貴麻橋咖喱屋

Open Now

Now Closed

本人與同事一起食晏共2人, 由原本座4人A枱, 轉到2人B枱都沒大問題.因它的地方有限,再次要求我倆再轉2人C枱. 其實已經不太想, 心諗食晏食到轉3次枱你話煩唔煩, 店員又不是太好禮貌. 我地都好心轉了枱. 就坐下來不久剛點好菜, 突然"砰"一聲,店員手上放滿咖哩的碗碟打倒在地上, 不幸的我全身背後都是咖哩. "簡直想剎死佢". 竟然果個不知所謂的店員,簡直孚顯了兩句的"對不起"就了事. 我簡直火燒上心,又忍不住都要丙佢兩句, 佢先拿了濕紙巾給我抹,心想下午還要返工, 攪到我成餐飯簡直一肚氣. 估不到一個午飯可以另我有這慘痛經歷. 由一身清潔粉藍外套變成一個充滿咖哩的咖哩人.這間店舖我發誓一世都唔會再幫襯. 況且佢d食物質數都係一般貨. 唔去都唔會有選失!

很喜歡這裡的咖喱羊腩，但食多兩次就缺乏新鮮感，所以也有一段日子沒有再來；早幾日剛好在附近經過，忽然又想起，便決定再來食，看看有沒有退步先。本來打算每人自已叫一個咖喱飯食，但老闆忽然和我們說，這裡的豬潤湯很出色，叫我們可以考慮試一試；考慮完後，便決定叫一窩來試試看，另再叫一個咖喱羊腩配法包和一個法式沙翁。豬潤湯- 豬潤爽口又香豬潤味，加上豆腐筒、鲍如菇、皮蛋等材料、的確非常出色，什至比起深水[ X記]更加出色；但只得兩個人飲，就好像比較大窩了。價錢唔貴又出色的豬潤湯，實在值得推介！咖喱羊腩配法包- 見早前食了某食店的小辣都可以接受，今次就試試中辣，看看自已是否可以更進一步；但可能因為實在太辣，只感到羊肉很肥美嫩滑，味道完全食唔到；之後還越食越辣，只好立刻叫杯鮮榨果汁來解解辣，認真失敗。看來自已還未係時間，昇級食中辣！法式沙翁- 果汁未能完全解辣、就決定叫這個甜的沙翁來看看，果然幾有效，食完不久後，便舒服很多了只可惜食物選擇比較少，如不是相信會更加吸引。

尋晚到荔枝角等男友放工，周圍行睇下有咩新奇正野食，俾我搵到哩間，都幾偏僻，裡面得兩張枱有客．我通知男友黎哩間搵我，佢話未食過，試下喇！男友要一碗牛柏葉雞翼米通，有腐竹絲做配菜，個湯底好清淡，ｄ米通幾特別好似通粉，牛柏葉有ｄ硬，so far都唔錯，加埋杯凍檸茶，HKD29．我就食咖哩魚柳米線，有薯仔，炸魚柳，咖哩辣多少少會更正，好濃郁，加埋杯凍奶茶，HKD42．食食下兩張枱既客人走咗，之後黎左一pair客＆一個男士，哩間店鋪做ｄ返工人士生意，晚市真係好靜．我地有＜鳳凰四重奏＞做甜品，仲有一缸魚魚伴你同游．

今日放工後要自己一條友食飯，我習慣一個人都唔會食得太貴，所以就去食米線。貴麻橋其實都開了一段時間，但一直都未試過，今次就放棄了譚仔而選去這裡。細細間食店，有好大缸既金魚，亦有電視睇，都幾唔錯。這裡當然是以米線為主打。但原來除了米線外，咖哩也十分出色，我見有好多人都食咖哩配法飽，睇落水準都幾好。是晚我就只是要了米線，叫了兩款餸，分別是煙鴨胸和醬爆豬肉丸，小辣。當然唔少得飲品凍檸茶。算幾有效率，檸茶和米線都很快送上。個碗好大，還以為份量很多，但原來米線只得幾條，不過都是有水準。鴨胸幾嫩，味道唔錯；而醬爆豬肉丸亦好有口感，但只得兩粒，略嫌唔夠。辣度其實好岩我，唔會話太辣，又唔係清湯咁寡。

幫趁過兩次都係食法包, 今次就試米線.配料揀左豬潤同煙鴨胸, 有位好似係老闆既人幫我落單, 推薦豆腐筒, 見幾少有, 就加埋佢啦. 想食得清淡d, 湯底就要番清湯.米線唔係譚仔爽口果隻, 不過都唔會過腍. 個湯都ok喎, 味精應該下得不重. 煙鴨胸係一般貨色, 但撒左少少黑椒響面; 豬潤睇個樣好似好熟, 但入口爽甜, 唔錯喎; 豆腐筒就係腐皮捲成長條狀咁樣, 中間空心, 勁索湯汁, 值得一試. 碗米線本身有雲耳同菜等等配菜, 食完都幾飽.米線配一款就$16, 每加一款$3, 轉麻辣湯又係加$3, 我覺得咁既價錢黎講, 都算食得過.

