿人，終於有機會試試～海產選擇都算好多，由北海道供貨，每天直送不同海鮮到港，確保新鮮！招牌甲羅燒蟹膏配海膽三文魚子，燒得好好味，配上小餅乾，暖暖的入口也不會過咸，我還不夠燒餅乾要多一塊🤭必須贊一下服務員小哥，在一旁用心燒烤，燒鮑魚低溫慢燒燒了超過10分鐘，熟度剛剛好非常彈牙也不會過火，需要拍照可要求服務員在旁邊燒烤，或是燒好直接送上～剛好最愛的深海池魚賣完，就點了季節性的秋刀魚刺身，油脂一樣豐富，－下子食曬！其他串燒熟食燒物也是正常發揮，油甘魚鮫油脂非常豐富，啖啖肉好滿足。這家清酒選擇亦十分多，揀左我最喜歡的<作>配搭海鮮。

誰說香港已經再不是美食天堂？只要你肯來，這裡有大把美食等着你來品嚐！今天晚上，我和家姐前往了尖沙咀棉登徑8號地下3至4號舖的一間名叫黑門水產的日式特色餐廳。這家餐廳充滿了濃厚的日式風情，讓人驚喜不已。我們被安排在一個寬敞舒適的座位，餐廳環境整潔乾淨。服務態度非常好，每位店員和老闆都面帶笑容，他們經常介紹食物的地域特色，讓我們感受到無比的好客。在老闆的推薦下，我們品嚐了店內著名的海膽蟹味噌甲羅燒。這道菜的味道比大閘蟹的蟹膏更加甘香，入口即化，讓人回味無窮。接著，我們嘗了燒黑豚腩荔枝卷，豚腩肉質嫩滑，搭配荔枝的香甜風味，讓人欲罷不能。我們還點了大阪木津海鮮丼，碗裡滿是新鮮的海鮮，味道鮮美。而和風鲑魚果潰沙律則是另一道驚喜，沙律的口感清爽，鲑魚和果潰的搭配恰到好處。最後，我們品嚐了辣酒煮角螺，螺肉鮮甜，酒香四溢。這間餐廳，豐儉由人，人均消費大概$200起，已可享用到獨有的美食。今晚，這頓飯讓我們感到無比滿足，不僅是味蕾上的享受，更是心靈的愉悅。香港這個美食天堂，仍然充滿著無窮無盡的美味。無論你喜歡什麼類型的美食，這裡總有一間餐廳能夠滿足你的胃口。只要你肯來探索，你一定會發現更多令人驚喜的美食

今天在尖沙咀棉登徑看到一家日式料理店黑門水產有很多明星光顧的合影，我和朋友也打算嘗嘗。### 黑門三文魚加州反卷一整塊三文魚包住米飯，上面還佈滿了三文魚籽和蟹籽，甚至還加了酸甜芝士醬，米飯中間包住玉子燒蟹肉和黃瓜。不僅視覺上也十分誘人，色彩繽紛，在味道上令人滿足，讓人感受到新鮮食材的極致美味！### 海膽蟹味噌甲羅燒金黃色的蟹肉、鮮嫩的海膽和晶瑩剔透的蟹籽放在甲羅上，真是色彩繽紛令人垂涎！入口，蟹肉的鮮甜與海膽的濃郁相互交融，蟹籽則為整道菜增添了一層獨特的海味！### 鐵火卷內裡包裹著鮮紅的吞拿魚，外層則是烤得稍微有點金黃的米飯，帶有微微的焦香味。咬下去時，吞拿鱼的鮮美瞬間爆發！### 蔥吞拿魚腩卷伴有彩色蓮藕和海帶絲，吞拿魚腩卷搭配著燒烤過的蔥花，讓整體口感更加香脆濃郁！### 三文魚牛油炒什菌牛油和什菌的香氣滲透進每一塊三文魚，豐富的口感與風味！### 黑門紅豆雪糕雪糕細膩滑順清涼，抹茶味甜而不膩，曲奇餅味比較香！這家店環境和日式料理味道都不錯，而且人均也就200元左右，下回還會再來！

