坤記糕品專家 (Closed)

📍Sham Shui Po📍 坤記...最近搞緊新project, 經常要去深水埗， 夏天黎了😭😭😭深水埗既夏天真係好好好好好辛苦...又谷又熱， 行到出哂汗😭😭😭但係。 呢個地方真係好多得意野食同睇🌞🌞🌞今日呢間老店係深水埗又係好出名的！...📍大舊芝麻糕💰within HKD 20.00 （佢地段重量收費）📌味道 7.5 / 10分第一次買糕點係會段重量計黎收費， 好新奇🤭🤭🤭🤭呢間坤記既芝麻糕係採用舊式80年代既製作方法😮😮😮，佢地係會磨米漿加入糕點， 每到舊糕點會變得更加有咬口， 食落超級痴口好得意🥳🥳🥳🥳同我地一般食到既芝麻糕真係有明顯既分別， 芝麻味算濃🌞🌞🌞味道唔會過甜， 一舊芝麻糕有7層， 我真心幾中意呢間既芝麻糕呀🌞🌞🌞🌞...*一舊已經好飽...希望下次試到其他款^^.———————————————————————.📌環境：5 /10分 （d 姐姐好friendly✔️）📌Outdoor area is notavailable📌不可帶寵物黎餐廳🐶📌不要加1.———————————————————————.- 高水平- 中上水平- 正常和中上水平之間✔️- 正常水平，

路過本身想食砵仔糕，可惜賣晒，所以唯有試其他，買左馬蹄糕，馬蹄糕入面有好多馬蹄，雖然唔係好大舊，但係味道清甜爽口又唔會太膩，小食黎計味道岩岩好。幫襯既人都幾多嫁。

$20一件芝麻糕及一件白糖糕，食落只是平平無奇而size唔大的糕點。糕點質素名過其實，而店舖又賺到盡，可即時列入黑名單。店舖位處深水埗，雖然商家賺錢好正常，不過如果只是賺到盡，不顧及當區街坊消費能力狀況，咁係唔係一件值得推舉嘅事呢？

去到深水埗，突然好想食白糖糕，就走到坤記糕點搵食🍴喺店舖門口見到有好多款唔同嘅傳統糕點，就心大心細，嚟到無理由淨係買一件白糖糕，咁就買多一件紅豆糕返屋企慢慢品嚐了🤗坤記嘅白糖糕唔會有酸味，唔太甜，突顯出白糖淡淡嘅清香，略嫌細件咗😅紅豆糕就比較大件有質感，唔似一般店舖全部以紅豆製造，再加椰汁，坤記嘅紅豆糕好特別，有啲似砵仔糕嘅黃糖糕底，但整件糕都充滿紅豆，食落啖啖都有紅豆，好充實👍🏻兩款糕點配以English Breakfast Tea味道更佳👍🏻

聽說過這間糕品店很多人吃，現場亦不少人購買。個人認為這店設價太貴，平均$9一舊。.白糖糕($9)分數: (7/10)不會太甜，但帶點微酸。整得好的白糖糕，應該不帶酸味。吃得出少少層次但偏黏。.紅豆茶果($9)分數: (7.5/10)包著葉，中間要塗一層油，令葉不會黏著糕點皮。個人比較喜歡糯米弄的食物，皮算厚，紅豆餡甜度適中，不錯。.砵仔糕($9)分數: (7/10)平平無奇，紅豆量適中，甜度適中，口感可以。

話說今日同男朋友諗住嚟深水埗搵食一日遊，嚟到最後一站就係呢間糕品店！上網睇食評都食好壞各佔一半，最終都係諗住比次機會，自己親口試過先知😤見到一舊糕要原來要成$10已經覺得好貴，但山長水遠過到嚟，唔通唔買咩？！又見老字號，屹立不倒，應該係真係好好食先夠膽死買呢一個價錢！最終買咗2件砵仔糕同埋1件芝麻糕試試！返到屋企一食！喔..車~~咁咋嘛，只能說不過不失囉，同平時街邊$10有3個果啲味道無分別😖覺得呢間野好搵笨，只能說佢呃得人一次，絕對唔會有下次🤷🏻‍♀️

今日行過深水埗，聽朋友說這是米芝蓮推介的中式糕餅店，於是便看看有什麼好吃。店家有售白糖糕，鬆糕，芝麻糕，茶果，小蛋糕等等的食品。我本來只想吃古法米鬆糕的（黃色那款），但他們說售罄了，所以我便選擇了白糖糕。從照片可見白糖糕是層次分明的，一層層很有口感，這個是值得稱讚的。白糖糕尚算清甜，但還是有點帶酸，這個稍微扣了分。總的來說，我覺得他的白糖糕是ok, 也可一試的。下次來我會試試他們的鬆糕。店家也有推介中式蛋糕，大家也不妨考慮。

創立40多年的深水涉坤記，由傅氏一家經營，本只是間尋常街坊糕品店，然而那古法制作的糕品卻令它聲名遠播。以人手磨米粉、蒸米漿，所做的糕點松軟又不過甜。推薦九層芝麻糕：細膩的黑芝麻粉並不會帶來沙沙的口感，相反，卻是一種如果凍般的細爽嫩滑，並沒有過分的甜，完全是原汁原味的黑芝麻。

