怡景群記爽腩店

Open Now

Now Closed

太氣憤，無拍照，但以下絕對事實：下雨都特地走15分鐘路來這店，只因想吃牛雜河。廚房女工問我想吃什么，我說牛雜河走青，然後男員工走進來多問一次，我同樣說牛雜河走青，多加一罐汽水。張單都有寫左走青，總之我至少講左兩次。上菜時，老員工發現沒有走青，問我是否介意，我说非常介意，廚房女工略為整理後，端來的仍然有很多芫茜芹菜葱，還說忘記了要走青，還說落了很多，现在剩下的很碎很細小，多给我一個小碗叫我自己挑出來！根本很多，挑極都有，我投訴，竟然端來一碗湯，叫我加湯讓其浮出來，方便挑出來。其實根本沒用，不浮的，全黏在河粉上或沉底，忍不住再度投訴，仍然叫我自己倒湯落去，而不是重新给我一碗新的（當時忙於挑出來，未開始食）。從未試過員工的錯要食客自己搞掂。張單也沒有平少少當道歉，只說入了机無法收便宜一點。後來廚房女工還說如果早知我如此抗拒，就換给我。我吃完才講？根本無誠意改正啦。老員工說最多我下次來多给我份量，多餘！兩人根本無誠意道歉，總之把過錯推落客人度自理。超級不愉快的體驗。原本打算很快吃完就離開，挑芹菜和葱用了很長時間。服務差透，唔想再来，味道也不是特別好。識做一早應該重新煮過一碗真正走青的，或張單比

叫碗爽腩河，味道有D咸，份量不算好多，但這個價錢，算交足貨。爽腩河好像每様部位有少少，很爽又唔算係，也食到一塊牛𦟌，好似好隨意，唔知金牌爽腩又會有什麼分別。食到一半、突然發現碗內蔥粒菜粒混雜一些白色粒粒，細看之下，原來是發泡膠粒，職員說是芹菜。唉！我都唔知已經食咗幾多粒落肚才能發現。其實發泡膠粒是浮的，只要洗多幾次便能清走，可惜連基本清洗也做不好，膠粒係積聚喺身體裏面的，希望可以排出膠粒。不會再來。

本來想食太安樓牛雜，但天氣霓焗頗熱下，同埋想搵個地方坐下，於是揀左群記試吓。星下晝3點幾，冇咩人，所以坐得鬆動既，店舖亦都幾光猛，感覺都幾精神😄食什麼好呢～～同T先生唔想食粉麵，只想叫淨餸，問題黎啦，樣樣都食下 vs 食精啲🙄🙄🤔🤔我地點了金牌爽腩(淨食) - $99 有點貴，但咩都要試下嘛。首先我係飲啖湯先，會飲到肉既鮮甜味，幾好👍🏻但咸左少少。金牌爽腩，就好似五花腩咁，一層肉一層脂肪，有膠質⋯配送辣椒豉油，肉味更出，辣椒辣得好惹味，所要我要飲下佢既清湯😙 除左爽腩，淨食都比左幾舊蘿蔔和幾條生菜⋯同T先生齊齊分享，已經夠晒，再多我已經食唔到架啦😆

叫左個五拼兩份面珠，一份牛丸，一份牛筋，一份牛利70元比得勁小牛丸得兩粒，牛利得3片，面珠得8片，牛筋5條得5cm個男人淨係話師傅比幾多就係幾多，無得話比幾錢就比幾多，下次唔好黎囉，補都唔補年初二做生意做到咁祝佢尼年無生意關門⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

已經幫襯左群記幾年，每過一排就會想黎食番碗金牌爽腩河。爽腩，位於牛的橫膈膜附近，與坑腩連接。帶著軟筋膜又連著少許肉，口感爽脆，煙煙韌韌，比一般坑腩貴一倍。群記嘅金牌爽腩河真係平靚正，一碗五十幾蚊，有好多塊爽腩，一啲都唔吝嗇，好爽～ 不過，個湯底就差左少少，無咩味 （印象中以前好味啲）

位於西灣河太安樓地下的怡景群記爽腩店，距離地鐵站不遠。店面不大，它的特色是牛腩，有幾種牛腩可選擇，有爽腩及崩沙鹽坑腩等。我點了爽腩撈 麵和汽水，撈面仔沙茶醬放喺撈麵上邊，都幾特別。但係甜咗少少。爽腩很好吃，保留了牛肉的鮮味，原汁原味。只是牛腩湯底淡了少少，這樣更特出牛腩的味道。

