串燒橫丁

Open Now

Now Closed

在百貨公司買完護膚品，順道走往地庫超市買可樂餅醫肚。小店除了串燒、可樂餅之外，更有便當、巨型雞脾、炒麵等等，甚多選擇！串燒揀了帶子與及牛舌，即場堂食。帶子一串兩顆大大粒，外層燒得微焦，肉質仍然軟軟的，配以燒汁，超級和味！牛舌是一串三大塊，塊塊厚實有嚼勁，燒汁以外還食到牛舌本身的味道，堅好食！可樂餅是回家嘆的，幾款分別為名氣牛肉餅、流心芝士餅和咖哩牛肉餅。麵包糠極之酥脆，亦不會太過油膩。名氣牛肉餡牛肉比薯仔多，混入洋蔥更添香氣！流心芝士的芝士果然呈半溶狀態；而咖哩牛肉是最惹味的！樣樣都好吸引，已鎖定下次更多的可樂！

老公抱恙，煮左幾餐連自己都頂唔順（自己D㕑藝），不如買個日式便當啦⋯⋯其實屋企近C字頭個間日式food court，不過貴夾唔好食，諗走起上次試過是日松花便當唔錯（只係唔太夠飽），所以再幫襯呢度。收銀員好nice，出餐都算快。老公個加大雞扒飯其實只係正常大，飯面有D蛋絲，我覺得配料少左D，佢話好食，$52。我個「心多多便當」就超抵喇！有一塊炸雞、一大塊三文魚、一大堆洋蔥炒牛肉片、2件蟹柳、一小堆青瓜絲沙律，D餸多到食唔晒，分左D比老公。呢幾樣餸我覺得洋蔥炒肉片最好食，如果沙律可以多少少就perfect! 只係$63！差D唔記得講飯，算粒粒分明，唔會好爛或好硬，不過我唔太識分係咪日本米。下次唔想煮，一定會再幫襯！

貴餐廳搵員工真係有一手，二零二二年八月十五號夜晚七點40分落單，當時收銀係一位黃色短髮女士，問咗同我講等十分鐘到，已經預咗會遲，最後八點零二分先攞到。嗰外賣八點五十分左右已經整好咗，我見到啲嘢同我點嘅一樣，又見佢一直冇攞上前，八點五十三分走上去問818整好未，佢話未，依家先到815。最後八點零二分份外賣同我原封不動拎上前，依家係玩我定玩我？貴餐廳喺sogo開得舖就係比啲咁嘅服務態度顧客？我冇問都算啦我問咗都同我講未得？夜晚個個都趕住返屋企貴餐廳員工浪費咗我整整12分鐘。請問貴餐廳請嘅員工又有冇認真對待自己份工作呢？希望貴餐廳可以好好監督自己嘅員工，唔好亂請啲唔三唔四嘅人嚟，唔！該！😊

喺Sogo超市買嘢食... 行過俾呢盒大大塊雞扒吸引住😍😍😍... 忍唔住買咗!🤭🤭🤭老實講... 呢塊雞扒咁大塊都係$32... 真係幾抵食... 雖然肉質比較薄... 但尚算炸得香脆美味!😋😋😋

今晚去屋企附近新開既UNY度揾食，揾到呢間串燒橫，買咗牛肉飯，🐮嫩滑牛肉，香甜洋蔥🧅，配上清甜日式醬油，日本珍珠米，真係好好味😋，下次想試下其他燒物！🍠🍗🍢💕

SOGO地庫真係好多野食 次次都好想食呢一間既雞髀 但次次都係因為要食晚餐所以冇得食今日終於比我試到照燒大雞髀 🍗 開心仔講真好耐冇食過咁大隻雞髀仲要係照燒汁唔係滷水汁。隻雞髀啲雞皮又肥又厚 肉質好Juice $35 咁大隻雞髀真係又平又抵食北海道芝士炸薯餅$9.5 呢個現場即刻食真係好香芝士味又鬆化 下次行行下街肚餓又可以買黎食 諗下都開心另外見到有好多人買串燒 有雞肉醬油串燒 牛舌同帶子 見到即刻燒 應該好正 有機會要買黎食下

SOGO地下兩層有唔少高級外賣食，今次比日式便當吸引，性價比高，而且食物質素幾好，推介！令我最驚喜嘅係串燒牛舌，佢做到爽口彈牙、有口感，佢冇切到太薄，可以叫多幾串食。單叫要$18，而家買便當加多$20就可以有串牛舌同埋三粒章魚小丸子，好抵！章魚小丸子入邊都真材實料，大大粒章魚，最鍾意食燒汁同沙律醬！是日松花堂便當$59- 便當有九格賣相吸引，其中三格係壽司卷物，其餘有鯖魚、帶子、天婦羅炸蝦、沙律等等，除咗天婦羅炸蝦，其餘所有食物都好好味。炸蝦炸粉太厚冇味道，同埋已經淋左，所以唔好食。其他食物都好新鮮。鹽燒鯖魚便當$59- 便當份量好大，鯖魚有手掌咁大塊，仲有洋蔥牛肉、日式炸雞！仲配有唔少蔬菜、沙律，營養豐富！炸雞仲脆，鯖魚唔腥仲好鮮甜。呢份便當可以幾個人share一齊食都得，我覺得仲好味抵食過松花堂便當。