有人山長水遠拎糕我食，梗係先食為敬亦因為係人地請，幾錢就唔清楚啦，只知坤記好似好岀名hehe本身見舊糕係膠袋好似平平無奇，不過一打開，有撲鼻嘅芝麻香，即刻覺得好神奇唔知係米小時習慣問題，其實我較鍾意食雪凍左嘅芝麻糕，不過唔緊要啦~芝麻糕比我食過嘅濕潤，structure亦相對較鬆散，咬落亦尚有少許芝麻嘅顆粒感，唔知係米真係將芝麻磨碎黎做架呢另一個好處係不太甜，係幾附合而家大部分人追求嘅健康甜品😛其實而家成日食甜品都係西式嘅蛋糕、pancake，或者係日式刨冰，間唔中都應該回歸傳統，食下焗西米布甸、芝麻糕里啲，支持下中式懷舊野😀

因為工作關係，返到石硤尾 - 我成長的地區，工作到7點左右就行落去深水埗搭地鐵回家。行到地鐵站口見有D肚餓，見到坤記係隔離，咪諗住買件由細個就開始鍾意食嘅白糖糕醫醫肚，再返屋企食飯。原來一件白糖糕要$9，都頗貴吓，但自己鍾意食，人哋又係幾十年老舖就算啦。件白糖糕細細件、的的骰骰，不太甜但帶輕微酸味，心諗其他人整就帶酸啫，以前食坤記嘅都唔覺㗎，唔同退步咗，成$9件嗰噃...仲有件白糖糕食落質感不太夾偏糊口，一定無下次。到夜晚12點幾時，個肚開始緊，頂住頂住咁，突然想嘔就嘔咗三、四次，將晚餐食嘅嘔哂出嚟，之後斷斷續續地嘔，總共嘔了三十幾四十次，另外屙咗五次水...中間時候問過了醫生朋友，佢都話唯有嘔清、屙清D菌，佢都唔建議食止屙、止嘔藥...去到2點半先停止，成個人散晒無哂力...重點係，我一日三餐都係同屋企人食，佢哋無事，只係我比佢哋食多咗件白糖糕就出事，呢個過程好痛苦，永世難忘。我唔多寫食評，因為我覺得有麝自然香，但我唔希望其他人有我同樣嘅經歷。

🔎坤記糕品專家 (深水埗)🍴深水埗福華街115-117號北河商場地下10號舖 去開深水埗經過一間賣中式傳統糕點的舖頭 於是買左小小糕點試一試🔸紅豆糕$11/件（按重量收費*件件差不多大細）紅豆糕做得唔錯👍🏻紅豆份量好多咬落去有小小煙韌，味道不會太甜🔹芝麻糕$11/件（按重量收費*件件差不多大細）一層層的芝麻糕😍👧🏻會逐層逐層一片片甘食芝麻味好濃郁😂好似食緊芝麻糊咁

得閒經過深水佬買電腦嘢再食吓坤記砵仔糕。好耐之前食過，價錢都係咁上下，算係咁喇，不過$9 係貴既。砵仔糕幾年前好食啲，今次食無咁彈牙咁，紅豆都 keep 到，唔太硬唔太腍同起沙。overall 都幾好，入米芝連得黎，水準又唔係 drop 好多。

在香港，已經很難找得到這種我香港特色嘅糕點店舖，紅豆糕、芝麻糕、白糖糕、砵仔糕等等這些有香港特色嘅糕點已經在香港少之又少了，很多區域都沒有這些糕點賣，而且這間糕點還保留着有質素嘅味道，每次來深水埗都會買些來吃。雖然我不是住在這區，但也感受到店員和街坊之間的人情味。

繼續窮食兼飽肚嘅覓食之旅，深水埗真係最多平西，今次食就係食地鐵站一出嘅坤記專門膠，多年屹立不倒嘅原因，就係因為 $10 有一件就有大過拳頭 8x8 cm 嘅糕點，真係食一個可以頂到一餐好飽，食左紅豆糕同芝麻糕，紅豆糕真係成舊都係密集恐懼式嘅紅豆，另外仲有好多唔同嘅糕品，有其他豆嘅糕，又有缽仔糕等等不同嘅糕，味道黎講我中意食芝麻多啲，係膠版嘅芝麻糊 🤤-坤記糕品專家深水埗福華街 115-117 號北河商場地下 10 號舖

到深水埗看看電腦產品，看到隔了一段時間沒吃過的坤記，心癮發作下就買了一個砵仔糕。本來想買多一、兩件，不過想起之前在這裡買芝麻糕，很小一件味道又普通，所以還是買最安全的砵仔糕來吃。這間坤記有曾獲米芝蓮封號，我從很久以前就開始光顧，當時水準還可以，不過近來加價加得很快，現在砵仔糕都賣$9一個。最喜歡吃砵仔糕的我，雖然覺得$9是挺貴的，但也買了一個來試試。可惜一吃下去就很後悔，這個砵仔糕紅豆份量比以前少，口感不煙韌，沒有米香，失去砵仔糕應有的特點，不至於很難吃，不過我一定不會再買！