千祈唔好以為食幾十蚊粉面就求求其其！呢度雖然只係食牛！！！但係牛嘅不同部位分得夠晒仔細！！！我自己最鍾意就係食牛既面珠墩！！！大家有食開原條蒸魚都知道，條魚嗰對面珠墩係成條魚最嫩滑既部位！！！！！當然牛都唔例外！睇返張圖其實我忍唔住食咗一舊面珠墩先😂😂😂冇辦法一來肚餓，二來真係好好食，三來真係好抵食！！！其次我個人推介，除咗面珠墩以外，崩沙腩其實都好好食！🤤🤤 大食嘅食客，不妨試吓，先叫一碗面珠墩粉麵，食到差唔多食完第一碗，就叫第二碗崩沙腩粉麵😳😳

食牛腩一定要試呢一間群記爽腩店，以前食牛腩最出名一定係銅鑼灣天后嘅大利清湯腩同埋華姐清湯腩但係近期多咗呢一間群記爽腩點之後就已經帶嚟左另外一種食牛腩嘅態度首先價錢方面絕對係意想不到嘅平絕對比出名嘅爽冷腩店平至少$20呢一度最出名嘅當然就係爽腩佢仲有崩沙藍坑腩俾你揀款款都各有特色自己一定最鍾意就係爽覽面先講個腩，膠味幾重但同時保留牛嘅鮮味因為佢呢一個並唔係清湯腩， 所以食嘅味道絕對比清湯腩更加濃郁有味而且澳美極度突出呢一個就係招牌菜食爽覽最緊要就係配河粉因為河粉味道比較淡所以先可以突出牛腩嘅味道

鋪頭細小地磚很滑，小心隨時跣低。今日試食咗碗牛腩粗麵，麵質硬都咬唔斷，淥麵嗰個阿姐需要再培訓，唔好求其淥兩嘢就俾人食，牛腩好硬兼冇味，食完碗嘢牙骹軟晒，唔會再幫襯。

西灣河的蘇豪東好多人都聽過，但西灣河真真正正的（街坊版）美食發源地非太安樓莫屬。太安樓地下是一個非常舊式的小型商場，業權非常分散，早年又管理不善（甚至可能無法有效管理），環境非常惡劣，無牌小販佔據商場內的通道；由於是私人地方，政府各部門無法作出檢控。印象中，直至10多年前，通過政府各部門、區議會及時任的大廈業主立案法團攜手協力整頓，情況才得以受控。直到今天，這個舊式商場的環境總算得以為人接受。近日經常在西灣河出沒，決定逐步進擊太安樓。今晚因緣際會一家三口要食外賣，就由筆者這個一家之主肩負起買外賣的責任。於是，同一晚進擊了太安樓三間食店，第二間揀了「群記爽腩店」，前名「怡景群記爽腩店」，由於招牌上的細字仍然寫着「怡景國際餐飲集團」，Openrice 的登記名字維持原有店名。叧外一個原因，可能是避免與另一間位於大埔的同名清湯腩名店撞名，因為兩者應該沒有關係。餐廳靠向外街行人道的玻璃外牆貼滿報章雜誌的訪問稿，足證開業初期人氣高企。店舖面積超級細小，只夠擺放三張四人枱，非常典型的太安樓食肆格局。如果是十幾年前的冇王管年代，一定會肆無忌憚將枱枱櫈櫈擺在商場的通道上。餐牌上最貴是金牌爽腩河（$47

...路過太安樓，果日無掃街，無食任何小吃（其實有打算過食餃子既不過真係好多人係門口）。結果去左隔離，食個牛面珠墩河。...對於我呢啲無牙既廢青，呢個選擇一流。淋淋地又有牛味👍牛肉數量夠晒多，湯底夠清👍有得揀河粉、米粉、生麵⋯等等..下次有機會過黎，要試下佢個招牌爽腩河先 .我見隔離左右都有叫😂.鋪面好細，黎得太安樓大家都唔會諗住有咩服務嫁啦，門口都有兩張台既，自己見位就坐啦～..加左罐可樂，四十蚊內埋單，超抵🎉..

