黑山食堂 (Moved) New Location

該店位於輕鐵景峰站隔離 📍 有住非常日式嘅裝潢十分搶眼佢唔同其他餐廳有自己嘅大門 就好似日本屋台咁嘅 令你彷彿置身九州一般👍🏻我自己就叫左一份非常平民日本定食--滑蛋雞腿肉飯🤤啲蛋同雞肉就煮到恰到好處 唔會太生 唔會太老 嫩滑多汁🥳而且啲雞肉醃得好入味 甜甜地 大廚應該有用日本醃料醃過 非常一絲不茍⭐️The restaurant is located next to the Lightrail Prime View StationIt has a brilliant Japanese "Yatai" style decoration which make you feel like in Kyushu 🎌🇯🇵I ordered a traditional local dish in Japan called "Scrambled Egg Chicken Rice"🤤The chicken is boneless 👍🏻And both the pan-fried egg and chicken are very juicy🥳 Score (out of 5⭐️) 評分Taste 味道: ⭐️

平時食開既舖頭開始買便當，梗係要試食啦。由於買十送一，就叫埋公司同事一齊食。前後11個便當，個場面都幾壯觀噶（冇相，食完先諗起未影相）由於尼幾日真係好熱，我自己就嗌咗個『中華冷麵』，睇餐牌時仲驚唔夠飽，原來仲跟兩個飯糰🍙，一個係雞肉飯團一個燒飯團，配菜有蛋絲、蟹柳、青瓜、流心蛋、火腿同一條天婦羅蝦，口感清爽，麵條爽彈，完全冇失望。咁多嘢食，先係$45，簡直平靚正啊。由於每個同事嗌既都唔一樣，而我又未試過，淨低既便當就不作評論啦。

落住毛毛細雨，探完親戚，行過新墟景峰站，見依間食堂未關門，就坐低食d嘢先返屋企老公叫咗滑蛋海鮮飯，煮滑蛋夠汁，蛋好滑，但d海鮮嘅賣相第一眼望落去好似杯面d配料，無咩鮮味，不過雪藏海鮮都係靠個汁打救，整體嚟講好味嘅咖哩吉列豬柳飯，咖哩汁夠香濃，豬柳炸得好脆，但麵包糠索咗d油，有一陣油溢味，係時候要換下油喇香辣單骨手羽同芝士年糕，都係急凍貨，無咩特別而加5蚊有一包道地蜂蜜綠茶現場係一個舊商場，好殘舊，好彩店面放咗d畫，有返d新氣

已多次光顧黑山食堂，從來沒有令我失望。菜單主要有日式咖哩飯、蛋包飯、其他小食及甜品，同埋monthly special.咖哩飯同蛋包飯各有各好味😋令人選擇困難症發作。我蛋包飯啲蛋夠晒喉同埋fluffy, 咖哩飯亦好唔錯，尤其是炸雞實在非常juicy. 另外之前個monthly special 有茶漬飯亦係我既大愛❤️今晚食左咖哩豬柳飯，夠晒多豬柳仲有個special既芝士蝦波，芝士好滑，好多，蝦味剛剛好！

又黎周圍捐窿捐啦搵嘢食今次去到屯門日式小餐廳🍴偽屋台呀😍🤣🤣 依家唔夠膽去旅行🧳呢度可以醫下思鄉病喎🤨2人前 。 叫咗兩個飯 + 兩個小食呢個吉咖喱列蝦飯推介個蝦炸得好好味呀，新鮮即炸，炸漿唔厚，炸得香脆！ 咖喱吉列豬扒飯，都好味呀雞軟骨係我嘅至愛之一，有雞軟骨食我應該都會order一份😂😂呢個雞軟骨都炸得好好味其實有好多餐廳嘅雞軟骨都炸到好硬，食兩舊就唔想再食囉！ 呢個唔會！黑山呢度炸得好香脆呀！我諗應該都係新鮮即炸！！單骨雞翼，有辣味原味兩款我鍾意食辣野呀嘛，睇到張相紅紅地就知道呢款係辣味啦都OK呀，但我會鍾意再辣啲囉🤨師傅認真工準備食物中👍🏻餐廳唔供應茶水，想飲嘢可以自己選擇飲品佢哋知道我地想洗餐具，於是專登煲水俾我哋，讓我地可以安心洗乾淨餐具先進食！佢哋仲要好有禮貌完全冇黑面感謝我會返嚟再食㗎

紅橋流心芝士蛋捲果然名不虛傳, 有賣相有味道, 皮薄餡流心, 蛋皮面再灑上芝士粉, 三重口感正👍$25切4件抵食打完夜波整碗滑蛋吉列豬扒飯醫肚😋😍$48份量十足, 滑🐣夠滑, 吉列🐷夠吉列, 醬汁調味、份量恰到好處, 飽哂加碟蒜香炒野菜$22🌿青椰菜爽脆不油膩, 連陪坐既女朋友仔都超級滿足屯門人早睡早起, 難得一間正餐中午12點開到凌晨12點, 當晚唔少人叫外賣, 食物質素不俗依然一張餐牌不分晚市, 價錢親民, 睇黎以街坊生意為主🤔位處商場仔, 家座式經營, 店面擺居酒屋格局, 深夜食堂feel🌆大推

