坤記糕品專家 (Closed)

佢嘅糕點係ok嘅但係發覺近幾次呢買嘢呢好多時啲阿姐嘅手法好不正。 早前試過嚟買糕已磅好是13元，姐姐擺低糕在枱我摷銀包攞錢啦轉頭阿姐就畀第二件細件些，我話唔係喎係呢件喎咁個阿姐又再磅過明明剛才13元但再磅就變了16元。今日大約六點半行過磅咗一件芝麻糕個姐姐又係用呢啲手法，磅好啦望住個磅13 元呀轉眼15元才是... 不良營銷手法所以今日決定唔買... 個個客呃你兩三元一日都幾好賺... 真係想畀負分嘅評分但係你哋冇喺都要畀星....😡😡 呢啲營商手法如同凍肉舖每次磅完張張單都有五毫子㗎...😡😡

好耐都無去過坤記，之前食過佢地啲芝麻糕、紅豆糕正常味道，唔係話係特別好食，但都叫做ok啦去開深水堔就順便去埋坤記買啲野咬下，今日唔多想食甜野，買左個沙葛蝦米茶果之前去坤記買糕點都要花少少時間先買到糕點，今日黎到一個人都無，可能因為係閒日又未放飯時間啦⬆️第三啖都係見到少少餡⬆️第四啖都無乜分別沙葛蝦米茶果～好難得食到咁厚皮又咁少餡嘅茶果第一啖都未見到餡，第二啖先見到少少餡，天真地以為啲餡谷晒喺中心，咬多幾啖就見到，但食到尾都係無乜餡⋯⋯原來呢個茶果唔只係厚皮咁簡單，連啲餡都少得可憐呢個茶果可以列入維持生命系列

我係深水埗返學，成日聽人講呢間野就執粒，的起心肝試試，買果陣好鬼多人，最後我買左一舊白糖糕，兩舊啡砵仔糕，一個白色砵仔糕，盛為$36，真係有啲貴，諗住物超所值，滿心歡喜返屋企食返到去我第一個試左白色砵仔糕，味道都還可以但有冇去到好驚艷試埋啡色砵仔糕，都唔錯正正常常，有啲咬口最後試埋白糖糕，一睇...比平時出面買起碼細一半，咁就9蚊...食落好酸，完全唔好食總結而言，下次都唔會再考慮幫襯，價錢實在太貴，9蚊一舊，我平時買左9蚊可以買2-3舊，而且味道真係好一般，有啲名過於實

深水埗坤記糕品5月結業 老闆決定退休，呢嗰消息傳得好快，所以新年嗰陣特登落去深水埗買俾屋企人開心下，媽咪話要食豆沙軟角，7隻就$90😅 原來咁貴，返到屋企我好奇心驅使下，試咗一嚿，油浸角咁😅 唔明有咩好食😂 不過因為自己第一次食，都唔知係咪正常😅 不過下次會試吓佢啲砵仔糕😂

大家睇招牌就知道，尼間又係好多年歷史嘅老店啦！尼度有唔同種類嘅中式糕點，我哋今次就試咗三款～砵仔糕 $9到手嘅時候砵仔糕已經唔再熱，應該已經係整好一段時間，紅豆份量正常，唔算特別多，咬落去就比較淋身一啲，略嫌唔夠彈牙～感覺上 $9一個值錢太過進取，我自己就唔係好食得出，佢同其他舖頭有咩分別😂😂🍬白糖糕 $9我相信白糖糕應該係好多人嘅童年回憶，小學放學嘅時候學校門口有個姨姨推車仔喺度買，印象中細個食嘅白糖糕，味道係偏甜，有少少彈牙嘅口感，可惜呢個白糖糕雖然口感可以，睇落白糖糕有柱狀紋理，但食落去偏酸😖😖我自己下次就唔會再叫啦～🥞鬆糕 $9鬆糕就偏甜，口感正常，我自己就覺得問題一樣係定價過高，唔值得特登過嚟食～總括嚟講覺得呢間糕品店有少少名過其實，有點小失望

芝麻糕 （$15）聞名一試米芝蓮指南推介既傳統糕點，買左呢度出名既黑芝麻糕，黑芝麻味係足夠，但太甜，搶哂黑芝麻味，糕體質感過於軟腍，冇彈牙口感，整體味道同質感都普通，冇傳聞中咁好食。呢度既糕點係按重收費，每件手掌大小約$12-$15，性價比一般。

經常話結業(一年前已經開始),引來咁多人來試,事實是不值得試！包括我相信YouTuber 介紹，抱住支持小店心態，昨晚專程從屯門去深水埗支持一下，14/1/2023大約七點到，還專登趕着收舖前去，結果六隻豆沙軟角，成惠80蚊，勉強說服自己俾錢，結果返到屋企食，一滴滴油從軟角滴出，用一張tempo紙巾去吸油，吸滿一張！食過後，除了非常油之外，今本同街市貨色一樣，憑什麼6隻角買80蚊！要健康的你，要合理消費的你，千祈不要中伏！

行過深水埗去買啲露營用品嘅時候就經過呢間坤記士多，呢度有好多款中式糕點，例如白糖糕、馬蹄糕、砵仔糕等等 。老公好推薦我去食呢間嘅砵仔糕。不過佢就話比以前貴咗好多，而家已經漲價到一個砵仔糕要$9，但佢話係物超所值，所以就試一試。我鍾意食白糖砵仔糕，因為感覺上清甜少少，所以叫咗一個冇乜豆嘅白糖砵仔糕，而老公就要左一個多豆d嘅黃糖砵仔糕。砵仔糕嘅口感彈牙同煙韌，唔會有糊狀既口感，亦都唔會太甜，但真係有點貴，間中經過口痕先會買嚕

坤記真係店如其名’坤人’！店員好惡態度又差,很久之前食過都唔係咁樣,尤其是芝麻糕非常之難.真係非常非常失望; 售賣方式非常之奇特, 以斤起計, 根本都預算唔到如何選擇!