識食推介，港式正牛河，又平又好食。叫咗一碗沙瓜河，一碗爽腩河。第一次食呢隻爽腩，好正，真係好爽，腩肉又淋又有牛肉汁。河粉唔似嗰啲淋滋滋嘅，係好有河粉質感，又爽又滑，葱料好似有西芹，加埋足料清湯，飲起嚟好清香！沙瓜質地好特别，淋淋哋，又有牛肉汁，好正，湯唔夠爽腩河的好飲，但也不俗。唔好睇佢好似細細碗，好足料又多河。 每碗只係$30咋！仲有生菜和芽菜！間舖細細間，好企理，服務態度仲好良好！咁正！邊度搵？！

太安樓係港島區食家既朝聖地，細細地既一個商場已經有數十間食店，魚蛋店、台式飲品、外賣食堂、西餐館、連鎖餐廳、快餐店等，要咩有咩！係商場內行左幾個圈，有好幾間大排長龍既都係外賣自取，但今日小弟要堂食 ，見到群記店外貼晒報紙咁，所以就入左呢間試下。入到去得3張台，唔洗等。食麵梗係要試下最簡單既牛腩河啦！麵好快就整好，外觀非常討好，比人第一感乾淨整齊食慾大增先試一啖湯底，感覺呢碗潮州口味湯底同一般既麵店湯底好唔同，一開始感覺比較清淡，但慢慢會品嚐到湯裡面帶有甘甜既品道！牛腩就好明顯落左好多功夫，脂肪唔多，心諗咁瘦應該會好韌，點知牛腩入口即溶，軟滑既牛腩肉加上牛香係口裡面蕩漾！一生不大樂事其實店裡仲有賣好多牛唔同既部位，有面珠、爽腩、崩沙、牛脷等等。好多出面既麵店係食唔到，可惜我唔似牛有四個胃，今日試唔到咁多款，相信佢其他既牛湯麵都可以比到驚喜我！下次再試！係眾多麵店可以話係鶴立雞群！埋單25

呢期喺呢邊蒲開,有DEAR 講 -> 如喺呢邊蒲,點可以唔試下太安樓的群記牛腩麵,於是我緊係要搵機會一試啦~!今日有緣去到,店面唔算大~有分舖內同門口走廊位,以我呢個米豬連人黎講, 入去堂食會係一個挑戰~望下望~好似滿坐了~但我又唔想坐喺門口出面~諗住走的時候,好彩有客人離坐,我就入去了~剛坐下,疑似老闆的男人就過來招呼,因選擇困難症又發作,所以緊張之下,一時間就指左個招牌爽腩河…唔洗兩分鐘,美食好快就上枱,黎到賣相就係….嗯~一碗普通的腩河,望下望下周邊D相,發覺同D''招牌相''唔同,所以問一下老闆,佢話我呢碗就係爽腩河啦~….我問佢係咪即係招牌爽腩河,佢話唔係,只係爽腩河,佢話係我指比佢睇喎….可能我的肥手指,指錯左位啦~我問佢有冇得轉招牌,佢就話轉唔到~兩樣唔同既野,老闆仲好細心咁講解所有款式的分別…最後加句: 下次再食啦~! V__V .. 心諗..下次? 原來有咁多分別同學問,係咪可以影多兩張相比大家研究下呢?OKOK~爽腩河個樣其實都唔差~食落口河粉唔會太淋,湯底雖話加左腩汁,但都比較清~有陣淡淡的牛肉味~見有辣椒油喺眼前,緊要試下夠唔夠辣先啦~落左三四匙..都冇

黃昏，又被太座召去陪跑！近來，她愛上跑步，喜歡從北角沿著海濱跑往筲箕灣，若見我賦閑在家便「邀請」我做陪跑份子。這晚跑到西灣河已見到明月掛天空，雖然今午的午飯吃得遲，我建議吃點東西作晚餐，免得回家又晚炊。來到一家吃牛的粉麵店門前，太座問我意見，我本想吃好一點的，但她提出我也沒反對。說這是吃牛的專門店也不為過，牛爽腩，牛脷，牛雜，牛面珠，牛崩沙腩，坑腩，牛丸，牛筋，牛蹍，牛肚，鮮牛肉，肥牛等，配粉麵都不過$30一碗，除非你點雙拼或轉伊麵、撈麵，價目相當親民。店子地方細小，只可放三張細小的檯，另外走廊位也放有一、兩張檯。點了崩沙腩河和爽腩河，另加油菜一碟。爽腩河，有肥膏和爽脆的筋，中間夾雜了肉，入口又爽又脆，有肉香也有脂膏香，河粉幼身軟滑，湯雖不算很濃，但有我喜歡的唐芹，芫茜，還有芽菜，$29，絕對無投訴。崩沙腩河，有些少肥膏，相對瘦肉較多，肉質較鞋，但也煮得軟腍，牛味也好。油菜不過不失。希望下次跑完步又來試其他。