在荔枝角返工，中午行到長沙灣周圍食下，都冇諗住話好好食，食得飽就算。見呢間野個招牌咁突出，就試下啦。企係門口睇水牌，老闆出來盛意拳拳推介佢個咖喱同米線。入去坐低之後，發覺午市來講咖喱餐係偏貴，最平都要四十幾元，無午市特價餐，分明個ｔａｒｇｅｔ唔係做打工仔食晏生意。算啦！咁就平平地叫碗米線啦！我地一行五個都叫左法包、米線。點野時已發覺老闆面色唔多妥，本來我地點完ｄ米線，未講嗌唔嗌野飲，佢就已經加左一句：「你地都唔嗌野飲架啦可！」，一支箭咁就走左去，好似睇死我地唔捨得加幾蚊嗌杯野飲咁。本來我地都諗住嗌下，咁ｏ既態度，就唯有唔嗌啦。等緊ｄ野來時，仲聽到佢同伙記講：「呢檯成檯都叫米線架」。等左幾個字都無野上，我地催左兩次先有。碗米線ｏ既質素：唔係差，只可以用麻麻來形容。份量偏少，湯底偏咸，我點ｏ既豆腐絲好乾。同事個個食完都話唔夠飽，有d話咸過頭。見佢煮咖喱都幾香，可能佢d 咖喱真係正o既，但幫襯過今次，我真係唔想再幫襯，唔理佢其他野有幾好食。

早前買了支新紅酒，老闆娘不停讚這支酒，又平又好飲，今日就決定開來試試。想了很久也決定不了去那裏買外賣，遠的又不想去，近的又沒有什麼好選擇，最後還是來這裏買。我們買了黑椒煙鴨胸、咖喱豬肉、迷你法式吞拿魚三文治、炸雞中翼和生咖喱鴨。黑椒煙鴨胸- 鴨胸一樣好味，配上薄薄的蕃茄，令味道更加好，價得再試。咖喱雞肉- 雞肉好嫩，咖喱汁送飯一流，薯仔又好；可惜沒有羊肉，聽說因加價太高，沒有入貨。迷你法式吞拿魚三文治- 吞拿魚味道很好，可惜法飽拿回來時間太久，變得又又韌，還是在店內吃最好味。炸雞中翼- 炸得太乾身，味道也好一般。生咖喱鴨- 雖然味道幾好，可惜比較上辣，對我來說就真係麻麻；但辣椒女就好喜歡。支紅酒真係唔錯，帶有陣陣的果香味，入口清新濃郁，又唔會好酸，真係有點齒頰留香的感覺。

離遠望見招牌, 以為食米線; 入去坐低就覺得係茶記; 上openrice寫report, 就見到原來呢間被定為雲南菜...... 其實佢menu既覆蓋範圍真係幾廣幾雜, 好似今次, 我就食左越式法包夾.其實見佢乜都有, 反而唔會太大期望. 法包夾既餡料有豬腩肉、燻蹄、肝醬、少量酸蘿蔔等. 無扎肉, 肝醬略嫌太多, 酸蘿蔔又少得可憐, 影響左味道. 不過當佢做一個特色法包三文治既話, 都唔錯架.個餐仲包一杯飲品, 可以揀果汁, 佢話係鮮搾, 我估係唔知幾耐之前既"鮮搾", 但都尚算飲得杯落, $22其實都幾抵食.第時有機會, 試下其他食友推介既咖哩先.

上星期和辣椒女兩個在家飲酒食飯。想了很久，最後決定來這裡買回家食。我們買了咖喱羊腩、咖喱雞、黑椒煙鴨胸和芝麻豬頸肉。咖喱羊腩- 忘了問他今日d羊腩唔，原來唔係好，但味道也很好；但唔又真係差少少。咖喱雞- 雞肉唔會好韌，味道也不差。*咖喱送的法包，因回到家已一段時間，完全唔熱，變得好韌，下次還是叫飯好d。黑椒煙鴨胸- 煙鴨胸比想象中好，可以再試。芝麻豬頸肉- 外皮好脆，芝麻好香，但內裡的豬頸肉就比較一般。不過不失吧！咖喱配紅酒，真係幾好，下次也可以再試！