今日lunch食得唔敢夠去咗sogo B2樓尋覓我既下午茶啦，見到呢間串燒橫丁好似幾正咁就去試吓，唸咗唸就嗌咗佢話店主推介既 炸雞肉丸炸雞肉丸$16！2串，但係好細串 仲細粒過ikea肉丸重點！係凍既！一放入口就覺得唔對路 炸野係凍，連小小暖暖既感覺都無。已經放淋咗，食落去都唔知食緊乜咩野。我覺得佢地應該有人嗌既時候先至去炸，唔係放哂係到，根本唔知放咗幾耐，之後照比人食 非常失望！希望下次黎幫襯既時間唔係咁啦

今日自己一個人行開銅鑼灣sogo， 見有啲肚餓 就想諗下有冇啲串燒食下， 咁見到呢間嘢啲串燒好似幾好味 ，咁我就叫咗一串串燒帶子， 呢條串燒帶子其實都幾好味，帶子都冇失佢的鮮味，不過我覺得啲醬就偏重味。 咁間唔中食下啲好嘢都好過走去篤魚蛋嘅。味道可以!

一心諗住方便快捷，行落SOGO超級市場食壽司，但經過見到佢嘅照燒牛肉飯非常吸引。價錢也十分大眾。不過這裏是沒有餐桌，需要站着來吃飯的😂😂，如果趕時間或者自己一個人也是一個很好的選擇👍🏻👍🏻👍🏻👍🏻👍🏻

星期日落咗去崇光百貨公司，探個朋友諗住找她食午飯，因為她今期在這裏做兼職，原來11月9日開始便是感謝日，所以特別多人到門口已經迫到水涉不通，因為好多女士喺度買護膚品及化妝品等，所以我們從後門落到去超市找她，不過已經見到她在店舖內招呼緊客人，忙碌得很，所以她應該不可以和我們吃午飯了隨即我便快快地去到公司附近的（Kushiyaki Yorocho ）買了一些炸物串燒給她做午餐，我跟她說不如我哋改今晚等你收工後，再去搵一間舒服的餐廳，慢慢坐下來享受美食又可以等她輕鬆下。這裏有好多不同款式的美味串燒。

話說今日返工只得半個鐘食飯，就去左試下係呢間鋪既lunchbox喇。基本上如果要係sogo搵又快又飽既野食都係食B2/F間章魚燒多 (因為呢間啲串燒都有少少貴，章魚燒好似性價比高啲)。不過既然我啲同事話有好多舊雞又幾好味，咁就試下啦！落完order基本上五分鐘內有得攞，因為無乜人排隊(如果食串燒就要等耐啲，因為佢地會即時燒返熱啲串燒比你)。返到office開左盒飯，睇落又無我想像中咁多雞。但係佢勝在舊舊都好厚肉，size又ok，顏色又燒得幾靚，都真係唔錯！飯就係日本米啦，而係雞下面原來鋪左勁多蛋絲食之前建議大家"了一了"個底，因為都幾多汁。總結：味道係唔錯既，都好夠飽，但價錢黎講就未必係最抵喇！

這天其實在銅鑼灣只是為了打發時間，在吃正餐之前先填一下肚子，所以才隨意在sogo逛一逛。可能真的太久沒來，這才驚覺超市這一層的食肆變化很大。串燒橫丁主打的當然是串燒，不過這次吃的卻不是串燒，而是炸薯餅。比起串燒，個人更喜歡吃日式薯餅，雖然沒什麼技巧可言，但卻深得我心。既然稱得上北海道芝士炸薯餅，雖然沒有拉絲效果，但每一口都充滿濃濃芝士味。薯餅外表金黃色又不會厚粉，內裏薯蓉非常幼滑。唯一缺點是份量細小，「到喉唔到肺」

竟然由暑假工燒？？勁難食！一向食開，因水準穩定，以前一向由日本師傅燒，近來間唔中由個阿叔或香港同事燒，都還可以接受。但最近見佢請成班暑假工，好似年宵攤檔咁，燒既仲由個明顯唔熟手、勁生手既後生暑假工燒，牛舌一條就燒到好似煲熟咁，另外3條燒到變乾柴！！係乾到勁硬吉口，咬極都好似柴咁！！擺到明個暑期工唔識燒！仲要條竹手拎既位都勁多汁，真係好。難。食！！！ 賣成十幾蚊廿蚊3小塊牛舌唔會係想買條柴食，仲要梗到口勁痛！！最後唔想再梗口，掉左。估唔到日本品牌既串燒都做得咁唔認真，好失望！

事緣食飽左飯諗起sogo有sale 先去行街，陪細路行完玩具部，話肚仔餓就落去sogo睇下有咩小食，一去到就俾個廚窗既串燒機吸引左，仲見到我既至愛牛舌呀平時去日式餐廳都唔係度度有，居然呢度有，個可以睇住佢燒🤤叫左帶子，牛舌同雞肉，全部都好好食，牛舌剛剛好唔會太燶，入面真係剛剛熟， 帶子都幾大粒，落完單行埋個超市就拎得，大人細路都like 爆！下次想食牛舌一定會過黎買仲有職員們超好人！讚呀！如果多啲分店就好喇