今日去左屯門試左黑山食堂，因為之前上網咁啱見到呢度原來有蛋包飯食😋😋一早就知道呢間餐廳係一間小店座位唔多既😛舖頭無冷氣有啲熱既，本來特登黎食佢既蛋捲架，點知原來要到晏晝6點開始先有，有啲失望😞因為山長水遠走過來唯有下次先蛋捲吧最後只能嗌吉列咖哩豬扒飯👀炸粉唔算厚，不過豬味麻麻，肉身較磚，咖哩汁就特別啲既，店主用左日式咖喱磚加埋三種唔同既咖喱粉，味道同出面好唔同既店主好好知道我專登黎食蛋捲，所以推薦左我加蛋包芝士，味道都唔錯既，美中不足係芝士味唔太濃，可以再多啲芝士，特別一提加兩蚊就有紙包飲品好抵呀😚😚

某日訂左家品，喺附近自取嘅時間，留意到呢個位有間新店，望過下餐牌，都覺得係啱食嘅野，於是擇日到訪。週末晚飯時間，頗多街坊等候外賣，我地拿拿聲坐低鋪面唔大，日式屋台主題，除左一張面向廚房嘅高身長枱，仲有數張摺枱。餐牌品項唔多，主食都係飯，分滑蛋/咖喱系列，搭配海鮮、吉列豬柳、吉列海蝦、雞腿肉/炸雞、鰻魚，定價$39-50，價錢貼地。除左飯，仲有十幾款小食，例如單骨雞翼、炒雜菇、芝士年糕、炸蠔、炸蝦、玉子燒等，定價$16-25。整體質素未有驚喜，不過價格相宜。吉列豬柳滑蛋飯 $39即點即製，鋪滿滑蛋，放上吉列豬柳，賣相都ok，同一樣野放喺其他餐廳呢個價就未必食到嘅。滑蛋都名符其實，豬柳炸漿唔會太厚，薄身微脆，冇乜多餘調味。牛油炒雜菇 $22雜菇加入牛油炒，唔會唔好食。不過小食係用膠兜，可能方便啲掛。香辣單骨手羽 $23/8支即係4隻雞翼，唔算好辣，但幾香口嘅。流心芝士玉子燒 $25玉子燒比較普通，蛋厚薄適中，裡頭全熟，有點可惜芝士量唔夠多，芝味唔夠，而凝固得頗快。蘋果紅茶 $5

搵食搵到入屯門！而且價錢相宜，就算學生哥同窮寶都食得起☝️咖喱蛋包飯，蛋炒得夠嫩🍳一切開就可以見到半熟炒蛋😊日式咖哩，口味微辣，夠惹味💁‍♀️當中有牛肉、蘿蔔、薯仔。而飯嘅份量都算幾多，食完夠哂飽🤟流心芝士玉子燒🧀蛋煎得夠嫩，唔會cover 👩‍🍳 芝士味濃郁，可見玉子燒內芝士份量都幾足料😊隱約可以做到拉絲效果面頭再灑上芝士粉，更添芝士味！黎到嘅話，真係要可以試吓😚食完之後就心諗，住喺附近嘅朋友真係好幸福

夜晚7:00去到，叫個咖喱蛋包飯同黑山玉子燒，話要等15分鐘，得一個廚又要做堂食又要做外賣，結果等到7:30至有得拎😔返屋企先打開咖喱蛋包飯，個咖喱同蛋分開放，呢個細心位值得讚。咖喱係日式咖喱磚/包煮出黎，中辛，加幾粒細薯仔同紅蘿蔔，食到有一粒牛肉咁大把，味道就同我自己喺屋企煮咖喱包無分別。個蛋炒得幾靚，入面有少少流心，亦都夠蛋味，唔錯。接住落黎係黑山玉子燒，個賣相唔錯，放一舊入口 - 咁甜既，如果係雪凍左既玉子壽司減低甜度就好食，但玉子燒熱食黎講真係太甜，如果係落多左糖或少左鰹魚汁就要調較下份量。我自己喺屋企間中都整，材料都係蛋+糖+(醬油+味醂)/鰹魚汁放落pan煎，最重要掌握個火同捲既手勢，試多幾次就成功，不過我無方形pan整唔到佢咁靚既賣相，但自己整就一定無佢整得咁甜。試左呢兩樣野都係簡單野可以自己喺企整，$68貪新鮮或者懶煮一試無妨，但又唔覺得佢比我自己整得好食好多，所以還是自己煮吧。

見到openrice賣廣告附近有新既店馬上去試試6點準時開門都已經坐滿左bar枱叫左個滑蛋吉列豬扒飯 同埋芝士拉絲玉子因為坐係bar枱高櫈所以可以見住廚師哥哥煮野食我覺得依個價錢都合理個蛋幾滑 同埋見到d野食係新鮮煮個人又開心d拉絲芝士玉子 好好食 煮得岩岩好入面仲滑又唔會芝士太（漏）兩位員工都好有禮貌同好怕醜好親切不過受商場限制冇冷氣冇風扇真係有d熱可能店主要考慮下裝個風扇好似樓下d舖咁不過飲返可樂平衡返