嚟到深水埗行街一定要黎坤記糕品專家買返個糕點！用來孝敬下老人家就最岩！佢呢度最出名嘅就係佢自家製嘅紅豆糕！呢啲糕點而家好多地方已經開始漸漸沒落，唔係成日都買到！所以每次經過深水埗一定會嚟買，希望重回舊時嘅滋味💕雖然佢越買越貴，亦冇當年咁好食，但係呢種傳統嘅味道都係值得大家去買返一舊懷緬一下！紅豆糕個紅豆味好出好濃，個口感其實係同砵仔糕好相似，不過砵仔糕就再爽口啲呢個係佢期間限定嘅豆沙角！我想講超級無敵好食好食！仲好食過個紅豆糕，原本以為佢係咬落去好脆口嗰種，點知原來唔係，食落去係好煙煙韌韌，有少少似鹹水角嗰個皮但係入面呢就係紅豆餡，好甜好黏嘅，但係好好食！好食，我忍唔住返去買多兩包😂雖然佢個價錢冇以前咁抵食，但係都唔算話好貴既..我覺得如果呢個價錢食到呢一個咁高嘅質素既糕品係值得嘅！唔可以同以前比既，始終而家通脹咁高，但係個價錢都係可以接受嘅範圍囉！最緊要係好食囉！

一出深水埗地鐵站門口，就會見到呢間專賣糕點 嘅坤記，望落好似幾懷舊幾有味道😃見佢貼曬相好似好把炮咁😮，咁就諗住試下😄叫咗個芝麻糕 正常食開嘅芝麻糕都幾香，揀佢應該冇死其實佢唔算大嚿😐，但一畀錢嗰陣，嚇到我窒一窒 😨一嚿咁嘅糕要成15蚊😱？ 唔係呀話 一定好好食㗎姐 唔講咁多喇 去圖 九層芝麻糕 邊度有九層呀🤨 睇張圖都知濕pat pat咁🤮 我懷疑根本未蒸熟🤮 食落甜到漏 口感又差 好淡食唔到芝麻味咁滯😓 咬咗一啖忍唔住掉咗喇🤢講真 難食到送畀我都唔會食 😪呢間嘢我真係唔明點解可以生存到😪基本上試過一次都一定唔會返轉頭 🤢真係靠住舊有名氣就亂咁定價 整舊hea貨出嚟比街坊咩😐深水埗食過其他糕店鋪 大把選擇 根本唔洗揀佢🤨

呢間坤記糕品已經攞過好多次米芝蓮既推介，傳統既糕點都可以咁受到注目，有機會就去買黎試下🤩去到既時候見到門面擺好左好多唔同款式既糕點，包裝好曬，客人黎到可以自己睇下想食咩就買。呢度最出名既應該係佢地既白糖糕、砵仔糕、紅豆糕同埋芝麻糕。當然佢地仲有埋其他款既傳統糕點，都好多捧場客。 1⃣️芝麻糕（$13）本身我就好鍾意食芝麻糊🤤見到芝麻糕就好想食。呢度計錢方式好特別，係跟重量收費既😯揀好要咩之後，姐姐就會幫你攞件糕品磅重計錢。我今次呢件芝麻糕就$13。講真價錢就略貴la，不過都幾好食，值得一試既😋芝麻糕有成九層，鍾意佢食落唔會太甜，質感有啲似凍糕咁，有彈性既。食落芝麻味幾香，仲感覺食到少少細細既芝麻碎。鍾意芝麻味甜品既人應該都會鍾意食👍 

位於深水埗地鐵北河街出口的坤記糕品專家，到鴨寮街買電器零件順帶買了砵仔糕品嘗。已漲價到九元一件的砵仔糕買時己變凉，水準跟數月前品嘗有下降。大舊芝麻糕第一次買糕點係會段重量計黎收費， 好新奇呢間坤記既芝麻糕係採用舊式80年代既製作方法，佢地係會磨米漿加入糕點， 每到舊糕點會變得更加有咬口， 食落超級痴口好得意同我地一般食到既芝麻糕真係有明顯既分別， 芝麻味算濃味道唔會過甜， 一舊芝麻糕有7層， 我真心幾中意呢間既芝麻糕呀

經過深水埗 ，聽講坤記好出名賣糕點，所以買嚟試下， 舖頭係好舊式，地方唔係好大， 食物都冇標價錢，諗住D舖仔價錢都唔會好貴，原來砵仔糕要9元一個，其他嗰兩隻糕，店員拎去磅，原來價錢係計重量，兩件都唔係好大件，仲細過一包細紙包飲品，都收 15蚊件，其實糕點都算貴。🙄 不過諗住出名，未食過就試下啦。雜豆糕味道都可以，芝麻糕就麻麻，同埋係實咗啲。個砵仔糕都好一般，所以有啲失望。😒

今天買了一個砵仔糕及三個芝麻糕，對上一次買已經一年前的事，當時還很好味，很值得這個價錢，但今天買嘅砵仔糕，品質就好似$10三件，我都不知道自己在吃什麼，完全沒有味道，完全沒有當年砵仔糕嘅味道。芝麻糕亦不及以前香，以前可以一層一層吃，現在完全黐埋一舊，口感完全跟以前完全兩回事，現在吃一啖已經不想再吃，四件糕一共買咗$51，真係浪費金錢，山長水遠專登去買，浪費時間，以後都不會再幫襯，肯定整糕點的師傅轉了人，失望。