朋友之前試過覺得不錯，所以今次都同男朋友一齊試下。店鋪好近地鐵站，一出行2分鐘就到~好方便！餐廳有居酒屋vibe，好適合坐低同朋友暢飲聊天~ 我地叫左4樣野食~全部都食得好滿足😉壽喜燒牛肉鍋最近天氣開始有d涼意，最適合就係食壽喜燒牛肉鍋~暖下身子~薄切嘅和牛肉片色澤好靚，夾起放落鍋煮10幾秒，再搭配醬汁~放入口真係一口口幸福geh感覺~而d蔬菜都好新鮮~蛋白質+蔬菜，營養都補足埋~即燒即食甲羅燒（海膽蟹味噌）甲殼放咗鵪鶉蛋、海膽、新鮮蟹肉、蟹膏和蟹籽。厨師會即場幫你燒，所以唔使怕自己燒得唔好~燒完之後有好香的蟹膏味，配上海膽就有一番鮮甜geh味道~再加上海量嘅蟹籽，真係好滿足。推薦大家都可以試下呢款~香葱吞拿魚腩卷吞拿魚腩有好香魚油味，加入蔥粒一齊食更提升魚的味道！魚生丼丼飯賣相好吸引，任務住刺身款式好豐富亦好新鮮，有蝦、三文魚、吞拿魚、蟹籽， 仲有玉子粒同清爽的青瓜~整體分量都多，可以兩個人食~最後價錢都唔算貴~大約$200左右/人就可以埋單~不妨放工可以去食餐慰勞自己~

行開尖沙咀，決定食日本菜，餐廳格局很有和式風味，而且環境舒適 海膽蟹味噌甲羅燒甲羅燒得恰到好處，海膽的鮮甜和蟹味完全夾，口感滑溜，再配師傅燒上，完全令鮮味提升 三文魚加州反卷三文魚鮮甜滑嫩，配上牛油果和青瓜，口感清新。酥炸雞軟骨雞軟骨炸得金黃酥脆，咬下去時有一種爽脆感，再配檸檬汁保持著肉質的鮮嫩。大阪木津海鮮丼呢碗海鮮丼真係視覺和味覺的享受！新鮮的刺身鋪滿飯面，各種海鮮味道鮮美，上乘食材，鮮味十足❤️❤️

位於尖沙咀棉登徑的黑門水產，鄰近K11 ，地點超方便，餐廳裝修讓你有如去了一轉大阪黑門市場，置身於家鄉似的，店員親切友善，是間食物種類超多的居酒屋，我們睇咗好耐才選定食什麼😆，結果係吃得非常豐富，嚟開尖沙咀必要前來試試啊！🇯🇵焦糖蘋果鵝肝多士$78 ～鵝肝大大件，油脂豐富，配上清甜蘋果，好有層次🇯🇵極上大漁具燒 $128～ 有帆立貝、廣島蠔、海老、三文魚子、海膽，有專人服侍幫手燒，食材新鮮，甜美多汁，正呀！🇯🇵大阪木津海鮮丼$198～定食包括前菜、沙拉、味噌湯、茶碗蒸，海鮮丼有多款刺身，米飯亦特別醃製，總體非常豐富！

前排終於同朋友去咗黑門水產食飯，之前bookmark咗好耐嫁啦😍滿心期待！呢度嘅甲羅燒，聽聞幾出色，見好多食客都會order 一份😋甲羅燒有幾款口味嫁，我就揀咗海膽蟹味噌甲羅燒🦀餐廳將新鮮嘅海膽，海量嘅蟹籽，鵪鶉蛋，放在蟹殼內，然後廚師即席用火燒🔥即燒即食！壽喜牛肉鍋🍲肉質好新鮮，薄切嘅和牛肉片喺鍋中輕輕一煮，肉質瞬間變得滑嫩😋搭配濃郁嘅壽喜燒醬汁，真係無法抵擋，每一口都心滿意足！黑門三文魚加州反卷🍣 以肥美嘅三文魚包裹住，仲配埋蟹籽三文魚子，一咬落去口感好豐富👍🏻啤酒做緊promotion, 全日都有買一送一優惠🍻同朋友嗌返杯夠哂盡興啊！