早幾日又和辣椒女來這裡食，我們問了他今日d羊腩唔，他告訴我話，便二話不說，先叫了一個咖喱羊腩(配香脆法包)和生咖喱鴨(配白飯)。咖喱羊腩- 有少少辣，對我來說已經差不多了。羊腩想不到真係好，又唔羶，味道又好；法包好脆，配咖喱汁又真係幾好；內裡的薯仔也好，味道也不錯。生咖喱鴨(配白飯) - 生咖喱比用椰汁開的咖喱更加辣，我就一定食不到的了，但辣椒女還覺得唔夠辣，和我真係無得比。聽她說：味道很好，鴨的度剛剛好，很入味，好有咖喱的香味，實在真係唔錯。

聽講呢間麻辣米線店賣咖喱都唔錯﹐專程前往一試。但只得我一個人﹐胃口有限﹐而因為一入門口已經充滿咖喱香﹐咖喱好講香味﹐香味做得好﹐就知道差極有限。好奇心作怪﹐所以咖喱沒有試,反而對於掛牌頭的麻辣米線心思思﹐於是就只試了一個牛肉麻辣米線。單以麻辣來說﹐是合格的﹐既麻且辣﹐中辣的程度已等如其它米線店的大辣。但整體上就只是“麻”及“辣”﹐湯底並沒有甚麼其它味道﹐配料亦只係一般﹐牛肉就更可以說是“韌”。米線算幾彈牙﹐份量亦足﹐可以加回一點分數。米線可以加錢轉套餐包飲品﹐都幾大杯﹐又怕辣又想試的﹐不妨要杯凍飲解解辣。同老闆講左幾句﹐老闆亦難得老實地說他們的米線並不特別受歡迎﹐反而咖喱先係真正主角﹐晚市的比例係10個客有9個食咖喱﹐只有1個食米線。最幽默的係鋪頭招牌依然以米線專家自稱﹐都可算係名符其實的名不符實矣。我一定會再幫襯的﹐因為呢度的咖喱點都要試一試。題外話..今晚去的時候﹐約晚上七點﹐但竟然除了我之外就只得一檯客。以一間特色食店黎講﹐冷清得有點令人意外。

辣椒女聽朋友話這店的咖喱幾好味,今晚便來試試.這裡地方比較靜,唔多人,價錢也唔貴(可能地點問題).我們本來叫了咖喱羊腩,但老闆話d羊腩未,是否須要轉其它食物;因此我改了叫一個咖喱雞球,咖喱味幾好,唔會太辣,送香脆法飽真係一流,唔錯.雞球很滑很好味.薯仔都好好味.香脆法飽真係好脆.另一個係豬爽肚'豆腐筒'煙鴨胸'通心米線,豬爽肚和豆腐筒味道只是一般;煙鴨胸就幾好;通心米線就幾特別.之後叫了兩杯咖喱,意大利即磨咖啡和俄式橘子咖啡,兩杯D味道也是麻麻地,奶味太重,唔多得.下次一定要試試那個咖喱羊腩.

今日又去開明愛醫院附近,同同事去左呢間鋪試下.我地叫左5碗米線同埋一碟蒜蓉飽.空心米線其實同空心意粉一樣,都係粗粗地,粉條中間通心,食味同一般米線冇分別.方面分量的確比較少,總結評語如下:竹笙煮得太鹹,腩肉有味道但太肥(一半以上肥肉!),金菇,蒜蓉飽及槳爆肉丸一般,鴨胸肉最好,不"鞋"口仲好有煙薰味,不過得好薄3片唔多夠!另外碗粉分量唔多,男仔可能唔夠食!本身一碗一要16蚊,要多一加3蚊,不過如果要麻辣或酸辣湯底就要另加3蚊,要野飲要加8蚊,凍飲仲要加10蚊添! 其實加加埋埋都唔平,我地埋單都成130蚊,係呢個區來講比較貴,加上位置問題,怪唔得生意好似咁靜!

夜晚8點幾去醫院探完病後，係附近食。見到有間米線舖，仲裝修得唔錯又乾淨。除了食米線外，還有泡飯、咖哩、法式麵包、意大利咖啡，十份fusion亦多選擇，可惜過了8點(唔食咁重澱粉質)，如果唔係想試o下佢的法包，post了d相出o黎，又大又多料。米線亦有三款，有普通米線、糙米米線及通心米線，不過好似分別唔大。好欣賞個麻辣湯底，我要了中辣，係麻完之後先感覺辣，好刺激。唯一唔好係d「食送」就唔夠多。